荷里活冰室 (上海街)

營業中

休息中

早前食飯多數是打邊爐，今晚約咗幾位朋友選擇了食廣東菜，去咗旺角上海街（荷里活冰室） 餐廳裝修頗有特色， 不似一般的冰室普通設計，而且菜色種類十分多款式，有除咗一般經濟實惠的小菜還有鮑魚套餐及龍躉套餐， 可隨著個人口味而作出選擇。餐湯是青紅蘿蔔湯，清清喉嚨夠滋潤。口水雞半隻，用咗秘製醬汁煮成的口水雞，肉質嫩滑， 帶有少少辣椒，十分醒胃。漁村蒸肉餅，蝦乾鹹香味好濃，豬肉蒸出嚟唔會老，夠嫩滑，十分配合。XO醬蟹肉炒粉絲煲，蟹肉鮮甜，粉絲又夠乾身，正。金磚脆豆腐，外脆內軟夠熱再灑上炸乾蒜，十分惹味。