蛇王娟

營業中

休息中

店員態度惡劣！進去後看見前舖沒有太多位置，只剩下走廊位和需要搭枱 。我們便走入一點打算坐得舒服點 。一走進去坐下，點知店員叫我們坐到出面 。問為什麼不坐出面啊？出面舒服啲啊….我們不想惹麻煩便聽她說出走廊坐 。點知店員又話：坐出面啦 出面咁多位…但事實上出面已經沒有位了 。本人覺得如果我坐哪裡都不行，一開始就應該帶位吧 。而不是三番四次我們坐下後才叫我們換位置，這樣真的是非常趕客！我們覺得店員態度惡劣+無理！所以就走了！

Chef Ecy’s Dining Experience:🥰 Food | Service | Price | Easy Access | Wheelchair | Easy Parking🙂 Ambience😠 Pet Friendly | Cake Cutting Fee | Corkage Fee | Restroom CleanlinessThis small snake soup shop is located in Kwun Tong at Yee On Street. It is easy to access there by bus, minibus or MTR at Ngau Tau Kok MTR station and 6min walk from Exit A. If you drive, there are lots of meter parking along the street. They open from 10am till 4:30am. So there are many people go there at late nite whe

屋企人講咗好多次要去食蛇羹但係我就唔想食去到呢個小店本身都有啲唔好意思，淨係叫一set 店員知道我唔食蛇羹嘅反應係「多謝你」令我有點愕然可能佢會覺得我就算唔食蛇，都陪屋企人嚟食佢至少有一單生意當我哋埋單嘅時候佢又係非常之客氣由於我唔食蛇俾唔到食物嘅評價但至少如果第日有其他朋友想食蛇羹嘅話我都可以陪佢哋嚟因為呢度冇最低消費

天氣轉凍就自自然然想食蛇羹，想起食蛇羹就會嚟到觀塘呢一間，一來足料，超多蛇肉，二來食蛇羹餸蛇湯，所以真係好抵食。每一張枱都有一兜檸檬葉同埋一盒蛇羹專用薄脆，佢啲薄脆真係脆㗎，加咗又真係好食啲嘅。佢有A餐同B餐，其實都係大蛇羹或者細蛇羹再加蛇湯同埋一碗糯米飯，非常和味，不過今日因為約咗人食晚飯未夠鐘，天寒地凍先至走嚟淨係食蛇羹，冇食到糯米飯。另外佢依家仲有雞翼，印象中以前係冇嘅，下次有機會都要試下。

每年冬天心定會去食蛇羹佢地蛇羹味道剛好又足料加D脆脆真心一流我通常會點套餐細嘅今年係$83 大對我黎講又飽咗D套餐包一碗蛇湯同糯米飯糯米飯好多臘腸同足料超正蛇湯仲要辣辣地超正仲可以飲多一碗真心讚

質量大大下降，價錢不斷加，份量不斷減。未見過有一間蛇外賣是這麼細碗的。收費都要$52一碗，只有以前的三分之一，價錢不成正比。食落去也得少量的蛇肉，碗上還有隻不明物體。差👎

娟姐喺觀塘都好多年，佢嘅蛇羹味道啱啱好，雖然唔算好多蛇肉，但係口感同埋味道都好好嘅。另外仲有佢嘅臘味飯，食完真係好暖身，亦都係我喜愛嘅味道，我自己覺得呢度最有人情味嘅係蛇湯可以添飲。

蛇王娟呢間官塘老舖，一直都係揾食肥華，在冬天食蛇羮飲蛇湯嘅主場，雖然在社交平台飲食谷内，好多谷友都話此店，係用雞肉充蛇肉作羹，但肥華對呢啲謠言都係唔信，並非謠言止於智者，而係肥光顧此店多年，都滿意娟姐呢碗蛇羹嘅用料，雞肉和蛇肉的分配份量恰到好處，而且味道亦佳，所以肥華一直幫娟姐護航，力撑佢嘅蛇羹係貨真價實。可是在2月13日年初四，揾食肥華和靚媽，食過此店今日嘅蛇羹，真係大失所望，成碗蛇羹肥華衹見到，食到，大量木耳及雞肉絲，而藥材嘅味道則比之前，肥華食嘅蛇羹濃烈，反之嗰碗蛇湯，口感就似一碗淡味嘅藥材煲水，總之今日此店此兩款招牌食品，係肥華食過，最差嘅一次，所以娟姐你若再被人，封為雞肉娟，肥華都唔會為你護航！😔😔😔

雖然香港嘅冬天都遲遲都仲未到，但係都可以照樣補下身食吓蛇羹🤭今次黎到呢間老字號位於觀塘，老闆娘亦都好好人，好有人情味嘅店🫶🏻佢哋必叫嘅三寶set，有蛇羹，蛇湯，同埋臘味糯米飯，佢仲要有分A餐係大份， B餐係細份，咁視乎大家想幾補而決定叫咩餐啦🤣蛇羹係超級足料，滿滿嘅肉同料，加埋佢嗰脆片一齊食，一流🤤臘味糯米飯，入邊有臘腸，臘肉同花生，每一啖飯都炒得好香，同滲入咗臘味嘅味道👍🏻👅蛇湯亦都好大碗，味道好濃，飲完個人即刻好暖笠笠🥰如果再凍啲飲一定更正！

天寒地凍，行過有好多食肆嘅宜安街，見到有兩條長長嘅人龍喺一間舖頭門口度，就去八吓邊間有咁大嘅吸引力。原來係喺呢區好出名嘅蛇王娟。見咁多人排，我估都唔會差，一於都排番份，睇吓係咪咁正先。因為而家喺香港食碗靚嘅蛇羹都唔係咁易揾到。入到去叫咗個B餐，有碗細蛇羹、一碗糯米飯同五蛇湯。碗蛇羮非常足料，加埋檸檬葉同薄脆，成碗味道即刻提升晒。糯米飯好煙靭，有臘腸同臘肉。飲埋碗蛇湯，食到成身暖笠笠。唔怪之得有咁多人排隊喇，值得嘅。

想喺市區食蛇𡙡選擇唔多，而且買少見少，好彩觀塘呢間蛇王娟仍然屹立不倒👍🏻，我哋都幫襯咗好多年，娟姐仍然keep 得好好，密密做無停手，非常敬業樂業🫡🫡 大家要支持讓佢傳承落去！呢度必食大蛇A餐，包一碗大蛇羹、糯米飯、蛇湯，我哋兩個人share 都夠食。蛇湯可添飲，老闆好大方，見你飲曬會主動問你加唔加湯蛇羮足料，啖啖肉，天氣凍時食非常暖胃！此外，仲有客飯套餐揀，三十零蚊，非常抵呀！鹵水雞翼都係必食推介，去過你就知點解😄

始終都係個句，在其他賣蛇羮地方食一碗大蛇羹加一碗蛇湯，至少都要超過$1OO元，但在娟姐呢間趷立觀塘多年提供蛇類食品舖頭，食一碗蛇羹，就最少都飲到一碗随蛇羮附送的一碗美味蛇湯，而無論顧客所食嘅係$5O元一碗嘅細蛇羹，或$9O元一碗嘅大蛇羹，娟姐都一視同人，照送蛇湯唔會厚此簿被，12月23日揾食肥華和靚媽，見天氣寒意仍濃，就决定到娟姐處食蛇羮飲蛇湯做午餐，因今日肥華與靚媽做到此店第一枱客人，除食到一碗保持水準嘅蛇羹外，更飲到比平時美味香濃的頭鍋蛇湯，結果靚媽就飲咗兩碗，而肥華就保持水準，飲咗三碗👍👍👍

天氣凍 除左想打邊爐又到左每年食蛇羹既時候！蛇王娟 識食一定係食呢間老字號老板娘超級nice3寶 蛇羹 蛇湯 臘味糯米飯蛇羹超足料 落埋脆脆同檸檬葉 完美蛇湯超濃 飲完暖笠笠糯米飯記得趁熱食叫少樣都唔得所以有a b套餐揀a大 b細2個女仔share a餐可能夠食

寒冷的北風吹吹吹，吹我要快啲食返碗太史五蛇羹暖一暖個身。幫襯咗呢間觀塘老店好多年，好味兼足料之餘最重要嘅就係佢嘅蛇湯可以添飲唔洗加錢。係，我認我係貪心嘅，不過咁好味，貪心啲都真係情有可原。今晚叫咗個細蛇羹餐(即係B餐)，有一碗細嘅臘味糯米飯，一碗細蛇羹，再加一碗蛇湯。臘味糯米飯入面有臘腸、臘肉、花生同蔥花等，味道還可以。呢度嘅蛇羹真係好足料，睇吓幅相幾full你就知道啦。另外lemon grass同薄脆又點少得呢！今晚我一共飲咗兩碗蛇湯，第二碗仲要熱辣辣，飲完成個人即刻暖笠笠。

下個星期又開始凍啦，大家除咗要將多啲衫之外，仲要食返一碗暖暖嘅蛇羹暖胃☃️呢間小店雖然裝修好簡陋，但係疫情嘅期間都吸引好多人去食，而且老闆娘亦都好親切，經常同食客傾偈，充滿咗人情味🥰🥰套餐B（蛇羹、糯米飯、五蛇湯各一小碗）💲80蛇羹（🌟96.56/100）滿滿的一小碗，有蛇肉、木耳，雞肉絲等等，十分足料👍🏻枱面放咗醋、檸檬葉、脆脆隨便任加，一打開檸檬葉就香氣撲鼻，加入蛇羹裏面增加香氣，大大塊蛇肉清晰可見，食到最後料比湯更多🤤🤤糯米飯（🌟42.66/100）臘腸偏肥，但香氣十足，花生亦炸得好香脆，但係糯米飯別於其他店舖，只係醬油淋上面，變得吾夠入味，整體好普通🙃五蛇湯（🌟99.99/100）熱辣辣飲落去好舒服，胡椒味亦都好重，而且吾油膩，係寒冷嘅冬天飲落去即刻覺得暖粒粒。