萬發海鮮菜館

營業中

休息中

今次order左：金牌風沙雞（半隻） $110石頭啫啫通菜煲 $68金沙鮮魷 $98金薯炒牛仔粒 $108Around每位$150-200深夜食堂開到凌晨3點，夜貓福利，好采開得咁夜我呢隻夜貓先搵到食咋，xd❤特別推介：金薯炒牛仔粒（必試）金薯炒牛仔粒（必試）薯仔粒炸到外脆內軟，幾時金薯都係主角，另外牛仔粒較味不錯亦冇炒到過熟，真系好味到冇特彈，配飯佳餚金牌風沙雞-做法同吊燒雞差不多，只係配置左炸香左既蒜粒令雞既口感更豐富更香口，配少少喼汁帶點開胃，餸酒一流金沙鮮魷-一放入口就有鹹蛋黃系口花開感覺，非常香口絕無減料，魷魚有些許咬口，少吃無防，多吃幾口容易油膩和快有飽和感，建議餸酒，不建議配飯石頭啫啫通菜煲-不推介此餸，店員送到石窩已過熱令通菜煮至過熟稍微焦底，啫啫煮法應在翻攪匀後只留少量芡汁，失望系窩內芡汁過多令水份太足，令通菜煮至軟熟，食唔到通菜本應既咬口

阿哥難得回港, 同佢+阿媽一齊食香港風味。三個人三碟餸兩個白飯, 食到飽飽, 先至$200. 抵到爛!黎到當然要叫薯仔牛柳粒, 薯仔脆卜卜, 牛柳夠晒林, 仲要一大碟好足料. 又夠鑊氣,就算食到最後好飽, 都忍唔住要清左佢!另外一碟係啫啫雞煲, 正宗大排檔風味, 不過咸左少少, 送飯就perfect! 仲有係芝士西蘭花, 西蘭花煮到啱啱好. 唔會太硬太林, 加埋個芝士汁😋至於衞生環境, 以大排檔真係ok, 可能係因為唔係weekend la. 安排左我地坐室內. 服務就正常la.

兩個人黎到就叫咗三個餸入座率好快就已經有八九成入面冇二人枱我哋坐咗四人枱第一樣嘅餸係黑椒薯仔牛柳粒估唔到食落薯仔外脆內軟 表皮重要炸到金黃色加上黑椒同埋蜜糖 香脆可口 薯仔入面會有啲粉粉地 但都係我鍾意食嘅口感我叫咗個白飯用黎配上牛柳粒 牛柳粒比較有醃肉嘅味道 有陣蜜糖味嘅bbq醬 但係可以送飯嘅 飯唔算好濕潤 剛剛好嘅熟度但係冇米香第二樣嘅餸係炒豆苗 不過不失豆苗都算新鮮  用咗唔係好多油 食落都有返豆苗既味 菜炒菜所以冇咩特別   最後一樣係椒鹽九肚魚 九肚魚肉本身好滑 但係佢嘅分比較薄 炸嚟唔夠脆 墊底嘅米通都冧曬 椒鹽九肚魚冇椒鹽味 好一般 咁就要108蚊😟總結:呢間餐廳除咗黑椒牛柳粒其他都一般 服務都冇咩 叫左洛單幾次先應 中菜嘅價錢黎講比較貴

一行人5人 都係為左黑椒薯仔牛柳粒兩個人到先 拎定位先 喺B房入到去電話收唔係好到所以要行出去話比其他朋友知係邊度叫佢地泥到問啲人b房係邊唔知係咪B房算係樓底而且入邊都有六張大枱左右 所以都幾嘈幾應聲一上枱已經被黑椒薯仔牛柳粒吸引金黃色既薯仔 加上一層光澤係甜而脆既光澤！椒鹽鮮魷相對失色份量唔多又唔大舊 夾落去有d會甩左層粉相反海蜇雞絲有驚喜海蜇同雞絲味道好配合 好開胃底層有少少汁浸住啲青瓜 令到青瓜都好好食唯獨是d雞皮 太肥唔敢食依2個都冇乜特別，瑤柱扒菜苗仲貴過黑椒薯仔牛柳粒寧願嗌多碟黑椒薯仔牛柳粒（講笑）或者可以試下萬發小炒王所以排序係黑椒薯仔牛柳粒海蜇雞絲跟住椒鹽鮮油跟住生炒骨跟住個菜最後每人埋單$140 飽飽嘅 所以都好抵食

終於約到一大班人去食飯可以食小炒星期六8點鐘去到好好彩唔洗派立即有得入去五個人食但佢俾左張大枱我地令到好難先傾到計由於我哋係係入面嘅房所有唔係成日有店員入黎落單落左單之後小菜上得比較慢加埋佢又黎左個飯先搞到食完左一個菜之後先再食另一個同埋個個咁早黎以經凍左但以小茶質素黎講算係唔錯最推薦係黑椒牛柳薯仔粒個薯仔皮整勁脆但小菜偏重口味，一定要加埋飯食同食完偏口渴價錢黎講中等如果一大班人黎仲可以叫多幾個餸

🔻萬發海鮮飯店呢間飯店滿載小編嘅大學回憶係深水埗同大角咀都有分店💁🏻‍♀️主打大排檔小炒🔥.黑椒薯仔牛柳粒🐮小編可以為左呢碟小菜不停翻兜呢間飯店😆個人覺得薯仔先係主角 炸至外脆內軟😻再配埋蜜糖黑椒調味 甜辣香口 真係好正🤤🤤.其他小菜水準都唔錯 而且價錢好抵 最岩一大班朋友嘅飯局😋

🏆人氣極高大排檔 傳說中嘅薯仔牛柳粒🥩一直一直都好多朋友去過食萬發薯仔牛柳粒男朋友都同朋友食過好多好多次 但我今次終場都等到佢帶埋我去朝聖一下🥩黑椒薯仔牛柳粒$108識食一定食薯仔🥔 呢到嘅薯仔炸完再炒炸得外脆內軟 表皮已經炸到有層酥脆厚皮同入面軟熟粉粉地口感嘅薯仔有強烈對比而且有蜜糖同黑椒係面炒香之後 香甜惹味🤤牛柳粒煮得夠腍又入味 但食得出係普遍中餐乸鬆哂啲牛肉嘅做法無咩牛肉香味同質感但呢個餸真係超好送飯 而且唔係浪得虛名🏆薯仔控表示: 一生推🥇🍖鐵板德國鹹豬手$148鹹豬手原隻上自己分夠霸氣呢個做法嘅豬手係本身炆煮熟之後再淋黑椒汁好夠味 但鹹豬手就有啲煮得太淋太散啲肉口感有啲似煲鹹豬手湯超淋嘅豬肉再加埋黑椒洋蔥汁又係好好送飯👍🏻如果肉唔好太淋 有番多啲咬口食更好🥬啫啫通菜煲$88有蝦乾鹹香味同肉碎 煲上keep住熱比較重口味 通菜唔會炒得太淋仲有爽脆口感-📍萬發海鮮飯店深水埗九江街150-152號地下

不少年輕人群聚的餐廳, 平時要排很久, 今天卻不用等.但是被安排的坐位是較遠的地方, 而且沿路周邊環境很污糟我們一家人叫了招牌的黑椒薯仔牛柳粒, 西檸雞, 金銀蛋莧菜 等等..每碟的味道都很突出, 但是有一點偏咸. 5人叫了4碟菜, 最後都吃不完, 要打包拿走.雖然食物質素不差, 但是侍應的態度有待改善, 她表現得很不耐煩.

萬發絕對係深水埗必食既地方之一。之前一直想成班朋友收工去食，終於經齊腳約到時間，就去試下。呢間係香港典型既舊式大排檔，明火即炒，見到夠曬鑊氣。我地難得黎到一定要叫萬發既招牌菜-黑椒薯仔牛柳粒。賣相都已經好吸引，食落有少少蜜糖既甜味，牛柳粒都炒得岩岩好，唔會太靱。而且潮式拼盤都好大碟抵食，墨魚爽口。至於炒通菜同茄子煲就正常啦，唔算驚喜但都好味。配埋啤酒又地道又解渴，好有香港既味道，大排檔愛好者一定要試下。

黎到呢度到就知一定要叫黑椒薯仔牛仔粒。薯仔有層蜜糖係面，甜得黎舊薯仔又炸過，好香脆，外脆內軟，牛柳粒相比之下就失色左，雖然都煮得幾腍又入哂黑椒味。呢碟野絕對唔係浪得虛名 隻雞唔係肥仔，唔會好肥好溜。雞皮薄得黎又炸到脆脆地，咬落啲雞汁咇哂出黎，高質。 因為之前已經食過薯仔，所以唔會覺得好特別，當然係好好食喇。但令我驚喜既反而係碟通菜，無諗過佢咁爽口，我係咁夾呢碟菜，仲要勁大碟大驚喜！ 作為鮮魷愛好者，呢個鮮魷係尊貴級既level。鮮魷夠新鮮，爽口彈牙，又唔會炸過頭，炸到岩岩好，勁香口，又係會係咁食既一碟餸。 相較之下碟拼盤就有啲失色，但水準仍比一般好，亮點係啲腎，超！級！爽！口！ 真心覺得比起肥姐啲腎仲爽。 一個字，鮮。 一望都知呢個係炸得好勁，好食但太熱氣，第二日喉嚨痛。粒粒蠔都有返咁上下大，又夠鮮，但下次會轉試桶蠔。 講明先，呢間絕對唔係食環境/服務，好岩一班佬黎邊食邊飲啤酒🍻但食物的話，可以話整體都好高水準，絕對值得食

收工好想食小炒即刻諗起萬發😍4個人4道菜再加埋人頭飯勁飽👍🏻✌🏻黑椒薯仔牛柳粒真係無得輸薯仔面頭有蜜糖而且係脆身牛柳粒又夠腍 出面真係食唔到✌🏻欖香一字骨都好味 每條骨都好多肉而且好入味✌🏻薑蔥筒蠔夠哂大隻勁惹味再加埋碟菜真係perfect池！

終於食到傳說中～薯仔比牛柳粒好食嘅萬發黑椒蜜糖薯仔炒牛柳粒($108)！呢間係被譽為全香港云云大排檔中，最好味嘅黑椒薯仔炒牛柳粒！果然無令我失望～薯仔炒到外面焦脆，薯皮吸哂蜜糖同黑椒，勁惹味！牛柳粒都好味，D肉無乜肥膏，七八成熟，幾juicy！-金牌風沙雞半隻($128)炸子雞上面加上炸蒜炒，D雞肉好嫩滑，皮都好脆口，唔錯👍🏻-蠔餅好大份，D粉唔太厚，但都幾多蠔，口感好好！不過如果d蠔肥少少就更加好~有d細隻～-椒鹽鮮魷（$108）呢個好好味，D魷幾新鮮幾彈牙，粉唔算厚，一上枱好快清哂~幾樣餸都好滿意，全部都高水準，又唔貴，下次一大班人一定會再黎呢間食！

萬發係我好多年前屋企常帶年地去既一家食市。 突然想食，就同同事放工去聚一𠫂也聚。一定要推介就係以下呢個黑椒薯仔牛肉粒，牛肉就係一口牛的概念，但重點係薯仔好食過牛肉，薯仔有走油，再番炸，炸到皮脆內軟。加上整碟黑椒薯仔仔牛肉粒有加上蜜糖去炒，甜甜香香，食過返尋味。另外點了半隻豉油雞，雞很入味，而且雞肉很嫩滑，証明廚師煮雞的時間剛剛好，沒有感覺很老很粗糙。下面係椒鹽白飯魚，炸到很乾身，而且份量很大份，不過不失。

<薯仔牛柳粒必試 其它不用 態度勁差>😂大排檔萬發都䇄立左喺深水埗好多年 最出名就係佢個薯仔牛柳粒 不過其它野食就越黎越退步 😂(其實我感覺上佢 d廚應該冇變 如果唔係唔會牛柳粒一路都甘正 ) 但其它野與其話差左 不如話整得冇甘有心機 🤨 而且老板娘 態度超差 我呢 d見慣客受慣氣 其實都免疫左 冇乜所謂😂 不過一般要求高既 hk人 如果冇心理準備千其唔好去 . 或者你當耳邊風 其實又冇乜所謂既， 因為我成班朋友去 所以淨係影左3 樣餸 大家唔好見怪 . 都係嗰句 除左薯仔牛柳粒 其它野 唔難食又唔係好味。 正正常常 😆 🍴薯仔牛柳粒🥔🐮無可否認 呢個真係我食過甘多間大排檔 整得最好食 牛柳粒大粒但整既熟成程度又剛好 夠哂 juicy 🐂重點既 薯仔 外面香脆 帶 d蜜糖香🍯 一咬開熱辣辣 既薯仔肉充滿住成個口腔 真係好正😍🍴燒雞🐤🔥原隻燒雞 都算大隻 個皮係燒得算香脆 但就熟左 dd所以去到肉同皮嗰 d邊位有少少厚左 肉都比一般煙靭左少少 優點係大隻 夠香 .甘點埋准鹽 醬汁 中規中舉 la 🙂🍴滷水拼盤 我初初以為佢係用潮式深色既滷水醃 但原來望樣應該係白滷

邊個中意食大排檔 🤘🏿 呢間係諗唔到食乜嘅必去之選，佢地嘅出品確實係幾有質素，是高汁的，推介嘅有 #豉椒炒蜆 $88 同 #黑椒薯仔牛柳粒 $108，炒蜆多汁濃味好送飯，不過講到最正一定係薯仔牛柳味，個黑椒味好香濃惹味，牛柳粒整到 7 成熟，口感同味道都好正，重點係薯仔一定係全港最好食，個薯皮係脆皮架，而且脆得黎又索哂啲汁，果啲薯皮位好濃味好正，份量又大碟，冇得輸 🤤🤤🤤❤️-萬發海鮮飯店深水埗九江街 150-152 號地下