西貢街頭越南牛肉粉

餐廳：西貢街頭越南牛肉粉地點：灣仔克街菜式：越南菜餐牌：茶市套餐有傳統撈檬，湯粉，法包，米飯，選擇都唔少。另加一。可以用優惠價錢加小食。跟餐包基本熱凍飲品，好多選擇。亦有特飲升級優惠。街頭生牛肉湯粉 $56 另加一街頭生牛肉湯粉大大碗，生牛肉好多片，生住上枱，呈粉紅色，食落非常粉嫩，唔會太薄。湯粉可選河粉，檬粉或者金邊粉。我地選左河粉，係幼身兼非常滑溜，其他配料有洋蔥圈，蔥花，同芽菜等，個湯味道都唔錯。質素係幾好。另配青檸同辣椒比你自己調味。西貢牛肉丸湯粉 $56 另加一西貢牛肉丸湯粉就一共有八粒，雖然唔大粒，不過食落非常彈牙多汁，好好味。其他配料同生牛肉湯粉一樣。可以用優惠價錢加小食。會安烤豬頸肉 加$38 另加一半分會安烤豬頸肉一共七件，非常爽脆惹味，好厚切，仲有燶邊。配菜有酸紅白蘿蔔絲，椰菜絲沙律同沙律菜。面頭加上少少脆脆。蒜蓉牛油雞翼 加$28 另加一蒜蓉牛油雞翼一客兩件，炸得脆皮而肉嫩，牛油味適中，如果蒜蓉味濃d就更好。伴有酸醃紅白蘿蔔絲，沙律菜同椰菜絲沙律解膩。跟餐包基本熱凍飲品，好多選擇。亦有特飲升級優惠。薄荷青檸梳打有好多薄荷葉，夠解渴又健康。香茅鮮橙茶叫左少甜，我覺得都夠味，茶味中帶橙香，好清新。總括而言，今餐食物都唔錯，價錢都唔算貴，茶餐份量似正餐。餐廳環境光猛乾净，座位舒服。服務員態度非常好，會主動問你要唔要碗仔同送糖比小朋友。…查看更多

餐廳服務態度非常好，一進去很快便安排了座位。我們點了生牛肉河粉和燒豬頸肉。牛肉河$75 ，這個價錢來說的話，味道十分有驚喜，湯頭濃郁，河粉夠薄，而且彈牙，生牛肉的份量很多，美中不足的是湯不夠熱，最表面生牛肉浸了許久都沒有熟。但河粉的質地和湯的味道搭救，加上辣椒的提鮮，整體而言，是會令人再光顧的味道。反而豬頸肉的話就一般般，肉質過腍，而且上菜時是冷的，便知道不是新鮮製作，但賣$90，不太值，可以不用嘗試。…查看更多

今次我哋試咗佢哋嘅燒大蝦米紙卷、特式綜合牛肉湯河粉、越式傳統街頭法包同埋蒜蓉牛油雞翼。首先，燒大蝦米紙卷嘅味道非常清新，大蝦嘅鮮甜同米紙嘅Q彈口感相得益彰，再加上啲蔬菜嘅爽脆，整體感覺好開胃。其次，特式綜合牛肉湯河粉嘅湯底濃鬱，牛肉嘅鮮美同河粉嘅滑嫩完美結合，每一口都令人回味無窮。再者，越式傳統街頭法包嘅外皮酥脆，內餡豐富，有肉有菜，口感層次豐富，令人一試難忘。最後，蒜蓉牛油雞翼嘅味道香濃，雞翼嘅肉質鮮嫩，蒜蓉同牛油嘅香味令人垂涎三尺。總括嚟講，西貢街頭越南牛肉粉嘅食物質量高，味道好，價錢合理，係一間值得推介嘅越南餐廳。…查看更多

今日收左工黎到灣仔呢道都有間好親民既餐廳，就入去試下啦。首先點左一個街頭生牛肉湯配金邊粉，金邊粉同河粉有啲似，行外人都幾難分得出。湯底都好香濃，味道都唔錯。牛肉同麵底既份量都好足夠，非常之有誠意，滿滿既愛。另一款就點左順化香茅豬扒飯，豬扒一大大塊，份量十足。重有沙律前菜同咪蛋餅，真係非常感恩。味道都唔錯。值得一試。跟餐加$12蚊可以升級特飲，今次選左珍多冰，甜度岩岩好，粒粒沙冰口感一流。另一杯就加$6蚊加餐飲，香茅蜜，甜度恰當，非常清涼。不錯既選擇。…查看更多

每次收工就會去食好食嘅慰勞自己，天氣熱好想食湯粉，所以去咗食平時去開嘅灣仔「 西貢街頭 」食越南河粉。 平時去都會吃生牛肉河，今日就想試試蕃茄蟹檬粉～佢 《 河內蕃茄蟹檬粉 $88 》送上就見到有很多蟹膏和蟹肉鋪面，又有新鮮蕃茄肉、扎肉和蟹肉丸，相當豐富。湯底有茄香又不會太過濃郁過酸，很開胃。檬粉幼身掛湯，每口都掛有蟹膏蟹肉，實在惹味！ 扎肉厚身爽口，蟹肉丸彈牙。整體加點鮮檸檬汁就更加提鮮～《 串燒雞肉濱海 $92 》雖然很飽，但還是想多吃一點！一碟4串，雞肉燒得香口入味，而濱海就像時「米粉餅」，幼身爽口，連同炸蒜片加上越式酸甜汁很惹味！ 下次再試試其他！…查看更多