影片
更多
2019-06-17
52 瀏覽
今日係6月16號 係香港人企出嚟嘅日子 由於我上次行得太耐所以今次決定做最早出發嘅人 我由十一點已經開始行 行到六點先行完 身水身汗真係好辛苦 不過真係冇辦法喺港島區食飯因為實在係好多人所以輾轉 就喺政總搭地鐵 返嚟尖沙咀食 尖沙咀都好多人 一街都係黑衣人 其實我哋都冇乜胃口 所以諗住食啲清清地日本嘢 就嚟試呢間萬豚屋上級牛肉配凍雪國稻庭烏冬 呢個係我老公叫嘅 牛肉大大兜 味道有啲似中式嘅蔥爆牛肉 牛肉好大塊 冇肥膏 不過略嫌煮得熟咗少少 但係好入味 亦都幾好送烏冬 稻庭烏冬彈牙 份量夠 老公話最抵讚係個湯 真係整到好凍畀你過烏冬一放入去就即刻彈返曬今日咁熱 食呢個真係好舒服 又覺得唔熱氣 加上烏冬同牛肉好襯 我好想搶咗佢呢一兜嚟食香港牛肉濃湯稻庭烏冬我影得唔好上嚟係熱辣辣嘅石鍋 等咗成兩分鐘 都仲係卜卜起曬泡 入面有一隻雞蛋好多牛肉 粟米中間你見到一pat嗰啲係松露醬泥 撈埋好重好重香菇味 稻庭烏冬爽口彈牙 同個湯好襯 不過呢個石鍋實在太熱 令到牛肉好快就熟曬 可能加上天氣太熱 冇辦法食曬成個 所以夏天最好都係食凍烏冬香煎豚肉餃子六隻 呢種餃子有啲似日本嘅大阪王將 皮好薄肉好多菜好少
由於我上次行得太耐所以今次決定做最早出發嘅人
我由十一點已經開始行 行到六點先行完
身水身汗真係好辛苦 不過真係冇辦法喺港島區食飯
因為實在係好多人
所以輾轉 就喺政總搭地鐵 返嚟尖沙咀食
尖沙咀都好多人 一街都係黑衣人
其實我哋都冇乜胃口 所以諗住食啲清清地日本嘢 就嚟試呢間萬豚屋
上級牛肉配凍雪國稻庭烏冬 呢個係我老公叫嘅
牛肉大大兜 味道有啲似中式嘅蔥爆牛肉
牛肉好大塊 冇肥膏 不過略嫌煮得熟咗少少
但係好入味 亦都幾好送烏冬
稻庭烏冬彈牙 份量夠 老公話最抵讚係個湯
真係整到好凍畀你過
烏冬一放入去就即刻彈返曬
今日咁熱 食呢個真係好舒服 又覺得唔熱氣
加上烏冬同牛肉好襯 我好想搶咗佢呢一兜嚟食
上級牛肉凍雪國稻庭烏冬
$86
5 瀏覽
0 讚好
0 留言
香港牛肉濃湯稻庭烏冬
我影得唔好上嚟係熱辣辣嘅石鍋
等咗成兩分鐘 都仲係卜卜起曬泡
入面有一隻雞蛋好多牛肉 粟米
中間你見到一pat嗰啲係松露醬泥
撈埋好重好重香菇味 稻庭烏冬爽口彈牙
同個湯好襯 不過呢個石鍋實在太熱
令到牛肉好快就熟曬 可能加上天氣太熱
冇辦法食曬成個 所以夏天最好都係食凍烏冬
上級牛肉香菌濃湯 稻庭烏冬
$96
19 瀏覽
0 讚好
0 留言
香煎豚肉餃子六隻
呢種餃子有啲似日本嘅大阪王將
皮好薄肉好多菜好少 咬落去肉汁就冇乜
可能因為啲餃子包得唔太實有窿啲汁走咗出嚟 但係入面啲肉調味就幾好味
如果可以煎得脆啲咁就perfect喇
豚肉餃子六隻
$48
10 瀏覽
0 讚好
0 留言
伯爵茶芝士凍餅 柚子豆乳芝士凍餅
呢兩個cheesecake其實都幾好食賣相又靚
伯爵茶 好重 但係芝士味唔夠濃
佢可能放喺冰格說過 咬落去有啲硬
所以我放咗五分鐘先再食
柚子豆乳芝士凍餅好食好多
柚子味濃仲有好多柚子粒喺中間
不過講真豆乳味就欠奉
但係都係一個好好食嘅cake
伯爵茶芝士凍餅 柚子豆乳芝士凍餅
$32
10 瀏覽
0 讚好
0 留言
張貼
