荷里活冰室 (上海街)

營業中

休息中

今朝去左出門返到公司附近想食埋個早餐先返去作戰。就向公司附近搵到間設有樓上雅座既荷里活冰室就上去坐下邊食景邊食早餐啦。向朗豪坊A字運動舖既對面招牌非常顯眼早餐餐牌都幾多選擇懷舊沙嗲牛肉湯公仔麵餐($37)炒滑蛋:滑!好重蛋味與其他餐廳有別就是用的多士是丹麥條酥皮那種非常驚喜，多士還加上煉奶，非常鬆脆好味。而丹麥多士沙嗲牛肉麵牛肉份量多，肉質唔會老，沙嗲味好濃而公仔麵煮得剛剛好**上樓上時要注意，樓梯比較窄同有少少濕滑要行慢少少。**

如果有睇過我食評嘅人， 就知道我上次去咗麗閣商場新開嘅荷里活冰室度食， 而且畀咗幾好嘅評價， 覺得有又抵食味道又唔錯， 所以今次經過旺角， 見到呢間荷里活冰室， 就入咗嚟幫襯喇。坐低第一個困惑就係，咦? 點解同樣嘅餐牌， 旺角呢間荷里活冰室會貴咗既， 真係同樣嘅餐牌， 上次麗閣商場食係65蚊，今次就72蚊喇， 可能因為旺角始終係市中心吧，租都比較貴。 咁我同樣叫番上次食過嘅兩個套餐， 分別A11嘅鳳梨咕嚕肉同A14嘅口水雞。 同樣地， 都係兩碗老火湯率先奉上， 上次飲過麗閣荷里活冰室嘅老火湯， 覺得冇咩味精幾好飲， 所以就試下呢碗， 嗯係有味精嘅， 所以飲咗兩啖就冇飲。兩個套餐終於上枱喇， 賣相同上次睇落差唔多， 但口水雞分量好似比另一間少。試下先， 口水雞個汁同樣地唔夠口水， 個人感覺只有鹹，完全冇麻辣嘅感覺， 至於雞肉，好似都無另一間咁嫩滑， 但都算不過不失， 而且佢都算啖啖肉比較少骨， 呢點係幾好嘅。至於個鳳梨咕嚕肉， 酸酸甜甜好開胃， 都算整得幾入味， 但就好似炸得冇另一間咁香口，但整體都算唔錯。 上次我就覺得口水雞同咕嚕肉係平分秋色， 今次我就會覺得咕嚕肉比較出色。 雖然我

这家店位置很好，就在朗豪坊后面，两层共计，好像營業到很晚，點了一個奶茶，一個豬扒包好好吃，蛋嫩，豬扒也很滑嫩，還有出前一丁，裡面的餐肉也很好吃，薯條只有薯角，不過也卜卜脆很好吃，價格不高，兩個人隨便吃了100多

今日同同事出左街見客，咁見完客都七點幾，於是就係附近搵間餐廳食埋飯先返屋企啦行左去朗豪坊個邊，見到有間叫荷里活冰室既餐廳，好似係新開既橫掂最近都糧尾~大家都想食平啲，一於上去踩下場!餐廳樓高兩層，下層得5至7張枱上層就多位好多，同埋好似涼少少，咁就安排左坐樓上菜單都幾豐富除左小菜、炒粉麵以至沙嗲牛肉麵都有得食之外，仲有口水雞、煲仔菜同蒸魚等等最後我地揀左二人餐二人餐有兩碗中湯、一碟口水雞、一碟蔬菜類(?)同埋一個主菜我地就揀左椒鹽炸豆腐粒同埋粟米斑塊中湯無味精味，有少少驚喜口水雞份量比想像中多，唔算好辣，連怕辣既我都可以食到質地幾滑，個汁好惹味，開頭都俾佢個紅噹噹既汁嚇親椒鹽豆腐粒炸得好香脆!!真心估唔到!!外脆內滑，入面真係滑溜得好誇張!!值得一試!!粟米斑塊就係白汁做主調，斑塊份量多到食唔哂咁滯平時啲餐廳都係用龍利或者其他下價魚扮斑塊，但呢度食得出唔係呢啲下價魚肉質好厚實，但唔會鞋口，外層炸得香脆，配合白汁食的確幾滋味呢度既侍應服務態度都幾好同埋有禮貌惟獨是個收銀比較無禮貌，好似爭佢錢未還咁，找錢時係將錢掉係櫃面，有種乞討既感覺

冰室下午茶第二次幫襯，上次晚餐，今次就試一下這裡的午餐。餐廳一如上次，位置很多，坐得十分舒適，先叫兩碟主食，女友選的是川味口水雞飯，味帶微辣，雞亦很滑，可惜分量不多，以且有一些屁股和頸的部位，不太討好。我則選了一碟，車打芝士焗海虎蝦伊麵，等的時間略長了一些，芝士味很重，海虎蝦很大隻，伊麵略幼，份量超多，很飽肚，但148元，好像貴了一些。食完後，再要了一客這裡的招牌邪惡甜品，棉花西多士，真美味，很滿足。荷里活冰室 (旺角)人均消費150元旺角上海街595號地舖簡單的飲食隨筆抵玩指數最高為三星，所有不用自掏錢包者， 將不給予任何指數。

上次食過依到晚餐，今次食午餐。冰室設計，上下兩層，唔駛等位。中午時段，特餐，午餐，粉面，就連小菜都有😄。👨‍🍳👩‍🍳食物質素：🐔口水雞飯餐（配白飯同中湯）汁夠晒辣，而且好野味，送白飯岩晒。剩係汁都已經夠送半碗飯。🦐車打芝士海虎蝦伊麵海虎蝦有4隻，一人分量，蝦面烤過，更為香口。芝士剛好，唔會太過油膩。而伊麵的軟硬度適中。😎綿花西多士再戰邪惡西多士，水準一樣，綿花面烘過，外脆內軟。下次要再戰！🤭

田園咕嚕肉每次嚟都會叫，因為一定新鮮整，炸到脆卜卜而有肉味，唔會成口粉。咕嚕醬咸酸度亦適中，加埋飯食好正好夾! 仲有青瓜同成個番茄，絕對唔係溝粉，真係用配料煮醬。芥末雜菌牛柳粒其中一款晚餐，見到好特別所以決定試試。芥末醬同牛柳好夾，帶到濃濃既牛味又唔會太漏，牛柳好淋肉質幼嫩，辣味之中又帶點菌類既口感，好特別同推介既一款晚餐!鼓椒炒蜆估唔到都整得好好食，蜆冇沙而鼓椒炒得好香，加埋青椒碎令味道再提升又有咬口，送飯一流!

今日去朗豪坊行完街搵地方食個快飯，喺上海街一出見到對面有間好閃嘅冰室，就決定過去試吓。而家嘅冰室同以前好唔同，講裝修，地方亦都比較乾淨明亮，經過一條長樓梯上到去，見到地方相當闊落，好多梳化卡座，仲有窗邊位可以望住條街食嘢，感覺好舒適。呢度嘅選擇都幾豐富，除左有平時嘅常餐，粉麵飯之外，仲有好多唔同小菜套餐，包羅萬有，連鮑汁花膠扣鮑魚都有，不過今日想食魚多啲，就叫咗個西蘭花🥦爆炒帶子龍躉球，同埋京燒牛仔骨試下，加10幾蚊仲有個飯加例湯。唔駛等好耐，京燒牛仔骨就上枱，分量十足，牛仔骨炒得剛好，一啲都唔靱，仲非常之惹味，連埋京蔥一齊炒真係好香口嘅配搭。 轉眼間西蘭花爆炒帶子龍躉球都到嘞，非常之大碟，而且估唔到冰室都會有啲擺盤，將西蘭花圍邊，又幾靚喎。龍躉肉好大塊而且爽口彈牙，仲有d菇同黃椒，顏色配得好，好味過酒樓，放入口就知道夠晒鑊氣！呢種味道平時自己喺屋企真係整唔到❣️除咗小菜，呢度仲有好多其他選擇，好似晚市有啲特價餐粉面套餐，都係幾十蚊一個，仲要有超過10款選擇，算係幾抵食，下次有機會要黎試吓。順帶一提，呢度嘅侍應哥哥同收銀姐姐都好有禮貌。

今日同朋友黎到旺角朗豪坊行下街，行到咁上下就黎到附近的上海街，有好幾間唔同種類的餐廳，最後想試下懷舊中式小菜，所以就黎到荷里活冰室啦！大熱天時一坐底緊係要叫返杯凍飲啦，黎到冰室當然唔係叫凍檸茶、凍奶茶咁普通，我地就叫左杯凍檸賓，仲有一杯咸檸七。我中意粒咸檸的味道岩岩好，有d會有苦澀味，呢個味道幾醒神😋由於朋友好中意食伊面，貪佢多芝士夠晒滿足感，所以今次約食飯就叫左個「車打芝士虎蝦焗伊面」，出到黎個陣陣芝士香味，仲有芝士焗面頭有d金黃色😍好吸引！虎蝦都幾大粒同爽口，值得加分係有先係蝦到炸脆左外殻，加試芝士汁就有兩種唔同的口感。伊面質地可能有d碎，可能煮耐左，好彩我用叉繞個圈咁食就會好d。另外叫多左個「蒜蓉粉絲蒜班頭腩」，本身中意食班腩可以啖啖肉咁食，d魚骨又唔多，而且d魚都吸晒蒜蓉好香，配埋蒜蓉粉絲幾好味。總結，呢到餐牌有好多選擇，好多種類都有，最中意係佢個芝士伊面。

有時食得太多好嘢，口味都會想變返簡簡單單。冰室係香港嘅懷舊文化，尤其係最近呢一兩年，冰室裝修嘅茶餐廳又普及返，要食到懷舊食品，絕對唔難。朗豪坊對面嘅呢一間冰室，開業大約半年左右，所以室內環境仍然好企理乾淨，燈光鮮明，餐牌選擇非常之多，有選擇困難症嘅我哋細閱咗十分鐘先決定叫乜嘢。除咗一般小菜，晚市套餐等，佢仲特設宵夜時段，相信呢度應該開得好晏。另外仲有各式扒餐同埋港式經典嘅茶餐小食😋煲仔小菜係我偏愛食嘅港式美食之一，所以我哋就叫咗薑蔥魚雲煲同埋大澳瀨尿蝦乾啫啫通菜煲。 鑊氣十足！上到枱唔近距離都感覺到熱辣辣🔥 第一次食魚雲，原來質感係咁滑溜，而且加入大量薑片同埋蔥段提升佢嘅嘢味道，減低腥味；後者嘅瀨尿蝦乾啫啫通菜煲亦都有驚喜，有幾條嘅瀨尿蝦乾，size大隻，毫不吝嗇，呢啲煲仔小菜好多時候都會偏鹹，但係呢到調味非常好👍紅豆冰同檸樂煲薑係懷舊飲品，前者唔會爆甜，後者都唔會爆辣，唔錯✨

荷里活有間茶餐廳～～～喺朗豪坊隔住條馬路都見到呢個燈火閃爍既招牌，好有舊式戲棚既味道，非常吸睛。以旺角區黎講價錢中等，一個粉麵飯五十左右，小菜類八十至一百，有唔少獲氣小炒。最中意嗌餸食飯，同友人分別點左車打芝士燒雞柳焗西蘭花、冰梅陳皮骨、黑椒安格斯牛柳粒伴蜂蜜脆薯。豬扒以冰糖同酸梅煮成，酸甜適中，惹味好送飯，豬扒幾厚實無乜筋，反而陳皮味未覺突出。西蘭花夠稔身，濃滑既忌廉汁落左唔少洋蔥，令整體creamy得黎唔膩，加埋芝士鋪面烤焗增添唔少鹹香。抵食之選，係咪安格斯就唔知，但肉質稔軟又夠咬口，生熟恰到好處，粒粒都係冰粒大細，有口感，唔會咬兩下就碎哂估唔到妹仔大過主人婆，個脆薯幾出色~加左勁多蜜糖，味道蜜甜，外層香脆，內裡綿密嫩滑，口感好豐富。建議想食小菜可以五點半後入座，晚餐優惠$290可揀四個特選小菜，超抵食呀

每一次去旺角都唔知食乜好，有時會去熟食中心平息，有時去啲樓上西餐廳有偏貴，有無啲價錢適中既餐廳呢？其實我係一個好鍾意食茶餐廳嘅人，今次大膽提議去試吓啲新嘅茶記啦，見到呢間個招牌咁鬼大又閃下閃下咁，拉埋個朋友入去一人叫咗一個小菜配白飯，相信一定比旺角打冷平得多又好食啲。叫咗個魚香茄子煲同埋椒鹽豆腐粒，個份量大到嚇親我！魚香茄子煲佢應該有用咗兩個茄子，食極都仲有，而且出面啲茄子煲偏向好油同咸，但係呢度的肉碎調味適中，而且茄子同肉碎嘅比例都算一比一，所以真係超級有份量，食晒成碗白飯都仲要有剩。椒鹽豆腐粒係佢呢度嘅出名小菜，個店員超級推介，的確炸得好脆而且炸皮好薄，豆腐又滑，椒鹽粉唔會加得太多，可以中和左魚香茄子嗰種油膩～本身想叫多個細公司做甜品，但係真係太大份同太飽，所以最後都係放棄左。

早前食飯多數是打邊爐，今晚約咗幾位朋友選擇了食廣東菜，去咗旺角上海街（荷里活冰室） 餐廳裝修頗有特色， 不似一般的冰室普通設計，而且菜色種類十分多款式，有除咗一般經濟實惠的小菜還有鮑魚套餐及龍躉套餐， 可隨著個人口味而作出選擇。餐湯是青紅蘿蔔湯，清清喉嚨夠滋潤。口水雞半隻，用咗秘製醬汁煮成的口水雞，肉質嫩滑， 帶有少少辣椒，十分醒胃。漁村蒸肉餅，蝦乾鹹香味好濃，豬肉蒸出嚟唔會老，夠嫩滑，十分配合。XO醬蟹肉炒粉絲煲，蟹肉鮮甜，粉絲又夠乾身，正。金磚脆豆腐，外脆內軟夠熱再灑上炸乾蒜，十分惹味。

荷里活冰室開在朗豪坊對面，交通超方便，我地在門口望左不個餐牌，覺得抵食又選擇多，就行入去，原來佢有兩層樓，冷氣充足，環境清潔，有很多卡位。選擇真的超豐富！晚市超值套餐會在17:30開始供應，可以揀一至四款小菜套餐，配白飯同老火湯，仲可以升級飲品。咸檸七同凍奶茶系夏天的恩物。餐廳貼心送上老火湯，系菜乾煲豬骨，好岩呢個天氣飲用。南乳溫公齋煲，好夠火候，送飯一流，南乳味超好味。蒸倉魚，魚肉嫩滑，豉汁蒸非常入味。配大大碗飯，d送又好岩胃口，真糸好滿足。粟米青衣魚柳，粟米汁另上，新鮮肉質，餐廳好有誠意！

係旺角食飯，始終對荷里活念念不忘，因為佢開左唔耐裝修同環境都好好，地方又夠大夠乾淨而且依家寫一篇點評，餐廳會送一杯紅豆冰，超抵!而且有免費wifi, 食個飯, 慢慢同朋友傾下計上下網,都咪話唔嘆今日食佢既咖喱牛腩，怕唔夠喉點多左份煎雙蛋豐富的毒毒午餐!!!牛腩夠大兜，食落真係有十舊八舊牛腩，份量超多，而咖喱夠濃夠甜夠香滑最正係佢每舊牛腩都帶少少筋，食到牛肉香之餘仲食到牛筋既軟滑，口感超正半熟蛋是最好的! 見到佢震騰騰既蛋黃，口水係咁流。 半熟蛋蛋汁夠香夠滑，配飯食一流!當然唔少得消暑紅豆冰，日日34度都咪話唔熱，呢度既紅豆冰超多紅豆，夠綿夠甜易入口😂👍