西貢咖啡餅店

營業中

休息中

西貢餅店大家無可能唔知！最出名嘅菠蘿油大家無可能唔知！睇完網上正評俾野食但負評俾服務態度，倖存者預料外賣自取先係皇道！倖存者一直都覺得菠蘿油係矛盾嘅包，因為佢考究嘅地方係對比：包括質感對比、味道對比同溫度對比。質感嘅對比指香脆菠蘿酥同軟滑牛油-呢個控制得好好，咬落啲菠蘿酥有食crunch嘅感覺，而鮮牛油嘅軟滑無可挑剔。味道對比指牛油油酥味同菠蘿包甜味嘅平衡-兩都味道都濃，但唔會話側重一邊。溫度對比指鮮牛一定要凍而菠蘿要熱（最好岩岩出爐）-呢到絕對做到冷暖要求一有新包出爐，人龍就會隨之而出現。倖存者排咗10分鐘左右。

呢間店嘅成功俾人睇到天時地利人和嘅重要十幾蚊個菠蘿包/葡tart、二十幾蚊杯black coffee,喺第二度應該出事，但喺西貢市中心，係會大排長龍。因為，喺西貢玩完活動會想食啲西貢出名嘅嘢。朋友話呢間菠蘿包好出名，於是一個人攞位，一個人排隊買嘢，排咗十幾分鐘。。新鮮出爐嘅面包嚟講，係好易好食。佢個菠蘿包係鬆化，冇臭粉味，幾乎滿分，不過盛惠$11 定$14 ，如果你都係食菠蘿包大嘅，或者同我一樣會覺得排一次就夠，好食嘅程度，係唔想企嗰十幾分鐘。葡tart好香牛油味，個so 皮好似比安德魯厚啲，個人認為薄返少少個好啲。咖啡以送口計絕對可以接受，不過$26杯filtered coffee 就。。。hm......總括嚟講，未試過係值得一試嘅。如果再入西貢，就可能未必會再排了。最後想講，樓面店員（/老闆）阿Ling小姐對客人有禮，喺咁忙嘅鋪頭居然冇向客人呼呼喝喝真係好難得。俾個like 佢。

叫左個菠蘿油，葡撻，凍冷茶，芝士火腿酥，個好似掉返轉係我求佢賣俾我咁，未食佢既野已忍唔住俾負皮，再好食都唔會再幫襯。想問個廁所喺邊，佢答我要去碼頭，我話我堂食都係? 佢先即刻改口話入面有。簡單講，唔會再幫襯

菠蘿包 講真，係好食既因為新鮮出爐同埋佢落既料都足 所以焗起好香口 而岩岩出爐就更加脆口不過以前屋企人開面包鋪 知道包既成本幾毫子就搞掂而佢賣成12蚊個... 所以性價比就...：）

賣都出哂名就可以不可一世的麵包店。菠蘿包好多油油油兼油酥味濃。質素普通不值咁貴，普通包舖水準，我覺得仲有好多好食過佢好似無咩特別，一啲都唔正。🤔好耐以前都有幫襯過，覺得閒時嘆杯野飲食個菠蘿油都算正常。但今次員工態度極之惡劣，態度不友善未試過去一間餐廳會咁🤬🤬衰。好似唔憂做咁趕客。難得入去行下，完全破壞入西貢chill既氣氛。入西貢仲有好多好食既係左近👍👍😎😎個人以後都唔會幫襯。多謝你的服務。

大家會覺得菠蘿包好食，小店除左菠蘿包，其實仲有朱古力方包、葡撻好食試過會有比較吾介紹朱古包比大家，大家以為淨係得菠蘿包出名，其實小店朱古力🍫方包比菠蘿包質素更好，試過知無介紹錯朱古力方包小店做得好軟熟，與其它麵包店比較依間方包較好食，方包帶朱古力味葡撻皮夠酥脆小店最近菠蘿包同之前比較味道無變，但包就無以前咁大個，買開會有比較另推薦小店蛋糕🍰款式多、大件吾會偏甜小店有堂食、留意假期、星期六日較人多需要排隊買包

\\ 西 貢 必 食 馳 名 葡 撻 ♥️\ 必 定 覆 桌 🤤 ｜ 菠 蘿 油 同 樣 出 色 🌟\一直bookmark咗呢間好耐🤤🤤，難得嚟到西貢，終於食到☺️；聽講假日嚟嘅話會大排長龍，當日閑日下午時段來到，超幸運地唔洗等，買埋杯野飲就可以坐低食🌟\\\\葡撻 $14鮮牛油菠蘿包 $17Tiramisu $42·葡撻同菠蘿油都係新鮮出爐，熱辣辣🤤。葡撻酥脆，具濃郁蛋香，香甜滑溜，甜度恰到好處；鮮牛油菠蘿包同樣出色🌟，牛油呈半溶狀態，包面好酥脆，甜度適中，內裡超軟熟‼️ 絕對唔係空氣包；同行友人係西貢原居民，佢話Tiramisu都係必試，價錢就有小小貴，但明顯同平時食開嘅有少少唔同，層次分明，口感滿滿，不過咖啡味就唔會好重，餅底就有少少硬。·推薦指數：★ ★ ★ ★ ★··📍 西貢咖啡餅店 (西貢)西貢海傍廣場2號金寶閣6-7號舖地下🚌彩虹黨鐵站外轉乘1A綠頂小巴🚌沙田新城市巴士總站轉乘299X九巴

朝早來到西貢，點可以唔食返個這裏馳名的菠蘿油？因為閒日，所以朝早新鮮出爐的菠蘿包包仲有好多！仲有一隻隻金黃香脆的葡撻，真係令人想一打咁買走！二話不說點了一個菠蘿油，拎上手仲係熱辣辣的！金黃香脆的菠蘿包外皮加上軟棉棉的麵包，仲有厚切的牛油，簡直邪惡非常！但因為一陣去爬獨本舟，所以肥膩一點都沒有所謂！那啖啖牛油香和菠蘿皮的香脆，簡直最佳配搭！奈何因為我已經遲到，所以冇得坐低再嘆番杯熱奶茶，感覺有點可惜～

————————————————————————下午茶食個菠蘿油加杯凍奶茶都系一個唔錯既選擇🥰✨菠蘿油 （$17）✨凍奶茶 （$23）呢間菠蘿油系西貢keep住多人排隊，因為新鮮出爐，賣完即止！而味道方面，菠蘿油外皮好酥脆，菠蘿包整得好軟熟，熱辣辣嘅菠蘿包夾住一塊鮮牛油🧈溶化系入面，不得了🤤🤤🤤🤤簡直想再來一個！而凍奶茶叫左少少甜，茶味都算濃而且帶點澀味，不錯不錯！好味指數：9/10————————————————————————🏠西貢咖啡餅店 📍西貢海傍廣場2號金寶閣6-7號舖地下#美食 #相機食先 #香港美食 #吃貨 #西貢美食 #菠蘿油 #奶茶 #milktea #hongkong #hongkongfoodie #hongkonggoodfood #food #foodssss___

IG @karlatimes卡拉👧🏻評分🌟 4.2 / 5價錢💰$14 好耐冇去澳門🇲🇴想去想去😟所以食咗葡撻啊！咁啱行過排咗1分鐘就已經買到啱啱新鮮出爐嘅葡撻 係熱辣辣嘅 即刻食好可能辣口😂幾鍾意個撻皮 佢個酥皮真係好吸引同埋脆到你...OMG超級容易整碎個皮 脆脆撻皮係厚厚嘅 唔似出邊食到嘅比較薄 之前最常食KFC葡撻 但食完呢個西貢葡撻 唔會再想食KFC(?)😚 入面嘅部分好滑脫脫咁(?詞窮/冇形容詞)而且蛋香味都幾重 正🤩

每次入西貢都一定要食呢度嘅菠蘿油同葡撻架！因為真係超級好味呀！！！😋菠蘿油呢個真係我食過最好味嘅菠蘿油！個包非常鬆軟，最鍾意包入面嘅奶香味。菠蘿皮好脆，甜度適中。最重要係佢每一次嘅包都係新鮮出爐，熱辣辣架！！大大個，真係好正！不過我就不太喜歡牛油太油膩了，所以就咁叫菠蘿包都ok架！評分：8.5/10🤩👍🏻👍🏻👍🏻價錢：$17(菠蘿油) $11(菠蘿包)😋葡撻成個酥皮非常酥脆，唔會有啲地方淋左架！蛋漿方面甜度恰到好處，好香蛋同奶味。焗得啱啱好！咁好味，真係肥啲都抵呀😂😂不過價錢就比其他地方貴啲啦。評分：8.5/10🤩👍🏻👍🏻👍🏻價錢：$14嘆埋杯凍啡，真係relax呀！我下次入西貢都一定會再食！必推薦呀！😆

The egg tarts were just lukewarm... The puff pastry was not fluffy at all, as it already hardened when I ate them.-The pineapple buns are SO DISAPPOINTING. First, they’re already cold! Not even warm!!! To give you an idea, the butter in between the buns was still solid, meaning that it had not melt! So you know how cold it was now?-Another upsetting thing is that the cookie crust on top wasn’t crunchy too!!! I think they should really reheat the buns in an oven before serving them to customers..

呢排疫情愈黎愈嚴重，大家可以bookmark定遲啲再去！🧡 呢間麵包店好出名，離遠已經見到長長嘅人龍，難得黎到當然要朝聖一下🤤 佢地嘅葡撻同菠蘿包都好多人推介，仲要係新鮮出爐添🔥🔥菠蘿包（$11）個菠蘿包係新鮮出爐，攞上手仲熱辣辣😋 仲有成隻手掌咁大添🤚 菠蘿包皮好鬆脆，甜度適中，質感比平時既菠蘿包鬆軟，但又唔會食落剩係得空氣感👍葡撻 （$14）葡撻外皮酥脆，蛋整到好嫩滑，食得到濃濃嘅蛋香同微微嘅焦糖香，但對我呢個嗜甜嘅人黎講就覺得唔係好夠甜，如果再甜啲會更加好😆整體來講都算好食（最緊要係佢真係啱啱新鮮出爐‼️）但對比出面就有啲貴啦🙈 經過嘅時候可以試吓！

呢間餅店最出名既係菠蘿包同葡撻🥧，每逢周末假日就大排長龍👭👩🏻‍🤝‍👨🏼，店外有幾張檯同埋側邊亦有個帳篷區俾客人堂食，不過記得要入店內買左野食先好坐低呀🪑由於呢日食完lunch先入西貢，菠蘿包同葡撻之間二選一就揀左個菠蘿油黎試✔️******************************✨菠蘿油 ($17)呢度塊牛油都幾厚身，選用既係普遍餐廳都用既新西蘭Anchor牌鮮牛油🧈雖然菠蘿包唔係岩岩新鮮出爐💁🏻‍♀️，但包體仍然暖暖地，未有將鮮牛油融化所以食到牛油既甜香，極之邪惡，食菠蘿油既精髓亦不過如此😈 不足之處❌係包體空氣感偏重，咬落去既口感偏淋唔夠實淨；至於面頭既菠蘿皮脆身得有如食合桃酥🍪咁，帶菠蘿皮應有既香氣但就缺少左鬆化既口感，同埋睇到夾雜唔少砂糖粒所以有d偏甜相比之下個人鐘意食 #金華冰廳 既菠蘿油多d，因為後者塊菠蘿皮真係無得輸👍🏻，而且都只係索價11蚊🙈.㊙️呢度既菠蘿油17蚊，而菠蘿包係11蚊，CP值並唔高，塊牛油6蚊相對上算係好貴💸 除非閣下非要食塊牛油不可，否則個人認為試下呢度既菠蘿包就可以👌🏻******************************👧🏻人均消費：$1

去到既時候坐左係露天位置，由於當時樓上做緊工程，間中有少量碎石跌落，比較唔安全。因為有d石仔飛左落個包到，我就問下可唔可以換過個，店員都好好人換左個新個俾我，但亦建議可以開返帳篷防止碎石跌落影響安全。菠蘿油個包可能出爐好耐而變凍左，就冇得整溶舊牛油。食落牛油還牛油個包還個包，無食緊菠蘿油既感覺。菠蘿包既酥皮係幾脆無話淋曬，但係個包就無咩味，食落都唔鬆軟。17蚊食呢個包真係唔值得！