蛇王娟

營業中

休息中

好耐無嚟蛇王娟了，所以今晚要嚟蛇一蛇。最愛食呢間，因為真係好足料，蛇肉、雞肉、木耳..........加埋薄脆一齊食，真係好鬼正！跟住呢碗蛇湯，可以添加的，今晚我自己都飲咗兩碗。熱辣辣好滋補，食完蛇羹同個湯成個人暖晒。生炒糯米飯，煙煙unun加埋d獵腸好香，簡直絕配。

冬天想暖笠笠, 吃蛇羹最適合不過。 雖是平日2pm, 客人來往不斷, 每個都是吃著蛇餐, 包括蛇羹, 蛇湯及瓦煲糯米飯。不夠5分鍾, 熱辣辣的蛇餐便很快送上。 蛇羹很足料, 蛇肉肥美, 入口淡淡肉, 配料黑木耳爽囗彈牙, 吃一碗已很飽肚, 不像一般碗仔翅的那麼稀。 單單一碗細小的糯米飯, 芬香撲鼻, 滿載臘腸, 花生及䓤花, 可是飯卻硬了點兒。 蛇湯味道濃烈, 不是滾湯, 應是煲了很久的老火湯吧。吃完整個蛇宴, 全身暖笠笠, 是冬天首選。

自從E-max戲院有午夜場特價之後,呢度就變成我星期五宵夜既熱門選擇,呢度既蛇羹,蛇湯,臘味飯簡直係買少見少,臘味飯飯粒分明,我最怕食腍飯,所以呢個飯就very good啦~, 蛇羹都好足料食落唔會有漿糊感覺.最印象深刻其實係個蛇湯,藥材味好濃,喝完成個人暖哂,話之佢出面得3-4度, 另一個特色係佢既蛇湯係免費添飲!而且店員好好人行過見你冇湯會主動問你加唔加多碗,非常細心.

今晚上完堂，又在《蛇王娟》燒夜。見生維炸蛇丸五粒都係$39，試吓先！坐低當然娟姐會先放下一碗蛇湯，先點炸蛇丸同蛇。蛇火同平時一樣ok，蛇丸一咬下去，有些像以前在酒樓吃的炸蝦丸，唔錯！值得一試！！

雖然話秋天食蛇先好，但今日難得經過，突然好想食就入左去！呢間之前都食過一次，記憶中係幾好的，只係因為平時吾經呢邊所以少幫襯得到！吾洗好耐我碗蛇羹就送上，大大碗，好足料，一路食，看到店員同食客吹水，傾得好開心，看來呢間都有吾少熟客！我自己一個人食著蛇羹，聽著她們閒談都感覺到店舖的親切和人情味，令環境氣氛很舒適，這是大連鎖食店搵吾到的！講返正題，蛇羹，蛇肉彈牙爽口，加左好多我喜歡嘅冬菇絲，熱辣辣，一食感覺到好補身咁！價錢又吾貴，其實仲有蛇湯可以嗌的，係店員客氣主動問我的，但一碗蛇羹都食飽我了，所以冇要到，呢間蛇王娟同我之前食完嘅感覺一樣，都係咁好，下次經過又去食先！

從未食過蛇羹,但網上飲食網站推介「蛇皇娟」既報導,加上朋友話蛇既味道好似雞,所以膽粗粗假日特登絃朋友去試,我地叫左55$B餐,我覺得蛇羹既外觀似碗仔翅,但有一種特別既味道,但對我第一次黎講都算接受到.我覺得最好味係蛇清清地無咩油小小胡椒味,唔錯

蛇羹，表面睇好似碗比較多肉既碗仔翅，內裡其實完全唔同味。身邊識欣賞蛇羹既朋友唔多，通常講起食蛇最多聽到既係"咦.. 咁核突都食.."-_-蛇羹都放唔落口的話都莫講話食火鍋白灼蛇肉，椒鹽蛇碌等等蛇菜式。但冇同好又唔等於就冇得食，獨立D自己欣賞自己食xD今次係第二次食蛇王娟，真係可以話係我食過最抵食既蛇羹。斜對面有間蛇王龐我未食過，但我食過之中又真係冇遇到過食蛇羹送蛇湯。偏偏蛇王娟就係食蛇羹送蛇湯囉。有咩正得過一坐低咩都未叫老闆娘就整碗蛇湯過你飲左先？我試過一間蛇鋪既蛇湯淡淡地似雞湯，而蛇王娟既蛇湯就好重薑味。總之一聞一飲落去已經覺得夠曬驅寒果隻xD 感覺有D似冇咁重手既藥膳薑湯之類~主角蛇羹非常足料啖啖肉，食落好似仲有少少麻油香？有人鐘意加脆脆，我就食乜都比較鐘意原味。真真假假，我唔識分真蛇假蛇，食落好味就收貨xD望落覺得碗中蛇肉有紋路就當佢係堅架啦~~ 蛇羹既野，你懂的

看見報紙報道觀塘這間叫「蛇皇娟」的蛇羹相當出名，所以特登係假日一家三口黎到，品嚐呢到既蛇羹餐！以前貪心試過一個人食細蛇羹餐，但最尾食唔哂，今次汲取教訓靜你叫一個蛇羹同一碗蛇湯。自從觀塘重建搬店後，新店環境都比往時整理，燈光較為光猛閃亮。雖然樓面面積唔算好大，店員既服務態度也不錯吧，雖然蛇皇娟算係出名有唔少人幫襯，但舖頭無因為咁而變得好高竇，店員感覺好友善同街坊feel。落單後只係大約兩至三分鐘，店員姐姐已經將蛇羹蛇湯送上，蛇羹望落一d都唔希，相當足料，蛇肉咬落好彈牙，木耳就好爽口，蛇湯就有少少辣，好開胃同暖身，食完已經好飽肚，埋單夾埋每人都唔駛 50 蚊，臨走個陣老闆仲好nice咁講再見tim，蛇羹好食之餘，仲好有小舖人情味，抵讚！

<老爸至愛消夜 - 蛇王娟>老爸又名百彈齋主，無論咩事都總要嫌三嫌四一番，買野佢食永遠都踩到一文不值，令人洩氣，唯獨呢間既蛇羹做消夜佢就最無問題。地點是觀塘宜安街既蛇王娟，佢話呢間在觀塘最出名，味道最好﹔九點半來到，竟然食蛇都要排隊，應是老闆的哥哥仔滿場飛，又收錢又攪外賣又要招呼客人同清潔，真正一腳踢，但要讚是佢待客態度殷勤，十分有禮，令人吃得開心。細蛇餐$55，有細蛇羹、蛇湯及糯米飯，算平了！蛇羹份量滿滿，湯頭濃稠，蛇肉不及佐敦蛇王恩，較韌及嚡口，始終一分錢一分貨，排除這問題加點檸檬葉及薄脆同吃亦是相當美味的﹔蛇湯任飲，是濃濃的藥材胡椒味，暖身之佳品也﹔糯米飯煮得較乾，可以更好。來這兒我習慣先喝一湯，再食蛇羹糯米飯，最尾再添多碗湯作結。吃完總是全身發滾，寒冬下每星期來這兒一次不為過吧﹗自己食完當然打包番碗俾老爸作消夜，盡點孝意嘛。小連FB: smallsmallsmalllin

幫襯咗娟姐都好多年啦，由$4x食到依家$80，不過俾咗幾次機會啦，唔會再去幫襯，因為碗野由蛇羹變雞羹，食到未夠一半就變咗成碗水，已經不是真材實料啦，把口幾好服務都好，蛇湯任飲都好，都冇哂蛇羹嘅意義啦。

踏入秋冬就好想搵野暖下個肚，前兩年開始鍾意左食蛇，一來經濟賽惠，二來食完成個人暖晒感覺好正收工之後去左裕民坊周圍行下搵野食，行行下去左宜安街，見到有三間蛇王店，醒起前年係小巴站附近食過一間好正但唔記得咩名，今日就隨機走入蛇王娟。我點左B餐，一碗細蛇羹＋一碗蛇湯＋一碗細糯米飯先講蛇羹，蛇肉大大舊，成碗都係料完全唔吝嗇！蛇肉口感似雞柳，好軟熟一啲都唔韌！基本上食完個蛇羹加蛇湯已經有少少飽！蛇湯就胡椒味好重，有少少辣辣地，應該係想辟腥味，但呢度蛇湯係可以無限refill的！！！伙記仲係咁問你要唔要refill！糯米飯相對就比較遜色，飯底有啲硬，唔夠臘味味，料都ok夠嘅，不過下次我會嗌一個大蛇羹而唔要糯米飯。呢度仲有好多其他野食，我想試下炸蛇丸！呢度仲有經濟蒸飯，三十蚊就有個蒸飯＋蛇湯＋汽水，非常超值！呢度嘅老闆伙記都非常親切，老闆娘（應該就係娟姐喇）對每個食飽嘅客人都會好有禮貌咁講拜拜，叫人如何可以不愛她呢？ 

天氣凍，又係時候食蛇羹。一條街有幾間蛇舖，今日揀左呢間。下午茶而已，食個細餐就好，餐包括細蛇羹，細糯米飯，個按人頭送上蛇湯。我地share食個餐都人人有湯飲，抵呀！蛇湯，雖然唔係好熱，但夠清不油，重葯材味。飲完無口渴，非味精湯。細糯米飯，飯上加幾片臘腸，花生，醬油，幾香口。但飯不夠淋，無糯米個種煙韌口感，同樣不夠熱，一般。細蛇羹，都幾足料，但蛇肉不多，也不傑身。味比較淡，但至少不是味精，都ok嘅。枱上有薄脆任食，但沒有檸檬草差少少。

正所謂︰秋風起，三蛇肥！Tammy Sum是時候要補一補身，蛇王娟原本是位於觀塘HSBC附近的，因重建的關係搬到宜安街。昨晚跟朋友重溫蛇王娟的味道！(A餐) 大蛇羹，小糥米飯，小蛇湯 $70(B餐) 小蛇羹，小糥米飯，小蛇湯 $47 (蛇湯是可添飲的)今次一同四人叫了兩個A餐一個B餐，從圖片中看到是大蛇羹，蛇肉的數量都算多的，不過食蛇羹的朋友要小心吃，有時會吃到小小的蛇骨的。此小店令我有一種溫暖有親切感的感覺， 可能是小時候經常會光顧的關係吧！可惜的一點是糥米飯的口感總是覺得硬硬的，好像還未煮透，但我都喜歡這個有人情味的蛇王娟！ 

前一陣子和大學同學約好去吃蛇，雖然當天天氣也接近28度，但我們還是照樣成行，一行四人浩浩蕩蕩去到觀塘的蛇王娟（本來是想吃另一家的，但因為要排隊，所以最後臨時決定改吃這家）。

幫襯了娟姐大大話話都有3幾年了,她的蛇羹出名抵食,蛇肉多價錢平而且湯係可以再添的但最近吃過好像有點兒不對勁卻又說不出來,那麼便到對面的蛇鋪吃一下別的,看看怎樣.對面的是捉蛇高手,經常在報紙上看到他,吃過他的東西,令我尋回蛇羹的味道娟姐的蛇肉,其實已沒幾年前那麼豐富,加入了很多很多的雞肉,這下子令蛇羹的鮮味不再,感覺上沒有了甜味,只是咸而已,可能是要加入雞粉吧. 真的這裡是很抵吃,而味道不錯,但卻不是在吃蛇羹一樣.