萬發海鮮菜館

營業中

休息中

一早約黎朋友黎食團年飯先, 打左黎book位。阿姐好忙, 快快收線, 連電話都唔洗留。萬發同一條街有幾個舖位, 平日晚去都幾旺, 坐滿人, 見到佢地都幾忙。人少少, 叫左3個餸。京都骨: 都幾大碟, 酸酸甜甜的, 有菠蘿一齊炒, 都幾好味。黑椒薯仔牛柳粒: 鎮店之寶, 薯仔粒甜甜地, 脆口, 黑椒味啱啱好唔會太濃, 薯仔粒係真正嘅主角。牛柳粒唔靭, 但薯仔粒好味啲!!! 必試呀!!!風沙雞(半隻): 皮脆, 肉都幾嫩滑, 沾少少淮鹽, 味道就啱啱好。唔怪得其他人推介喇。坐喺門口位, 好多客人上門, 同伙記拎餸行出行入, 好吸引人。好耐都冇食過呢啲大排檔風味!!! 抵食又好味!!! 下次試下酥脆小棠菜同鹵水拼盤先~

同事介紹話好好味，即本走去試下，点知去到已经覺得吾係咁乾淨，都唯有去到就試，態度差，叫左薯仔牛柳，味道一般，冇想像中咁好味，炸大腸好酥味吾得，酥炸小棠菜同炸蟮，好厚粉，价钱吾平，吾值得再去

同班麻甩仔食飯，好多時都係食大排檔，今次佢地話帶我食好野Wo~~ 叫我follow them 就得～ 萬發個樣完全係好地道舊式菜館格局～ 去到啲麻甩仔就自動點菜，我就慢慢坐係到等食朋友話薯仔牛柳粒係呢間店既鑽店小菜～ 真係好好食～ 牛柳粒出面岩岩好封住入面既肉汁，入面好鮮嫩～ 至於薯仔更加不得了～ 甜甜地，外脆內軟，一啲都唔油膩，好好食～ 食到收唔到制！椒鹽九肚魚，出面炸到好干身，亦唔油膩，好酥脆，入面九肚魚肉滑嘟嘟，加上椒鹽好惹味，令人停唔到口卻丫～生醃螄蚶，用酒、鹽、蒜去醃，隻隻血紅色，好鮮甜爽口，無腥味～

之前睇左篇報導，說人愈大生日就愈簡單，小時候都是個人生日會，長大後卻變了集體慶生聚會。早前終於約齊人開秋季生日會，因為臨時臨急先約到，最後去左妹妹介紹的萬發海鮮酒家，仲講到有個鎮店之寶必定不可錯過！終於齊人，影返張乾杯相先做opening 先啦～街坊小店主打各款小菜，大碟夾抵食係基本，沒什麼裝修但環境好適合一班人來食飯吹水。叫左幾款小菜 鹵水大拼盤 樣樣都有點，整體不過不失吧～ 風沙雞半隻坦白講，不計必試的牛柳粒，這個風沙雞是幾高分的，雞件煮得夠嫩滑不老，脂肪不會好多，醬汁甜甜地再加埋d炸蒜，根本無得輸。最重要負責切雞的師傅切到每件大小相約，讚。薯仔牛柳粒這個就是妹妹口中的鎮店之寶。不過牛柳粒只是配角，雖然都好好食，口感夠淋又亦夠晒味！而主角其實薯仔，你有無食過薯仔係脆卜卜甜甜地好似有層焦糖面，而咬開係軟熟的？就是這個感覺，味道又咸又甜充滿衝擊，多多薯仔都食得晒。呢個我地六個都食到耳仔郁！炸脆鱔朋友忽然話要食所以叫左，金黃色的鳝球一睇就知炸得好脆身，入面的鳝亦夠彈牙同厚身。鳝明顯沒有額外調味，雖然有炸過但依然食到鳝獨有香味。在大排檔也不太重味精呢，就是有一份難得的脫俗感。萬發海鮮飯店深

又咸又差又污穢😒比以前差很多很多，招牌菜變成拆招牌餸 👊🏼砵酒蠔無焦香味洋蔥唔熟不特止仲似係切完放落去就算 😒黑椒薯仔牛柳粒無黑椒味只有大量豉油味咸到一個點😑蜜餞一字骨 又硬又無味似炸熟淋蜜糖😒食完呢餐只可以話失望已後都唔會再黎食

話說之前朋友生日一直都沒時間食餐飯，最後臨急臨忙先約到出嚟🙈🙈本來諗住去穩穩陣陣嘅大中華，朋友既妹妹提議我哋來依家餐廳！仲話有個鎮店之寶一定要食！薯仔牛柳粒HKD89$我想講，牛柳只係配角！係配角！係配角！好重要所以要講三次😤！牛柳雖然都好好食，肉質夠淋又夠入味😌一個薯仔先至係主角！外層炸到脆卜卜，入面軟熟，味覺甜甜咸咸，有啲蜜糖既味道，配上小許既爆香既蒜頭乾蔥，只能用四個字形容「驚為天人！」，講真！暫時我末食都一個薯仔牛柳粒比依間更好食！來食飯真心必點😎！還有點其他既菜式，味道也不錯黃金鮮魷脆鱔滷水拼盤最後埋單每人大約＄150，價錢都算合理，仲要飲咗三支啤酒，一定會再去食多次😀

今晚同朋友去咗萬發大角咀店食飯，以前都有食開石硤尾嗰間覺得唔錯，原來大角咀都有分店。就幾位同事放工去試下。首先一定一定要講下個胡椒豬肚雞煲！！真係好好味，胡椒味好香好濃，加埋隻雞同豬肚，成個湯好滑好好飲，個個爭住飲晒啲湯。燒乳豬水準都唔錯，個皮好脆好香。啫啫菜煲同炸一口豆腐保持一貫水準，我每次去萬發都必食。講到必食，薯仔牛肉粒先係代表，薯仔炸到香脆，夾埋牛肉汁，無得頂。再叫多兩個菜，瑤柱豆苗同埋小炒王。豆苗個汁較得啱啱好，小炒王鑊氣夠，兩碟都有水準。 碟碟餸都好好送，食咗兩大碟! 滿足既一日，保留到港式大牌檔風味，必定會再黎。

Date: 28 Oct12人飯局 重有10個係大男生 萬發尼類型 絶對岩哂Feel 唔打邊爐 只係食小菜 香港大排檔式火口亦絶對冇失手 重點係想嘻嘻哈哈大聲講大聲笑 開開心心一晚 重要食得飽 尼到環境岩哂👍🏻👍🏻👍🏻

又番黎回憶下必食既薯仔牛柳粒啦~~~充滿大學回憶既味道~薯仔依舊係比牛柳粒出色~ 炸得好香口~少少甜~好惹味!!黎呢到其實剩係為左食呢道菜~哈!黃金鮮魷都係必點既菜式之一~好香蛋黃味~不過我個人中意椒鹽鮮魷多D~~小炒王都幾多配料~一D都唔辣~不過不失吧~~~唔夠惹味~唔夠穫氣~金銀蛋時菜唔錯~幾清甜既湯底~菜都幾入味~不過勁少皮蛋……可惜既係個人覺得只有薯仔牛柳粒值回票價…小菜唔係唔好食…但偏貴…唔值冇乜服務 冇乜禮貌 又唔係特別有人情味 有下一台既話又會趕你走環境冇咩裝修 都唔係特別整潔…坐得唔係特別舒服….可惜可惜…

以往去親萬發必點薯仔牛柳粒或小炒王，但今次想試試其他，由於得兩個人，所以就住叫，啫啫通菜煲，上枱時莫講話通常煲仔嘅餸菜熱到「噗噗」滖，但可惜佢連煙都無，有炸過嘅蒜頭同蝦米，味道屬一般啦。海哲手撕雞雞無味道，幸好海哲還爽脆，無技巧可言，今餐確實令我失望

實在係超耐無去食小菜 差吾多超過一年今次去重拾回憶!必叫菜式當然有薯仔牛柳粒超濃牛津香味 配合走油連皮薯粒 食落甜甜地好惹味另一我好中意既菜就係薑蔥桶蠔超大粒蠔 足足有我個手掌禁大隻但可惜價錢左但份量少左好多 成碟野薑蔥最多椒鹽九肚魚即叫即炸 食落熱辣辣但賣相一般 個色水吾好可能D油吾靚今次D野食比一年前差左好多 下次可能去第間食小菜

是日約了中同們吃晚飯, 人數眾多, 朋友們提議前往萬發海鮮菜館, 聽聞那裡的小菜很美味的, 真好, 又可以試菜! 訂了枱, 一貫大排擋的格局, 冷氣夠, 地方光猛, 坐得也算舒適. 點選了很多小炒, 不得不提的是鎮店之寶---薯仔牛柳粒. 點選了(大)的分量, 果然沒有欺場, 分量足以十多人食用. 試一口牛柳粒, 牛肉夠淋夠軟滑, 牛味又夠濃郁, 很不錯. 至於薯仔粒, 更是不得了, 完全吸收了醬汁的精華, 鹹中帶甜, 薯仔粒的外層又帶點脆口, 真的無得輸! 這可是筆者近期吃過最滿意的一餐! 期待下次的聚會.

唔夠人手 就唔好俾咁多客入黎一個人招呼成個場叫個湯米粉叫左一粒鐘 都未黎仲話自己好忙 我知你忙 但都要出個米粉架只係為左賺錢 唔理其他質素問左四次都無人跟進 想點？！一定無下次！

好朋友聚会最緊要實惠，街坊小炒啤一啤，又要好食夾大件就吾容易找。今回落去深水埗找倒了。薯仔牛柳粒：撲鼻香的唊汁味，带椒盐走油嘅薯仔粒和軟淋的牛柳粒, 不愧是招牌菜。即燒燒鹅：鹅肉不肥又滑，冇得輸。蜆蚧鲮鱼球：大粒鬆軟，只是略兼蜆蚧醬味不夠鹵水拼盤：樣様有，好味！一班兩味：班球新鲜夠滑，生炆鱼頭腩夠干身，有水平。黄金鱿鱼：咸蛋香，薄炸粉但又見吾倒蛋黄就是致勝之道。除咗食店環境外，其他真系冇得輸，自己又可以带私人珍藏，又食又喝，睇埋張賬单，仲可以去邊！

今晚中秋佳節，五點半到達門外時，已經有人群在等，我們雖然已經訂座，但仍需在門外等候。中間看著門口的大姐好有氣勢，不斷在指點江山，當中有個不識趣的人客想發爛催大姐交枱，結果當然是他被大姐罵得很慘啦…大概他是初來報到的吧，這裏的傳統是你有權唔等，但無權去催呢~一坐下侍應大叔就提醒我們，今晚比較忙，下單要一次過，不要到頭來再加單。 我們點了一鍋蠔仔粥、這裡的招牌薯仔牛柳粒、甜酸生炒骨、和一個涼瓜牛肉。蠔仔粥： 蠔仔粒粒又大又圓，粥底味道很鮮，米粒不綿，少硬有咬口。薯仔牛柳粒： 薯仔表面很香脆，相信有經油炸，牛肉肉質很軟，而且很有味道，相信醃製了不少時間，整體甜甜的，味道不錯！甜酸生炒骨： 排骨表面很香脆，醬汁酸酸甜甜的，味道非常適中，個人感覺比薯仔牛柳粒更出色！涼瓜牛肉：牛肉肉質很軟，也同樣相信是醃製了不少時間，失去了牛肉本身的味道。