西貢街頭越南牛肉粉

營業中

休息中

琴日響灣仔接男朋友收工，經過克街見到一間岩岩裝修好既越南餐廳，就入黎試一試呢到供應既款式多，而價錢合理，難怪咁多本地人同遊客過黎幫襯～呢到供應幾款正宗辣醬，不過今次無試到啦～～男朋友就叫左牛丸生牛肉湯河，佢話呢到湯底好清甜，牛肉都好嫩滑，好味！順帶一提，呢到既香葉係幫你落埋，唔洗自己落，另外仲提供辣椒同青檸！而我就叫左保寧雞絲扎肉湯金邊粉，湯底唔係牛骨湯，而係雞湯，一樣咁正！雞絲好滑，唔鞋口，而扎肉加入左香菇，所以特別香！！甜品以香芒糯米飯作總結，如果椰漿可以再鹹少少，味道會更突出！

After a day off exploring new areas, we stopped for dinner. I noticed a new Vietnamese place when I walked by this area after work and we decided to give it a try.西貢街頭越南牛肉粉 (English name: Pho Sai Gon Vietnam Ese Cuisine) is quite a long name. Located next to the Empire Building where there also a number of other restaurants, it was fairly large and spacious with a blue color scheme.Menu is in English, Vietnamese and Chinese with photos of all the food. In the evening they have no sets and not up

呢個鋪位經常都會轉最近就開左間好令的越南餐廳裝修幾Dum本座位好舒服, 環境夠光猛不過相對, 價錢亦較貴一於試下佢價錢同食物質素成吾成正比了!個晚吾太餓叫左兩個小食同一碗麵就算呢個河粉係大雜燴, 咩牛都有湯底清甜最好食係生牛肉夠軟滑河粉份量比想像多男士們一碗都夠飽小食方面原先都幾期待芒果軟殼蟹米卷但比較清淡個人偏好炸春卷餡料夠, 炸得亦好香脆用生菜加青瓜包可以減油膩, 剛剛好大力推荐!走的時候見人食雞樣子挺不錯, 會bookmark!

今日跟老公到灣仔辦點事， 完成後驚覺我們沒有食lunch, 難怪咁肚餓喇, 咁就嗱嗱聲搵下附近有咩食醫下肚仔, 行下行下就見到呢間西貢街頭, 比佢粉藍色既門面吸引住, 就過去睇下有咩下午茶食。見到餐牌都好多選擇, 有湯河, 撈檬, 飯, 法包等等…..二話不說就入去坐, 入面裝修, 乾淨企理, 一看就知是新開張冇耐, 而且坐位都鬆動. 我地叫左一個生牛肉湯河同燒雞串撈檬. 先講講個生牛肉湯河, 個牛骨湯底, 牛味濃, 入口鮮甜, 應該下了不少功夫。另外, 牛肉也好鮮嫩, 而且份量也不少。加少少青檸同辣椒，又係另一個層次 另外個撈檬, 都不錯, 燒雞串即叫即燒, 所以好香口, 食撈檬最重要就係個酸汁,夠酸, 好合我口味呢，同其他配料都好多，感覺好健康

行完街，正是食飯時間，經過灣仔克街，見倒西貢街頭呢間舖正在試業，所以就膽粗粗入去試下 叫左個素札肉撈檬 😋😋賣相很不錯，可以按自己需要調較酸汁的份量，喜歡乾一點，定濕一點，任君選擇😎😎

放工去北角食完雞蛋仔， 夜晚去咗time Square shopping， 再去灣仔電腦商場。晚飯時間喺附近搵下有乜嘢好食， 突然發現新開的越南菜餐館😚😚😚餐廳還在試業中階段， 最鍾意試新餐廳嘅我，當然唔會放過呢個機會😄😄😄生牛肉湯河🐂、香茅豬扒撈檬🐖、 清沅蒸粉包、 3檸七喜🍋🍋🍋生牛肉湯河粉😋， 分量比我想像中的多， 牛肉數量也不少， 河粉彈牙幼滑😎， 湯頭清甜唔太鹹。 加埋 青檸檬同埋辣椒就啱啱好喇。香茅豬扒撈檬， 豬扒金黃鬆脆， 厚切豬扒 份量十足， 加上青瓜絲生菜絲蘿蔔絲， 配上餐廳嘅檬粉酸汁， 清新爽口非常開胃。清沅蒸粉包， 米漿外皮煙韌 彈牙， 粉包餡料有大大隻嘅冬菇 同埋大量肉碎， 記得要趁熱食， 凍咗外皮就會唔煙韌㗎喇。整體味道不錯， 餐廳環境舒適， 而且價錢又唔太貴， 如果有套餐就會更加好啦。

今日係灣仔上完堂，餓著嘅肚子已經咕嚕咕嚕作響，經過西貢街頭越南牛肉粉，被光猛嘅門面及特式嘅室內設計吸引，二話不說，入內光顧。餐廳內，大部分都是卡座位，我跟友人二人被安排四人卡座，非常舒適，斗笠燈飾及百葉風扇設計充滿法式越南風味。餐牌設計精美，食物選擇亦很多。朋友給我發板，點了三款食品，分別是：-🔸河內番茄蟹膏湯檬 $78番茄湯底🍅顔色鮮艷，番茄同配料份量十足，有三款扎肉、兩粒蝦丸，仲有隻蟹鉗，加上芽菜同芫茜香味，令人胃口大開。🔸芒果軟殼蟹米紙卷 $56米紙卷賣相精緻，包得厚實，芒果🥭味道香甜，軟殻蟹油份適中，加埋蘿蔔絲及生菜，食落感覺清新。🔸越式傳統街頭法包 $62法包內脆外軟，令我聯想起在越南峴港嘗過嘅街頭法包風味，法包材料包括扎肉、蔗蝦肉、沙律醬、芫茜、蘿蔔絲等，非常惹味。總括而言，餐廳環境舒適，食物味道出色，職員服務周到，值得推介。👍🏻

灣仔最近開左好多越南餐廳！今晚就嚟到克街呢間西貢街頭一試👀👀餐廳裝修幾用心，幾舒服的😀 食物方面都幾多，叫左一碗蟹膏番茄湯檬($78)🥰 首先，湯底真心幾重蟹味，又帶有番茄酸甜味🍅🍅 而且肉碎超多，啖啖都食到！仲有只蟹腳添，材料嚟講都幾足🦑🦑雞絲札肉撈檬($66)🤗 非常之大堆頭的！雞絲幾滑唔會太干，札肉亦好彈牙的🤤用左越北個種檬粉架，同平時食開透透的唔同，介乎於米粉同麵之間🥴 牛油果沙冰($38)🥑🥑 係足料的！幾creamy & 唔會落太多糖🥰🥰👍🏻

今天接男友放工，經過這間門外還寫著"試業中"的越南餐廳，以綠藍色為主調，感覺光猛寛敞，愛試新嘢的我們當然不能錯過🤫🤫🤭✨ 香芒軟殼蟹米紙卷 - $56米紙卷很足料，軟殼蟹香酥不油膩，以芒果包著整個米紙卷，吃下去口感更清新🤗而且這個份量作為餐前小吃剛剛好~✨綜合牛肉粉 - $75這是一個簡化版的火車頭湯河😂材料有生牛肉、生腩片和牛丸👦男友說最喜歡湯底入味而不會過濃，而且牛肉都很霖滑~✨河內蕃茄蟹膏湯檬 - $78一打開餐牌已經看中，果然沒有令我失望😍😍滿滿蕃茄味的湯底，蟹膏比其他餐廳份量多一點，還有一隻小蟹腳、扎肉、蝦丸等材料，抵食👍雖然餐廳還在試業中，但安排上沒有混亂，上菜速度快🙌有機會可以再來🥰

星期六去左銅鑼灣玩整蛋糕，心血來潮想去灣仔發掘下美食，就由銅鑼灣行去灣仔，沿路又八卦下咁😋 咁岩行到華x果條橫街，見到有間好光猛嘅新越南餐廳，緊係要試下啦👍🏻生牛肉牛丸河  $68去得越南餐廳必點菜式之一⭐ 食越南河第一啖都係飲啖湯試味先，西貢街頭嘅越南河湯底夠濃味，但係唔覺得太鹹同重味精，又幾唔錯！粉大大碗，牛肉同牛丸數量都夠👍🏻 如果湯可以再熱啲就更好喇!!!椰青扣花腩肉配白飯 $88見到隔離枱食好香呀，所以就俾佢吸引左又叫黎試下。啲五花腩真係好入味呀，仲食到有少少椰子味，味道係唔錯!!! 不過老實講就有啲油... 雖然知道五花腩係點都肥啲，不過又真係多左少少油😅 好彩佢有跟一杯椰青水，感覺都清新啲返少少。蒜蓉牛油雞翼 $56又係越南餐廳好食之選!!! 佢啲雞翼一上枱就聞到好香蒜蓉味喇!!! 食落非常香口仲熱辣辣添呀，真心推介呀🤪

當晚黎食，喺香港實施禁蒙面法後嘅第二日，條街冷清清，好似宵禁咁，見到鋪頭裝修都好新淨，就知道係新開。熱情果菠蘿特飲，杯嘢飲係有氣梳打加埋有果味嘅糖漿，我覺得比較細杯，唔算有咩咁特別。椰汁冰都OK嘅，又唔係好甜。蟹肉蟹膏檬粉，個湯好似好稀咁，蟹肉幾新鮮，但無乜蟹膏，份量偏少。生牛肉湯河，都係普通，唔算特別。拼盤串燒好韌，豬頸肉ok，雞翼無味。好普通，要改進一下，而且份量好少，無論係飲品同粉麵都係，要留意一下。

今日嚟到灣仔呢間食越南河粉嘅，門面乾淨光猛，睇落似乎新開。佢地有河粉，小食，魚等等等。最近經常覺得好飽肚，冇咩心機。於是叫咗兩個小吃。軟殻蟹米紙卷 $56香芒椰汁糯米飯 $48米紙卷清新新鮮，岩岩炸起脆卜卜，軟殼蟹一啖擺落口，充滿口感滿足口慾。好好味，冇叫錯。芒果糯米飯造成壽司款式， 一舊舊較容易夾起，一啖擺落口方便食又唔會黐手黐腳。新鮮芒果配清爽嘅椰子漿，輕食得來又可以飽肚。推介。令人懷念的味道。正正

今晚去左灣仔等女朋友放工，佢放工之後過黎灣仔搵我食飯。我早到左又好肚餓，所以搵間餐廳食個tea醫下肚。上網搵到灣仔區開左一間新餐廳，主打越式牛肉粉。牛肉份量好多又好嫩，牛味突出，牛肉唔會鞋口又唔乾身，份量都有好多啊！我最鐘意越南粉既牛骨湯底，牛骨清湯，入口鮮甜甘香，唔會太膩！湯底黎講算出色，超出預期。河粉好爽口，唔會太碎。湯底夠濃香，我飲哂一配！我見到餐廳新開張人客都好多，都好多人叫小食。下次再黎試過。

今日遲左收工，想快趣隨便食少少野就番屋企，免得一陣地鐵早收工無得坐。去左公司附近呢間西貢街頭，好似係新開張無耐，未食過，趁機會試一試。為求快手，叫個湯粉快趣食完就走。今日叫左個冬蔭功海鮮湯粉。賣相都幾好，有一隻河蝦。似有落足料！海鮮方面佢有河蝦、青口、魷魚。唔知放埋帆立貝夾唔夾呢？餐廳可以研究試下。至於個湯，對我黎講唔係好夠辣。可能我食得辣掛，主要飲到個湯有冬蔭功嘅酸味，辣味可以再濃少少。下次可以探索下Menu其他野食。

喜歡捐窿捐啦的我們，今日發現左係灣仔鬧市（軒尼斯道）橫街（克街）有間新開的越南🇻🇳菜館😍😍😍喜歡💕試新的我們，當然身先士卒的衝入去試啦。一入門口，見到門上張貼住「試業中 - 如有招待不周 敬請見諒」，很窩心、很謙遜、很有誠意之舉，讓人留下深刻的好印象，值得一讚👍🏻👍🏻因為新開張，餐廳用左藍綠色做主色調，裝修有格調之外，環境亦很光亮。更欣賞嘅係，餐廳有照顧到「素食者」的需要，差不多每款菜式，都加入一款「素食之選」，讓一大班朋友聚會時，也可以讓每位朋友有稱心如意的選擇。今次我地就㨂左兩款素食，試一試佢地的功力💃🏻💃🏻💃🏻