蟹仙海鮮私房．蒸氣石碢 (環海大廈)

營業中

休息中

今日同我既大少出尖沙咀做野加食飯醒起朋友話之前食過依間蒸氣火鍋，話海鮮🦞勁新鮮本來一直以為食蒸氣火鍋都好貴，因為之前試過喺旺角食，差唔多每個人都要五百幾。本來都預咗差唔多要價錢所以我地最後Order左$439蒸海鮮🦞全程有店員幫手，服務都幾好珍珠蠔冇腥味及泥味，質素中規中矩而鮑魚時間掌握得很好大虎蝦肉質幾彈牙而且唔會梅，如果大隻d會更好。青口、馬刀貝貝類食落普遍無沙馬刀貝略微稍稍過熟，如果時間早一點就比較好。青口是活青口，出面比較少見到，幾鮮甜澳洲龍蝦龍蝦肉身潔白，食落口幾彈牙。大黃奄蟹全晚主打！可惜每位只有半隻超多膏，啖啖都食到蟹肉嘅鮮味，超級鮮甜最後當然少不得就係粥底啦，勁鮮甜☺️海鮮嘅精華同粥底融合完結左美滿嘅一餐。

朋友介紹及推薦尖沙咀天文台道正做五五折特價的蟹仙海鮮私房菜，嘩， 其實這一間我都心儀很久了，適逢現在做優惠，五五折咁抵食，當然安排了時間過來食。海鮮很快上枱，一大盤的海鮮，見到非常新鮮。先蒸的是台灣九孔鮑魚及大虎蝦，2個都非常新鮮又爽口！！為蒸鍋展開海鮮鮮味之旅。跟著是扇貝、大西洋野生青口及大蟶子。各款海鮮也都是新鮮及大隻鮮甜，大蟶子尤其的鮮味。今餐的主角當然是大黃奄蟹及罕有琵琶龍蝦，野生大黃奄蟹很多蟹膏，又軟又香，蟹肉鮮甜！！而琵琶蝦肉質緊緻新鮮，爽口彈牙， 肉質特別的鮮美。除以上主要海鮮外，還有紐西蘭刀貝蚌及韓國慶南珍珠蠔，及套餐還有一個潮州凍蟹，都是新鮮又鮮味，食完感覺當真高質！餐廳安排食完海鮮，跟著安排有機蔬菜籃，有生菜、娃娃菜及粟米，有肉有菜，認真食得健康，餐廳安排設想周到。最後就算食得最飽，也不可錯過這個蒸海鮮精華的粥底，粥底裏面有粟米、排骨及芋頭，吸收了蒸海鮮的精華，粥底清甜又鮮美！！最後，這個高質的蒸鍋套餐，以這個 椰汁燕窩燉官燕甜品，為這一餐高質美味海鮮蒸鍋做為圓滿結局~~~！！

曾經食過主打蟹宴嘅日式餐廳好失望，再訪蟹仙，食過幾款唔同嘅蟹，深深覺得呢個名改得好岩。凍花蟹比平時喺街市買到嘅大隻，居然媲美膏蟹咁多膏，亦到啖啖肉，有驚喜。大黃奄蟹食過咁多次水準都好穩定，爆膏大隻，甘甜一試難忘，出面海鮮酒家就咁一、兩隻已經係成個餐既價，完全值回票價。蟶子同龍蝦都令人回味，夠哂新鮮、肉質飽滿，簡簡單單蒸起已經係人間美味。 尤其鐘意龍蝦好少係出面食到呢個品種，清清地夠嫩口，斟哂豉油個d都冇點過，海鮮精華超甜。套餐仲有大蝦、蠔、元貝、青口同鮑魚，雖然都係平時食開既野，但係用料靚、火候啱啱好，食到新鮮空運嘅感覺。最後鍋底仲用咗今晚嘅精華黎煲粥，值得一讚呢間分店煲得特別甜同綿滑，菜莆切得比較碎，完全融入左粥底入面，食埋碗牛乳燕窩好完美。

今日到尖沙咀行街，晚餐上OpenRice 搜尋一下附近有何美食， 見到環海大廈的蒸鍋尊貴海鮮套餐原價$798/位，現在正做特價 $439/位，所以決定今晚食蒸鍋。坐下後餐廳侍應先將碗、碟、筷子及鉗等，先在蒸鍋上蒸進行消毒，令人食得放心。跟著蒸鍋放上一個粥底，可以一邊蒸 一邊滾粥底。餐廳先送上一個潮州凍蟹，可以一邊食一邊等蒸其他海鮮，凍蟹很鮮味， 為今餐的海鮮蒸鍋展開序幕！跟著海鮮盤陸續上枱，先蒸的是越南大虎蝦，蒸鍋非常好，附有調教蒸的時間，令菜式蒸得不會老剛好熟。 大虎蝦蒸得剛好熟，肉質爽口味道鮮！扇貝大大隻，食落啖啖肉，味道鮮甜！罕有大黃奄蟹大黃奄蟹很大隻， 侍應告訴我們這是野生的大黃奄蟹，黃色的蟹膏又軟又香，不用點醬汁，蟹肉勁鮮甜！！罕有琵琶龍蝦 琵琶龍蝦第一次食，肉質緊緻，爽口鮮甜，侍應教我們如何取出整半邊琵琶龍蝦的肉，不用點醬汁，已食到琵琶龍蝦特別的鮮甜味！台灣九孔鮑魚台灣九孔鮑魚很大隻及厚肉，蒸得剛好熟，非常爽口，當真啖啖肉，又鮮味！！大西洋野生青口及大蟶子青口很大隻，平時比較少食到這麼大隻的青口，食落有少少煙韌，比平時食的特別鮮味！蟶子也是非常新鮮，爽口又鮮甜！紐西蘭刀貝蚌

今晚閨蜜請食海鮮餐慶祝我牛一我們好耐無食過蒸海鮮了，十分期待餐廳佈置比較舊，地方不太大。枱與枱之間得有點迫。有幾款海鮮套餐選擇，我們點了刁鑽海鮮套餐每人$758，星期五，六，日及公眾假期要另加每人$28。粥底及醬油每人$15。有加一收費!每枱送炸魚皮(口感鬆脆)，套餐有：蟹黃青瓜 - 第一碟已經好邪惡蟹黃好香甜青瓜爽脆大膏蟹(升級每人+$48半隻) - 侍應推薦話今日來貨的大膏蟹好靚，所以我們加錢食。原本這套餐有包黃油膏蟹及其他蟹的。不過我們覺得值得加錢，因為隻蟹真的好大隻，而且好多膏，好新鮮好好食澳洲龍蝦(刺身) - 肉質鮮甜龍蝦頭煲粥琵琶蝦 - 雖然不太大隻，但肉質鮮嫰凍花蟹 - 比較細隻，肉少鮑魚 - 新鮮，已去除內臟，易食，有咬口大虎蝦 - 好大隻，肉質新鮮爽口生蠔，月亮貝及刀貝蚌 - 鮮甜飽滿，肉厚多汁粥底 - 略遜，無味，欠鮮甜及太'傑'成個蒸海鮮過程都有專人服務，不會令海鮮容易蒸老還保留海鮮鮮味豪無疑問，所有海鮮都好新鮮今晚我們食足3個鐘叫了2渣飲品，好盡興呀!用現金賣單還會送燕窩糖水呢

喺新蒲崗分店食過返尋味，今晚黎新店試吓尊貴海鮮套餐 ($439)，朋友期待到由下晝已經留定肚，結果真係冇失望。係打冷舖食過嘅凍花蟹印象麻麻地，估唔到呢度更勝一籌。 花蟹夠大隻，勁多膏，肉質都好紮實鮮甜，並冇因為係前菜就Hea底，水準同蒸海鮮差唔多。台灣九孔鮑魚蒸得啱啱好，厚實Q彈，有鮑魚甜味，唔使點醬汁已經好夠味。越南大虎蝦以為係普通野但係好有大海蝦嘅鮮味，勁彈牙，連蝦頭都食埋。大西洋野生青口飽滿清甜，同上次一樣都係攝咗條海草，完全感覺到由大海新鮮捕獲嘅即視感。紐西蘭刀貝蚌冇貨所以轉左蟶子，好有驚喜，平時呢個尺寸厚度嘅蟶子閒閒哋都賣50蚊，性價比奇高。 冇咩可以說明，就係海鮮酒家食到最靚嘅蟶子。日本大元貝同韓國珍珠蠔平分秋色，食到啲海水味，軟滑甘香。澳洲青年龍蝦單睇肉質同光澤就已經知好食，入口同想像中一樣咁爽口彈牙，不過係食個幼嫩為主，略嫌龍蝦味偏淡。大黃奄蟹係今晚嘅重中之重，望住爆膏嘅賣相真係流晒口水，味道完全冇失望。 金黃色嘅蟹膏超級甘香鮮甜，食極都仲有，蟹肉飽滿得黎同蟹膏一齊食都唔會失色，蟹肉鮮味依然好突出。 值得一讚火候控制得啱啱好，連蟹蓋上面嘅蟹膏都仲係好嫩滑，成隻連蟹腳都啖

今日約好靚女閨蜜食海鮮🐟🦐🦀, 大家不約而同都提議食蟹, 就去左尖沙咀蟹仙, 佢主打蒸海鮮不油不燥, 即刻試下個 尊貴海鮮套餐先！奄仔蟹、饅頭蟹急不及待食奄仔蟹🦀, 好大隻, 頂角蟹膏呈金黃色, 蟹味濃郁, 令人垂涎欲滴😋！饅頭蟹都有好多蟹膏, 清甜鮮味！鮮活海鮮即叫即劏要等一陣。點咗一個脆炸魚皮🐟小食, 皮薄香口鬆脆！除咗蟹仲有蒸海鮮, 台灣鮑魚、海蝦青口、紐西蘭刀貝蚌、韓國珍珠蠔、龍蝦🦞。鮑魚煙韌有嚼口、大蜆鮮活清甜大海水味。龍蝦肉質鮮甜結實爽口啖啖肉🌈。蒸海鮮梗係唔少得嘅海鮮粥啦。加入粟米、芋頭、南瓜粒和粥, 粥底吸收曬海鮮嘅精華, 惹味十足💯！雖然已經好飽, 都忍唔住要食埋甜品椰汁雪燕，甜蜜滋潤好滿足❤️！

好鍾意食海鮮，高蛋白質，低脂肪食多啲都冇罪惡感。諗起好耐都冇食過，約咗同樣鍾意食海鮮嘅朋友，去到尖沙咀蟹仙擦返餐。第一次嚟呢度，都搵咗陣，要喺天文台道上大斜路，再轉入巷仔，就會見到。我哋揀咗每位439元套餐，今晚套餐包兩款蟹，奄仔蟹同饅頭蟹， 鍾意食奄仔蟹，蟹膏creamy😋仲有龍蝦，鮑魚，青口，虎蝦， 刀背蚌，貴妃貝，珍珠蠔同有機菜籃。海鮮基本上全部都唔使點調味料，因為原味已經好鮮甜，濃郁海水味。 有員工幫手控制火侯，拿捏得好好，全部海鮮熟度都係啱啱好，食落夠曬爽彈。食完海鮮重頭戲嚟啦，粥底吸收曬海鮮精華，又夠綿滑。😋最後仲送個椰汁燉官燕甜品， 超級滿足。👍

朋友唔想打邊爐，又未試過蒸鍋，碌碌下見到呢間蟹仙之前自己都去過唔同嘅蒸鍋，一路嘅感覺都係得個貴字，海鮮一般般，但係呢間蟹仙真係出乎意料之外！第一個意外就係個位置，差少少搵唔到，原來就係天文臺道大斜路近頂、史丹福酒店對面的巷仔第二係龍蝦！今個星期唔覺意食咗幾種龍蝦，當中都有西澳，但係蟹仙呢度的新鮮度係出乎意料！仲有兩隻做咗刺身，彈牙同鮮味都係一流另一個重點就係大奄蟹，超多羔同鮮甜肉！伙記入嚟幫手蒸的同時，介紹返餐廳的海鮮係點入貨，先返到呢啲咁極品高質的菜式~~ 今日試到呢間隱世高質海鮮蒸鍋，真係要下次要嚟！(PS伙記都好熱心爽手又醒目，enjoy）

呢晚女朋友book咗枱食蒸海鮮，嗌咗份「尊貴海鮮套餐」($439)，呢餐食材新鮮，龍蝦、鮑魚、生蠔同奄蟹都好令人印象深刻，值得一讚。.🥢越南大虎蝦彈牙爽口，蝦膏鮮美。.🥢台灣九孔鮑魚大大隻，口感十足。.🥢大西洋野生青口其貌不揚，味道普通。.🥢紐西蘭月亮貝同紐西蘭刀背蚌都好大隻，鮮味十足，唔使點豉油食。.🥢韓國慶南珍珠蠔一啲都唔細隻，新鮮嫩滑，好高質素。👍🏻.🥢深海海星斑兩個人半條，魚肉實淨。.🥢罕有大黃奄蟹好大隻，好多膏，蟹腳都好多肉，鮮味突出，完全唔需要任何調味。🤤.🥢澳洲青年龍蝦好大隻，蒸熟左之後龍蝦肉一野就起，證明新鮮肉靚。😋.同店員了解過，餐廳老闆每日揀海鮮速運到港，以呢個價錢食到新鮮而選項多嘅套餐，物超所值。👍🏻.🔹蟹仙海鮮私房．蒸氣石碢 (尖沙咀)🔹尖沙咀天文台圍2號環海大廈2期地舖

呢間海鮮蒸鍋專門店越開越多分店。佢哋主打野生海鮮，海鮮質素有保證。尊貴海鮮套餐$439/位大黃奄蟹🥢深海海星斑🥢月亮貝九孔鮑魚🥢虎蝦🥢青口刀貝蚌🥢珍珠蠔🥢青年龍蝦大黃奄蟹多羔多肉。蟹羔又滑又香，而且蟹肉仲好鮮甜。青年龍蝦肉質結實爽彈。月亮貝飽滿而且肉質有彈性，刀貝蚌肉就比較爽脆。珍珠蠔大隻又creamy。底度嘅生菜索晒蠔汁好正。食完海鮮就到豬骨粥。粥底吸收晒海鮮嘅鮮味同海水味。仲可以加菜莆、蔥花。最後仲有椰汁官燕做甜品。清新好味道😋。

餐廳店員悉心服務, 講談每個食品嘅重點, 細心與客人聆聽同溝通, 享受一個豐富嘅晚餐之餘, 體貼嘅服務真係冇得頂前菜炸魚皮非常之脆身, 又唔覺得油膩, 再加埋炸蒜令到個味道更加多層次更加香我哋點了每位四百幾蚊嘅套餐, 有精選嘅海鮮, 元貝, 刀貝, 九孔鮑魚, 珍珠蠔, 活青口, 澳洲龍蝦菲律賓黃奄蟹等基本上我都冇點過任何醬汁, 食既都係海鮮既原味, 同埋鮮味, 再加上肉質嘅新鮮程度高. 尤其是刀貝嗰個鮮甜嘅汁, 真係冇得頂, 虎蝦非常之彈牙咬落去非常的爽口九孔鮑魚嗰個q彈程度真係冇得頂, 店員嘅對時間掌握, 令到個肉質KEEP啱啱好菲律賓王奄蟹個, 蟹膏非常之creamy, 就配埋蟹肉一齊食, 真係滋味無窮活青口個感覺都幾新鮮, 原來同雪藏嘅真係與別不同, 咬落去非常的鮮嫩, 一啲腥味都冇澳洲龍蝦肉質非常之大, 店員悉心嘅時間安排, 令到個質感非常之q彈, 龍蝦殼稍後就利用於個粥底嗰度, 粥底就滲滿咗海鮮精華, 再加上龍蝦殼嘅香味, 令到粥嘅味道非常之細緻, 多層次用上珍珠米關係, 令到有豐富嘅咬口, 不錯不錯

今個星期突然好想食蒸氣海鮮火鍋就即興約左叫個fd去食見到呢個餐好似幾好好吸引就揀左佢 🦞澳洲青年龍蝦一撓就成舊肉連蝦尾了到出黎隻龍蝦好鮮甜好彈牙 無得頂大西洋野生青口強調青口係新鮮運到蒸完之後既青口令我好震驚未食過咁鮮甜彈牙既青口🍤越南大虎蝦啲蝦肉真係好正肉質都好爽脆彈牙🦪韓國慶南珍珠蠔好有海水味 好味到連d汁都飲埋肥美爽口好濃味蒸既時間拿捏得剛剛好各種貝類每一款貝類都有驚喜 絕冇失望更發現每款都無沙石 非常新鮮好爽口🦀罕有大黃奄蟹平時都好鐘意食蟹今次都無令我失望蟹肉鮮甜到不得了個蟹蓋都好正😍🍲海鮮粥底食曬咁多款海鮮之後  就到吸收曬所有海鮮精華既粥出場喇本身個粥底就有啲超甜既粟米同豬骨之後再係食龍蝦既時候店員問我地介唔介意落埋龍蝦殼入去煮原因就係想佢吸收曬d海鮮精華！果然 個粥係超級甜！仲要係鮮甜個隻！ ❣️$439套餐有9樣海鮮❣️每一樣都好新鮮好鮮甜！全程由好nice既店員服侍同介紹每種海鮮特點仲好專業咁按海鮮既濃淡鮮味去蒸咁就唔怕好濃鮮味蓋過比較淡味既海鮮最後仲送上一碗椰汁燉雪燕每位店員路過都會幫我哋又會教我地點樣起肉先唔好浪費仲請我地食新鮮炸起的魚皮整體黎講都算超值.評分時間～5

蟹仙係食蒸海鮮鍋，食海鮮最主要係食新鮮，尖沙咀這間蟹仙絕對做到，而且餐廳都好注重衛生，會先幫我地用高温蒸餐具，感覺體貼。食了尊貴海鮮套餐，非常豐富，每位400幾蚊，有人幫你處理好，幫你蒸埋！而且可以食到多款唔同種類既海鮮，確實係吸引！馬刀貝多汁鮮味，而且口感好嫩又鮮，食出原汁原味唔使加任何醬汁！虎蝦，咬開蝦頭，濃濃蝦膏香慢慢滲出，蝦肉幾彈牙又夠爽口！色澤紅潤幾吸引。九孔鮑魚，店員處理時間非常好，口感非常彈牙，鮑魚有少少差次就會變橡膠質地，但呢次完全係好正。蒸後都唔會過份縮水！size夠大隻。韓國珍珠蠔，有生菜盛住蠔一齊蒸，生蠔盛住蠔汁！一齊食非常鮮味，蠔肉嫩又鮮，肉質夠飽滿！活青口，多數食的是急凍貨，但這個活青口果然更好食，有陣陣海水咸香，而且青口肉選幾飽滿多汁，口感一流！澳洲龍蝦，啖啖肉又夠鮮，食完後龍蝦殼再放落下層既粥一齊煮，令粥底更帶鮮香！菲律賓黃奄蟹，非常好食既蟹，爆膏狀態不得了！膏香綿綿細緻， 齒頰留香！膏香在口內久而不散，蟹肉一梳梳非常鮮味。實在太正！豬骨粥底，夠香夠綿，亦都火夠味，甜得自然，有粟米， 芋頭粒，豬骨加持！更加入味。最後更有椰汁燕窩作結尾，太滿足了！整體非常好

到了餐廳後已經問好及確認蟹係活，佢地仲攞俾我睇隻蟹，我就話好肥美好生猛，我要呢隻，結果上枱嘅蟹嘅肉係「梅」嘅。條魚應該擋好咗幾日，鮑魚都唔係活嘅，唯一最新鮮嘅海鮮就係所謂大西洋青口，同埋龍蝦。鍾意食新鮮嘅海鮮會好失望。