蘇山雞飯

營業中

休息中

招牌海南雞飯配冬瓜雞雜湯 $65連熱飲幾乎是每張枱都會點的雞肉嫩滑，雞油飯入味，三款醬汁（醬油、泰式酸辣、沙薑）都很好味。鮮油咖央多士 $30連熱飲下午茶時段好抵食牛油算幾大塊，半溶牛油連咖央醬一起超好吃！

7點幾經過，本着多人排隊一定好食嘅原則，喺度食咗餐真係抵食夾大件嘅晚飯。招牌「星洲叻沙海南雞摻摻」，湯底濃郁而不膩，椰香味同香料平衡，海南雞肉嫩滑。餐+$39有2豬2雞沙嗲串燒，好香烤味，有花生沙嗲醬點一點好惹味。特飲都只係加$18當然要飲，雪糕薄荷朱古力咖啡入口濃厚，香甜咖啡配薄荷朱古力雪糕又幾清爽。另一個「獅城芽菜走地雞飯」個雞仲好食，多左雞味，嫩滑中肉質較厚實，雞皮爽脆無咩肥膏。清脆的芽菜同秘製醬料墊底，好有馬來西亞風味。伴3種醬料當中沙薑最正，而且個雞油飯真係非常出色，飯粒粒分明，雞油香滿滿。跟餐有雞雜冬瓜湯，清甜，足料；加$29有馬拉盞椰菜苗，加$9有鮮檸檬薏米水。上檯快靚正，食物新鮮，香濃得黎食完無口喝感，一定會再幫襯。

第一次食蘇山雞飯，當然係試雞飯。獅城芽菜走地雞飯，配上油飯同埋一個雞雜冬瓜湯。平時食海南雞飯通常碗湯都係冇咩味，好似烚雞水咁，但係呢個湯好明顯唔同，好足料，有啲雞腎，又有好多冬瓜，碗湯有啲喜出望外。個油飯亦都出色，有味得來唔會係油淋淋。朋友食新加坡白胡椒排骨，湯入邊除咗有幾件大排骨，仲有豆腐卜，另外有一碟好cute嘅油炸鬼。我都試咗個排骨湯，好香胡椒味。夜市沙嗲有兩串牛，兩串雞。我自己鍾意食雞，好香炭燒味。小食併盤入邊有炸蝦，豬肉串，魚餅，南乳雞翼，各兩件。全部都係香口嘢，豬肉串幾特別。我同朋友都係飲檸檬薏米水，一個飲凍一個飲熱，唔會太甜，食完炸嘢飲啲薏米水一流。我去嘅時候未到七點，入去即刻有得坐，到我走嘅時候門口竟然已經大排長龍，冇諗過一間小店咁多人排隊。所以唔想排隊嘅話就七點前去到好啲。

收工到了蘇山雞飯開餐，特登過嚟要食佢地嘅招牌火焰椰子雞煲，果然冇失望。火焰椰子雞煲（滴水不加），會用鍋盛上桌，店員在蓋面的孔山，淋了小杯的茅台酒再點火，甚有儀式感，等到倒轉的沙漏⏳完成後，再跟埋飯、豉油同調味料。煲蓋打後就噴到椰香味，即時飲番碗湯，味道夠晒清甜。雞肉亦嫩滑配飯食好捧啊。娘惹咖喱牛筋腩乾伴米粉，牛筋腩各半，筋煮得軟淋，腩位有咬口感，咖哩汁夠晒可將米粉拌勻，惹味又唔會辣，啖啖都有咖哩香味， 好讚啊。怡保芽菜，健康的芽菜條條都爽口，很正。同朋友都選了祛濕清熱的檸檬薏米水。

今次同朋友嚟到呢間星馬菜餐廳 —「蘇山雞飯」食晚飯😍😍餐廳主打各款正宗星馬風味菜式，包括海南雞飯、肉骨茶同叻沙等～已經回訪過幾次都keep住有水準！！🍱獅城芽菜走地雞飯 $95✨走地雞雞皮爽脆，肉質嫩滑多汁、雞味濃！底下仲有好多芽菜，好入味😋😋套餐會配油飯同雞雜冬瓜湯🥣，整體味道都唔錯！！🍲星洲叻沙雜錦湯飯 $88✨賣相吸引，包括有叉燒、青口、鮮蝦、魚蛋、雞蛋、豆卜等食材～～叻沙湯味道香濃，帶點椰香🥥！估唔到撈飯食都幾好味👍🏻👍🏻🥬參巴醬辣蝦醬通菜 (+$21)✨份量十足！通菜口感爽脆，配搭微辣的參巴辣蝦醬，十分惹味🔥🔥🍞鮮油咖央多士 (+$19)✨多士外脆內軟，中間夾住滿滿的牛油同咖央醬，超邪惡！每次嚟都必點🤤🤤🍨馬六甲椰子雪糕 (+$28)✨最後要試埋甜品先得～椰子雪糕味道香甜🥥，加上美祿粉同椰絲，口感層次豐富！！🍹凍蜂蜜桔仔水 (+$12)✨桔仔水酸酸甜甜🍊，入口帶點蜂蜜香～清新解渴之選❤️❤️

太子嘅蘇山雞飯搭車經過就多，成日見佢未到6點已經坐無虛席。今日終於有機會去喇餐廳好多卡位坐空間十足。牆身好有特色，最注目頭係"蘇山雞飯"四個字嘅燈牌。鮮油咖央多士： 多士賣相靚，咖央醬同大大舊邪惡鮮牛油。多士外皮香脆，咖央醬微甜而不膩，牛油香濃軟滑😋火焰醬香椰子雞窩：最有噱頭就係呢道菜！店員喺煲蓋上淋上酒再點火，瞬間煲蓋俾火焰包住，隔離枱都忍唔住望！🔥湯底係用全椰青水，味道當然清甜椰香濃郁；走地雞雞肉超多而且嫩滑多汁。🍗 仲有豉油配料點十分滿足。仲有跟大大碗油飯，不過我就食唔晒喇。😋下次女仔可以叫少飯招牌海南雞飯配冬瓜湯： 海南雞肉嫩滑，大大舊雞脾肉食真係超正。配有三款經典醬料，我就鐘意油飯味道香氣都十足。冬瓜湯真材實料，真係見到好多雞雜，味道唔錯，飲完一啖接一啖停唔到口。🍚 香茅薄荷特飲： 少見嘅一杯飲品，上枱深綠色好特別。香茅同薄荷味道清新，交織再加上汽泡超爽勁解渴🥤😋

蘇山雞飯價錢: $95/ +$10/ $70/ +$25/ +$54/ +$18好味程度: 3.7/5服務🍴: 3.7/5環境🗾: 3.4/5性價比🥢: 4/5回頭率😚: 3.7/5-有時經過彌敦道呢間蘇山鷄飯都見人排隊，今次就去試試佢。出餐速度非常快，大概$70-100就可以有個套餐。而餐廳都幾多小食同埋飲品選擇，甚至有ｄ甜品，全部都係星馬菜款。-✅獅城芽菜走地雞飯。用上走地鷄食落口感唔油膩，而鷄肉保持到嫩滑，甚至連鷄胸都唔會好鞋。淋上簡單葱油同小小炸蒜，好惹味😀底下鋪左保怡芽菜，短短一條好爽口。佢地的油係更出色！粒粒分明，帶小小黏的口感好似糯米飯咁，有辣醬、醬油超好食🤩想要多飯了～～-✅✅輕怡肉骨茶。雖然只係加＄10，但都好有誠意！有2舊好吸湯的豆噗同2舊肉排。肉排已經煲到淋曬，小小骨肉分離的感覺🤓肉骨茶走胡椒味重的路綫，帶微微當歸藥材味。口味偏辣同刺激，好暖身。-🆗排骨香辣蝦麵。湯底夠鹹，蝦味隱約隱約，無落任何椰奶所以質感比較稀身。係油麵底，夠滑。豆噗、排骨都係同肉骨茶一樣，但呢碗麵會多左2隻中size新鮮的🦐-✅麻辣玻璃魷魚通菜。加呢個價錢有好大碗通菜，好抵食。青通菜爽脆又嫩，

今次過到嚟太子食dinner，蘇山雞飯我之前都食過幾次，覺得佢哋嘅雞飯好好味🤤餐廳環境幾舒服，大部份以卡位為主，坐得好闊落😎獅城芽菜走地雞飯：佢呢個雞同海南雞有少少唔同，佢呢個雞皮係脆脆地，肉質結實，我覺得呢個有驚喜🤤套餐仲包埋佢哋嘅油飯同埋雞雜冬瓜湯，冬瓜湯好甜，有滿滿既湯料👅星洲叻沙海南雞摻摻：海南雞超嫩滑，雞味好濃，喇沙好香，入面仲有豆卡芽菜通菜等配料，大大碗，鍾意食喇沙嘅朋友唔好錯過🤤另外佢地叫套餐可以用半價order小食，我地揀左參巴醬辣蝦醬通菜，呢個通菜好大碟，而且佢個汁好惹味，仲叫咗一個小食拼盤，拼盤裏邊有雞翼 雞鎚 蝦餅 春卷等，全部都炸得好香脆，好高質😚佢哋嘅飲品都係真材實料，叫左杯檸檬薏米水同埋蜂蜜桔仔水，全部都係自家製🤤

路經太子搵食，見到呢間蘇山雞飯未夠七點門口已經排滿人龍，想必係人氣餐廳，排緊隊已經充滿期待☺️餐牌上有好多款式都好吸引，部分主食可以半價加購蔬菜或者小食，所以我地兩個人都叫左兩set🤤可以試多啲唔同既食物招牌海南雞飯🐤雞肉嫩滑之餘份量都唔少，仲有三款醬汁配搭(好多時出邊都係得兩款)，油飯好香，單食都可以食一碗🤭+$10配輕怡排骨茶一心諗住輕輕試吓呢度既肉骨茶，點知試完就覺得下次要轉叫肉骨茶😳因為佢既排骨好嫩滑，而個湯有少少胡椒辣得來又有少少藥材味，兩者平衡得好好👍🏻+半價小食 鮮油咖央多士未食得見到個賣相已經好吸引🤤脆底多士加上雪糕質感既鮮牛油同咖央，雖然好邪惡但完全值得😌海南豬扒咖哩飯咖喱好香，唔會好辣，有少少甜，配搭鬆軟炸豬扒😋不經不覺成碗白飯食晒+半價蔬菜 馬拉盞椰菜苗雖然半價，但份量一啲都唔少，即刻營養均衡左🫶🏼開心果椰子奶昔少少沙冰質感既奶昔，入邊有啲椰子絲，唔會好甜👍🏻叫到成枱面都係食物，都唔使$300 🥰 CP值高，非常推介❤️

今日嚟到太子嘅蘇山雞飯嗰度食嘢，平日晚餐時間，已經大排長龍，呢度主打海南雞同埋各種星馬美食，非常期待！海南豬扒叻沙掺摻 🍜🐖有海南豬扒和叻沙的風味。豬扒外酥內嫩，吸收了叻沙湯的香濃，湯底帶有椰漿的甜香和香料的濃郁。而且有兩種麵所以有兩種口感，一流。獅城芽菜走地雞飯 🍚🐔新鮮的走地雞，雞肉鮮嫩多汁，配有三種醬汁，甜豉油，薑蓉，酸辣汁，個人最喜愛是酸辣汁，非常惹味輕怡排骨茶 🍲🥩加$10有排骨茶，使用多種中藥材熬製，口感濃郁。排骨肉質鮮嫩，湯汁滋補馬拉盞椰菜苗 🥬🥥椰菜苗的口感清脆，與馬拉盞的香辣相結合，形成獨特的風味。非常清淡！醬油併盤（豬手，雞腳，滷蛋） 🍽️🍳半價就可以食到嘅拼盤非常抵食，雞腳入味，滷蛋的蛋黃鮮香。每一種食材都吸收了醬油的香味，

娘惹咖哩牛筋腩乾撈老鼠粉 $68馬拉盞椰菜苗 +$29老鼠粉可以改做其他麵類，我就揀咗要摻摻，即系米粉加油面，可以更加索到啲咖喱汁😆咖喱汁係偏甜微辣，食到一半可以唧幾滴桔仔汁入去，令層次更加豐富，牛筋腩嘅份量都唔少，已經炆得軟腍入曬味🐮呢度逢叫一份主食，都可以優惠價加配一份小食🤓我哋就揀咗要個菜，馬拉盞椰菜苗炒得好香，椰菜苗鮮甜爽脆，馬拉盞嘅咸香味同椰菜苗完美融合，食落去又咸又香，特別惹味🥬獅城芽菜走地雞飯 $95醬油拼盤 +$44開心果椰子奶昔 +$18雞飯店嘅雞飯果然冇令人失望🐔雞肉嫩滑多汁，配搭清甜嘅芽菜同香噴噴嘅油飯，啖啖充滿新加坡嘅地道風味，雞飯亦都附送雞雜冬瓜湯，湯底清甜，感覺系真材實料😎呢一份嘅小食就叫咗醬油拼盤，入面有豬手、雞腳同埋鹵蛋，份量都唔少，每一樣都鹵到好入味🤩呢份餐仲加咗個開心果椰子奶昔，椰子味非常濃郁，飲完感覺都幾滿足🥥📍蘇山雞飯 (太子)太子彌敦道759-761號藍馬之城地下2-3號鋪

獅城芽菜走地雞飯雞油控集體暴動‼️ 用雞油煮飯✨粒粒閃住金光仲自帶鑊氣！走地雞皮爽肉滑到懷疑人生～ 靈魂位係墊底嗰浸爆汁芽菜，掛滿黑醬油撈飯直送白飯小偷模式啟動🤤 🍖輕怡排骨茶 胡椒香溫柔派對👌🏻 一字排軟骨位燉到用筷子一夾就散，湯底飲到底都唔口渴！🍞鮮油咖央多士 住冰火雙層3cm厚鮮牛油+自熬咖央醬！刀切落去即刻爆漿～ 甜鹹交織度簡直係邪惡三文治天花板🍫美祿恐龍 熱量核彈級誠意‼️ 杯面直接堆出朱古力山⛰️

今日收工同老公撐枱腳, 行去太子食飯; 今次係我第二次食呢間, 好耐以前係長沙灣食過, 都覺得佢質素高之餘又好抵食。呢間餐廳主打東南亞菜式, 平時都多人食呀! 今日見唔洗等就即刻入啦。獅城芽菜走地雞飯配冬瓜雞雜湯 – $95走地雞肉質嫩滑有口感, 好滑好鮮嫩, 味道很香。雞件做了去骨處理, 食得好方便, 啖啖肉呀! 雞面上灑有蒜酥, 陣陣蒜香味, 點埋3款海南雞醬料食, 更加惹味。低下鋪滿爽脆芽菜, 吸哂雞油香, 再配上一碗油飯, 飯粒分明又帶些黏口, 套餐附有一碗雞雜冬瓜湯, 有少量雞胗同雞肝, 幾大碗又清甜。龍蝦叻沙摻摻 - $110龍蝦叻沙摻摻更是令人驚喜！足足有半隻既龍蝦, 龍蝦肉好彈牙好新鮮; 叻沙湯底香濃, 鹹中帶微辣, 頗為惹味, 龍蝦肉同香辣嘅湯底好夾, 而且啲粉麵係吸哂啲湯汁, 令每一口都充滿了海鮮味。摻摻粉麵的份量都幾多, 米粉配油麵, 麵條掛湯, 口感豐富, 仲有豆卜, 魚片, 魚旦, 芽菜等配餸, 大大碗, 份量十足。特色小食拼盤 - 跟餐加配$49套餐可以半價加購小食, 我地要咗個小食拼盤, 有雞翼, 泰式魚餅, 脆炸鳳尾, 蝦春卷同豬肉串; 雞翼炸到外脆內軟

之前聽過有咖啡店係咖啡加茅台爆紅呢間新加坡菜餐廳諗到加茅台落椰子雞🥥🍗之前睇過人地介紹火紅紅🔥幾有噱頭不過實際都唔會太誇張，夠安全😅湯來講有酒香，幾甜，配油飯食係唔錯雞算有肉地，唔會覺得骨多過肉浸過湯嘅肉都算易入口，唔柴，有醬香味鍾意飲雞湯可以一試但綜合來講我覺得玩gimmick多過食物本身味道另外小食叫咗夜市串燒拼盤同肉骨茶串燒比較普通，無太大驚喜肉骨茶太咸，似乎太多胡椒粉，呢個扣少少分

下午茶時段來吃招牌海南雞飯套餐配冬瓜雞雜湯和檸檬薏米水雞很嫩滑，有雞髀、胸、翼超喜歡他們的油飯，每次來也可以吃一大碗，多飯不用加錢。三款醬汁也很好吃，特別喜歡他們用沙薑蓉而不是普通薑蓉冬瓜雞雜湯有雞腎、雞肝很足料，檸檬薏米水也很好喝雖然下午茶時段也要$65，但比起午餐/晚餐時段性價比很高，所以也非常推薦！