西貢咖啡餅店

營業中

休息中

難得今日入嚟西貢行山，專登中午搵呢間舖頭食葡撻同埋菠蘿包因為都出名左一段時間一直都想朝聖！可能期望太大，好失望！雖然今日星期日，好彩唔多人排隊，仲有位坐添！ 等咗大約10分鐘就有嘢食！首先講個菠蘿包係唔錯嘅，攞上手微暖應該出爐冇幾耐，面層仲係好脆口，但又唔會一咬就跌到啲碎周圍都係👍🏻👍🏻 夾件牛油系中間無得輸啦🤭🤭大大個都對得住個價錢嘅!但係個葡撻就出爐咗好耐嘅感覺，攞上手已經係凍哂，酥皮個餅皮硬到不得了，唔好話比較kf嘟，直頭係唔好食…😢中間蛋香味都夠嘅叫做補返少少分。不過就真係冇下次😖😖因為堂食所以一定要叫飲品，杯凍檸茶勁淡，似係溝咗好多水。反而今次店員嘅態度幾好，幾有禮貌👍🏻

西貢最出名嘅美食喺咩？我諗其中一樣一定係西貢咖啡餅店嘅菠蘿包，因為每次週末經過都必定大排長龍🚶🏻‍♀️🚶🚶🏼‍♂️難得今次閒日入西貢行山見到無人排隊，即刻買翻個菠蘿包先😙呢間嘅菠蘿包相比起其他麵包舖，味道係無咁甜，口感亦好扎實，唔會有個種空氣感。不過佢嘅價錢都非常進取，如果係普通嘅麵包舖，應該可以買到兩個🤣偶然經過都可以買黎食，但係要排隊 就不了🤭

呢間有好多網上推介嘅餅店，可以話喺我食過最貴但唔值嘅店，不但價錢離晒地，服務態度差，食物質素只是一般😕😕1️⃣菠蘿油（$18）的確以酥脆啲菠蘿皮同一大舊厚厚的牛油，食落係較酥脆，但老實講，佢係比自己買個菠蘿包加牛油好食，味道上稍為領先其他餐廳嘅菠蘿油，佢嘅牛油較厚、新鮮熱辣出爐加上放置室温嘅牛油，但整體味道都只係一般😢考慮到性價比，$18嚟講佢又未去到值呢個價錢😕2️⃣葡撻（$15）賣相睇好好，食落都有酥皮嘅層次，但底部太厚皮變相少左蛋漿，蛋漿方面冇咁甜，香濃，而且太油，味道一般，不如他人說的驚艷😰不如連鎖快餐店賣嘅葡撻。同樣，性價比真係一般，除非好想食否則不建議買😢

前排難得入到西貢，當然一定要去覓食啦🤪！西貢最出名既掃街美食非「菠蘿🍍油」莫屬！係西貢碼頭⛵ 小巴站附近，你就會見到有一條長長人龍。無錯！大家都係度排緊呢一個菠蘿油，大約都要等十分鐘！我覺得菠蘿油味道都唔錯！排隊時候已經聞到麵包香味，令人垂涎三尺🤤。菠蘿包外層酥脆、麵包鬆軟。一咬落去，真係要小心頂層酥皮會周圍飛😂，果然新鮮出爐嘅麵包🥯特別吸引！暖暖既麵包配上一大塊牛油🧈，除左口感變得冰火交融外，味道變得更香濃🥰。雖然比較油膩同邪惡，不過我相信呢一樣正正就係港式美食吸引之處。坦白講，我覺得$18有少少貴，不過好彩味道係唔錯，所以都算合理👍🏻。經過西貢嘅朋友，不妨買一個試試！

。。———————————#西貢菠蘿油 $17⭐️岩岩新鮮出爐嘅菠蘿包 🔥熱辣辣 再加埋一塊❄️凍牛油🤤一咬落去 冰火交融入西貢必食❗️西貢咖啡餅店 (西貢)西貢海傍廣場2號金寶閣6-7號舖地下

入嚟西貢之前已經知道呢間餅店出名菠蘿包同葡撻，離遠已經見到條人龍長到轉彎。菠蘿包嘅定價一啲都唔平， 賣$12個，葡撻賣$15個。雖然人龍好長，但係師傅keep住有菠蘿包出爐，所以人龍消化得好快，只係排咗大約5分鐘就買到麵包。熱辣辣 又香又軟熟可能係用嘅雞蛋比較深色，所以菠蘿包嘅屁偏橙，菠蘿包好輕，其實有少少似空氣包，不過新鮮出爐，點都係好食嘅，餅皮唔算好甜，麵包好軟熟。葡撻又係非常之熱，熱到辣嘴，酥皮非常香脆，最重要嘅係蛋漿唔會好甜，輕易自己食咗一個。經過唔使排隊都會再買，但就唔會好食到要特登入西貢食。

1月1日和朋友去了西貢，看日落吃包🤣 我想這家餅店，愛吃的大家應該都不陌生～ 原先我都不以為然，不知道原來這個盛惠17元港幣的菠蘿包，真的有其獨特之處😋 下次還想再對著海景吃好吃的菠蘿包啊！✿ 菠蘿油 $𝟣𝟩 ☻ ☻ ☻ ☻ ☻ ☻六星的食物是很想很想再吃的意思！最出色的是那一層脆皮，一碰便碎😍😍 包體軟熟，可惜天氣冷我們又剛好碰不上剛出爐的那一盤包，包包有點冷掉，牛油可以完整一塊呈上🤤 軟滑的牛油為菠蘿包加上多一層香氣和雪糕般的口感，極度邪惡卻極為好吃😋 一個包大概有500卡路里吧🤣✿ 葡撻 $𝟣𝟥 ☻ ☻ ☻ ☻ ☻酥皮比一般葡撻薄一點，也是鬆脆好吃，一咬便碎！蛋漿很滑又不會過甜😋 肚子有空位的話也可以吃完菠蘿油後再吃一個😚

我媽咪喺呢間麵包店嘅熟客， 每星期六都會幫襯買一打葡撻同埋數個菠蘿包。 今日亦唔例外， 媽咪諗住去買， 排隊嘅時候突然之間一個女店員 問我媽咪有冇排隊，我媽媽答有， 呢個女店員竟然屈我媽咪冇排隊， 媽咪有啲嬲同佢講話咁唔買喇， 佢就答：「 你唔買，我大把客排住買！」係既係既～最多客係你， 咁巴閉你繼續趕走啲客啦。

終於都食到佢地好出名既葡撻假期行山前，特登走去買嚟試下。基本上一行到去，排2個人好快就買到。承惠每隻$14。雖然都有點偏貴，但都算大隻。葡撻蛋漿有點焦糖面，賣相幾好。蛋香味都唔錯。外皮都算香脆，仲有好多層。整體都算好食。可惜今次買到既葡撻有點凍，可能都擺左一陣。買完先見到有一盤新出爐。如果唔係應該會更好食。希望下次食到剛出爐的。另外店內其實都有好多其他選擇，只可惜剛剛食完飯能力所限。下次會想試埋另一名物 - 菠蘿油。

🇭🇰🍍<香港最好吃菠蘿包>這個去年也有介紹過，真的最好吃的菠蘿包💛😭 菠蘿油 $17依舊覺得是香港最好吃的，首先它是熱辣辣的，菠蘿脆皮微甜，裡面包體才是最特別🥺 它是軟身有小許煙韌的感覺，加上半溶掉的冰鹹牛油🧈真的來西貢要吃這個 10/10葡撻 $14之前吃過！這次偷了我朋友的吃了一口🙈 酥酥外皮配上微甜蛋餡，不錯凍奶茶 $23沒有太大驚喜，偏甜，唯有想是做完水上活動補充糖份吧🙏🏻 📍Sai Kung Cafe （小巴站附近）💰 $30pp

🇭🇰西貢咖啡餅店·西貢其實我哋都去過幾多次架啦 我自己最鍾意行去浪茄嗰條路 因為沿路既風景都超級靚 勁有歐洲個啲小島既感覺🏖我哋近排都試過係西貢行去馬鞍山 個條路都好行 不過去到馬鞍山就冇乜嘢食🤭🤭·葡撻$14係開始之前我地仲買左一個葡撻上山做甜品仔😈我覺得呢一間嘅葡撻都真係幾好食 佢個酥皮同埋個蛋都做得相當唔錯 不過$14一個真係有啲貴🙊我之前都有食過佢個菠蘿包 都唔錯既 但係我覺得葡撻出色啲📍西貢海傍廣場2號金寶閣6-7號舖地下·#rbyeat #rby好去處#rby東南亞菜 #rby港式 #rby甜品飲品 #rby西餐#rby西貢

《 西貢著名菠蘿包 》去西貢食完威士忌雪糕，就緊係要食埋菠蘿包先走喇！😋🔹 菠蘿包 $11$11 個菠蘿包可能會覺得有小小貴，但哩個包真係值哩個價。每個菠蘿包都係新鮮出爐，咬落去十分鬆軟同時菠蘿脆皮甜度適中，真係好好食架！* 如果想叫菠蘿油就要 $17 

呢間位於西貢嘅人龍餅店，出名嘅野食已經唔使多講，每次行完山、玩完水上活動後必叫菠蘿油！菠蘿包外脆內軟，配上牛油，口感味覺上都極為享受。菠蘿包賣得好快，差不多每分鐘都見師傅送上剛出爐嘅包品。萄撻都係另一個受歡迎嘅食品，但我就覺得寫澳門個兩間/kxc嘅好食啲。如果想坐低休息，就要叫野飲。今次叫左一杯熱奶茶，一杯凍奶茶。熱奶茶係茶包奶茶，一壺紅茶另配上淡奶，跟據自己喜好倒到杯內，感覺似high tea個種，可惜茶味唔出唔濃，加埋奶，似奶水多過奶茶，如果有多個茶包同茶滾啲會比較好。凍奶茶已經叫左少甜少冰，但都好甜，同熱奶茶一樣無茶味，係一杯加甜凍奶水。總睇唔推薦奶茶類，建議都係外賣菠蘿油。

又係喺西貢遊蕩嘅一日本身未諗到食咩但一落車就聽到有人講「快啲去排菠蘿包啦」好啦我決定咗第一站就係食菠蘿油一去到果然勁多人排隊條隊起碼有成40人不過都排咗10分鐘就買到個菠蘿包皮好脆呀因為疫情關係我最近都有成日喺屋企玩整麵包自己都有嘗試過整菠蘿包但係個皮就冇辦法做到佢呢種效果咁多人排隊果然有佢嘅道理塊牛油凍冰冰成1cm咁厚夾喺熱辣辣嘅包中間真係好好味見到佢啲葡撻都好吸引不過要留肚食甜品同晚飯今日就食住咁多先下次再排隊買葡撻試試

朋友話之前嚟過呢度食菠蘿油, 之後一直都念念不忘😂 所以今次嚟到西貢一定要再食😋我哋遠遠已經見到人龍排隊等緊新鮮出爐嘅菠蘿包~ 其實呢間餅店有少量嘅座位, 除咗麵包, 仲有麵同飲品等等, 不過大家主要都係買菠蘿包/菠蘿油/葡撻🍞🥧菠蘿包($11), 如果要菠蘿油($17), 店員就會即刻剪開菠蘿包攝塊牛油落去😋新鮮出爐嘅菠蘿包真係冇得輸:- 塊皮熱辣辣, 脆卜卜🤤- 包嘅部份亦都好軟熟🍞, 唯一挑剔嘅地方係我覺得佢嗰塊皮比起麵包多, 如果個包大啲就更加好~ 整體來講性價比高, 值得一試😋