荷里活冰室 (上海街)

營業中

休息中

旺角荷里活冰室，有選擇困難症者慎入！因為冰室menu超多選擇，無論係常餐、西式、中式小菜等等，我研究左好耐至諗好食乜。黑椒安格斯牛柳粒伴蜂蜜脆薯（$98）： 黑椒牛柳粒非常入味，亦好送飯；薯粒炸過後淋上蜂蜜，甜甜地脆脆地好香口！西蘭花爆炒帶子龍躉球（$138）：估唔到呢度都有龍躉食，龍躉球夠厚肉，帶子亦大大粒，西蘭花非常多，碟頭十足！豉椒炒蜆（$78）：好有鑊氣的炒蜆！豉椒味十足，配啤酒一流的小菜！

相信有行過去朗豪坊後面既人都會留意到荷里活冰室, 二樓落地大玻璃再加上好有carnival氣氛既招牌,十分搶眼。樓下都有位但我地上左樓上坐, 環境都幾大又光猛, 食物款式好多, 揀黎揀去都係揀番套餐易諗d, 最後決定要2人餐再加碟炒蜆餐本身已包湯, 飯同飲品, 今日既係青紅蘿蔔湯。口水雞唔係平時食開川菜鋪既口水雞, 有少少唔同, 辣勁淡d, 但相對就無咁油膩, 而雞件好多舊, 舊舊都啖啖肉, 面頭既辣椒用黎撈飯正地寶魚湯鮮腐竹浸時蔬揀個有湯既菜清清地, 估唔到咁靚仔, 隔離枱有兩位女士都問我地依碟餸叫咩名想叫食菜同腐竹時都會索左清甜既湯, 不錯田園咕嚕肉蕃茄菠蘿青瓜作為配菜, 岩哂我哩d唔中意食青椒既人咕嚕肉呈條狀, 雖然唔係外皮脆脆個種咕嚕肉, 但調味方面就做得幾好, 撈飯一流豉椒炒蜆份量算多而且唔會得d殼, 汁醬可口但如果加多d辣椒個d配菜更好更香口飲品就揀左凍檸賓同熱奶茶, 熱奶茶出色呀夠熱辣辣, 茶味香濃$198有3餸一湯又包埋飯同野飲, 依個餐抵食

近年「冰室」可謂越開越多，以懷舊名字，配上新潮裝修，令原本平平無奇的茶餐廳，變得份外有特色。而冰室一向給人的感覺只是快餐廳，不過，荷里活冰室絕對是一個例外。除了有午餐及下午茶餐，還有富貴鮑魚套餐及龍躉套餐。中午時份吃鮑魚套餐感覺真的奢華，不過，其實這個套餐價錢非常貼地，鮮鮑汁花膠扣鮑魚加瑤柱蛋白炒飯及老火湯，價錢只是HK$148。鮑魚size適中，看起來圓厚肉潤，帶有濃郁鮑魚汁香味，味道不會過鹹，口感彈牙有咬口，而花膠大大塊的，煮得非常入味，入口軟滑，鮮味十足。瑤柱蛋白炒飯炒得非常夠鑊氣，飯粒炒得粒粒分明，非常乾身，油膩感不重，加上飯內有瑤柱絲、蛋白及瓜粒，口感層次豐富。隨餐附送老火湯，味道清甜，味精感不重，喝後不會口乾。另外，由於花膠煮得非常好吃，所以額外多點一客翡翠鮑汁扣花膠，花膠口感同樣是入味淋滑，而且份量極多，HK$88超抵食。我還點了特餐，包括: 蜜汁叉燒湯意粉、火腿炒滑蛋、瑞士香酥奶油多士及紅豆冰。意粉內的叉燒份量挺多，口感非常淋滑，配上口感微彈牙的意粉，推介。炒滑蛋超讚，雞蛋嫩滑，蛋汁豐富，而瑞士香酥奶油多士的口感很特別，多士口感像酥皮，一層層的，非常香脆，淋上香甜練奶，

荷里活唔止有間大酒店，仲有間大冰室，哈哈😄呢間係亞皆老街、上海街口大單邊位，好搶眼，離遠已經睇見，望見個招牌就已經自然喺心裏面唱番首六、七十年代嘅歌仔🎤🎼⋯「樓上雅座」，懷舊裝修設計，令人有回到從前粵語片時代，時光隧道的感覺！上到樓上，發覺佢都好旺場下，裝修簡潔舒服，又可以望到樓下旺角嘅景色，相當唔錯👍🏻餐牌上面嘅套餐有唔同因素嘅組合，我就睇中左佢哋嘅二人套餐$198，已經包括三個餸和例湯🍵魚湯鮮腐竹浸時蔬，湯底好鮮好甜，腐竹亦好滑口，濕濕地送飯一流！口水雞例牌，都算比到啲靚位我哋，夠嫰滑夠入味，點啲薑蓉更加好味👍🏻我好鍾意呢個冰梅陳皮骨，酸酸娓娓，醒神開胃，份量十足！配埋白飯，咁嘅份量收$198，而且堅好味，真係無得輸😋再嘆多個懷舊紅豆冰（跟餐加$9），紅豆夠淋，可惜唔係我最鍾意嘅泡冰，如果唔係就真係滿分😅飯後甜品試吓佢哋嘅梳付棉花糖西多士$48，食落就知道唔簡單，薄薄的脆面棉花糖，焗得恰到好處，放在切好的西多士上面，一啖一件，朱古力同埋果醬嘅糖漿，同一時間喺口裏面爆發，好正，必食推介👍🏻👍🏻👍🏻呢度上餐效率快，店員做嘢好爽手，唔怪得咁多客人啦🤗😍😬

這間茶餐廳食物唔係平，最平果個餐都要$48左右，又唔係真係咁好食，性價比唔高，坐得有點逼，環境嘈吵，唔係太舒服。如果在旺角，這個價錢會有更好的選擇，下次應該不會再光顧了。

Happy Friday！又到約朋友嘅最佳時機.今次因為餐牌種類多，感覺價錢合理，就決定試試依間茶記。雖然依到小菜先後主打，但都影響唔到我比較另類既性格。叫左是日晚餐，吉列魚扒拼意粉。份量真係好足，龍俐魚柳真係俾足一條，加埋薯角、煙肉、沙律同意粉，一個人食得好吃力，哈哈。味道方便中規中距，唔叫好大驚喜。但今時今日旺角茶記，依個份量$63都已經好震撼。絕對係糧尾同朋友聚腳嘅新選擇！值得一提，唔知間野係咪做慣左旅客生意，飲左咁多年凍O茶，真係第一聽到…原來d茶澀，係因為叫左少冰…😱？!! 好彩最後都換過杯正常既俾我。（我真係唔係第一次飲凍0茶囉~🙄😅）

本局長是日到旺角一帶巡察，見一冰室裝修甚是醒目，名曰荷里活冰室，想起近日昆頓塔倫天奴新作《從前有個荷里活》近日上映，遂入內一窺究竟。店內裝修雅緻亮麗，本局長見餐牌上咕嚕肉飯有一推介符號，不虞有詐。豈料食物一來，份量少得可憐之餘，本局長發現此咕嚕肉未有炸過，毫不香脆，一經咬下，但覺口中肉乃豬頸肉，九唔搭八。咕噥肉汁亦不入味，凍檸茶走甜不好喝。總括而言，此餐廳咕嚕肉乃豬頸肉假扮，本局長難掩失望之情，只好懷着惆悵心情結賬離去。

前兩日同朋友行完朗豪坊，見對面以前「翠河」個位開咗間新餐廳，門面又幾靚喎，招牌大大個字寫住「荷里活」，好鬼搶眼！門口睇吓佢餐牌，價錢又唔算太貴，一於入去試吓先！可能近期食得多西餐，我同朋友見到呢度有小菜套餐，大家都二話不說，各點一個，一齊share. 我就叫咗京都肉排，朋友就揀咗個大澳賴尿蝦乾啫啫時菜煲。最驚喜嘅係見到餐牌下面寫住加$48可以食到花膠扣鮑魚，喺茶餐廳食鮑魚，真係未試過，即刻同侍應哥哥講要兩份！老實講，小菜啲碟頭都唔係細，味道更加比得上酒樓！貨真價實！但呢個價錢免埋茶介，每人叫個小菜都係幾十蚊，仲要喺旺角鬧市，下次一定再幫襯!

到旺角搵食，今次特別d，搵左新式冰室，但有傳統裝修。由於依餐係晚餐，一行四人，所以決定選擇幾個餸配白飯。叫左4人套餐，再加多一個餸同甜品。套餐已經配有飯同中式湯。👨‍🍳👩‍🍳食物質素：🐟馬友生死戀餸菜名就幾特別，原來整法仲特別，由咸魚同新鮮魚而成，當食新鮮魚時有咸魚既香味，魚質好滑。🐽脆皮鹹豬手🐽豬手上菜時，已經切好晒，方便進食。以為普通，只係啖啖肉，但配上胡麻醬，變成一d都唔簡單，成件事好日本feel，有別平時食既味道。🐤鹹香雞🐤雞的味道唔會太淡或太咸，剛剛好，送飯一流，唔算嚡口。值得一提係。。。。甜品😛棉花糖配西多士🤩即叫即整，棉花糖面烘過少少，配合埋邪惡既西多士，熱辣辣，好味，絕對滿足。🛋️🛋️環境：4/5👦👧適合人數：4-10

今日行街經過見到這間新開的荷里活冰室。餐廳門面非常搶眼，離遠已經見到門口掛了大大個紅底金字霓虹招牌，煞是矚目。而這晚就被安排坐在樓上一張靠窗嘅座位，可以望到街景，感覺特別開揚舒服 。綿花西多士，棉花糖焗的時間剛剛好，有 流心的效果，西多士入面有花生醬，開頭見到賣相以為會好甜，食落味道剛剛好，又唔會好膩。再叫左個超值晚市套餐，另外每人再點咗客店員推介的鮮鮑汁花膠扣鮑魚，套餐配有白飯及老火湯。味道都算唔錯，下次繼續來。

香港其中一個飲食文化，非冰室莫屬，冰室亦稱為港式茶餐廳。冰室系列，故名思義當然以介紹香港各區冰室為主。冰室其中一個特色，就是中西合璧，甚至一些日式菜也有。旺角上海街，在大型商場朗豪坊後，有一新開餐廳，因為方便，再加上餐廳裝飾亦有點懷久，所以決定嘗試一下。餐廳分兩層，空間不細，食客亦不算多。坐下後，餐廳待應立刻送上餐牌，語氣亦很有港式文化。經商議後，叫了一份4人餐，再加一道菜，及一道甜品。套餐，除了四碗湯及飯，有一雞一菜，另外可在十二款的小菜中，選了一魚一豬。半隻鹹香雞，是當晚最好食的菜之一，雞肥瘦剛好，肉質鮮嫩，鹹香適宜，眾人皆讚好。魚是馬友生死戀，鮮魚上放鹹魚，再一起蒸，魚肉入口既咸且鮮，值得推介的一道菜餚。魚湯腐竹浸時蔬，一般般，乏善可陳。脆皮咸豬手，皮脆度可以，肉質亦很淋，但驚喜度一般，推薦配胡麻醬一起食。薑蔥魚雲煲，味道不錯，但入口的魚味很不明顯。最後，亦是最有驚喜，是綿花西多士，雖然很邪惡，但西多士即點即炸，包質軟熟，配上加熱的綿花糖，真的很好食，剛做的運動全白費了 。這間冰室，食物不乏特色，部分菜式的味道亦可以，環境不差，價錢合理，經過的朋友可以一試。荷里活冰室 (旺角)人

今日因為有啲事做 同女朋友去左旺角朗豪坊 臨走行去街市樓下搭紅Van個陣 見到有間冰室裝修得好靚 因為實在太攰 附近又唔知有咩食 見到價錢又唔太貴 就上去試試！ 餐廳地點係朗豪坊7-11對面 本身以為得地下個層 點知原來上邊2樓全層都係 起初以為會冇咩人！ 點知入到去都有7成滿座 職員安排座位後 發現雖然地方大 但座位有少許迫 但環境及衛生情況尚可接受 我哋睇左陣有咩食就點餐了#老火湯當日老火湯係眉豆花生🥜雞腳湯 亦都係我最愛飲落去就知煲左好耐好濃好好味 飲落唔覺有味精#咸香雞見佢係招牌推介就試一試 食落去好似沙薑雞 表面淋左好多粒蝦米🦐干 加埋一齊食口感好特別#避風塘炒海虎蝦爆過既香蒜加埋香蔥辣椒一齊炒 好香口 而且虎蝦隻隻都好大隻 用啲香蒜撈飯一流

#荷里活冰室今日屋企人行街，媽咪話唔想煮飯。門口睇過Menu，見到有小菜都幾啱同屋企人食。所以揀咗呢間。 叫咗個四人超值晚餐都只係$290 （魚類要額外加$30）。媽咪鍾意食魚，而且佢唔會係屋企整特別嘅魚部位，👀所以係眾多選擇裏邊揀咗兩個都係魚，🤤再加埋時菜炒牛肉同啫啫滑雞煲。#蒜蓉粉絲蒸班頭楠味道比較清淡，😁蒜蓉味唔太重豉油甜甜地同淋左熟油，撈粉絲都OK。🐟魚肉實淨。#豉汁蒸魚雲呢個豉汁好惹味，兩者相比之下我比較鍾意呢個🙋🏼‍♀️，面上有大量薑絲辟哂啲腥味再加埋個豉汁好下飯。#時菜炒牛肉一致大讚。🙆🏻‍♀️有火喉，炒完可以保持菜既爽脆而且牛肉份量都唔少，💁🏻‍♀️味道正。#啫啫雞煲乾身得黎又有醬汁裹住雞肉，😯仲有大量洋蔥同大塊豬肝。🤗味道帶洋蔥甜味同酒香。套餐包埋飯同例湯。以後呀媽唔想煮飯都唔洗煩，黎呢道都幾好。

原本同男朋友係打算去熟食市場食，但原來佢維修緊冷氣，所以成個熟食市場暫停營業，我地一落電梯就見到前身係翠河的舖位轉左間新開的荷里活冰室，所以我地就去左食啦。舖頭裝潢都光猛闊落，有兩層，下層枱比較少，餐廳都有唔少食物選擇，我見到有一些套餐，算係當中比較平的飯餐，52蚊加熱飲加6蚊，有炒粉麵飯同焗飯，但我見乾炒牛河、星洲炒米個啲熟食市場有得食，所以我就揀左食焗豬扒飯了，而男朋友就揀特餐，叉燒湯意粉。先講焗豬扒飯，都幾大碟，同幾好多，豬扒有切好，方便唔駛用刀都食到，但係芝士如果多返少少會更加正。特餐方面叉燒湯意粉味道正常，無咩特別。但佢最正的係炒蛋和多士，所以我幾鍾意呢個特餐，因為佢的炒蛋炒得好滑，不會太乾太老，而多士方面真係好有驚喜，因為佢的飽係酥皮包，即係條丹麥條個種，加上烘得啱啱好，好鬆脆，佢又配埋煉奶，我覺得可媲美人地的奶油脆豬，其實呢個可以做佢招牌菜，而且特餐46蚊有熱飲跟，我會為左呢個多士再幫襯囉。不過我見小菜個啲都幾大兜，而且又幾近朗豪坊同旺角地鐵站，但上層食客未算太多，明明啲嘢幾好食，但就好似好少人知咁，我覺得佢需要好人地咁整一啲佢先有的特色食物先得，真心覺得佢可以好好推下佢

荷里活冰室位置很就腳角朗豪坊某三間運動店對面就是。地方很寬敞而且很多卡位選擇，方便兩三位知己一齊吃小菜。 亦有大圓枱提供，方便一家人親戚朋友聚會吃飯。鮮雞套餐食好D另加一份總廚推介的絕味鮮鮑汁花膠扣鮑， 鮑魚及花膠炆得很腍而且入味。跟餐有白飯及老火湯，鹹香雞鮮嫩皮薄厚肉很滑， 有櫻花蝦做點綴提升鹹香味道。地寶魚湯鮮腐竹浸時蔬魚湯鮮甜，腐竹及時蔬份量亦多， 不消一會就將魚湯喝光了。三弄脆皮咸豬手 外皮很脆豬手肉很嫩分量亦好多。西式的做法於冰室吃到真的不錯。最後來一客梳乎棉花西多士做甜品， 花生醬西多士上面有熱溶的棉花糖再加上士多啤梨及朱古力醬整體來說不膩。喝一杯熱檸檬西洋菜蜜潤喉，完滿。