萬豚屋

營業中

休息中

一入門口很有小店的感覺：不是連鎖的大品牌，空間不算大但窩心有心經營，很滿座質量應該不錯。..⭐️活乳酸爆珠特飲（$26）新穎的配搭，解渴又有珠珠咬下，很過癮。..⭐️黑胡椒煮花甲（$88）湯像豬肝湯似的，黑胡椒令湯辣辣的，醒情又開胃。花甲都幾大隻。..⭐️燒活鰻串（2串）（$68）燒的火候剛剛好，皮微脆而肉多汁，食得出的新鮮。..⭐️照燒上級美國牛肉飯（$88）好多片牛肉，牛肉好味而不肥。溫泉蛋拌著牛及飯食，很誘人的配搭。呢間店主打應該是石鍋鳥冬，下次經過試下先。

又到減價嘅季節， 尖沙咀附近嘅商場，好多鋪頭都做緊大減價。 加上天氣炎熱，最好就係搵個商場行下街街， 一於去尖沙咀盡情shopping😊😊😊經過幾個鐘頭嘅戰鬥， 我們都滿載而歸， 買完嘢，當然要搵間餐廳補充能量🤗🤗🤗諗起之前朋友介紹過一間，赫德道的日式餐廳。 餐廳主打石鍋烏冬， 仲有唔同嘅小食串燒😋😋😋唔諗咁多啦，一於去試下。😍😍泡菜豚肉石鍋飯🍲🍳🌶半肥瘦豬肉薄片，配上惹味嘅泡菜， 珍珠米煙韌彈牙 ，非常可口黑胡椒活花甲稻庭烏冬🍜極力推薦😋😋花甲份量十足😍， 最少有八至十隻， 肉質鮮甜爽口冇沙😘😘烏冬幼滑彈牙， 配上香辣辣嘅味噌湯，簡直係 完美配搭墨魚炸彈🍳🥚墨魚肉彈牙煙韌， 配搭流心蛋非常美味活乳酸爆珠特飲🍹忌廉梳打🍸

星期日就去尖沙咀行吓街啦中午時分經過呢一間日式店舖見到係推介日式烏冬為主 自己又好鍾意食烏冬 一於就去呢一間食入到去睇到個Menu 又真係幾多嘢食喎 主打烏冬有胡麻系列同冷烏冬系列 亦都有好多小食 串燒 沙律米飯等等 我地兩個人叫咗好多嘢食 ； 滑蛋吉列豬扒丼 $78， 木魚豚肉玉子燒 $52, 胡麻冷菠菜 $28. 同埋 冰碗海鮮冷稻庭烏冬 $108首先有胡麻菠菜 ~ 麻醬落得夠多 菠菜鮮甜。配埋一齊食絕佳嘅配搭!玉子燒非常足料 厚厚既玉子包着非常多嘅粟米 豚肉。配上沙律醬 忍唔住係咁食吉列豬扒炸得啱啱好 配上滑蛋送飯一流！最驚喜係個冷烏冬 佢真係用一個冰碗會放上冷烏冬同材料 冰碗入邊仲有啲花襯托 配上冷麵汁 同埋一啲燒左嘅帶子蟹柳扇貝 係炎炎夏天食非常之涼快！打卡必like! 唯一一樣野真係要食快啲 因為個冰碗真係會溶最後因為覺得啲主菜都好好食 要咗個甜品 伯爵茶芝士蛋糕 $35,送一杯冰咖啡伯爵茶茶味出 冰咖啡外型討好 放落一個特別嘅樽仔 總括而言 呢到侍應禮貌超好 環境不錯 食物質素有驚喜 值得下次再嚟過！

#小秘書 已經有一段時間冇嚟 #萬豚屋 幫襯，一來近忙比較忙，二來覺得佢質素差咗😌 不過今日咁啱喺附近參加完cocktail，虛假一輪搞到八點幾先走得👉🏻👈🏻 成晚齋飲就一定唔夠飽，行行吓又去到 #萬豚屋🐷 見唔使排隊，就入去比多次機會佢🤪我張 #會員卡 原來四月已經過咗期，本來諗住唔續會，不過 #小秘書 實在太耳仔軟，俾人講兩講就應承咗😅 不過唔知佢哋搞乜鬼，要我即時比$68 cash做會員費，我問點解唔可以埋單先一次過比錢，服務員話唔想「加一」費事要我比多幾蚊啦😅😅 唉... 是但啦！不過咁啱身上就得幾十蚊，又要麻煩我一陣去撳錢啫🤪 望下個餐牌，似乎食物唔太多轉變，不過就學人做環保，客人要喺膠片上落單，不過支筆又粗又冇墨... 玩我！#萬豚屋 每個月都有一款免費小食比會員，呢次我有一份免費嘅「胡麻菠菜」凍凍地加埋啲麻醬又幾好味🥰 之後我自己就加咗個 #菌湯牛肉石鍋烏冬，配料好多，面頭一層 #菜苗、生蛋、仲有大量嘅 #半熟牛肉片，而最重要嘅就係巨型嘅 #大磨菇，配埋個 #菌湯，實在好夾味😉 我又再次愛上🐷喇😅

記得第一次嚟嘅時候係十多年前嗰陣時經常光顧 因為夠熱又好味 隔左幾年再試過一次 依然咁好味 今日再嚟 水準一樣保持 成碗烏冬 🍜連湯都飲晒原來而家仲有好多調味醬放在桌上供客人享用 🍴有七味粉 黑椒 芝麻 黑蒜 竟然有我愛的柚子胡椒吖正呀 下次要揾埋朋友👭一齊嚟食 今日得自己一個 只可以食碗烏冬☹️P.S..........入座時記得唔好坐門口第一張枱 一開始都唔覺 因為未坐滿客人 我越坐越熱 仲要係熱辣辣嘅石鍋烏冬 我真係想死 因為外面嘅熱風吹入餐廳 而且門經常打開 希望日後會有改善喇

🔷上級牛肉手打烏冬 配香菌濃湯 $88手打烏冬好味道呀～因爲手打關係好彈牙😙湯底奶白色，飲落好似忌廉蘑菇湯咁，菇🍄味好濃👍🏽🔷美國一口牛丼 $80有隻溫泉蛋上面，忍唔住要吉一吉佢～哇哇😗😗蛋黃流晒落d飯度👏🏼一口牛肉汁豐富，咬一啖牛肉流出嚟🔷木魚豚肉玉子燒 $52有勁多木魚係上面，郁下郁下👯‍♀️👯‍♀️蛋衣很薄，同平時食開的玉子燒有點分別。薄薄的蛋包住了滿滿的餡料🤤🤤有椰菜、粟米、豚肉、蘿蔔絲，有沙律醬係入面，口感豐富🔷活乳酸爆珠特飲 $26是益力多喔，飲的時候先想起原來自己好多年都無飲益力多了！果底有好多爆珠珠，一咬入面既乳酸就爆咗出嚟😆

今日心血來潮，很想吃日本烏冬，網上找了萬豚屋，見它的食物賣相不錯，所以以來試一試。這裡的食物選擇多，食物選擇足足兩頁A4紙，最後點了大板風石燒金胡麻擔烏冬、黑魔女美肌担担手打烏冬、北海道燒帆立貝和吉列忌廉蟹餅。先來的是吉列忌廉蟹餅，蟹餅炸起即上枱，外皮又脆又熱，蟹肉混上了忌廉，配上沙律醬，味覺不錯。之後來的是北海道燒帆立貝，餐廳有了原隻連殻的帆立貝，元貝大粒，燒的程度剛好，入口仍然嫩口，六十多元有兩粒，實在合理。至於重點，當然是烏冬，兩款烏冬都用了熱石盛載，上枱的時候湯底還在滾，老實說，兩款烏冬我都十分喜歡，金胡麻花生味濃，味道有點像担担麵，麻香味重；黑魔女則是黑芝麻味湯底，黑芝麻味道極之濃郁。可以誇張的講，這是我在香港吃過最好食的日式烏冬，值得再次光臨。

每次諗起手打烏冬，我就記起呢間餐廳主打石燒既手打烏冬，每次係尖咀行過都無機會親身試下，今次終於有呢個機會啦，本身我約左個朋友食飯，可惜我因為行程上有改變，原本已經取消左，但我因為某個活動延遲左，突然騰空左個時間，咁岩又係尖沙咀，咁點可能唔過黎試呢？咁究竟石燒烏冬係咩黎咖呢？其實原理係石頭可以儲存大量熱能，要令到食物keep住係高溫或達到沸騰既狀態，再經過十六個鐘熬製既豚骨濃湯同埋手打烏冬，咁就成為左人氣之冠啦！餐廳裝修精緻簡約，牆璧上以人手採繪畫左大概 50 隻小豬圖案，帶動左成個活潑氣氛，令我覺得自己好似置身於東京小食店裡面，有種地道風味！👇📌活花甲手打烏冬配香菌濃湯 - $98👉成個石頭鍋擺左係火上面係咁燒，果種沸騰感覺係好真實，個心都一路滾緊咁呀，石燒鍋可以令你食完都仲係覺得熱，花甲就真係好抵食啦，又大隻全量又多，新鮮又乾淨，我今次湯底係香菌濃湯，即刻忍唔住飲左好幾啖，真係要小心睇熱，唔好一黎就擺入口呀，辣親個咀就食都食得唔開心啦，最緊要等佢cool down少少先，呢個口感就無得頂啦！📌黃金胡麻擔擔石燒手打烏冬 - $88👉再黎就整返個濃厚味道既擔擔麵啦！用擔擔面既湯底配合烏冬

之前聽過朋友介紹，係尖沙咀有間質素唔錯既餐廳，特別之處係用石鍋上菜。難得今日經過附近，又有時間，所以就黎試下。我同朋友分別叫左香辣湯招牌花甲烏冬，同埋新推出既黑魔女美肌擔擔手打烏冬，另外兩隻北海道燒帆立貝做小食。首先要介紹又香又辣既花甲烏冬。花甲一直係我既最愛，佢地既花甲又新鮮又大隻，配合埋香辣湯一齊放入口，真係好多重味覺既衝擊呀～烏冬吸收晒湯既香辣味，鐘意食辣既一定要試～朋友果碗其實係黑芝麻湯既豚肉烏冬，淨係聞都已經聞到好濃既黑芝麻香味～一飲落口，嘩，好似食緊芝麻糊咁，啱晒鐘意食黑芝麻既朋友～而豚肉肥瘦肉分佈適中，唔會太肥又唔會好乾身。帆立貝大大粒，加上牛油既香味，令人食指大動，食完仲齒頰留香添！總合各方面，呢間餐廳都非常值得推介，可以話係一試難忘～

今日同朋友去尖沙咀行街，無意中經過赫德道，係食飯時間，見到呢間石燒烏冬，即刻入嚟試吓。呢度地點近地鐵站，但旺中帶靜，空間闊落，坐得都幾舒服。首先點左兩個小食，胡麻冷菠菜（$28），同墨魚炸彈（$48）。炸墨魚香口酥脆，味道鮮甜。另外奉上炸糖心蛋，內軟外脆，賣相同味道同樣吸引。主菜當然係烏冬啦，呢度啲鳥冬有唔同嘅湯底，適合唔同人口味。我揀咗Daily Catch海鮮稻庭烏冬配魚介豚骨湯（$102），朋友就揀左上級牛肉稻庭烏冬配黑蒜油豚骨湯（$94）。上菜嘅時候，兩碗烏冬熱湯翻滾，好似打緊邊爐咁，但係鋪頭內冷氣涼爽，一啲都唔覺得熱，如果冬天時份氣氛更好。我個海鮮烏冬分量十足，有蝦、峴、蟹柳、元貝，大件夾好食。稻庭烏冬果然名不虛傳，非常爽口彈牙。朋友個牛肉烏冬鋪上濃香黑蒜，提升整碗烏冬的美味，牛肉鮮嫩，烏冬一樣好好食，整個組合是完美配搭。值得一提的是，餐牌以膠片包裹，用marker 在餐牌上點菜，點菜後侍應抹餐牌上的油墨，將餐牌可以循環再用，呢個方法環保有 creative，值得一讚。

喺尖沙咀做完野黎到萬豚屋食午餐，兩個人叫左一個小食、兩個烏冬同埋一件蛋糕。墨魚炸彈係墨魚滑包住溏心蛋一齊炸，墨魚滑彈牙、溏心蛋流心度十足，加埋類似明太子嘅醬汁，口感味道都唔錯，一定要趁熱食。香菌濃湯上級牛肉手打烏冬，湯底非常濃郁，睇到有至少兩種唔同嘅菇菌，面頭仲加左一匙有少少似黑松露又有少少似菇菌味嘅醬，令味道更豐富，烏冬好好咬，間中又可以食下豆苗清清味蕾，牛肉有牛味唔會過肥。友人被「美味！抗衰老！」吸引，叫左餐廳特別推介大阪風石燒金胡麻擔擔烏冬，湯底用嘅「大阪和田萬」黃金胡麻店內都有得賣，每檯都放左一個吉樽做sample。友人形容胡麻味道簡單直接唔會太滯太漏，加左擔擔麵嘅肉醬香濃惹味，帶微辣，豚肉油香豐盈。福岡柚子豆乳芝士蛋糕有驚喜，估唔到手打烏冬店竟然有咁出色嘅甜品。柚子味重，感覺清新，好岩炎熱嘅夏天食，面頭灑上紫薯粉，有心思。胡麻烏冬同蛋糕本身都有跟餐飲品，我叫嘅凍檸茶正正常常，友人加錢要左活乳酸爆珠特飲，係乳酸飲品加乳酸味爆爆珠，鐘意calpis嘅佢話大滿足呀。店內嘅牆壁都畫滿左唔同嘅豬公仔，好可愛。店內冷氣夠凍，大熱天時食熱騰騰嘅烏冬都唔會滿頭大汗。

今日係6月16號 係香港人企出嚟嘅日子 由於我上次行得太耐所以今次決定做最早出發嘅人 我由十一點已經開始行 行到六點先行完 身水身汗真係好辛苦 不過真係冇辦法喺港島區食飯因為實在係好多人所以輾轉 就喺政總搭地鐵 返嚟尖沙咀食 尖沙咀都好多人 一街都係黑衣人 其實我哋都冇乜胃口 所以諗住食啲清清地日本嘢 就嚟試呢間萬豚屋上級牛肉配凍雪國稻庭烏冬 呢個係我老公叫嘅 牛肉大大兜 味道有啲似中式嘅蔥爆牛肉 牛肉好大塊 冇肥膏 不過略嫌煮得熟咗少少 但係好入味 亦都幾好送烏冬 稻庭烏冬彈牙 份量夠 老公話最抵讚係個湯 真係整到好凍畀你過烏冬一放入去就即刻彈返曬今日咁熱 食呢個真係好舒服 又覺得唔熱氣 加上烏冬同牛肉好襯 我好想搶咗佢呢一兜嚟食香港牛肉濃湯稻庭烏冬我影得唔好上嚟係熱辣辣嘅石鍋 等咗成兩分鐘 都仲係卜卜起曬泡 入面有一隻雞蛋好多牛肉 粟米中間你見到一pat嗰啲係松露醬泥 撈埋好重好重香菇味 稻庭烏冬爽口彈牙 同個湯好襯 不過呢個石鍋實在太熱 令到牛肉好快就熟曬 可能加上天氣太熱 冇辦法食曬成個 所以夏天最好都係食凍烏冬香煎豚肉餃子六隻 呢種餃子有啲似日本嘅大阪王將 皮好薄肉好多菜好少

今日同友人係尖沙咀行完街直落想食埋dinner諗返起好耐之前有朋友帶過我黎萬豚屋食鳥冬加上友人都喜歡食鳥冬 咁就即刻出發去食dinner厚切豚肉手打鳥冬 （香菌濃湯)  先講湯底 湯底方面有4款選擇: (1)香菌濃湯 (2)魚介豚骨濃湯 (3)香辣三色味色湯(大中小辣) (4)黑蒜油豚骨湯用石鍋盛戴食物 感覺雖然笨重 但就可以保持食物的熱度咁就唔怕相機食先 等齊哂所有先開餐 湯底已經唔再熱辣辣湯面放左望落很是新鮮的青綠菜苗 份量唔少的 （笑)  仲有半熟蛋同黑松露醬湯底本身已經有濃郁的菇味 有粟米的關係再帶一點清甜 將黑松露醬混埋入去 令湯底的層次再度提升  豚肉果然一如其名是厚切的 半肥瘦的豚肉軟嫩帶油香手打烏冬食落彈牙有口感   墨魚炸彈凍稻庭烏冬熱辣辣的天氣 最岩就點返個凍烏冬凍烏冬爽口煙韌 鰹魚汁濃得黎帶有幾分鮮甜樸實的鰹魚汁加凍烏冬 食落有種簡單的幸福感覺賣相精緻的黑魚炸彈並非華而不實有著一層薄薄脆皮的彈牙墨魚滑包住流心蛋 食落口感十分豐富北海道燒帆立貝推有金黃色外表的原隻帆立貝實在令人食指大動帆立貝食落爽口 一d都唔乾又唔會過熟 再加上微焦的芝士同上沙律醬味道不錯胡麻冷菠菜

夏天又熱又無咩胃口，就想揀啲清新一點，最岩就食冷鳥冬，其實之前都食過嘅石鍋烏冬，係好食但夏天就想揀啲唔同嘅。閒日19:00 去到都有位，同朋友都決定揀冷烏冬加小食。餐牌上有幾個紅色推介其實都可以一試，冬天一定再番黎試石鍋豚肉烏冬。點左個香煎豚肉餃子黎試，餃子煎完入面依舊好多汁，唔會燶晒邊，配合個汁係幾好食。我今次主食就揀左吉列豬扒凍稻庭烏冬，將蘿蔔蓉，少少的薑蓉，wasabi及蔥花加入冷烏冬汁。烏冬有口感彈牙之餘仲要好爽口，加埋個汁係好香好易入口，食落非常舒服。而吉列豬扒相當出色，加上一點千島醬，厚身得黎唔乾。朋友就揀左上級牛肉凍稻庭烏冬，烏冬一樣都係咁出色，朋友仲話好難得牛肉咁多而且好滑。另外朋友口痕仲揀左一串燒活鰻串，我地都覺得厚身又燒得好食，食完成口魚香。平時夏天熱就好難揀野食，但好彩餐廳食到個冷烏冬其實都幾透心涼。

在尖沙咀有不少出色的食肆，經朋友介紹之下今日一於試吓這食店，位置在赫德道離地鐵站很近，十分之方便.人氣的石鍋烏冬.餐牌上有各式各樣的烏冬有肉類烏冬有海鮮烏冬還有冷烏冬.在大熱天時的香港今日一於試冷烏冬加上香脆的炸豬扒，豬扒十分之香脆並不油膩，至於冷烏冬十分夠凍又夠爽口水準之作.透心涼之選一定是可樂了再加上香脆的餃子這個配搭十分美妙.玉子燒蛋味十足，十分好味.豚肉飯，同樣有水準一塊塊厚切的豚肉令人垂涎三尺.當日下午座無虛席.