萬豚屋

營業中

休息中

在尖沙咀有不少出色的食肆，經朋友介紹之下今日一於試吓這食店，位置在赫德道離地鐵站很近，十分之方便.人氣的石鍋烏冬.餐牌上有各式各樣的烏冬有肉類烏冬有海鮮烏冬還有冷烏冬.在大熱天時的香港今日一於試冷烏冬加上香脆的炸豬扒，豬扒十分之香脆並不油膩，至於冷烏冬十分夠凍又夠爽口水準之作.透心涼之選一定是可樂了再加上香脆的餃子這個配搭十分美妙.玉子燒蛋味十足，十分好味.豚肉飯，同樣有水準一塊塊厚切的豚肉令人垂涎三尺.當日下午座無虛席.

好食手打烏冬同男友難得放平日，去尖沙咀睇戲，下午茶時間同男友去左萬琢屋醫肚。我地嗌左香菌濃湯上級牛肉手打烏冬、大阪風石燒和田萬胡麻手打烏冬、燒活鰻串同木魚琢肉玉子燒。上菜都叫快，10分鐘左右。香菌濃湯上級牛肉手打烏冬見到d湯滾下滾下，用石窩熱湯，生生地既牛肉好快都熟食得。烏冬上面有幾多豆苗，仲有一舊仔黑松露醬，好香。個湯吾錯，好濃，好香菇味。仲有大粒溫泉蛋。烏冬都多，底仲有幾舊菇，連埋湯，烏冬，牛肉同黑松露醬一啖食，yummy！大阪風石燒和田萬胡麻手打烏冬呢個係男朋友食，都係滾住湯咁上台，湯入面有肉碎同小小芝麻粒粒，味道幾好。奶白色湯帶有胡麻香，比香菌濃湯濃郁，黃金胡麻可以抗衰老。有5舊琢肉，琢肉入晒味，吾鞋口，比其他琢肉更好味。燒活鰻串鰻魚上有連鰻魚汁一齊燒，所以好鬼死香。鰻魚好肥美，啖啖滋味，但都吾怕膩，因為邊碟有成注豆苗。木魚琢肉玉子燒呢個似奄列咁，蛋入面包有琢肉、粟米粒、椰菜同配菜，外面有沙律醬同木魚絲。個味好夾，岩岩煎好熱辣辣，一口食，又有沙律醬同粟米粒既小小甜，又有琢肉咬口，連埋木魚絲小小香，好食，好日式。

尖沙咀後街赫德道以前是晚上酒吧勝地。唔知由幾時開始,慢慢變成特色小店聚集地。唯万豚屋多年前已進駐,每次午餐時段經過都見人龍。赫德道路面狹窄多車,不容易發現店舖。万豚屋以手打烏冬出名,就試吓佢地個石燒芝麻手打烏冬。凍ge芝麻醬烏冬就食得多,熱的芝麻湯烏冬真係未食過。一上枱,真係滾到起晒泡連食緊咩都唔知湯底用上了大阪百年芝麻老店,飲落似豆乳芝麻湯~ 正主打的手打烏冬粗身半透明,非常有口感。叫多個大阪風玉子燒, 最後和我想像中的玉子燒不同。他應該是想模仿大阪燒餅,薄薄的蛋皮包了豚肉,粟米粒,椰菜,蟹柳啖啖肉好味

收工想食啲湯湯地嘅野, 大食妹就走咗去位於尖沙咀嘅萬豚屋食烏冬。<上級牛肉手打烏冬(菌湯)$88> (好味: 4.2/5) (抵食:4/5)上級牛肉手打烏冬用石鍋形式上枱, 熱辣辣咁呈現係你面前, 令人食指大動。湯底菇菌味十足, 有蘑菇濃湯嘅味道, 另外仲加埋黑松露, 可以見到店家對湯底嘅要求。配上彈牙嘅手打烏冬、牛肉片、粟米、雞蛋同埋幼身芽菜, 滿足－餐所需要嘅營養。<木魚豚肉玉子燒$52> (好味: 3.8/5) (抵食: 4/5)薄薄嘅玉子包住滿滿嘅手撕咸豬肉、椰菜、蟹柳同埋粟米, 上面鋪滿木魚同沙律醬, 係玉子燒混合大板燒嘅創意料理。特別之餘, 又有啲邪惡。<卡邦尼蟹肉脆煙肉手打烏冬$82> (好味: 4/5) (抵食: 3.5/5)Creamy嘅卡邦尼醬汁, 混合蟹肉同煙肉, 撈埋手打烏冬, 好滋味。醬料好多, 食完烏冬可以將啲卡邦尼醬搽上佢附送啲牛油多士度, 要好嘥料呀~<活乳酸爆珠特飲$26> (好飲: 3.8/5) (抵飲:4.2/5)－次過飲咁大杯嘅益力多真係好正, 開胃又好飲, 配上爆珠, 戰鬥力up+

今次呢間餐廳已經去過3次。自從同事介紹左呢間餐廳比我，試過一次之後就會再想去食。萬豚屋係主打石鍋烏冬。通常去到大約7:30已經要係門口排隊。我今次都係點左蒜油豚肉烏冬，個湯好濃味，上菜既時候湯仲滾緊，用個石鍋暖住無咁快凍，好吸引。烏冬煙煙靭靱，好有咬口，好好味。另外仲叫左個玉子燒，整得岩岩好，食既時候入面有少少蛋漿，非常好味。總括黎講，呢間萬豚屋性價比好高，唔貴之餘，仲要好高質，去開尖沙咀既朋友，真心可以試一試。

今晚9點幾到萬豚屋食飯，人唔算多，完全唔洗排隊就坐低左啦。叫左個三味豚手打烏冬（菌湯）👍🏻三味豚分別係厚切豚肉、簿切豚肉、豬大腸，味道尚可，豬大腸都煮得幾入味略帶甜味，而個湯底就真係唔錯啦，菌味濃郁，仲有隻生雞蛋，撈埋一齊食就一流啦。😋仲有個吉列豬扒手打烏冬（魚介豬骨湯），湯底味道同樣濃郁，重仲有大大塊既即炸吉列豬扒，都幾脆口，不過建議食快兩啖，凍左就無咁好食架喇～～少有既石鍋烏冬店，推介😋😋

上星期睇演唱會前去左尖沙咀搵食~開業16年曾紅極一時，星期五六日仍會大排長龍，所以嗰日趁佢中場休息後就去潮聖下👆-☆ 墨魚炸蛋黑蒜咖哩烏冬 HKD$88墨魚炸蛋好有驚喜😛！形狀似雞蛋，有三個個次不同層次，外面係一層薄薄炸皮，中層係彈牙墨魚滑，內層係超流心溫泉蛋，口感非常特別👍。咖哩湯係日式咖哩味，略嫌咸左少少，但整體尚算不錯。-☆ 厚切豚肉手打烏冬 HKD$88厚切豚肉係餐廳名物，豚肉大大塊堅厚，質地夠哂軟腍🤤，好好食。而湯底有三種選擇，我揀左香菌濃湯，湯底配上黑松露，令菇菌味更突出，香味非常濃郁😚。烏冬屬粗身類，十分煙韌彈牙。另由於用石鍋上，能令溫度一直保持，所以食到尾都仲熱辣辣噴緊煙，讚👍！-☆ 木魚豚肉玉子燒 HKD$52玉子嫩滑有蛋汁，內裡材料豐富，有厚切豚肉粒、蟹柳、粟米、椰菜，加上鋪面有我最愛木魚碎同厚厚沙律醬，大愛🤩。-**溫馨提示當日食完7點，餐廳已full house，所以建議早啲嚟排隊啦~

同朋友兩個人lunch去食12點3去到 餐廳仲未有好多人叫左兩個主食午餐包兩杯熱飲1️⃣厚切豚肉手打烏冬湯底：香菌濃湯佢全部石鍋烏冬都有4個味可以揀！上嘅時候用石鍋上 個湯仲係滾緊有泡泡！🤩😋• 湯好濃好好味！呢個湯底有好多切粒嘅大菇🍄！同埋好多好多粟米粒🌽！仲打左隻蛋！👍🏽• 雖然得兩塊豚肉 但兩塊都好厚！👍🏽• 冇加錢轉讚岐烏冬 但啲烏冬好彈牙！係粗粗地嗰隻烏冬！2️⃣美國一口牛丼呢個丼又係好足料！• 牛一啲都唔韌 都埋有好多粒！🤩• 配料好多 仲有隻温泉蛋👍🏽總括好抵食！👍🏽所有配料都好足 唔會太大份但好夠食！👍🏽

萬豚屋開業多年，好多人都唔介意排隊一試名物豚肉，連頭條搵食指南都有介紹，一直都好想試，今日終於的起心肝排隊。 豚肉烏冬  用石鍋盛載熱辣辣，湯底仲翻滾著熱氣泡，睇見都興奮。豬骨湯底烏冬，加上厚切豚肉，仲有一隻蛋同菜苗。豬骨湯呈奶白色，味道略為清淡，但感覺到豬肉嘅鮮甜味，而且非常幼滑，膠質豐富，只係略嫌油份較多。烏冬白白滑滑，彈牙爽口，亦有好甜麵粉味，不錯。名物豚肉實在澎湃，四大塊肥瘦相間嘅五花腩盡現眼前，份量十足。肥肉入口腍滑軟嫩，唔洗多加咀嚼，簡直入口即溶。瘦肉爽口香甜，肉味濃郁。烏冬仲配上一隻生蛋，靠石鍋嘅熱力，生蛋已變成半熟蛋，程度剛好。配料仲有粟米同菜苗，正好解膩。

2018年冬天朋友帶我來吃，一嚐回味無窮，更吃過傻老婆最愛黑松露味湯汁烏冬，今天專程帶她來品嚐一下。今天預約了6pm，坐下時全場只有幾枱人，但半小時後已經要排隊。老婆叫了個炸蛋咖哩烏冬。。。明明叫她吃松露，脆蛋皮流心蛋加上合適醬汁，好味又好口感，咖哩汁和烏冬非常搭配，吃得老婆叫好。我叫了石鍋松露牛肉稻庭？？，但面條對比後和烏冬無分別？？生牛肉在石鍋內燜熟，汁水收乾後醬汁帶牛肉入口鬆軟而味濃，松露味沒有蓋下牛肉味道，和老婆吃得十分感動。也叫了但帶子，醬汁和炸蛋的好像一樣，沒有了衝擊感，感覺平淡了。老婆說除了坐位迫了些，食物味道一流。

今次已經係第三次光顧萬豚屋喇～星期六既下午餐廳都坐滿一半，證明真係好受歡迎呢～咁多個湯底之中我就最鐘意香菌濃湯今次點左香菌濃湯牛肉手打烏冬，上枱既時候一如既往都係熱辣辣，除左有6-7片牛肉，入面仲有香菇，粟米同一隻雞蛋，配上濃濃既truffle味，真係百食不厭！而朋友就點左豚肉烏冬，見到入面有三大舊厚切豚肉，好足料，食一碗已經夠晒飽肚餐廳既店員都好有禮貌同helpful,會主動倒水又有笑容，真係抵讚～

今日同事提議去食萬豚屋，好吸引！當然跟隊，上次食過吉烈豚肉，今日試吓雞肉啦！叫咗個醬燒雞肉石鍋烏冬！湯底當然揀招牌香菌湯底啦！湯底很濃，烏冬上枱仍然翻滾中🍜湯底有很多香菇！但我唔知呢種係咩🍄，亦加了一隻生雞蛋，在翻滾的石鍋中在自己控制熟的程度！但湯太熱！真的不小心燙了一下😝！今次的醤燒雞不錯！醬汁和雞很湊合！但本人還是較喜歡這裏的豚肉！燒雞跟烏冬分碟上，兩碟也放了一些菜苗！菜苗新鮮香甜！可放回烏冬燙半熟！原來餐廳有免費WiFi, 也是貼心之舉呢

今天老婆大人想吃萬豚屋，當然要尊重老婆大人意見啦！我們下午來到時間尚早，不用等位，來到萬豚屋，當然要吃豚肉，所以我便吃了吉列豚肉烏冬，盛著烏冬的容器是石鍋！石鍋的保溫能力超強，吃到最後一口烏冬也是熱騰騰的！湯底是香菌濃湯，非常濃郁，而且有很多香菌和粟米，還灑上菜苗，口感有層次，可惜今天烏冬，口感欠嚼勁！今天吉列豚肉炸得剛剛好，粉團不會太多，而且豚肉很軟滑！應該不是黑豚肉，但也很欣賞，非高級肉也能做到這水準！

今日同事帶咗我嚟呢度食晏，佢哋都讚呢間石鍋烏冬好味，我第一次嚟食，當然跟佢哋一樣叫碗醬燒雞扒香菌湯石鍋烏冬食下啦，試下係咪真係咁正嘩...等咗大概10分鐘左右，店員遞上石鍋烏冬，香噴噴嘅黑松露味呀，超香，未食已經覺得好吸引，而且烏冬上面蓋上好多菜，菜下面居然有隻生蛋，見到同事不停將熱湯撥上雞蛋，足以令雞蛋滾熟了湯底好濃，好熱，每食一啖都要有耐性地吹涼啲，烏冬質地好滑好彈牙，仲有好多粒菇，都好味道的。醬燒雞扒另上，雞扒帶點甜甜的燒汁，燒得好香，雞皮都脆。我下次會帶朋友來試下晚餐

前所未有咁離譜，今晚收工去食飯，6:45去到唔洗點排隊，可以入座，不嬲知道都要時間等上菜，但冇諗過可以等45分鐘都冇煮過。我地叫左兩個烏冬加一個玉子燒，個玉子燒等左15分鐘就黎左，係幾好食，之後傾下計等上其他烏冬，點知等左25分鐘就問個女人有冇留單，個女侍應話整緊，我地叫佢問一問廚房，點知等左五分鐘都冇理我地，我地就再問另一個侍應，我問等35分鐘係咪正常，佢答我唔係，正常係20分鐘，幫你催緊廚房架喇。好，等左10分鐘再問，點知同我地講整緊，火都黎，我地話唔要打算走，點知個女侍應先走黎話未開始整，問我地仲要唔要！一個二個侍應係度hea你，等左45分鐘係可以冇上菜同求其答你話整緊，野食係好食，但態度真係不知所謂，食唔食真係你諗你。