蘇媽.蘇媽馬來西亞茶餐室

營業中

休息中

As a Malaysian who tasted the food, this is beyond sub par in terms of authenticity and taste. I guess the high rating is definitely not Malaysians who rated it. I have better Malaysian food elsewhere in Hong Kong. Once tried. Won’t bother to return back.

特登為寫呢件事開open rice ac。20號果日兩個人食呢間，點知出曬事。叫左肉骨茶，多士，叻沙，野飲叫奶茶同恐龍。肉骨茶同多士算正常，但油麻地彌敦道果間好過呢間，藥味同肉味都好過。恐龍就唔會差得去邊，奶茶就茶味偏淡，而且無同樣比較遜色。出事係個叻沙。第一辣到死，第二兩個食完都肚瀉。我就本來唔太食得辣（上限5小），所以食得一兩淡。食緊已經知道有問題，辣到甲狀腺位兩邊脹曬。一齊果個就一向OK辣，以爲純粹自己頂唔到辣，因爲另一個一路食呀嘛。但果晚隔多1個鐘已經開始搞肚痛，然後果晚瀉左兩次。一路食geh佢就慘lor...佢瀉足全晚，瀉到脫水，入埋急症，分類係緊急。兩日病假而且到今日三日都仲暈緊。個醫生話多數係食物中毒，但因爲得兩個人食，所以唔可以告食環，要三個先得。而且突破盲腸：佢問點解叻沙係無海鮮。我地自己都辣到無留意。更加唔好提我地入去果時明明中間全部都係空臺，但係要我地兩個同對情侶搭臺，四人臺用隔板分兩張果種。完全不知所謂。埋單接近250，仲要比加一。唔係話比唔起，亦都當時未知中毒，而係第一你落單都係自助，叫加茶都係自己叫一輪先埋來，呢d算服務過？第二你呢種座位安排，隔板分臺我地接

呢一間蘇媽蘇媽嘅環境裝飾都比其他嘅店舖靚！入到去已經滿滿嘅大馬風格。本身屋企人同我都好鍾意飲肉骨茶，今次專程帶佢哋嚟到呢度飲肉骨茶。果然冇令我哋失望！自己都叫有去過馬來西亞地道嘅舖頭飲肉骨茶，味道好一致，會再濃郁啲。毫無疑問，肉骨茶無限添飲係一種賣點，鍾意飲嘅一定要喺呢度試試~然後就要試吓呢度嘅古早豬腸粉, 每條腸粉都充滿住醬汁架😍再黎係檳城辣咖喱麵，呢個湯底夠特別，同出邊嘅咖喱唔一樣👍🏻要叫返啲菜食，蒜香青龍菜，係一款馬來西亞獨有嘅菜！食落勁似韭菜, 鍾意食韭菜既可以試吓呢個~不得不提，仲有個咖央多士同海南鴛鴦燒麵包，係超好食！🤤🤤可惜無影到相🥲

When you have a tight ‘shopping’ schedule in Mongkok and only can afford limited meal budget, 𝕂𝕖𝕕𝕒𝕚 𝕂𝕠𝕡𝕚 𝕊𝕖𝕞𝕦𝕒 𝕊𝕖𝕞𝕦𝕒 would properly a good match.They have plenty of choice for 𝑩𝒂𝒕 𝑲𝒖𝒕 𝑻𝒆𝒉 (meat n bone tea) with different meat selection. I picked one with 𝑲𝒂 𝒘𝒂𝒏 (knee) in small portion. Love their 𝑷𝒆𝒏𝒂𝒏𝒈 𝑯𝒐𝒌𝒌𝒊𝒆𝒃 𝑷𝒓𝒂𝒘𝒃 𝑴𝒆𝒆 (prawn noodles) with traditional spicy smabalbawang, pork belly, prawn, fish slice, boiled egg and water spanish. If you want something light, 𝑲𝒂𝒚𝒂 𝒕𝒐𝒂𝒔𝒕 𝒏 𝑻𝒆𝒉 𝑻𝒂𝒓𝒊𝒌 (milk tea)

Semua Semua is one of the most popular Malaysian restaurants in Hong Kong. I am not a Malaysian so I don’t know how authentic their food is, but I can tell they taste good (and are at reasonable prices). 😉Teh Tarik (Hot) $26 - The name of this popular drink stands for “pull tea”. It tastes like milk tea in Hong Kong but it is much sweeter. It uses condensed milk instead of plain milk which gives it a richer taste.Kaya Toast $35 - If you ever pay a visit to this restaurant, I would definitely re

🇲🇾最近人氣好高既馬來西亞餐廳，個個都講到好好食咁，所以就決定去試下🥘湯咖喱麵 麵係米通粉，配料有豆角，豆卜，芽菜，薯仔，魚蛋，魚肉卷，湯底偏向辣，米通粉煙煙韌韌，連埋汁一齊食幾惹味，薯片少少偏硬，索唔到汁🙈🍲檳城白咖喱湯麵麵底係油麵黎，配粉有豆角，芽菜，魚蛋，蝦，蛋，豬紅，湯底飲落好重椰汁味，一啲都唔辣，麵完全掛唔到湯🍵馬來西亞拉茶拉茶飲落滑身，唔會太甜，茶底有少少好特別既香料味🍞椰香咖央多士 麵包烘到兩面金黃色，食落好脆卜卜，咖央醬厚厚一層，牛油薄薄一片，個醬有啲多同偏甜

經過旺角，見到好多人排，就試一試佢全部都係馬來西亞菜裝修- 都好有馬來西亞特色，例如牆上壁畫、碗筷、整體裝修，都好似去咗馬來西亞/星加坡咁。叫咗三個餸辣死你嗎- 仁噹牛肉 $66-煩係椰汁🥥斑斕飯-味道偏甜，少少濕濕地-仲有蝦片伴碟玻璃魷魚配通菜$58-最快上嘅一個餸-主要都係食醬汁味，醬汁偏鹹，重口味-一定要有個飯或者麵，平衡一下味覺肉骨茶（一字骨）$138-一碗大概有四至五條一字骨-整得好入味，肉骨茶可以無限任添-最好係第一坐低，叫咗這個菜式，就已經有一杯肉骨茶馬來西亞拉茶$22-冇得走甜，味道偏甜-如果鍾意食清清地嘅朋友未必喜歡總結：兩個人食三個餸已經食唔晒-平時食量都唔細，不過今次份量偏大-尤其多肉骨茶同飯，容易漲胃3 個菜， 共 $284 冇+10%算抵食，不過喜歡味道淡清清地的朋友不會喜歡，適合重口味朋友仔

常常都見到有人喺社交平台度讚蘇媽，今日咁啱喺旺角諗唔到食咩，喺上海街附近就揀咗蘇媽食。兩個女仔每人一碗麵，食落份量比較少，湯底略嫌唔夠濃郁，唔算好差，但又未至於咁多好評😂😂，可以一試，但試完就未必再有下次😜😜

已經第二次食蘇媽蘇媽，係高質但又價錢合理馬來西亞美食。個人覺得食物味道偏重偏濃，但如果想一試馬來西亞風味的確係好唔錯嘅選擇。海南鴛鴦麵包牛油勁厚勁正，好邪惡呀！麵包烘得乾咗啲，同人分的話值得試。肉骨茶茶可不斷refill ，黎到必點。但熱底既人就淺嚐啦，真係幾補。檳城福建蝦面料多，湯底濃，好香蝦油味，配菜都好豐富。怡保貴刁雞湯河雞湯係正嘅，唔係濃湯寶味。可惜比起其他菜，呢個就偏平凡，個人試過一次就夠。椰漿飯配牛肉第二次點，沒有不吃的理由😝特色好味💕特別欣賞上菜好快，服務阿姨好熱情

喺附近睇完裝修嘅物品，就嚟到旺角食嘢補充下，我知道呢間餐廳長期都係咁多人排隊，所以我都想試吓。果然不負大眾期望，多士真係超級好味，不過因為我怕肥所以走咗牛油🧈 但都係好香口而且味道甜度啱啱好另外呢度嘅奶茶🥤，我最鍾意就係上高啲泡，見到佢咁高都好治療🫣 呢啲係自己完全沖唔到而且佢啲茶味係好特別，同一般嘅奶茶係唔同嘅，所以佢買呢個價錢都係合理最後狗仔粉，上邊有好多肉碎同埋有一隻蛋，我覺得啲豉油味道啱啱好，係真心幾好味

同朋友左揀右揀，決定食呢間都出名嘅馬拉餐廳！好耐以前食過一次覺得冇咩特別，今次都冇抱太大期望⋯叫左兩個麵加咖央多士，個人唔食得辣，不過都覺得咖哩麵幾好味嘅，係辣左D..白咖哩麵就絕對係我至愛！唔太辣，個湯又好飲，D料都係我口味！😋😋個拉菜上果陣嚇左一跳，嘔白泡咁多泡！😂😂不過我朋友飲左覺得好飲嘅！至於個咖央多士我就第一次試，覺得一般，得D甜味，但又食唔出咩味⋯不過我覺得比我第一次食，今次我覺得係好食左嘅！價錢亦都唔算貴，值得再食嘅！😊

周去打卡了香港特別紅的這家馬來西亞茶餐室——蘇媽蘇媽，因為自己一直是肉骨茶的粉，今年也去不了旅行，所以只能在香港滿足下自己的小味蕾👋招牌多士味道不錯，很脆，必點。魷魚通菜，有點辣，對於我真的是挺辣。肉骨茶味道甜中帶苦，喜歡這個味道的人應該覺得不錯。蝦面我覺得蠻好吃的。點了個馬來西亞拉茶，期望太高了，真的不好喝。整體來說看個人口味，肉骨茶🍖我還是比較推薦的我還是愛吃多士，覺得香脆。獨家的醬在多士中間特別美味可口。有空可以試一次

《蘇媽•蘇媽 馬來西亞茶室 - 旺角》呢間餐廳喺香港開左好幾間分店，聽就聽過啦🤨一直都未有機會去試，同埋近排天氣太熱既關係🥵，都唔係太想食啲熱湯類既東西🥲不過機緣巧合下行過呢間餐廳，當時由正值下午茶時間，朋友入去食少少輕食😎我哋兩個人點左兩款多士、兩杯特飲、一碗椰漿飯（因為佢綠甘甘好吸引先叫🤩）同埋三串沙嗲串燒。💁🏻‍♀️椰香咖央多士 $35咖央甜甜地幾開胃，同埋我本身都幾鍾意食有椰汁嘅食物，所以主觀地覺得幾好食😝💁🏻‍♀️海南鴛鴦燒麵包 $45呢個係椰香咖央多士嘅加強版，入面多咗兩塊超厚牛油🧈超級邪惡但係好好食😋佢個麵包係焦糖麵包，如果兩款多士嚟揀我會揀呢個多啲👍🏻💁🏻‍♀️馬來沙嗲串燒(豬牛雞各一串) $52串燒唔會燒得太乾太老，味道合格，個沙嗲醬係精粹🥰💁🏻‍♀️美綠恐龍🦕 $38純粹係朋友嘅童年回憶，$38嚟講的確唔係太化算，呢個價錢係屋企自己可以整到幾十杯😅如果唔係真係太口渴嘅話建議點其他😂💁🏻‍♀️斑蘭椰汁冰 $38椰汁冰好重椰子味🤩one of my favourite，飲品底下有少少西米令到有啲咬口👍🏻💁🏻‍♀️椰漿飯 $21叫佢純粹因為滿足自己鍾意食綠色食物，又鍾意食有椰漿嘅東西

蘇媽.蘇媽算出名嘅馬拉菜 已經開咗幾間分店 今次黎旺角呢間 感覺靚啲1pm 左右黎都唔洗排隊 因為入面多枱 但見到人唔少菜單選擇好多 可以叫餸同人分再加碗白飯同小食 或者每人一個麵／飯都可以個人唔食辣所以已經縮細咗範圍😬▶️ 怡保雞絲湯貴刁 ($62)原本係河粉底 但可以自己改麵底我轉咗米線 因為覺得河粉好冇咬口🍲碗麵望落去好清 面頭有兩片魚片 幾隻蝦仁 雞絲 芽菜 韭菜湯底的確唔錯 清得嚟夠味 味道不太味精好鍾意佢米線質感 夠彈牙🍜同芽菜韭菜入口好夾 美中不足就係雞絲份量少 唔夠餸麵食 同埋可能用雞柳整 食落偏鞋口🐔蝦仁一定係雪藏嘅 完全冇蝦味 比較失色除咗湯底好啲之外其實唔太有馬拉菜風味🤥▶️ 凍桔仔話梅水 (+$28)呢個有驚喜嘅特飲 味道得意又酸又甜又甘 酸味似橙味有趣地三個味道好平均 所以唔會話太酸或甜得滯凍飲真係好解渴添🧊入面有一粒話梅 咬咗黎食 好鍾意佢個甘味相當特別👍🏻值得試-食物方面睇你叫咩 如果鍾意辣又食得好濃味 應該會覺得好食 因為見其他野賣相唔錯 (只怪自己唔識食辣🙈)環境好舒服😌入面裝修好有風味格調 絕對可以打卡 加上係上海街618分店 別具特色一入去已經聞到好香

蘇媽相信好多人都識，今次我就特登揀左晚餐時段去try try。等位時間亦都好短，相信都係一到就有得入。今次我就叫左一個辣死你媽嘅雞髀飯+桔仔水，同埋白咖哩麵+拉茶（因為兩個人兩碟野）。個飯嘅份量唔錯🤭配料嘅配搭都好夾。主角嘅雞髀個皮好脆，肉質好嫩，再加上班蘭飯味道加成，成碟飯好夾、好好味👍🏻👍🏻👍🏻至於因為我唔食得辣，所以麵就少辣。但係整體味道一流。麵質唔會太硬，同時間湯底味道好濃。成間鋪頭麵有馬來西亞嘅裝飾，的確令食客又有一番體會。