西貢街頭越南牛肉粉

營業中

休息中

呢度座位勝在夠闊落， 幾個男同事坐埋一齊都ok。燒醋肉伴越南檬粉檬粉幾爽口，淋上酸酸地嘅醬汁，再配以一啲酸蘿蔔絲嚟食，都幾清爽消暑。可惜醋肉就有啲柴， 好乾身， 我覺得麻麻地， 唔太推薦。 同事話豬扒ok好食， 下次可以試下豬扒撈檬

今次👦🏻話想食越南粉，我地就來咗西貢街頭牛肉粉 食個大大份下午茶當晚餐😋 餐廳嘅環境舒適，座位寬敞。侍應哥哥仲好有禮貌咁提醒我地，仲有15分鐘就過下午茶時間，叫我地揀好就叫佢😊 🔆特色綜合牛肉粉 （生牛肉、牛腩片、牛肉丸）🔆牛肉河一向是👦🏻最愛的食物，今次一飲個湯就話好重牛骨味，超正！同埋呢度嘅牛肉唔係用肥牛，平時嘴刁嘅👦🏻，都通通食晒。🔆會安烤豬頸肉🔆豬頸肉烤得夠香口，醬汁辣辣地好好味。🔆大頭蝦膏炒芥蘭🔆超抵食，$30好大碟，仲要好夠鑊氣🔆順化香茅豬扒撈檬🔆香茅豬扒好夠香茅味，鬆化香口，配料十足，檬粉分量剛好😋🔆凍會安香茅蜜🔆香茅蜜帶有少少薑味，清新可口🤩🔆熱越南老薑蜜🔆薑味濃，配有一片青瓜，有特色👍🏻

今天想介紹一間小編經常到訪的越南菜餐廳。💁🏻‍♀️綜合牛肉湯河這道湯河配料豐富，其中包括了牛丸和生牛肉。牛丸鮮嫩彈牙，而且在湯河中煮熟後更加入味。生牛肉則帶有鮮甜的風味，給湯河增添了豐富的層次感。湯河本身的口感柔滑，搭配著鮮美的牛肉，每一口都充滿了滿足感。湯汁則是以牛骨熬煮而成，濃郁的牛肉香氣讓人難以抗拒。💁🏻‍♀️生牛肉湯河將生牛肉片加入到熱騰騰的湯河中，讓牛肉在湯河的熱力下稍微熟化，但仍然保持著嫩度和鮮美的口感。生牛肉的質地柔軟，咬下去時口感非常爽滑。搭配湯河的柔滑口感，每一口都能感受到牛肉的鮮甜。湯河本身的湯汁則是以高湯熬煮而成，濃郁的牛骨香氣和鮮甜的牛肉湯底相得益彰。

再訪西貢街頭。之前已經嚟過，食物質素有保證。今次再嚟都係叫返同一樣嘢，畢竟我都是專一的🥰 🍅蕃茄鮮蝦湯河 $82呢度嘅蕃茄湯唔係煮到爛曬與湯二合為一，而係大大舊咁上畀你。除咗有三粒非常新鮮嘅大蝦，絕對唔係雪藏之外，仲有手打鯪魚蛋、豆卜同豬紅，非常有誠意，難怪我再訪都係要食返佢。 🐂 生牛肉湯河 $65 相機食先📸 擺盤有心思，牛肉份量多，肉質鮮嫩，湯底味道啱啱好，食到雪雪聲😋😋 🧇蒜茸牛油雖翼(2件) $30炸得好酥脆, 保持肉汁。蒜蓉味出，配埋牛油極度邪惡😈 唔夠喉！ 🫖 話梅咸柑桔水(熱) 和青檸紅茶（跟餐）足料到我飲完想再加多轉熱水，仲有兩粒話梅咁多。青檸紅茶都係有誠意之作👍

如果唔係返工都唔會專登過黎食。午市生意非常好，餐廳都大多枱，唔是啲落去真係好難搵到位。越南野來來去去都係湯河同檬。我自己就鍾意吃撈檬，叫左豬扒撈檬。豬扒份量好足，見到相好多件，不過檬粉嘅份量好唔足夠，我自己唔夠飽。餐茶睇你選啲乜，冷熱同價。香茅橙茶起有驚喜，我自己本身唔好香茅，但呢杯野飲出奇地夾同好飲。餐廳價錢中規中矩，以我呢啲打工仔黎講，偶然食下ok。唔知係咪套餐嘅關係，份量偏細份，男士或要考慮加米加飯或者叫正價野食先夠飽。

喜歡他下午茶份量不會太少🧡而且供應時間蠻久，從14:00-18:00！🔸蕃茄蟹肉湯檬 $68裡面有兩顆丸子、三片札肉、還有一個蟹腳🦀️還有很多蕃茄蓉。配料都ok~ 但蕃茄超鹹🍅：0！湯底很重重重鹹。🔸生牛肉湯河 $52蠻多片牛肉，牛肉不錯！相比蕃茄湯底蠻有那麼鹹！喜歡他還有很多樣可以選，例如奧巴馬粉😍之前在越南吃過一次就愛上的美食。飲料款式也蠻多！有牛油果沙冰💚小菜加$30也有蠻大一盤的炒菜！

環境典雅舒適 座位寬闊有距離😇😇裝修非常有越南嘅感覺 有卡位坐主打越式飯類/湯河/撈檬/小食等之前有喺下午茶🫖時段嚟食超抵食人均$100食到主食+飲品 仲可以升級+小食😊晚市如果都有埋套餐可以叫會更加親民😅🐮生牛肉牛丸湯金邊粉 $79碗生牛肉牛丸湯金邊粉道經典又美味上嘅時候仲係嫩粉色 之後浸湯慢慢變熟外觀樸實無華 但係牛丸同金邊粉質感細緻生牛肉片有油香味 牛丸彈牙又鮮😀😎帶有濃郁嘅牛肉味道 金邊粉滑溜可口湯底鮮甜濃郁 落暖胃又飽肚👍🏻👍🏻🐷香茅豬扒撈檬 $72濃郁又開胃嘅豬扒撈檬😋😋豬扒色澤金黃 煎得香脆 鮮美帶點肥膏香茅嘅香味融入其中 令味道更加豐富配上酸酸甜甜嘅魚露汁 有種酸爽嘅風味更伴有生菜+青瓜絲+酸醃紅白蘿蔔絲中間加左蔥花+花生碎+青檸 撈埋一齊食好正‼️檬粉幼身滑溜有口感 夏天食真係唔錯🤩🥠清沅粉包 $65簡單卻美味嘅小食 粉包皮少少偏厚咗✨粉包煙韌滑溜 塞滿咗豬肉+沙葛+紅蘿蔔+木耳等餡料味道清爽不膩 配埋魚露汁更鮮尤其適合喜愛輕食嘅朋友😌😌

#搞串個pantry呢排天氣又濕又熱🥵，係時候又出動食啲甜甜酸酸嘅東南亞菜😋。今次嚟到一間位於 #灣仔 嘅 #越南菜 餐廳🇻🇳，食下越南湯河，同埋啲開胃小食😛。🐮特色綜合牛肉粉（生牛肉、牛腩、牛肉丸)($62)生牛肉上菜嘅時候仲係好靚嘅粉紅色😍，之後浸湯慢慢變熟。牛腩🐮食落肉質唔會黐牙，反而夠嫩😆，而且仲有油脂嘅香味。牛丸☄️都係正宗越南風、細細粒，而且肉味濃🥳。🦐海防蕃茄鮮蝦湯河 ($68)一上菜首先係聞到蕃茄湯嘅香味🍅，之後仲有好濃嘅蝦膏、甲殼味出嚟🦐，好有層次。而且河粉好索湯🍜，連帶蝦膏嘅香味每啖都充斥喺個口度👅，好正！🐥酸辣鳳爪沙律($35)好有東南亞風格🤩，真係集甜、酸、辣於一身💕。蒜蓉辣醬嘅味道好濃郁😝，每隻鳳爪都好刺激好辣🌶️，好彩我哋有嗌珍多冰🧊，可以中和下刺激嘅感覺。

香港真係好多越南餐廳 競爭好大 我好鍾意灣仔呢一間 西貢街頭餐廳 地理位置方便近地鐵站 地舖店面又好大好多位坐 感覺好舒服 而且價錢好親民 好高質素 所以我都成日嚟 坐得好舒服 裝修非常有越南嘅感覺 又有卡位坐 食得好舒服 pho粉麵價錢唔過一百蚊到就可以食到 所以覺得好抵食 今日食咗個生牛肉牛丸湯金邊粉牛肉量非常之多 湯底好鮮甜 牛骨味重 唔覺得有味精 牛丸都好彈牙好香 套餐加錢可以有個小食 芥蘭大頭蝦膏 蝦膏炒真係好香 芥蘭好新鮮感覺好健康跟餐飲品選擇好多唔知揀咩今日飲咗個 話梅咸柑桔水 感覺好解暑下火 好好飲 呢度嘢食質素好高冇得挑剔 真係值得介紹

難得早放工，喺灣仔就搵吓啲下午茶食😆呢間越南菜環境真係好有西貢碼頭feel，而且下午茶真係好抵食👍🏻👍🏻👍🏻生牛肉牛腩片湯粉牛腩片嘅份量足👍🏻湯底好入味，就咁都好好飲🤣 牛肉有薄切，有啲腩肉都有厚切，感覺幾滿足😆串燒雞肉撈檬超多唔同種類嘅配菜，拌埋一齊食好清爽✨串燒雞肉有啲咖喱醃咗喺入邊，好香口～雞肉嫩滑😋下午茶套餐仲包埋飲品～我哋揀咗好有越南風味嘅薄荷青檸檬梳打& 香茅鮮橙茶✨酸辣鳳爪沙律 入面好多配料，鳳爪啲骨去得好乾淨，但又保留嘅根 好有咬口👍🏻酸酸辣辣真係好開胃😋😋大頭蝦膏芥蘭可以揀唔同醬汁，校長好鮮甜唔會太鹹，芥蘭好爽身👍🏻

餐廳：西貢街頭越南牛肉粉地點：灣仔克街菜式：越南菜餐牌：茶市套餐有地道撈檬粉，越式湯粉類，法包，飯類，選擇都唔少。另加一。可以用優惠價錢加小食。跟餐包基本熱凍飲品，好多選擇。亦有特飲升級優惠。順化香茅牛肉撈檬 $58 另加一順化香茅牛肉撈檬大大碗，有好多牛肉，味道口感都唔錯，幾惹味。伴有生菜，青瓜絲同酸醃紅白蘿蔔絲，中間加左蔥花同花生碎，伴有青檸一件。檬粉係幼身白色，滑溜有口感，可以自己加枱上既魚露，酸酸咪咪夏天食真係最好。會安烤豬頸肉 加$40 另加一呢個會安烤豬頸肉份量係半份，一客六片，伴有酸醃紅白蘿蔔絲，墊有椰菜絲沙律，另上甜酸醬。面頭灑上脆脆。燒得外脆帶少少燶邊，肉質彈牙。鮮牛油果沙冰 加$26 另加一鮮牛油果沙冰大大杯，面頭有兩片鮮牛油果同一片薄荷葉。沙冰打得好滑，味道天然唔甜，飲落有少少冰粒有口感。鮮椰青 凍 $42 另加一鮮椰青好大個，椰汁清甜。入面好多椰肉食。總括而言食物都唔錯，價錢都唔算貴，茶餐份量似正餐。餐廳環境光猛乾净，座位舒服。

📍西貢街頭越南牛肉粉 𝑷𝒉𝒐 𝑺𝒂𝒊 𝑮𝒐𝒏 𝑽𝒊𝒆𝒕𝒏𝒂𝒏𝒆𝒔𝒆 𝑪𝒖𝒊𝒔𝒊𝒏𝒆🧭灣仔克街6號廣新行大廈C及D座地下4-6號舖人均消費: HKD75幾年前已經想試 #西貢街頭越南牛肉粉，今日機緣巧合下去左，選擇多選唔貴，但態度九流⭐️街頭生牛肉湯粉 $65𝑺𝒕𝒓𝒆𝒆𝒕 𝑹𝒂𝒘 𝑩𝒆𝒆𝒇 𝑷𝒉𝒐湯底好清，有啖啖香味，河粉夠滑又掛湯！牛肉唔算好香濃，但已經叫唔錯，係有少少似係越南街頭風味！🆗海防番茄鮮蝦湯檬 $82𝑯𝒂𝒊𝒑𝒐𝒏𝒈 𝑻𝒐𝒎𝒂𝒕𝒐 & 𝑺𝒉𝒓𝒊𝒎𝒑 𝒊𝒏 𝑺𝒐𝒖𝒑 𝑽𝒆𝒓𝒎𝒊𝒄𝒆𝒍𝒍𝒊海防番茄出名濃郁撲鼻，上枱的確有陣陣茄香，湯頭唔錯！失色係啲配菜，啲蝦黑色唔爽，影響食慾，豬紅豆卜魚腐都係麻麻哋，唔值🆗會安烤豬頸肉 $40𝑽𝒊𝒆𝒕𝒏𝒂𝒎𝒆𝒔𝒆 𝑩𝑩𝑸 𝑷𝒐𝒓𝒌 𝑵𝒆𝒄𝒌$40有半份，但都好大份，燒得有點乾，但仲算爽口⭐️椰汁珍多冰 +$12𝑪𝒐𝒍𝒅 𝑪𝒆𝒏𝒅𝒐𝒍 好香好好飲，但要少心，我大啖得濟個喉嚨凍到講癲咗質素唔太差，價錢中等啦！但服務態度不敢恭維！個個店員都會講唔該唔該，但係用極度惡劣嘅語氣，真係越食越嬲！😤#MFJ灣仔 #MFJ越南菜#mfoodjournal #food

今日去灣仔克街六號廣生行大廈嘅西貢街頭越南牛肉粉食午餐,餐廳嘅座位寬敞,約朋友一齊食個午餐,傾下偈,係一個好嘅選擇。我叫咗一個套餐，香茅豬扒湯粉加一杯香茅鮮橙茶，還加添咗馬拉盞炒芥蘭，覺得好滿足，吃得好飽。豬扒入味大大件，煎得香，河粉大大碗，非常飽肚又爽滑。馬拉盞芥蘭炒得青翠微辣，非常之開胃。香茅鮮橙茶有一片薄荷葉，顏色好靚而且有淡淡嘅橙味非常之解渴。朋友叫咗香茅牛肉飯，蒸粉包同埋脆春卷，又叫咗話梅鹹金桔水。香茅牛肉同樣入味，夠淋，分量唔少呀！仲有兩塊煎蛋，味道好，分量又多。朋友鍾意食越南春卷，剛剛炸嘅春卷又熱又脆，裏面有好多餡。蒸粉包的粉皮煙煙韌韌，裡面有豬肉木耳紅蘿蔔等。呢度嘅食物分量係非常之夠。話梅鹹金桔水係朋友嘅摯愛，潤喉酸酸甜甜，她十分欣賞。

西貢街頭地址：灣仔克街6號廣生行大廈C及D座地下4-6號舖Shop 4-6, G/F, Block C & D, Kwong Sang Hong Building, 6 Heard Street, Wan Chai個招牌大大個餐廳名好吸眼球, 食越南野, 晚餐本身未決定好吃什麼, 望一望MENU 有飯有湯河、撈檬同小食, 計一下DINNER AROUND $100一個人都OK完全是抵食過去茶餐廳點碟頭飯,$80香茅豬扒飯, 豬扒好味, 泛著油光同有香茅味, 仲有蔥油用來撈飯超問胃好食。個蛋餅是豬肉碎加粉絲，很好吃 越南滴漏咖啡 $30, 就是COFFEE加煉奶，會攪均來喝的叫了一個順化湯檬 $85牛丸牛肉札肉片。同食慣的火車頭有點似，湯檬很好吃，滑入肚是速食好選擇, 加上佢唔貴, 食物定價也是很街坊平民, 如果DINNER 有一人SET 就更好啦, 散點飲品都不便宜。

今日要去灣仔做嘢，做完嘢就喺附近食埋午餐先返公司，行經克街見到呢間越南菜就入去食個粉。保寧雞絲扎肉湯檬呢個湯底係鮮雞湯，濃郁鮮甜，雞絲嫩滑，扎肉彈牙，檬粉入口爽滑。越式傳統街頭法包法包外脆內軟，入口煙韌，入面夾住腸仔，豬肉，豬肝醬，加左芫茜味道清新。店員仲會詢問我地想切2份定3份，咁就方便進食。會安烤豬頸肉豬頸肉肥瘦適中，好有咬口，入口唔肥膩。話梅咸柑桔水酸酸甜甜好解渴。會安香茅蜜香茅氣味清香，味道甜甜地，飲落十分舒服。