萬豚屋

嘩，真係估你唔到，喺尖沙咀呢個美食天堂，周圍都係高質餐廳嘅地方，竟然都可以俾我哋搵到間咁驚為天人嘅「伏中之伏」！簡直係挑戰緊我哋對「難食」呢兩個字嘅想像力。講真，我哋都唔係要求啲咩山珍海味，但求普普通通一餐安樂茶飯啫。點知，佢連一碟最基本、最無可能出錯嘅凍烏冬都可以整到難食過人，嗰種口感真係唔知點形容，完全冇晒烏冬應有嘅彈牙，死實實咁，真係食兩啖都覺得辛苦。但最最最離譜、最令人髮指嘅，都係碟餸上面嗰層油！大佬呀，啲油多到好似唔使錢咁，閃令令到可以反光，我懷疑拎啲油去炸油炸鬼都仲得，用嚟煮十人份嘅餸都綽綽有餘。食完之後成個口都係油膩感，飲幾多杯茶都清唔走，真係諗起都想嘔。食物質素差都算，當我哋黑仔。但最令人火滾嘅係個侍應阿姐嘅服務態度。我哋坐低都唔夠十分鐘，水都未飲啖，佢就好似趕住收工咁，行過嚟催完一次又一次，塊面黑過鑊底，語氣又差，態度勁差！大佬呀，我哋係客唔係犯呀，使唔使咁呀？成餐飯食到一肚氣，貼錢買難受，呢間嘢真係永不錄用，送錢俾我都唔會再食！估唔到喺尖沙咀咁多好野食的餐廳都揾到間咁難食的！連凍烏冬都難食過人！最重要係啲油多到可以煮十人份的食物。仲要坐低唔夠十分鐘個侍應阿姐就不停催我哋落單，乜料，仲要態度勁撚西…查看更多

今次去左萬豚屋，叫左活花甲稻庭烏冬，簡左魚介豚骨，十分滿意❤️❤️活花甲稻庭烏冬的湯底以魚介豚骨為基底，味道濃郁卻不油膩。湯頭經過長時間慢煮，魚介的鮮甜與豚骨的醇厚相互融合，散發出令人愉悅的香氣。第一口湯品，便能感受到豚骨的滑順與海鮮的鮮香，讓人忍不住一口接著一口。稻庭烏冬的質地滑順，彈性十足，吸附了湯底的精華。每一口都能感受到麵條的Q彈，搭配湯底的味道，令人回味無窮。這種米製麵條的獨特口感，與一般的小麵條相比，更具層次感，讓人感受到不同的口腔體驗。活花甲的加入，為整道菜增添了海洋的鮮活氣息。花甲肉質鮮嫩，與魚芥豚骨湯的濃郁形成鮮明對比，讓整道料理的風味更加豐富。花甲的彈性與湯底的融合。…查看更多

首先，我好鍾意食烏冬👅幾年前有朋友帶過我嚟食之後，🥰每次想食烏冬就會諗起呢間餐廳！星期二關係，7點幾食晚餐都吾算多人，所以一入去就有得坐卡位。 餐廳空間都算大～每張枱嘅位置都足夠，坐得都算舒服～ 店員都好快幫手落單，嘢食都好快送上，吾洗等太耐～因為佢有好多選擇，😋😋😋而且我覺得佢哋烏冬煮得好彈牙，又唔會太淋，真系一個鍋上，熱喇喇～湯底都唔會好鹹👍🏻👍🏻👍🏻第一次食雞扒同埋豬軟骨，雞扒都煎得啱啱好太熟同埋都唔會好鹹～豬軟骨都好入味🤩 有個蟹籽秋葵小食我都第一次食～我覺得勁好味～呢個整法好特別，而且會想繼續食吾停😜 不過如果有杯茶水供應就會更好🥰 總括嚟講，會再嚟幫襯😎…查看更多

今日約左同朋友食飯，見之前都多人介紹呢間烏冬，今日就去左食😆一坐低發現卡位有啲細，四個女仔都坐得有少少迫（可能要減肥啦🥲）叫左照燒雞扒香辣味噌石鍋烏冬（$92）雞扒好大塊，皮燒到好脆，肉汁鮮嫩，冇雪藏味✨石鍋烏冬一上到嚟仲滾嘅，湯都算幾香，但冇乜味噌味，食完都幾口渴🥺烏冬本人就唔彈牙，仲有少少煮過龍咁軟淋淋，烏冬專門店嚟講有少少失望😢食食下石鍋烏冬覺得個人好熱，先知原來餐廳冇開冷氣😯同店員講聲之後都有開返，但食到成身汗，體驗一般😢…查看更多

真心話 呢度嘅嘢食係都唔錯嘅 不過份量就好少 女仔嚟講一個烏冬都唔夠飽 上次叫咗個活蜆烏冬 但係得六隻左右 .........但係味道就OK嘅 價錢同份量未計就真係好貴 最大嘅問題係+1收費 但係水都冇杯 見過有小朋友嚟食 想要杯水都係冇 職員話只可以自己叫嘢飲 但係啲嘢飲都唔係平 所以變相唔抵食 問佢攞水係唔俾嘅～ 如果要食類似嘅烏冬旺角都有另一間可以選擇 一定要嚟呢度 所以我最大嘅問題係佢+1收費但係冇+1嘅服務 😅以後唔去了😅 …查看更多

難得有機會平日同老婆出街食，睇App發現哩間萬豚屋幾吸引，同老婆走去食。坐低睇完餐牌叫左2個主食1）厚切豚肉4件烏冬鍋,2）燒牛肉井， 及一個炸雞小食食物到左賣相ok, 食落味道仲幾好，岩食。豚肉湯入味，牛肉井豐富料多，仲有 黑白芝麻七味粉自己添加。另外有一位女員工好細心，發現到我老婆大肚，問我地要全熟蛋，Nice.但係我個人覺得最不能接受及敗筆嘅係當我要求要2杯水時，某男員工表示無水提供，另有樽裝水售賣可選擇，感覺焗你買野飲，熱飲加3元有茶嘅， 雖然係三蚊當時我地都唔想飲。個人感覺係一間連杯水都無得比你嘅餐廳，食物同服務幾好，我感覺到強差人意囉，唔好話要唔要飲水先，用黎洗下餐具都要吖個人需要。所以我唔會再幫襯，你地感得呢？…查看更多

服務態度惡劣，冷氣出風位打風咁強，吹正係客人個頭度，就係為左等你個石鍋快啲凍，快啲食完快啲走，味道譚仔好過佢，有興趣食譚仔三倍價錢貴但味道差過佢既野可以一試，保證一試難忘。其實咁多人中伏都係因為香港少石鍋之類既日式餐廳，收得呢啲價位真係認真做好難？只怪自己無上OpenRice 睇吓所以跌錢買難受，超過100個既100%唔會係有好結果是常識吧，大家唔好中伏，100個笑你食完未必識笑，但有100個你食完都仲識笑我真係弓喜你呀…查看更多

厚彈石鍋烏冬，香醇濃湯配足料配菜，冬日穩陣好食之選🔥・・・・・・・・・・・・・・・・・・・・🐷 三味豚手打烏冬 配香菌濃湯 HK$95＞ 厚切豚肉、薄切豚肉、豚大腸・味道：除咗薄切豚肉係普通豬腩片外，厚切豚肉肥友相間咁幾香豬油味，唔羶。豬大腸洗晒入面啲肥膏，食落可以呃自己冇呢嚿嘢冇咁邪惡XD。個湯幾香黑松露味，仲滲咗少少蘑菇香，但唔鹹，飲完湯都唔會好渴，加分！btw完來入面有隻原粒溏心蛋，讚欸！・口感：豚肉入口好淋，啲肥膏融咗好正！烏冬係厚身彈口嘅，不錯。🦐 Daily Catch海鮮手打烏冬 配魚介豚骨 HK$109＞ 活蜆、海蝦、帆立貝、蟹柳・味道：海鮮整體幾新鮮，湯底都有滲到海鮮鮮甜。而且海鮮份量都幾多～・口感：同上XD🍳 木魚豚肉玉子燒 HK$58・味道：好多餡嘅玉子燒，肉粒同粟米好多好滿足XD，蛋香味幾重。少啲沙律醬更好！・口感：口感好豐富呀，軟熟嘅玉子配脹卜卜嘅粟米同木魚，配搭幾新鮮同時幾夾。🧋本格香滑奶茶 HK$22 👍🏻・味道：呢支奶茶好飲喎，係好好飲嘅程度，完全surprise咗我！3分甜左右好香醇嘅奶同茶香。茶奶平衡，香而不澀嘅茶底，係會想買多支飲嘅程度。・口感：飲完唔會漿口，入口好順喉細滑。・・・・・・・・・・・・・・・・・・・・🤰性價比：高～🤰9衝度：9衝～🤰結論：睇openrice見到評價好壞不一，我呢次去食嘅體驗幾好😗不過希望店家可以穩定質素啦～・・・・・・・・・・・・・・・・・・・・…查看更多

一踏入萬豚屋，我點咗三味豚手打烏冬。食落，厚切豚肉彈牙得嚟又咁juicy，薄切豚肉呀，真係輕輕一咬就化咗喺口中，豚大腸啲香味，咬落去又脆又有勁，真係正！湯底那個菇菌的香味掂晒，令成碗烏冬湯飲落令人暖笠笠！凍嘅選擇，我就試咗豪快活蜆鰹魚湯稻庭烏冬。啲烏冬絲爽滑得黎都唔會過於軟熟，隨住那碗清甜的活蜆鰹魚湯一曬，嗰種清新感覺，簡直夏天嘅最佳搭檔！至於小食，墨魚炸彈同串燒一口牛，墨魚果然係一啖爆汁，而串燒牛肉咁香口，燒得啱啱好，入口即化。飲品方面，本格香滑奶茶飲落去，係甘香滑嘅好味道，而嗰杯完熟水蜜桃梳打汽水，清新嘅口感，仲可以清新下味蕾，準備再戰第二輪！落完口，我只能講決定不負此行，食物質素一流，份量足，價錢相宜，下回定必再光顧！🍜😋🐷…查看更多

食物份量不多，勉強夠食，女仔份量。豚肉數量唔算多但主要以肥膏為主，肉質軟腍但欠肉味，因為主要味道被過量醬汁蓋過。以為這個價錢會有相應質素，可惜沒有。如果$68還可以，這個價錢無飲品太貴了。整個飯嘅味道很單一，因為醬汁實在太多，肉香油香根本吃不出來。比較同類型的豚肉飯，這間可以說性價比接近零。佢主打是石鍋烏冬，同檯朋友有點，試了一口魚介湯，也是單一沒層次。整體就是定價過高，不值一試。地方太窄，座位安排差，要食客起身才讓到鄰座離開。…查看更多

同朋友去尖沙咀食野，行行下突然諗到原來好耐都無食過萬豚屋，不如去食下啦，不竟係那些年嘅回憶。。。。由於係平日夜晚，所以餐廳可以直入任坐😆今次點返香菌湯底，吉列豬排好鬆軟，湯底仍然好香❤️❤️朋友點嘅蛤肉香辣都很不錯❤️❤️係回憶嘅味道…查看更多

之前聽朋友講好味，終於經過可以一試，胡椒蜆好味，烏東滾熱辣上枱，最啱天冷，食完暖粒粒，吉列豬扒外脆肉嫩，好正，重試埋個蟹肉牛油果沙律，份量大，都係98元好抵食，正體價錢响尖沙咀尼講，都唔算太貴，值得一試…查看更多

試左兩款烏冬，一個係上級牛肉配黑蒜油豚骨，一個係豬軟骨配魚介軟骨，個人覺得兩款都唔錯，感覺似真係自己熬出黎，而唔係味精。餐廳飲品就唔推介奶茶，感覺要少少伏。整體係尖沙咀黎講價格都算實惠！值得一試！…查看更多

見到呢個餐廳用石鍋上烏冬 幾有gimmick 係OpenRice又有400幾個like 滿心歡喜嚟試吓點知佢個烏冬仲難食過759阿信屋自己煮嗰啲個waitress仲要係我面前剪指甲 啲指甲彈到周圍都係 😨係客人面前都咁污糟 可想而知客人見唔到嘅地方衛生程度有幾好😥我當晚嗌咗厚切豚肉烏冬（4件）魚介湯個石鍋烏冬被充滿草青嘅豆苗覆蓋住豆苗加烏冬呢個配搭 本人真係唔識欣賞 好臭青🤢我只好問店員拎個碗仔夾晒出嚟烏冬好淋 一啲口感都無 無牙阿婆都岩食可能石鍋本身熱 個烏冬基本上唔洗煮就咁擺係到都淋晒厚切豚肉唔好食 似煲完湯既豬肉咁肥瘦不均 成舊肥豬肉都夠膽拎俾客食魚介湯底唔特出 唔講都唔知自己食緊咩味問店員有無水 原來餐廳不提供免費飲用水要飲水就俾錢買我最後嗌咗杯熱茶 $5好彩另外嗌咗個牛肉飯 味道算正常起碼無個烏冬咁伏總括嚟講呢間餐廳係難食 自己煮一定仲好味…查看更多

🥢🍥🍲熱辣辣石鍋烏冬▫️冇水提供的，要飲野就要叫飲品☑️ 吉列豬扒手打烏冬/香濃菌湯🍲-$92個吉列豬扒會另上的，真係幾好食，外皮超脆口，而肉都鬆軟吾會難咬，配蛋黃醬好食。這款湯底選了香濃菌湯，有一小匙黑松露醬係面，而配料會切好嘅菇，有鮮味而且索完湯好味，另外仲有菜苗、粟米粒同一隻雞蛋，口感都豐富，但烏冬未算彈牙。🆗 厚切豚肉手打烏冬（4件豚肉）/黑蒜油豚骨湯 🐷-$92豚肉的確好厚身，吾會好肥，但會痴牙，黑蒜油豚骨湯個人覺得一般，蒜味太重會有少量苦澀味。除左冇左菇，其他配料都是一樣的。🆗木魚豚肉玉子燒 🍳-$58呢個玉子燒好似蛋包飯甘，只係飯換左做豚肉碎、椰菜粒、粟米粒、同埋蟹柳絲，上面仲有蛋黃醬同埋有木魚絲及紫菜絲飄下飄下，配料口感都十分豐富，食完好滯。…查看更多