西貢街頭越南牛肉粉

營業中

休息中

今日行過克街就入左一間越南餐廳食野。裝潢以淺藍色為主調，天花板有四部裝式風扇燈和在半空吊著多棧越南式嘅圓椎形吊燈，很有越南 feel。坐位大都是卡位，座位濶落，坐得好舒服。今次嗌左兩份下午茶：✨️《生牛肉湯金邊粉》$52薄薄牛肉共有三片，很嫩滑。湯底不太油腻，配以洋蔥、香葉來食非常香口。✨️《牛肉渴金邊粉》$50共有六細細粒Q彈嘅牛肉，一啖一口 ~ 很容易入口。亦有回上配菜，十分可口。每碗粉都跟一小碟嘅青檸和紅綠辣椒讓你可以因應自己嘅口味來加以調味。如果再想加重口味的話，每張枱上都放有一支辣椒醬和一樽甜酸汁，隨便可以使用。📍灣仔 克街廣生行地下

果日是我第二次試呢間餐廳，因為我好鐘意食越南粉，所以決定嚟呢間食lunch，但可惜我唔識路，原來第一次的時候我是搭叮叮，所以今日我哋行咗15分鐘先到好彩，一嚟到，好快就有位，立刻叫咗生牛肉湯河、春卷同埋蓮藕餅唔洗10分鐘就送上食物，超級有效率哇個湯唔鹹，河粉好滑，牛肉嫩滑，而且個蓮藕餅真係好好食，啲春卷都好脆好好食，送上嚟嗰陣時好熱，春卷一唔小心就會食到辣到口。Lunch set 會免費包飲品，小食就要另外加錢，但因為我太肚餓，所以我當然加埋小食啦（但係最尾食唔晒碗河粉）超滿足哇！

西貢街頭灣仔克街6號廣生行大廈C及D座地下4-6號經開灣仔老友推介地道越南菜，牛肉湯河粉同小食都好正，有驚喜！😺綜合牛肉湯河粉 ( 生牛肉、牛腩片、牛肉丸)湯底鮮甜，可以直接飲用，我把湯底喝光了。面層放了香草、香蔥、芽菜和洋蔥，香氣四溢。生牛肉肉質鮮嫩，口感煙韌，高溫的湯底將牛肉煮熟得恰到好處。牛腩片很高質，牛腩和脂肪的比例夠均勻，肉汁豐富。牛肉丸爽口彈牙，肉味香濃，吃到中段可以加青檸和辣椒，味道更佳，推薦！🤤蒜蓉牛油雞翼🐰大廚即叫即炸，外層勁香脆，雞肉新鮮嫩滑，面層的乾蒜提升層次，食到停唔到，好邪惡。😈香茅鮮橙茶🍊橙茶有薄荷葉，鮮香茅，鮮橙，夏天飲一流，又香又甜，消暑解渴。😻西貢街頭 環境舒適，食材新鮮夠地道，侍應服務態度好，還會再來。😎👍🏻

行過灣仔，但又想食碗粉，同左男朋友入去食下越南野，無咁Heavy!蓮藕蝦餅:呢道菜幾有誠意，上下各一塊蓮藕夾住個蝦滑，煎到金黃金黃，食落好爽口彈牙，點埋個泰式醬甜辣甜辣幾好馬拉盞椰菜苗: 用左泰式椰菜苗既煮法，馬拉盞帶少少辣，幾惹味，唔會話有苦澀味，椰菜苗食落好爽身，唔錯👍蕃茄蟹金邊粉:蕃茄湯甜中帶酸好開胃，蕃茄湯幾濃郁，我地將檬粉改左做金邊粉😆個人好欣賞佢既扎肉，佢係豬耳扎肉，所以食落好有口感!另外，仲有2大舊蟹，好豐富牛油果沙冰:杯野飲望落色澤翠綠，飲落味道幾清新，不時飲到D牛油果果肉👍幾足料

天氣熱冇咩胃口果陣，我就鍾意食越南野😆😆今次嚟到「西貢街頭越南牛肉粉」，餐廳主打多款越南地道美食🇻🇳～～佢地的下午茶餐仲好抵食，價錢都只係$50起，包主食同飲品！一於嚟試試先！！🍝燒醋肉伴越南檬粉(奧巴馬粉) $62✨檬粉爽口彈牙，食法好似日式沾麵咁～蘸酸辣的醬汁食好開胃！！燒醋肉肉質半肥瘦🐷，啖啖油脂香！配料有醃蘿蔔絲、青瓜絲、生菜等，整體好豐富😋😋🥠西貢脆春卷 (+$22)✨另外仲加配咗款小食試試～～春卷外層脆卜卜，裡面包住滿滿的蔬菜餡料，十分香口❤️❤️🍹香茅鮮橙茶✨茶底清香，加上新鮮橙片🍊同泰國香茅，味道酸酸甜甜、好解渴！！

放工約咗媽媽嚟灣仔呢間食越南嘢喺華星冰室隔幾個舖位店員友善有禮 🥰趕唔切下午茶餐 就叫住a la carte先🔹️煲仔咖哩牛腩配法包一條法包切成三大片 法包外層好脆內裡軟熟 我唔客氣喇就成個包浸落啲咖哩度 正呀啲咖哩唔算好辣 微辣啦牛腩切到細細粒 方便食用煮得幾腍 食完唔會痴牙🔹️越南家鄉煎蛋餅媽媽指名話要食一碟有4件厚切蛋餅 蛋餅入面有粉絲 札肉 木耳 新鮮熱辣 面頭仲放咗啲蔥同蝦米仔🔹️蒜蓉魚露炒芥蘭碟菜算大碟 芥蘭亦咬到嗦嗦聲幾新鮮脆口

繼續是港島區的美食分享～ 天氣越來越熱想吃清爽一點，但最喜歡就是吃越南的撈檬或韓國的水冷麵！可惜甚少在我的生活圈內出現越南菜，難得看到越南餐廳當然要來吃撈檬啦！香茅豬扒撈檬 $56三色咸檸七 +$12（跟餐價） $30（正價）烤豬頸肉 $40（跟餐價） $90（正價）到訪時間正值下午茶時段，選一份主食搭配特飲跟小食只要一百塊左右已經吃得夠豐富，對於還未吃早餐又遲食午餐的我這個組合很可以～選了最經典的香茅豬扒撈檬，大大塊煎得金黃的香茅豬扒，配有蘿蔔絲、青瓜絲、九層塔、花生碎等，份量十足！豬扒夠香口入味還要蠻厚身啊！檬粉很好吃！柔滑還帶點米香，好像在吃幼身的米線啊～ 再加入自家製的酸辣醬汁，實在開胃又美味小食方面點了半份豬頸肉，雖說是半份不過份量不會少啊！豬頸肉烤得不會太乾身，外脆內軟，脂香彈牙，蘸甜酸醬料就更惹味了！再來一杯加入檸檬、咸柑桔及青檸的7 up，清爽解膩，天熱時最好的解暑食品也！店家雖在灣仔的內街位置看似不太便利，只是距離地鐵站5至6分鐘路程，加上四邊都有不少公司及食肆林立，其實非常熱鬧啊～ 由門面到店內的裝潢都是非常精緻且eye catching，也有越式的燈飾及牆畫作裝飾

灣仔越南菜唔少，不過呢間款式比較多，而且質素同份量都唔錯😋今日我地叫左份燒牛柳柚子沙律，燒牛柳幾香口，醬汁少許酸甜，配埋柚子沙律同醃蘿蔔，非常清新非常開胃🤤煲仔咖哩牛腩配法包🥖，牛腩好足料，而且好稔好入味，咖哩微辣，好惹味。法包真係不得了👍🏻👍🏻外層脆得嚟唔硬，而且中間好鬆軟，點咖哩汁食到停唔到口😋😋馬拉盞通菜，份量都唔少，送飯一流👍🏻。平時出街食馬拉盞通菜成日都成口油，呢度嘅通菜唔會太油膩，抵讚👍🏻👍🏻整體來講幾抵食，環境光猛，乾淨，staff都幾nice，可一可再😋

我今日去灣仔辦事，順道約同好友去位於灣仔克街6號廣生行大廈C座及D座地下4-6號舖的西貢街頭越南牛肉粉食越南菜，環境舒適，坐得舒服；餐廳服務員服務態度良好，主動介紹下午茶的點餐程序。我點左個香茅豬扒飯$58，追加蓮藕蝦餅（2件）$30，餐飲係熱老薑蜜（跟餐）； 好友點左個素扎肉撈檬$50，追加蓮藕蝦餅（2件）$30，餐飲係熱滴漏咖啡$12（跟餐）。香茅豬扒煎得外脆內嫩，好入味又好食；蝦餅好味道；素扎肉好食；滴漏咖啡香濃好飲。

Weekday lunchtime 去食，坐正喺風口位，有禮貌咁問侍應A可唔可以閂細啲個風，問完一次個風仲大咗，第二次都係有禮貌咁再問另一個侍應B可唔可以閂細啲個風，之後個侍應B用極不禮貌及凶惡嘅語氣話地下會跣唔閂得。嘢食冇乜特別，不過不失。其實大風都唔係第一日嘅問題，加碟菜或者雞翼，次次都未趕得切食完已經吹到凍曬，嘢食凍咗真係好難食。另外安排座位都奇怪，明明有兩個人對住坐嘅位，就硬係要畀四人枱然後要我哋坐埋一邊。Office區百領蚊餐lunch唔expect你要米芝蓮星級服務，但基本做人禮貌都係要有。唔會再幫襯

食物很好食，哪個檬汁我食過其他的店，都是覺得這家的汁很正統，很開胃，撞到個服務員又識英文又識地道的普通話真的好暖心🥰，是地方比較難找一點，但真的值得去試一下，生牛肉都很好食🤤

灣仔呢間越南餐廳多款地道越南菜式加上平民價格深受上班族同街坊歡迎2:00hpm後下午茶時段Tea Set 配飲品．可以追加小食性價比高✨順化香茅豬扒飯豬扒厚切啖啖肉滲出啖啖香茅味而且唔會太乾✨保齡雞絲扎肉湯粉雞絲同扎肉．配上清甜嘅雞湯底加少少新鮮青檸汁．令味道更清新✨海防蕃茄鮮蝦湯檬加入爽口嘅鮮蝦．豬紅等配料口感幼滑嘅檬粉．同新鮮嘅蕃茄湯底好夾✨青檸紅茶 ． 香茅鮮橙茶 紅茶裡面加入新鮮橙片味道鮮甜抵食滿意嘅下午茶

晚上開完OT 約埋同事在附近食越南菜這間以越南街頭小食為主，坐位都頗寛濶。順化湯檬 （牛腩片、牛丸、扎肉）充滿牛味，食落有牛腩油脂甘香，湯底香濃，牛丸彈牙，檬粉入口爽滑，扎肉切得厚身，味道不錯酸辣鳳爪沙律鳳爪非常入味，好有酸辣，食落開胃，味道清新燒大蝦米紙卷大蝦新鮮爽滑，米紙卷健康清新有營，點少少魚露同食，酸酸甜甜珍多冰用珍多冰所用綠色粉條叫珍多，清甜爽滑，好有嚼口，椰奶打得綿滑凍話梅鹹柑桔水酸酸甜甜，對食物有解油膩作用

呢間嘅下午茶款式都幾多，亦有多款小食選擇仲有多款特式飲品😍朋友叫嗰杯咖啡真係好好飲🤤食越南菜梗係要叫返碗牛肉粉🤭我就揀咗🤗ღ特式綜合牛肉粉 $62食牛肉粉重點係個湯底一定要夠熱，熱辣辣嘅湯底帶點牛肉香氣，味道好清香，入面有軟嫩生牛肉、牛味濃郁嘅牛腩片同彈牙牛肉丸😋ღ順化香茅豬扒飯 $58份量十足！豬扒炸得香口入味，再加上兩件煎蛋餅好滿足😌ღ馬拉盞炒芥蘭 $30每個套餐可以加錢要一款街頭小食，平時少食菜，叫咗份炒芥蘭夠晒鑊氣，好惹味ღ越南雞蛋咖啡+$18面頭用咗生雞蛋🥚打咗個泡沫，入口似焦糖布甸，口感香甜綿滑ღ椰汁珍多冰 +$12飲落冰凍清爽帶啖啖椰汁香

今次嚟到灣仔食下午茶揀了間越南嘢食，門面裝修都好靚顏色好出，餐廳裝修精緻，光線充足，有自來光，有卡位，下午茶都要等一陣才有位，呢度啲下午茶都抵食，仲可以加配小食生牛肉牛腩片湯河粉 - 加配 - 炸春卷(2件)食越南嘢首先就試咗佢個湯底先，湯底一啲都唔肥，食到係用牛骨淆湯底，湯底夠熱，可以將生牛肉淥熟仍然軟熟，牛腩片都炆得好淋，加埋少少辣椒落去好刺激，好正宗 😚另外加配咗炸春捲，春捲好多餡料，炸得好香脆和豐富 😆海防蕃茄鮮蝦湯檬 - 加配 - 烤豬頸肉(半份)另外叫咗個蕃茄湯底，湯底唔只得番茄還有重海鮮味，啲蝦都大大隻好彈口，另外亦配有豬紅，豆卜，魚餅，碎豬肉，餡料豐富 😋呢個餐加配咗烤豬頸肉，豬頸肉烤得好香脆，裏面好軟熟，肥瘦均勻，擺盤都好靚，還設有蘿蔔絲可以去除油膩 😄滴漏咖啡(熱) & 話梅咸柑桔水(凍)滴漏咖啡濃鬱，香滑，可以慢慢品嚐話梅柑桔水係一整粒話梅和柑桔，柑桔係全粒篤爛的，確實和外界不同