西貢咖啡餅店

營業中

休息中

呢間店嘅成功俾人睇到天時地利人和嘅重要十幾蚊個菠蘿包/葡tart、二十幾蚊杯black coffee,喺第二度應該出事，但喺西貢市中心，係會大排長龍。因為，喺西貢玩完活動會想食啲西貢出名嘅嘢。朋友話呢間菠蘿包好出名，於是一個人攞位，一個人排隊買嘢，排咗十幾分鐘。。新鮮出爐嘅面包嚟講，係好易好食。佢個菠蘿包係鬆化，冇臭粉味，幾乎滿分，不過盛惠$11 定$14 ，如果你都係食菠蘿包大嘅，或者同我一樣會覺得排一次就夠，好食嘅程度，係唔想企嗰十幾分鐘。葡tart好香牛油味，個so 皮好似比安德魯厚啲，個人認為薄返少少個好啲。咖啡以送口計絕對可以接受，不過$26杯filtered coffee 就。。。hm......總括嚟講，未試過係值得一試嘅。如果再入西貢，就可能未必會再排了。最後想講，樓面店員（/老闆）阿Ling小姐對客人有禮，喺咁忙嘅鋪頭居然冇向客人呼呼喝喝真係好難得。俾個like 佢。