萬發海鮮菜館

營業中

休息中

一大班人唔知食咩好，梗係要試吓香港地道風味，大排檔嘅打冷。於是我哋一行人就入咗萬發做我哋嘅晚餐。黑椒薯仔牛柳粒 $98個薯仔冇得唔讚，外脆內軟，黑椒好入味，牛柳粒唔硬而諗身，成個配搭好夾，果然係鋪頭招牌。啫啫雞煲 $78上菜時沒有啫啫聲，啲雞雖然幾新鮮，冇雪藏味道，但冇咩特別。鹹蛋蒸肉餅 $68肉餅唔會太鹹，而且唔會話好鬆散，送飯一流，但味道略淡，重口味人士唔係咁建議。梅菜扣肉煲 $88感覺太肥膩，肉質太硬，有少少咬唔開，下次唔會再叫。滷水拼盤 $128魷魚最好食，牛展都唔錯，豬耳都幾爽口，幾入味。豆腐就麻麻，整體份量都幾足夠，適合一大班人分享。整體來講，一大班人食下野都幾開心，亦算係幾高分嘅打冷舖。👅好味指數: 7/10 💸抵食指數: 6.5/10 🍽餐廳環境:6/10 👨🏻‍🍳服務質素: 6.5/10 ❤️呃like指數:7/10 💃🏻回頭率:65%

大排檔環境冇咁好都預左因為諗住野食搭夠不過今晚都係失望既芥蘭煲夠火喉 新鮮滾熱辣不過真係鹹左d 囉薯仔牛粒 賣相炒到黑蚊蚊 一睇就知好油味道都入味既 不過不失啦芋頭雞個賣相 一上菜大家都大叫核突望住真係冇乜胃口 味道好普通其他野食都係普普通通 服務態度唔洗講 - 黑面全程

相信喺深水埗長大嘅人，冇咩邊個會唔識萬發。尤其是係佢個薯仔牛柳粒，簡直就係招牌菜，唔少人係專登過嚟食呢道餸㗎！同兩個朋友買嘢買都唔知時間，但係朋友又要趕住返屋企，所以決定去買外賣返去一齊食。靈機一捉，不如去食萬法啦！其實私心係好掛住呢味餸，我哋一行三人就走咗去買外賣啦。得三個人，都唔可以叫太多嘢食，所以我第一個舉手就係叫薯仔牛柳粒！其實以前不嬲都係食開石硤尾街嗰邊嗰間，但係佢又搬咗，所以就過嚟呢邊食喇。都有少少擔心佢嘅鑊氣冇嗰邊咁正，但係原來我嘅擔心係多餘嘅！外賣返到屋企，啲薯仔仲有少少脆，係呀，佢啲薯仔係外脆內軟㗎！可惜嘅係牛柳粒有少少過火囉⋯⋯之後，朋友想食雞，通常嚟呢度唔係食西檸雞就係風沙雞，咁就梗係叫啲喺屋企唔會成日煮嘅嘢啦！明明記得細個食萬發嘅時候，佢係用炸蒜㗎，但係而家變咗係炸麵粉，當然唔會好似以前咁惹味啦！但係有到好處，返到屋企食嘅時候都仲係脆卜卜，以前炸蒜返到去可能都淋晒囉。啲雞皮依然係脆嘅，雞肉都好嫩，推介之一！最後一道菜，就係魚香茄子，呢個餸就正正常常冇咩特別，都幾好味嘅！不過用嚟送飯就真係一流！

雖然味道相對於我們廣州而言，顯得偏甜偏淡，但是勝在食材，還是很有特點！無論如何，能夠在香港享受到街邊大排檔，更為食物加分不少。畢竟現在香港有牌照的大排檔已經為數不多。這家萬發，有下次！

今日同朋友聚舊，有朋友介紹依間餐廳卑我食。我地叫左3個餸，包括薯仔牛柳粒，菜膽雞同埋小炒王。三樣野之中我個人黎講最鐘意同最滿意就係薯仔牛柳粒。佢啲薯仔炸之前用糖浸左一下，所以食落去有一陣好香既焦糖味 好香。 而牛柳都好入味。

去深水埗想食小炒，一定要去九江街萬發，大排檔風味夠地道，小炒火喉夠鑊氣又勁!仲要平、靚、正、快!星期三夜晚8點半，都要等一陣先有位。一般食飯都係由我發辨，今晚我又突然好想食d好邪惡嘅嘢!砵酒焗蠔蠔~我由細到大都鍾意食，無論熟蠔定生蠔都同樣鍾意。蠔沾上少少生粉再半煎炸，冇酥炸生蠔咁油膩，但又比薑葱蠔香囗，炒香洋蔥同配埋醬汁一齊煮，再滲出淡淡砵酒香，所以永遠都係我食熟蠔嘅首選!薑葱炒粉腸粉腸係指豬嘅十二指腸，因煮熟之後有部份組織呈粉狀，所以叫粉腸。佢應該係帷ㄧ雖然粉腸含有蛋白質、鈣、脂肪等物貨成分，具有補虚損、潤腸胃嘅功效。但粉腸胆固醇含量高，高血脂、高血壓、高血糖、冠心病等心血管疾病患者不適宜多食。生炒腸類難度頗高，要做得好都唔容易，夠淋又入味，連薑同葱同樣好味!啫啫通菜煲又一水準之作，通菜爽脆，加少少肉碎同辣椒絲，夠鑊氣又香口。好快上齊3個餸，加個靚仔開飯!

某夜 , 弟弟忽然來電約我吃飯 , 我又豈有拒絕的理由 .... 吃飯地點他就選擇了位於 深水埗-九江街 的 萬發海鮮飯店 ~因為事出突然 , 兼且電話無電 , 所以沒有拍下太多照片 , 希望各位見諒 ~砵酒焗生蠔 : 弟弟強烈推介的一道菜式 , 這道菜端來時熱氣騰騰 , 香氣四溢 , 蠔隻應該就是美國桶蠔的那種蠔 , 既大隻又飽滿 , 焗得還頗入味 , 我們兄弟倆吃的津津有味 ~椒鹽鮮魷 : 外觀炸得金黃色 , 炸粉不算厚硬 , 吃口也沒有油益味 , 椒鹽落得適中 , 魷魚有魷魚味 ; 老實說一句 , 談不上好吃 , 但也不算難食 ~平日各有各忙 , 兩兄弟難得一聚 , 談談天說說地 , 不亦樂乎 ~本篇完 ~

一連兩星期同朋友嚟開餐，今次一改以往習慣，叫d少食的餸菜，所以當然沒有了我至愛的黑椒牛柳粒，改了叫京都骨，這樣一轉，果然有點失望，京都骨斬得太大件，亦欠入味。幸好小炒皇味道不錯，材料十足，有點驚喜。至於粉絲蟹煲和香腸墨魚則不過不失。下次都係食返招牌菜好d

今日遲左小小黎，幾間舖都已經滿左人，得番要穿過後巷先去到既枱（所以怕後巷污糟又想食萬發既人最好七點前黎）叫左幾款小菜，全部大份夾抵食。魚香茄子，鹹魚香一般，唔會過鹹但唔夠辣。薑蔥桶蠔，真係比足成桶桶蠔，蠔夠大隻同肥美，唔會煮到過哂火，煎香過，所以外脆內軟，呢個做得幾好。椒鹽鮮魷，魷魚份量足，彈牙，炸得幾香亦唔厚粉，呢個餸ok梅菜扣肉煲，有好多舊扣肉，全部都炆得好腍，但係呢個煲太太太鹹呢度有個伙記既態度好差，一開始拎枱個時已經呼呼喝喝咁⋯⋯之後有另一枱落左單仲上埋啤酒，佢又無啦啦叫佢地換枱，但當晚其他伙記都係ok既，所以服務整體一般般。食物雖然抵食係真，但質素唔算特別好，何況深水埗附近嘅食物都差唔多價錢，所以唔會encore

朋友之前已經食過萬發，覺得好好食😂所以慶祝生日都黎食萬發由於我地有預早訂位，黎到唔洗等就有得入座～一坐低我地幾個女仔就不停講野，完全唔記得要睇menu🙈好彩都冇人吹我地伙記過黎幫我地落單，我地先即刻 openrice 下其他人有咩推薦就照叫好彩有大家啲食評先唔洗慢慢諗食咩落左單唔算好耐就上左第一個菜，佢係我今晚最最最鐘意嘅一個菜黑椒薯仔牛柳粒必叫呀！！！薯仔同牛柳都好好食🤤下次我一定會再叫其他幾樣都幾好食，不過都比唔上黑椒薯仔牛柳粒總括黎講，萬發嘅CP值都幾高。環境幾乾淨，食物好好食又唔貴😂

一早BOOK左位黎喱到吃大排檔, 今次係四個女仔一齊食。一來到門口,老實講我有少少嚇親,因為根本唔知邊到係門口,餐廳範圍好大, 侍應姐姐帶左我地去一條行仔入面, 好似去大陸食飯咁, 街上搵張台坐低。環境一般,但又座無虛席,應該係好好食既。朋友強烈推介黑椒薯仔牛柳粒。看賣相覺得無咩特別,但一食真係驚為天人,唔係D牛柳粒好食,竟然係D薯仔好好食。 入面脆但外面好似畀蜜糖包住, 喱個味係係其他餐廳到未食過既, 牛柳粒就有黑椒香味, 不過最好食都係薯仔,一來到好快就食哂。雖然大排檔坐得無咁舒服,但D野食有時真係好味過餐廳, 所以間中都會同朋友黎食下。今次仲叫左椒鹽骨,蠔餅etc., 味道都好好。不過最難忘的還是黑椒薯仔牛柳粒,下次一定會再叫。

知道佢哋由石硤尾店搬到去深水埗， 以前喺石硤尾店嘅時候感覺佢哋嘅食物非常有水準同埋好好食。所以都會介紹朋友或者自己間唔中去食下。所以兩週前我特登約咗幾個朋友去深水埗新店 試下， 點知發覺佢哋所做嘅小菜同石硤尾店比較簡直完全係兩回事 。小菜大部分都好油膩，最唔掂係佢哋所介紹嘅所為靚湯 ，基本上同一般嘅例湯係冇分別， 所謂嘅湯係非常之淡而無味好似溝咗水一樣，因此萬發呢個名在我來說已变成一個污名， 而我自己亦都冇興趣再去食， 亦唔會介紹畀任何朋友。希望此店可以檢討下及期望日後有所改善

三個人吃晚飯，叫左海蜇手撕雞，醬燒大鱔球，黑椒牛柳粒，同蝦醬通菜。首先上左海蜇手撕雞，見到個碟頭已經哇一聲，88蚊份量得碟頭飯咁少，雞得幾條仔，一試仲乃野，雞肉梅爛有up味，海蜇完全無味，碟頭細原來下面仲墊左一排酸青瓜，醋精味重到攻眼。呢d咁簡單噶菜式都可以差到咁，簡直趕客。然後醬燒大鱔球，仲離譜。完全唔系燒，系炸，上左好厚粉炸完全硬嘣嘣。雖然我唔系廚師，但一個正常人都應該分得出咩系燒咩系炸啦。仲要d鱔泥味重到吞唔落。呢味真系過份到簡直想退菜。黑椒牛柳粒同通菜不過不失。今時今日食品質素咁差，真系有難度，鄧你悲哀。絕對無下次👎

是晚約左個好耐無見既朋友肯定今晚吹水吹唔停而大家又係不拘小節既"兄弟"😂於是乎就揾間大排擋式既菜館聚下所以就黎左萬發啦雖然係平日但都要等位可見人氣之旺首先黎個薑葱魚皮個人覺得唔夠爽脆𡁻到牙較攰🙈下次可以唔洗叫登登登登鎮店之寶黎啦唔知邊個成日都話一間舖有樣好食既野就可以留住客人個心呢碟薯仔牛柳粒真係好好味薯仔炸到脆身加埋揼本蜜糖誠意製作拿呢碟餸既主角絶對係薯仔雖然牛柳都不錯但薯仔絶對係超水準之作我下次一定黎Encore最後碟腐乳通菜正常有鑊氣總括黎講我係會因為碟薯仔牛柳粒再黎既等我

 一大班人gathering一定好嘈啦！去萬發就一定唔驚嘈親隔離台，成個環境都係大家傾計既聲音，唔洗就住講野黑椒薯仔牛柳粒係每台必叫薯仔表面有層蜜糖、甜甜地，個皮仲好脆，好好食！而牛柳粒有啲鞋、有啲就好嫩，但都唔錯既！果然係必叫菜式栗子雞煲其實係想食栗子先嗌既，但係栗子整得唔夠軟同粉，失望反而雞都算滑同多肉。海味什菜粉絲煲份量好足，有好多蝦米同鮮𨠄，但係就比較鹹、重口味左。魚皮好食！爽脆酥炸白飯魚就普通，我本身對炸野麻麻生炒骨幾好食，朋友形容就有鑊氣蠔餅都不過不失，唔會勁油既回鍋肉不嬲都係配菜先係重點，但太油啦！一行十個人，有早到有遲到，我地食住等，野食唔止相入面咁少，仲有啲後加既冇影到。總體黎講，野食份量算大，但係佢味道偏濃，有啲鹹同部份野食會多油，下次落單一定要記得叫冇咁鹹食大排檔一定要人多先正，可以一次試唔同既菜式、滿足唔同願望我地有叫好多個白飯、啤酒同汽水，最後埋單先$1300，抵到爆！