蘇媽.蘇媽馬來西亞茶餐室

營業中

休息中

每次踏入呢間舖頭，心中即刻同自己講食咗先啦聽日先再做運動😂 想食嘅嘢太多而且每一樣都好邪惡先來金菇豆卜肉骨茶肉骨茶中藥味道濃厚 入口甘甜順喉拉茶（凍）每次嚟到必點 雖然一定唔夠馬來西亞味道濃厚 不過喺香港來講都算好唔錯 佢奶味俾比茶味濃厚 不過夏天飲一杯真係暑氣全消海南鴛鴦燒麵包 呢個又係每次黎一定要點咖啡色嘅麵包並唔係烘燶左 而係焦糖麵包麵包烤到十分之香脆 中間夾咗好厚嘅牛油同咖央醬 麵包嘅熱溶咗中間嘅餡料勁滋味椰香咖央多士 呢個相對牛油冇咁厚 但係咖央醬就多啲 鍾意椰香多啲嘅朋友就一定要揀呢個砂煲老鼠粉 啲粉就好似銀針粉咁 煙煙韌韌 加埋豬油渣同銀魚乾食 十分香口不過醬油略嫌太鹹 食完有啲口渴再期待一下次同多啲朋友去就可以試多幾樣嘢🌹

行過好幾次，見到佢嘅門面，好想入去試下，今次終於黎到點完菜，聽到話唔知咩茶任飲，原來係肉骨茶，不過藥味唔濃，淡淡地，容易入口棒棒骨，貪佢用手食，乾淨d😂，比起岀面食，藥味唔特岀，小朋友都食到招牌砂煲老鼠粉，lee個好有驚起，好味道，香口，下次一定encore玻璃魷魚配通菜，正！不過真係有d辣，食唔到辣就🙈🙈海南鴛鴦燒麵包，厚牛油珈央極邪惡，但食落實在太正了美祿恐龍薏米檸檬，好酸，味道ok仲有幾樣想試，下次一定再去

好快已經encore第二次 不過今次得兩個人無食得咁多，因為份量真係非常足上次食過老鼠粉同咖央多好正，今次一定要encore 多士都係一樣咁香脆甜蜜，熱辣辣好好味今次呢間既老鼠粉就比較鹹，可能醬油落重手左。同埋好似食到豬油渣 好香口！兩個人食每人都有三四碗，好飽足今次肉骨茶叫左大雜錦，有三層肉、棒棒骨、豬肚、豆卜、金菇，非常豐富仲有響鈴同埋油炸鬼浸落肉骨茶度食，唔駛叫白飯都夠哂飽 今次肉骨茶添左兩碗，店員用鐵壺倒俾我地，所以每次都好夠熱。留意返叫邊種肉骨茶都好，店員都會比人頭份量既碗倒肉骨茶俾我地，真心抵旺角呢間因為係上海街618號既活化大廈度，即使係地舖，都好有風味。門口既圓拱門已經好有馬拉既感覺，加埋掛滿紅燈籠、書法、仲有油畫同閣樓，又靚坐得又舒服走果陣仲忍唔住買幾粒抹茶榴槤糯米糍返屋企-招牌砂煲老鼠粉🐭($92)椰香咖央多士🍞($35)肉骨茶大雜錦🍲($148)-蘇媽.蘇媽馬來西亞茶餐室深水埗基隆街251號地舖1130-2130旺角上海街618號地下G01號舖Sun-Thur 1200-2130, Fri-Sat 1200-2200尖沙咀加連威老道10號加威中心地下（The On

上海街商場好靚好有特式，蘇媽同呢個商場好襯。檳城白咖啡必飲，真係好順喉，無酸味。咖央多士，甜甜地又卜卜脆，配咖啡最好。檳城香炸肉卷，比春卷好吃。大大舊。主菜老鼠粉唔驚艷，不過不失。

今日同啊媽出去旺角行街，近排堂食放寬返小小，可以坐多個人，一齊食開心啲。媽咪好想食蘇媽好耐，難得出到黎，最緊要唔係好多人排隊，咁就帶啊媽去食好西！大雜錦肉骨茶 $148啊媽第一次食，所以唔好諗點介紹，大雜錦咩都有！最鐘意蘇媽蘇媽嘅肉骨茶，夠重藥材味，又有啖啖肉味嘅鮮甜，仲可以Refill多幾碗淨湯砂煲老鼠粉 $88呢個都係招牌菜之一，所以一定要叫一鍋比媽咪試下，真心好食到不得了，又大份。本身諗住叫多一鍋外賣比老豆，不過諗諗下都係堂食熱辣辣食有feel啲。椰香咖央多士 $32呢個多士唔洗多講啦，必食！椰香味重，咖央好正，仲要熱辣辣，一開四，大家都爭食。檳城香炸滷肉卷 2件 $56炸滷肉卷相比起其他就冇咁大驚喜，反而顯得肥膩感重啲同埋食落好膩。Overall黎講，蘇媽蘇媽成日都咁多人排隊真係有原因，同埋肉骨茶係無限添飲，仲要真係好好飲，唔係流！

突然之間好想食馬來野，就再黎食，今次叫左啲之前未試過既野食～🔹砂煲老鼠粉 $88個砂煲好熱，出曬煙，一黎到就即刻將啲材料炒埋一齊，底下仲有一啲醬汁，所以炒完啲老鼠粉顏色會深左好多。撈完之後食落去啲材料會同老鼠粉痴埋一齊，食落都幾香口，啲醬汁唔會太咸，推介大家試下👍🏻🔸馬來黑叉燒 $92同平時食開叉燒唔同，肉質係比較韌，每舊都會有肥膏部分，同一舊已經有曬肥瘦兩個位，同埋叉燒燒得有啲燶邊，如果唔怕食韌都可以試下。不過份量唔算好多，有小小貴🔹肉骨茶（大雜錦）$148雖然有肉骨茶無限添飲，但係另外再嗌既肉骨茶味道會再濃啲。可以見到有好多舊肉，仲有雞腳，食左啲肉之後就可以浸油炸鬼、響鈴食🔸怡保雞絲湯河粉 $58依個河粉好清，但係食既時候唔會因為佢太清而覺得唔好味，有時食下依啲清清地既野都唔錯，而且雞絲都好多🔹話知你啦薄餅配咖哩 $52 薄餅有兩大塊，啲咖哩食曬個薄餅都仲未點曬，咖哩味道唔錯👍🏻🔸馬來西亞拉茶 $20 🔹桔仔話梅水 $25🔸椰汁班蘭冰 $36

終於有返晚市堂食~即約出來食個晚飯，即睇下自己BM過嘅餐廳，見到蘇媽.蘇媽，主打馬來菜式，想去好耐，而加有唔少分店，即去。假日的7點多去到唔算太多人，可能因為落大雨又凍之下少人出街。店面好有氣勢，內堂頗大，樓底高，設計上有點似舊香港，牆上的壁畫，像是馬拉街頭壁畫之感。餐牌，都幾多選擇，一場來到，試下人氣之選。枱上有張肉骨茶4部曲可參考及調醬料方法。一坐底，即有肉骨茶奉上，冷雨夜之下飲感覺十分暖身，實在太窩心了~肉骨茶，有濃厚的藥材香味，仲可以添飲，好抵。椰汁班蘭冰，$36，清香之感。椰香咖央多士，$32，咖央份量多，椰香味濃，多士香脆，不俗。百吉爹肉骨茶-大雜錦，$148。好大鍋材料十足好多肉，有豬手、豬肚、雞腳、豆卜、金菇、響鈴及油炸鬼等，十分豐富，肉骨茶味道濃郁，豬手軟腍，豬肚爽滑，肉質鬆軟，沾醬食更佳，實在太有份量，兩個女子食差點食唔晒呢。辣死你媽配仁噹牛肉，$62，辣死你媽(諧音)(Nasi Lemak)，即係椰漿飯，配料有參巴醬、青瓜、花生、乾魚仔及蛋等，班蘭色的椰漿飯好搶眼，椰奶味唔算好濃，淡淡的班蘭香，仁噹牛肉口感軟嫩，味道濃郁，香料味重。食物味道正常水準，肉骨茶正呀~坐

◜◡◝ )┈┈┈┈┈┈┈┈┈┈┈┈┈┈二訪蘇媽🥰對上一次食已經係2年前，不過果陣要排隊，依家唔洗了人齊即入得┈┈┈┈┈┈┈┈┈┈┈┈┈┈𐂐 ⠜檳城亞參叻沙米線 (4/5)一食入口就覺得佢個辣好有料😂真係辣死我呀媽😂朋友仲要辣到一啖都食唔到雖然好辣，但湯底幾濃幾香，我幾鍾意，所以成碗我一個人食曬，食到一半就覺得唔係好辣🤣都可以食到┈┈┈┈┈┈┈┈┈┈┈┈┈┈𐂐 ⠜馬來西亞拉茶 (3.5/5)我覺得同普通奶茶差唔多，但奶味會更出！解辣一流😂┈┈┈┈┈┈┈┈┈┈┈┈┈┈𐂐 ⠜椰香咖央多士 (4/5)包整得好脆口，而且餡都夠多！牛油都香～好吃😋┈┈┈┈┈┈┈┈┈┈┈┈┈┈𐂐 ⠜玻璃魷魚配通菜 (4.5/5)玻璃魷魚🦑好好吃，通菜係清灼的！配上特製醬汁好夾，好香不過我覺得少左啲，如果有多啲會更開心🥳

馬來西亞之夜🌝唔睇番真係唔知原來呢排食左好多馬拉野🙈是晚去食蘇媽蘇媽一坐低就會先一人一碗肉骨茶聞說仲可以任加🤩亦親身證實左係👍🏻 不過都要唔好飲過量二人份 好似好少野但食到好飽😳咖央多好食 仲有斑蘭味的棒棒骨肉骨茶好大煲絕對係二人份招牌沙窩老鼠粉 好似食緊煲仔飯一打開蓋 勁勁勁香👍🏻超級滿足.#唯有食是最治癒的

📍旺角 蘇媽·蘇媽鼎鼎大名嘅蘇媽相信無人不曉，13:00去到有好多人排隊，但翻枱速度快唔使等好耐。餐廳裝修好有特色，掛咗好多大燈籠🏮仲有牆身嘅壁畫同瓷磚地板，充滿南洋風情。𓇠 椰香咖央多士 $28 𓇠有4塊，多士烘到好脆，中間夾滿咖央醬，重椰漿同蛋黃味，又唔會太甜，推介👍🏻𓇠 辣死你嗎配仁噹牛肉 $58 𓇠賣相幾好，飯係班蘭綠色，但食唔到椰漿味，有啲失望🤦🏻‍♀️參巴醬汁濃，有少少辣，但未至於「辣死阿媽」🤣牛肉好淋唔韌，蝦片脆，加埋魚乾同花生好惹味🥜𓇠 檳城白咖喱麵 $55 𓇠原本白咖喱係唔辣，重椰香，但撈勻參巴醬就變成成碗紅色，辣過個飯🌶佢預設係油麵，麵質彈牙🍜另可配滲滲/米粉/ 米線/河粉/老鼠粉/米通粉。配菜豐富，有豬紅、芽菜、魚蛋、蝦仁、豆角同雞蛋🥚𓇠 馬來西亞拉茶 $16 𓇠拉茶係奶茶嘅其中一款，都係用紅茶、奶同砂糖沖成，味道同奶茶相似☕️ 因為用兩個杯倒嚟倒去，喺「拉」嘅過程會起泡。味道方面，個人認為甜咗少少，但飲落口感順滑。〰️總結：食物味道普通，份量正常，同價錢成正比，最推介係椰香咖央多士，拉茶都可以一試👍🏻▪️類別：#yinkifoodie_ 🇲🇾 #yinkifoodie_

同老公落街諗緊食咩好之際我突然諗起好想試一路都未試嘅蘇媽蘇媽老公話啱啱放寛應該排晒長龍我係都想過去望吓先點知真係比我咁好彩唔使排隊直入🥳🥳開心到我呢🤪本來一心好想食喇沙同埋肉骨茶點知老公話想試老鼠粉😦咁大兜(我以為)所以就放棄咗我嘅喇沙不過一場黎到一定要試咖央多士跟住老公仲嗌咗個魷魚菜唔使排隊所以連嘢飲都叫埋😂佢都算幾好味，我仲以為好大兜不過食埋魷魚菜，加埋咖央都差唔多我魷魚幾好食好爽咖央都不令人失望😋下次要食喇沙同肉骨茶

其實一向少接觸馬來西亞菜，一來冇去過馬來西亞，二來我是偏向吃火鍋自由，早幾日兩家人一齊去旺角金魚街，行過見到呢一間，知道好出名，門口有10幾個人排隊，唔算太誇張啦，於是乎就試吓啦。肉骨茶係我最想試嘅，正喎原來有得refill，飲完可以再飲，肉骨茶一定要配上白飯，另外我哋再叫咗多士,同埋美祿朱古力，兩個小朋友飲到唔停口，樣樣餸菜都好出色，好濃味！不過唔好睇小佢個碗米線，以為唔辣，食落去真係好辣，令我平時食中辣嘅人都覺得辣😜

見到呢間餐廳啲分店越開越多仲要間間都成日排長龍特登早啲去食，12點已經喺門口等一夠鐘就即刻掃安心出行然後入座服務員嘅態度唔算好好，不過勝在上菜快我諗落單至到上菜，大概都係10分鐘左右肉骨茶當然都係任飲，但覺得藥味有啲濃郁所以都冇叫佢再添加力最期待嘅就係多士，係幾好味嘅，分量同價錢亦都合理，但係味道就唔係咁啱食可能我食唔慣馬來西亞嘢啦但都會想再食多一次，見佢餐牌都好多選擇有唔同嘅小食，下次晚市再去試一試先

適逢生日月份，朋友們就開始不停約食飯😝咁啱我之前冇試過呢間鼎鼎大名嘅蘇媽蘇媽，友人就建議前來試吓馬來西亞菜，而我亦都冇咩preference，於是便在收工之後和友人來了旺角這間餐廳。-餐廳的格局十分有東南亞懷舊餐廳的感覺，座位亦十分寬敞，而餐廳亦有兩層，但可惜的是，當天只開放下層給我們。- 一進到去店鋪，店員就為我哋送上咗兩碗肉骨茶。肉骨茶嘅藥材味適中，唔會話太重，蓋咗咗肉嘅咸香味，加上少少辛辣嘅味道，真的是不錯。更令我有驚喜的是，佢哋嘅肉骨茶可以任飲，最後我和友人都齊齊飲咗幾碗😋😋😋————————————食物方面，我哋叫咗幾款招牌菜，分別係咖央多、老鼠粉、螢光魷魚炒通菜同埋佢哋嘅豬手肉骨茶，我哋都叫咗兩杯野飲🤣🤣🤣但我已經唔記得佢哋嘅名係咩。-咖央多我覺得佢嘅多士烘得幾脆身下，又唔會燶咗咁樣，而佢嘅餡料相對嚟講份適適中，唔會太甜或者太膩，相對比較甜，咖啡味都幾香。缺點係佢份量比較少。-老鼠粉老鼠粉嘅口感有少少似銀針粉，不過我就冇話特別鍾意食銀針粉嗰啲嘢嘅，所以我個frd 嗌嘅時候我都係持觀望態度的。不過送到嘅時候我就完全改觀。首先，個老鼠粉用砂煲上，送到嘅時候仲係熱辣辣咁，保留到食

開在上海街618的蘇媽，我已經bookmark左一段時間， 但到今天才有機會來試。這邊的蘇媽地方大好多，雖然枱同座位仍然很密，但因為樓底高， 所以壓迫感唔會好大。媽咪第一次來，所以我就點了肉骨茶， 肉料選了豬脚彎，肉厚但腍軟。這家的肉骨茶湯帶甜， 香辛味沒太重。主食要了老鼠粉，再加了一份咖咉多士， 馬來咖喱角。飲品就配柑桔檸檬梳打。老鼠粉是煲仔上， 材料豐富，趁熱辣辣時加入醬油拌勻，香氣四溢。老鼠粉質地有咬口， 很彈牙的。咖咉多士的甜香是懷念的味道，馬來咖喱角就較為遜色，沒有咖喱香味，但因為是新鮮炸出來，還可以吧。肉骨茶湯可以添飲，我就臨走時飲多一碗，完美的完成這午餐。