蛇王芬

營業中

休息中

一间过份被传媒抄作的餐厅，基本上吸引遊客为主。试过招牌蛇羹味道尚算ok。糯米饭无乜特别。蛇碌四佰几味道真系好一般。雪藏野收你嚟个价钱。以上只属个人意见无野讲不推荐。

一間好貴 但係好好食ge餐廳 點左一個2人餐有1碗蛇羹 黃金蝦 荔芋滑雞煲 膶腸雞煲仔飯 是日糖水係陳皮綠豆沙 盛惠740個大洋 因為唔收任何卡 所以食到1蚊都無 記得禁左錢先好黎黃金蝦 得4隻 望落去無咩蛋黃 但食落就知真材實料 蛋黃汁收到超乾身 食上去無平日咁油 而且每隻蝦蝦頭都有小小膏 mix 左蛋黃汁真係無敵好食荔芋雞煲 芋頭夠哂粉 雞夠滑 底d汁有d 溶溶地ge芋頭 送飯食一流煲仔飯亦保持一貫高水準雖然食材不貴 但美味卻是不平凡 所以就算貴 還是值得一吃

上星期天氣持續寒冷，人人都去食碗蛇羮暖身，蛇羹唔啱我，但都嚟到蛇王芬飲個燉湯補一補😉6點幾攞位已經差唔多坐爆，都幾旺場，有燉湯有燒味有小菜，碟頭飯唔算貴，小菜就中價，都要百幾蚊一個。左邊係海底椰蘋果雪梨燉豬𦟌，右邊係蜜瓜瑤柱燉螺頭，$100一盅都幾貴，但真係好足料。蘋果雪梨係勁甜，所以我覺得蜜瓜螺頭有「湯水」嘅感覺多啲😅家鄉什菜煲，要$110，其實只係一個普通什菜煲，冇咩好挑剔。粟米石斑塊，$180，從商品說明條例生效開始，好多地方都將呢味餸改返做「粟米魚塊」算數，佢寫得石斑即係真係用斑啦😎份量都幾多，製法都係炸好先再煮個汁淋上去，上碟就仲會食到脆卜卜。個斑塊略嫌切得太薄，炸出嚟粉比較多，冇啖啖肉嘅效果。兩個人都食六百幾蚊，小菜ok啦，講唔上好出色，不過係間唔時嚟飲下湯架乍。

[ 寒冬必食 | 暖身暖胃🐍]••想同大家happy share🤗男朋友未食過，又勁抗拒食蛇，然後我威迫利誘下應承同我去食😼✌🏻去緊既途中佢想縮沙，又問可唔可以一碗兩份，又問可唔可以食左其他野先🤦🏻‍♂️-🔹蛇羹($120/碗)⭐️7/10我最期待係面頭啲脆脆😍好濃烈檸檬草味，湯底算稀(以前食過都比較杰身)🤔味道幾好，有木耳絲、大量雞絲、極少蛇肉🐍我諗一碗入面只有20分之1係蛇肉🤷🏻‍♀️只係感覺上咁貴一碗，唔足料就唔係好抵💸📌PS. 男朋友最後食得仲快過我，話要比8分😏-💡點解食蝙羹會暖？蛇羹加入行氣活血材料，蛇肉有通經絡、促進血液循環，所以食完會覺得暖身興合合🔥其實夏天都岩食架☀️可以幫助出汗同排毒💪🏻-🌚最後男朋友夜晚仲同我講，佢老闆介紹另一間蛇羹比佢🐍我地遲啲再去食，佢由原本唔肯試，到依家愛上左😚---更多食評ig: hungrykays 💁🏻‍♀️

又貴又不好吃嗎！非常失望的一餐！我和我的朋友也不會再來！$120 一碗蛇羹，裏面的蛇肉份量非常少！$150 芋頭炆雞，芋頭不見得有幾件，可能都溶化了，雞與芋頭是沒有關係的，好像是分開煮好然後放在一起而已。最慘是雞件，只有幾件，又細又嚡口！蜆蚧煎鯪魚角，不是角而是炸粉餅，不是煎的，而是炸的，而且沒有鯪魚味，魚肉水分高！只有清炒菜遠還算可以。地方狹窄，地板濕滑。服務員沒有禮貌，態度差，亦不願意幫助客人，不回答客人的提問。

原本一家人想食蛇暖暖胃，便興致勃勃到有名氣的蛇王芬食蛇，點知超級失望，一定冇下次！我地三個人點了蛇羮，蛇丸，生炒糯米飯同一蝶姜汁炒芥蘭。蛇羮一上枱就只係暖，唔夠熱，仲要全褒雞肉絲佔90%，蛇肉絲得果幾條，已經唔多高興，不過吃下去味道還OK,便算了，期待着蛇丸。蛇丸一上枱，我便急不及待夾一粒來吃，一咬，OMG, 全是豬肉！這一究竟是豬肉丸還是蛇丸？老公忍唔住問伙計：｢這是蛇丸嗎？好像全是豬肉，以前吃的不是這樣！｣伙計回答:｢一定有溝豬肉架啦！太公係度果陣係好D既。｣大佬，你收我成四佰幾伍佰蚊一蝶｢蛇丸｣都唔係俾｢豬肉丸｣人呀嘛！唯獨生炒糯米飯同炒芥蘭還可以！以後一定唔会再去！

近日天氣凍，好想補補身體，想起食蛇就揀咗蛇王芬，因為歷史悠久，讀書時去過，當時已覺得好味！我覺得這裏環境比其他食蛇的食肆乾淨同整潔好多！價錢雖然比較貴一些，但起碼坐得舒適！我們晚上六點左右去到，人流不算太多，兩個人不用搭枱，還有兩張櫈放東西！我們叫了兩碗蛇羹$120元一碗，蛇羮落足村料，味道一流！叫了一碟細腊味糯米飯$140元，已足夠兩人份量，每人有兩碗幾飯，糯米飯好香口好軟熟，不硬但好有口感，腊味好好味，但只覺花生比較少！然後我們叫了一碟上湯豆苗，菜非常嫰，好正😍！老字號食店，服務很好，職員全無架子，好有禮貌，店內還有好多小菜和燉湯，下次我一定會再來吃😍😘

香港貴為全球最長壽的地區，日本傳媒早前列出香港人的「飲食秘笈 」，其中一項就是吃蛇羹，因為蛇羹可以促進血液循環。無獨有偶，今次公司大老闆請我們去百年老店—蛇王芬吃午飯，我們這個年代真的很少吃蛇羹，今次倍感新鮮呢！門口懸掛「蛇王芬飯店」的金漆牌匾，還貼上不少雜誌訪問和報導，原來賣蛇羹的食店一律以「蛇王」為名，又長知識了！店內一張張小圓檯盡現老香港的懷舊情懷，裝潢簡樸，正如店裏的菜式，不靠冠冕堂皇的裝潢，只憑真才實味取悅客人。⭐️太史五蛇羹（細）年長的同事跟我說，由於店舖以煲湯起家，所以湯底略勝一籌。以蛇骨、北菇、果皮、雞、火腿、生薑等食材熬煮湯底，配以鮑魚絲、雞肉絲、冬菇絲、木耳絲、五種蛇肉絲等燴羹，再撒上檸檬葉和薄脆，提升鮮度，口感豐富。工序之繁複，聽到已把我嚇怕了，這滋味來得不易。品嚐起來蛇羹的味道類似碗仔翅，蛇肉與雞肉口感很相似，一般人是分辨不出的，但蛇羹那種獨有的淡淡腥味，是聞得出來的，晾在一旁的檸檬葉剛好中和了這味道。除了蛇羹，老闆隨便指滑餐牌幾下，就點了好幾道菜，一看就知道他是這裡的熟客，席間熱情的老闆娘Gigi還坐在我身旁跟老闆談天說地。⭐️臘味糯米飯⭐️潤腸這裏的潤腸以新鮮鴨醃

冬天的時候，我好鍾意去蛇王芬開飯，它的燉湯和臘味飯簡直就是驅寒的妙品😻😻😻丨臘味糯米飯：蛇王芬出名臘味，糯米飯的臘味粒粒甘香鮮味，糯米飯一粒粒煙韌可口，臘味的味道完完全全與米飯融和成一體😻😋👍🏻👍🏻👍🏻吃完後成身暖笠笠，感覺超正❤️❤️❤️蜜瓜響螺燉湯：每盅湯都有蜜瓜、江瑤柱、響螺及瘦肉，真係超級清甜好味，直情好過我阿媽煲的湯！它不單單好味而且只是吃了幾口湯，成個身已經超暖，仲好熱添😻😻😻

嚴寒天氣下，身在海外，白雪紛飛下，朋友們説起，特別思念香港的食物，首選臘味糯米飯及菊花五蛇羮：）回港後，仍未征服時差，逕行奔往蛇王芬一慰思念之苦！份量足夠2-3人，糯米不太軟，也不太硬，恰到好處：）材料十足，亦不油膩，實在不枉此行，多走一次也值得😂個人較喜歡閠腸的甘香，不肥不腴，糯米飯以外，再加叫一條以作慰藉，仍是令人叫好：）既以蛇為鎮店之寶，到來後怎能不嚐呢？我的評價是質材俱佳，唯欠菊花，是其不足之美！但整體清香，令人吃後有著暖笠笠之感：）離港前一定要重來一次，風雪何懼⛄️，我有蛇羹😝

Coming back with a friend tonight, was suppose to be doing BBQ but I was sick so I guess it works better to get some soup instead! I had the conch meat soup with dried scallop and it was so nice, very hot since it was double boiled, and it was super sweet Veges comes next , stir fry veges cos we had too much of meat, the veges was good but I think it is a little too watery Sweet and sour pork is ordered by my friend , crispy skin with a little fat in the pork pieces, and the sweet and sour sauce

今早咁凍黎中環既目的係裕興多士，不過我地呢d遲起鳥兒，只能夠食西北風了😢只見前面有間想食好耐既蛇羹鋪。我地就二話不說入去幫襯😝掛住好多雜誌介紹既食評～始終係名牌店，蔡生推介更唔少得😆我地叫左兩樣野，一個細蛇羹（$120）一個細糯米飯（$140）蛇羹個湯頭好濃郁，但唔係杰身個隻黎，略嫌蛇肉唔夠，同埋薄脆、檸檬葉冇得refill😗😗 生炒糯米飯：估唔到咁大碟！好彩我地兩個人岩岩好食得哂，臘味好足料，同埋糯米飯好入味，食完呢兩樣野好暖胃🤤大滿足！

每次路過中環都會刻意行去蛇王芬買佢地最出位嘅膶腸，但從未試過堂食。我爸跟我一樣對鴛鴦腸情有獨鍾，因為父母長期不在港，冇人陪我一齊去食d老餅菜。今個月終於等到老爸老媽返來，於是今晚一家好有興緻來依家老舖食番餐😊多窩心❣️我地首叫左個歺，兩盅湯兩餸加個煲仔飯。講到兩個餸就梗係離不開有鴛鴦腸😅信心嘅保證。 之後再加個蓮藕鹹魚煎肉餅仔，香到口水都流晒出嚟😋我哋一家實在太鍾情於臘腸和膶腸啦，所以連煲仔飯都要叫臘味糯米飯隨後另加左個豉油王蝦同乾炒牛河。個蝦實在好肥美，肉又爽，蝦頭仲又膏又肉👍🏻乾炒牛河又真係好夠火喉，牛肉又嫩！食完呢餐真係溫暖在心頭，好有家嘅味道😍

話說 有一晚喺lkf 飲完酒 個心只有一件事 就喺好想食飯～所以就行咗去蛇王芬食宵夜😂-不要問我為何不怕肥 因為本身就已經喺肥妹🤗嚟到呢到點可以唔食佢地嘅潤腸🤤雙腸滑雞煲仔飯 一打開煲蓋 個陣飯香味令我成個人都醒神哂🤤臘腸同潤腸嘅油份完全滲哂入啲飯到 不過有啲可惜喺無飯焦😭但食落粒粒分明 口感偏硬身 喺我鍾意食嘅類型～潤腸味香濃 食落實淨唔鬆散 真係會令人想一食再食!!!!所以我地係特登嗌多兩條encore~😍結論喺雖然貴 但值得一食👅

很多人都會很怕吃蛇 除了因為少接觸蛇以外 還有就是因為對於蛇的恐懼其實現實中是很少會看到煮蛇羹的過程啦 而且其實吃下去是跟碗仔翅差不多的口感所以覺得自己身體有點虛的時候不妨去吃吃蛇羹幫補1下身體吧!!這天來到吃蛇的老店蛇王芬 說真的吃蛇羹這麼多次還真的沒來過這邊那就來試試看這蛇羹到底有什麼過人之處吧!!坐下來之後就點了1個蛇羹和臘腸潤腸飯蛇羹方面點了1碗 碗的尺寸就是普通飯碗的尺寸 哈哈看上去是有點少而且價格真的有點偏貴 但吃下去的口感是蠻好的小小的蛇羹裡吃到有雞肉絲 瘦肉絲 冬菇絲 木耳絲 蛇肉絲等等味道方面還有1點金華火腿和陳皮味 而最上面就有薄脆和檸檬草去掉腥味 整體吃下去是很有鮮甜味的之後來的臘腸潤腸飯也是1上來就充滿了香噴噴的味道 臘腸是很香口的咬下去也會有汁彈出來 每次都好喜歡咬下去第1口發出吱吱聲音的那個感覺哈哈而潤腸的部份就是咬下去是比較粉嫩的感覺 個人還是比較愛吃臘腸的味道喔吃完這1頓就感覺人是充滿了力量哈哈 難道這就是進補後的功用嗎？