蕃茄仔

營業中

休息中

發覺食店林立既希雲街，最近有間新食店，Red Object。睇英文名，門面未必知食咩，但原來有中文店名，蕃茄仔。咁就清楚晒，主打自家製蕃茄濃湯，配上不同麵食。睇睇門口餐牌，基本上可自選麵既種類，以及主餸，配上佢哋信心滿滿既蕃茄湯。小店店員不多，坐低後店員付上QR code手機點餐，方便簡單，提高服務效率，唔錯唔錯。手機落單，十分鐘到店員就奉上美食。咩都未食就先飲第一口湯，湯既濃度合適，唔會太濃太滯，未飲估佢會唔會太甜，飲落又唔會，係鮮茄帶點點微酸，有點開胃，加上炸蒜等，味道突出，好味。鰻魚份量足，烤得入味。和風白麵，口感滑溜，唔錯。下面幅相，影得近d，應該比大家睇到湯既濃度。個湯底真係可以當湯飲，我唔客氣就成個湯底飲晒。

雖然話就話市道唔好，但其實反而啲小店係大受歡迎的，適者生存嘛！沒有大既舖面、大廣告宣傳，但就係反樸歸真既時候了。從小到大，都覺得蕃茄牛肉係最佳拍檔，到今時今日都係一樣無改變。只係更多展示既方式。今次既蕃茄湯配牛肩胛、慢煮牛，可以係優質示範。每一啖湯清得黎，見到蕃茄蓉既踪跡，完全唔太搶但又有淡淡既蕃茄獨有清甜既味道。除左湯底係大讚之外，仲有係牛肉，喜歡肉味香濃既建議叫牛肩胛。如果想入口即溶既就揀牛腩，當食呢件牛腩既時候，千祈唔好用係潮州牛腩麵既黎比較，係兩回事。肉既份量都適中，食肉既朋友可以叫雙拼，自己感覺好似多啲款，滿足感又大啲。麵底仲有6款可以選擇，可以揀唔同既口味，不過提提大家全部都唔係即時手打咖啦～所以唔好錯重點。仲有見隔離枱既冷麵都超級吸引的，好精緻，擺放得好靚。完全係用心制造的。

之前行過銅鑼灣希雲街，見到有間餐廳叫蕃茄仔red object，幾得意，一直都想食下。今日專程嚟到，雖然已經過咗午飯時間， 但仲有條長長嘅人龍，我足足等咗45分鐘先入座，超受歡迎。餐廳座位不算多，我被安排咗喺玻璃窗前嘅bar枱。呢度主打健康湯麵，濃郁嘅蕃茄湯底， 啖啖新鮮蕃茄味。我點咗鰻魚湯麵轉烏冬，再加咗秋葵，粟米，雞胸，超級豐富，配意大利有氣橙汁。湯麵分量好大，追加嘅粟米有三塊，秋葵有兩條，雞胸三片，鰻魚有兩大片，足料，食完非常飽😋😋

好多朋友都話番茄有抗氧化作用，最近成日游水曬太陽，皮膚差咗，蕃茄對皮膚好好，但需要烹調良久，茄紅素先至會出，今日來《蕃茄仔》，一於來過抗氧化之道。用手機QR code網上點餐，方便快捷。輕燒厚鰻魚(上海麵) ~肥美鰻魚遇上鮮茄濃湯原來可以這麼夾。上海麵掛滿蕃茄濃湯，美味無窮。無激素加拿大豚肉片(烏冬)~賣相都一樣吸引，豚肉豬柳片入味夠淋。烏冬滑捋捋。加配飲品可選花茶，玫瑰觀音烏龍(凍)~冰凍消暑。桂花龍井(熱)~茶香解渴。冷麵超可愛，不過今日已經售罄，太可惜喇，根據餐牌上的形容：秘製金黃番茄清湯冷麵，附上慢煮雞胸絲、昆布、胡麻、柚子胡椒、紫蘇、梅子金茄，麵底可以揀蕎麥麵，也可和風台麵+$5或葛絲+$5。

酸酸甜甜地嘅味道🍅🍅🍅最令夠引起大家嘅食慾尤其是喺咁x熱嘅天氣底下有💛❤💛❤就嚟支持下啦!!!湯底texture 好濃郁我加咗蛋花仲更加滑蕃茄味唔會過酸同有菜腥味100％用新鮮材料製作值得加許👏👏👏👏👏今日叫咗「鰻魚」同「牛魔王」兩款個牛肉一啲都唔馬虎微微燒過先放入麵度更加帶出肉香鰻魚肉厚鮮味十足最正係咩?啲配料好得!!!🥦🥦🥦🥬🥬🥬🥒🥒🥒🌽🌽🌽無論係秋葵、粟米、野菌、淮山全部都高度推薦Feel到勁新鮮同爽脆😝粟米好甜而且啲菇仲係貴嘢嚟居然有菇中貴族油雞縱!!!飲品方面都好暢銷🍵玫瑰烏🌹龍同桂花龍井叫熱又得凍又得養生又健康😘今日2點幾去到冷麵同撈麵已經賣曬我好想試呀!!!🤩🤩🤩下次早啲去先!

同事留意到公司附近開左間新既餐廳，於是，今日拉隊去食，由於鋪頭細細，lunch時間排左陣隊先有位，食物種類唔多，都係番茄湯底再睇下答其他牛，或者豬，雞，今時我地叫左加拿大豚肉片，同事叫左豬手加左配菜豆腐兼秋葵，湯底係濃，偏西式creamy 🍅tomato soup, 唔係茶餐廳既細番茄湯，所以如果係鐘意個一類湯底風格3既就要留意下。另外佢鋪頭細，相對伙計就冇咩人手，所以係用QR code落單，都幾方便，有效率。👍

希雲街最近開左間新店 主打番茄湯麵 原來佢係小西灣滑蛋仔老闆開嘅🤣🤣💛呢度用app落單 埋單只收現金個人覺得蕃茄牛肉係perfect match所以叫咗兩款牛🐮🐮🔺美國慢火牛腩 ($72)🔺特級安格斯牛肩胛 ($70)首先講個蕃茄湯 係絕對唔會令你失望🍅湯底好厚身 唔係平時茶記常餐蕃茄湯嗰種質地有好多蕃茄蓉 但感覺又好humble又唔會太酸太油或者太甜 味道岩岩好🥰🥰至於牛肉 牛腩就啖啖肉 好腍身 而牛肩胛甲就牛味重小小 如果佢再煎得再香啲 再多啲火炙嘅味道 就perfect池啦🤤🤤今次面底叫咗刀削麵 好掛湯 超好味😋😋下次想試下葛絲 聽講姐係壽喜燒入面嘅粉絲🤤呢度絕對會成為我pocket list內另一間治癒系小店💛🍅

紅卜卜的蕃茄，含有大量茄紅素等抗氧化物，對身體非常有益，外型可愛吸引，除了做料理外，也可當水果吃，多汁好味。銅鑼灣希雲街最近開了間蕃茄作主題的小店。店舖小小，枱面上的QR code是用作點餐，非常方便。蕃茄是主角，當然湯底就是選擇它了。質感濃稠，有淡淡的鮮甜味。配了烏冬，每條烏冬都沾滿湯汁精華，濕潤度高。主餸是牛腩和牛肩。又厚又大件的牛腩軟腍，滋味。牛肩肉味濃郁。配菜追加了准山，萵筍和粟米，新鮮清爽，甜美。

其實我對蕃茄真係情有獨鍾，基本上每個月喺屋企食飯，總有幾次會食到蕃茄炒蛋，最近銅鑼灣新開小店，當中菜式以蕃茄濃湯麵食作為餐廳主打🤗🤗當然唔會錯過啦。餐廳主要以手機進行點餐，當中流程都相當簡便。今次我就點了😎🤩輕煎三味鴨蕃茄濃湯烏冬🍅🍜首先我想講蕃茄湯底真係相當出色😋😋每一啖都食到好濃郁嘅蕃茄👏🏻👏🏻👏🏻而且湯底杰身嘅關係😆👌🏼令到每一條烏冬都掛上鮮味嘅茄湯😋😋真係食到停唔到口☺️三味鴨份量相當多👍🏼👍🏼呢個價錢嚟講真係相信抵食🙆🏻‍♂️望埋表面金黃嘅鴨肉已經令我流哂口水🤤🤤而且佢嘅血橙飲品亦都比較少有真係每個環節都想做到最好🤠👍🏼

新店開張本身想趁而家可能冇乜人去支持下，但消息都傳得幾快，開張冇耐已經好多人去，keep住有人到但冇位入，好彩一點前到左所以有位唔洗等門口好靚，之後一定會係大家打卡熱點之一入到去自己scan QR code落單，方便快捷，menu都唔洗印咁多份出黎，唔洗傳黎傳去增加病毒傳播風險成間鋪9成人都食鮮茄湯麵，一定好吸引！但我今次衝住冷麵去，天氣咁熱食冷麵一流，蕃茄麵留下次試要左秘製金黃蕃茄清湯冷麵，揀左白麵底（HKD $89），好多細兜仔好得意啲兜兜除左粒蕃茄，其他全部比你自行加落冷麵汁裡面。綠色嗰兜有啲辣，但倒完落冷麵汁一啲麵唔辣架，放心倒透明黃色既蕃茄清湯睇落好新奇，平時睇慣左係橙紅色冷麵汁唔完全係水狀，所以都有少少掛湯，佢睇落好似冇味但其實食落清新帶點酸，同朋友食到最後就咁飲佢啲汁食到最後再食粒梅子蕃茄，好好食如果可以，放呢個落追加小食，因為食一粒真係唔夠喉門口收銀位仲有少少文宣卡仔同精油可以拎另外如果想買膳心小館既蛋卷又咁啱有貨都可以喺度買，今日有既係紫薯味蛋卷（HKD $89）

#蕃茄仔redobject @softeggsboy 就咁睇個名係米有D熟口面？有留意開既朋友們應該會知道,哩間小店係同位於小西灣出晒名既”滑蛋🥚仔”同一個老闆仔開架！有試過滑蛋🥚仔既招牌滑蛋蓋飯配自選配料既,相信一定都會抽時間黎哩度試一試”蕃茄🍅仔Redobject啦!!———————————————-秘製黃金蕃茄🍅清湯冷麵🍜冷麵跟上多款配料,可以隨自己心意添加！(昆布/胡麻/柚子胡椒/紫蘇/梅子金茄）冷麵本身都配上大量慢煮雞胸🐔絲,肉質鮮嫩😋而麵既款式都有三款俾大家選擇(蕎麥麵/葛絲/和風白麵),今次既選擇係和風白麵🍜口感清新,麵條🍝非常幼身！但有咬口👍秘製清湯方面,味道清甜🍭配搭黎食冷麵,根本就是絕配！無得輸😛————————————————自家鮮茄濃湯底🍲配上自選麵底(葛絲)及自選配料(特級安格斯牛🐮肩胛)葛絲係D咩？店員解釋俾我知,原來就係平時食日式Shabu Shabu 既時候,食到差不多最尾既時候,通常都會見到有一堆好似粉絲咁透明,又好似麵條咁既野😛至於湯底方面,如果要同🍅師x比較既話,係唔得既！因為兩款唔同style既,各有各特色！🍅xx方面就會係比較”傑”身同香濃既口

認識蕃茄仔，係因為一直幫襯開嘅滑蛋仔💛其實唔係特別喜歡番茄湯，係因為撐滑蛋仔所以都會撐蕃茄仔，但又唔可以盲撐，所以一定要親自試下💛個湯真係好好味，係好濃厚好多蕃茄蓉，而且重好熱，食到尾都重係好夠熱，唔似出面一般温暖稀稀嘅蕃茄水加兩粒蕃茄😁😁最特別有我至愛嘅慢火豬✋粒，有肉又入味，估唔到同蕃茄又好夾喎😋另一碗安格斯牛肩胛刀削麵，煎得好香嘅牛肉，配刀削麵重可以沾多d 濃湯食物👍🏻👍🏻手足有禮🙇🏻‍♀️🙇🏻好有誠意嘅小店💛💛一定會再去試埋冷麵💛💛