荷里活冰室 (上海街)

營業中

休息中

原本同男朋友係打算去熟食市場食，但原來佢維修緊冷氣，所以成個熟食市場暫停營業，我地一落電梯就見到前身係翠河的舖位轉左間新開的荷里活冰室，所以我地就去左食啦。舖頭裝潢都光猛闊落，有兩層，下層枱比較少，餐廳都有唔少食物選擇，我見到有一些套餐，算係當中比較平的飯餐，52蚊加熱飲加6蚊，有炒粉麵飯同焗飯，但我見乾炒牛河、星洲炒米個啲熟食市場有得食，所以我就揀左食焗豬扒飯了，而男朋友就揀特餐，叉燒湯意粉。先講焗豬扒飯，都幾大碟，同幾好多，豬扒有切好，方便唔駛用刀都食到，但係芝士如果多返少少會更加正。特餐方面叉燒湯意粉味道正常，無咩特別。但佢最正的係炒蛋和多士，所以我幾鍾意呢個特餐，因為佢的炒蛋炒得好滑，不會太乾太老，而多士方面真係好有驚喜，因為佢的飽係酥皮包，即係條丹麥條個種，加上烘得啱啱好，好鬆脆，佢又配埋煉奶，我覺得可媲美人地的奶油脆豬，其實呢個可以做佢招牌菜，而且特餐46蚊有熱飲跟，我會為左呢個多士再幫襯囉。不過我見小菜個啲都幾大兜，而且又幾近朗豪坊同旺角地鐵站，但上層食客未算太多，明明啲嘢幾好食，但就好似好少人知咁，我覺得佢需要好人地咁整一啲佢先有的特色食物先得，真心覺得佢可以好好推下佢

荷里活冰室位置很就腳角朗豪坊某三間運動店對面就是。地方很寬敞而且很多卡位選擇，方便兩三位知己一齊吃小菜。 亦有大圓枱提供，方便一家人親戚朋友聚會吃飯。鮮雞套餐食好D另加一份總廚推介的絕味鮮鮑汁花膠扣鮑， 鮑魚及花膠炆得很腍而且入味。跟餐有白飯及老火湯，鹹香雞鮮嫩皮薄厚肉很滑， 有櫻花蝦做點綴提升鹹香味道。地寶魚湯鮮腐竹浸時蔬魚湯鮮甜，腐竹及時蔬份量亦多， 不消一會就將魚湯喝光了。三弄脆皮咸豬手 外皮很脆豬手肉很嫩分量亦好多。西式的做法於冰室吃到真的不錯。最後來一客梳乎棉花西多士做甜品， 花生醬西多士上面有熱溶的棉花糖再加上士多啤梨及朱古力醬整體來說不膩。喝一杯熱檸檬西洋菜蜜潤喉，完滿。

旺角朗豪坊附近新開左間荷里活冰室，比佢個店名吸引左好想去食，今日放假就同左男朋友一齊去！下午兩點幾已經坐滿客人，好受歡迎啊翡翠鮑汁扣花膠花膠份量比我想像中多，底下有適量西蘭花墊底，賣相不錯花膠軟滑得來有彈性，膠質感覺重，好滋補養顏啊！另外西蘭花都炒得好翠綠又香口枝竹火腩炆龍躉班頭腩煲豆腐火腩飯就食得多，今次試咗呢個加埋龍躉魚落去嘅煲仔，一上枱就感受到好有鑊氣！龍躉嘅份量好多，件件都係厚切，好厚肉，又嫩滑。魚皮都好有彈性，充滿膠質，骨膠原感覺豐富，而且炆得好入味！火腩同支竹都非常香口，送飯食就一流啊！是日老火湯係杏汁豬肺湯湯底火候十足，用海鹽吊味，鮮中帶鹹香，好好飲雪菜肉碎湯米粉平時都係食雪菜肉絲，呢度係雪菜肉碎，當中仲加入左蝦米乾，所以特別的鹹香美味！配上幼身且軟腍的米粉，完美的配搭火腿炒滑蛋配瑞士香酥奶油多士所有特餐都必有腿蛋及多士，兩樣都係我最愛！多士非常特別，採用嘅係香酥多士，感覺有少少似丹麥酥，好重牛油味同牛奶香，金黃香脆又美味。炒蛋都好嫩滑，有蛋香同蛋汁，正啊熱奶茶茶餐廳港式奶茶的水準，茶香濃，奶細滑，好飲哦

到旺角行街晚上搵地方醫肚，見到荷里活冰室，即興入去試下。裝修寬敞有上下兩層， 我坐上層窗口位置，座位舒適。 這裏有很多菜式選擇， 我點了一個二人套餐$198， 有鹹香雞， 魚湯腐竹浸時蔬， 脆皮咸豬手， 老火湯和白飯， 加$9紅豆冰和$12 龍鳳檸樂， 最後還點了一個甜品綿花西多士$48。先來兩碗例湯， 老火例湯飲得出沒有味精，清甜潤喉。鹹香雞～ 與鹽焗雞的味道相似， 雞肉香滑， 非常入味，送飯一流。脆皮鹹豬手～ 外皮炸得脆卜卜， 豬手鹹味適中肉質嫩口， 這隻鹹豬手做得很出色。魚湯腐竹浸時蔬～ 侍應先生會問你想用什麼菜，我點了油麥菜， 魚湯的味道清清地， 有點似住家菜的風味。紅豆冰和龍鳳檸樂～ 紅豆冰好正，紅豆粒粒煮得很淋， 喜歡飲紅豆冰的朋友，一定要來試下。 龍鳳檸樂不是每一間餐廳有的， 所以每次見到都會叫。白飯兩碗～ 是跟二人套餐的。綿花西多士～ 棉花糖焗的時間剛剛好， 有 流心的效果，面層有朱古力醬和士多啤梨醬， 西多士入面有花生醬，開頭見到賣相以為會好甜，食落味道剛剛好，又唔會好膩。第一次到荷里活冰室，對這裏的印象很好， 食物質素好，價錢平民，店員服務也很貼心，位置方便，下次都

很久沒來旺角搵食，友人提議試下上海街這間新開的「荷里活冰室」。餐廳門面非常搶眼，離遠已經見到門口掛了大大個紅底金字霓虹招牌，煞是矚目。踏進店，原來餐廳地方頗大，佔地兩層，除了地下左右兩排卡位外，還設有樓上雅座。而這晚我倆就被安排坐在樓上一張靠窗嘅座位，可以望到街景，感覺特別開揚舒服 。入座後先細看餐牌，嘩！食物選擇非常之多，由懷舊招牌菜 、少林素食、大熱煲仔、地道小菜，以至西式扒飯、 馬來咖喱、炒粉麵飯…..等等，應有盡有。另外亦有幾款可以自由組合的套餐，如鮮雞套餐、超值晚市套餐等。我哋揀咗個兩餸超值晚市套餐 ($145)，另外每人再點咗客店員推介的鮮鮑汁花膠扣鮑魚，套餐配有白飯及老火湯，如果想配埋熱飲就要另加 $6、凍飲加 $9、而特飲就加 $12。 是日老火湯為黃瓜排骨湯，湯水非常清甜，味道香濃，煲得夠曬火喉，去濕又潤肺，加上湯面並沒有泛出油光，少油少鹽，很有家的味道。接著是鮮鮑汁花膠扣鮑魚，每位只是 $48，非常抵食。講真，其實隻鮑魚唔算好大隻，但食落滑溜有嚼勁，不太腍亦不可太韌。至於伴吃的花膠味道亦不俗，大大件，扣得軟腍入味，而且完全被鮑汁嘅精華滲透，吃起來濃厚鮮香，令人垂涎欲

吃貨小妹係無不歡既人 一星期總要有幾餐米落肚 (雖然老土 但有落飯肚真係特別滿足同好訓) 最近係朗豪坊附件亂入左間冰室 門面細細原來有2層 樓上仲好大地方平日茶記既常餐特餐都有 但想食飯 又見隔黎枱d小菜好吸引 就一口氣order左4個餸金磚豆腐好大碟 外脆內軟 豆腐仲好入味 連埋炸蒜送飯就最一流菠蘿咕嚕肉炸到好乾身 唔厚粉 菠蘿唔係罐頭貨而係用上新鮮菠蘿 最重要既咕嚕汁味道調較得唔錯 收汁亦收得好好 抵讚豉汁炒蜆 份量都唔少 蜆肉雖然比較細隻但完全無沙有肉有海鮮 又點少得菜蒜蓉炒白菜仔夠鑊氣 炒得綠油油 三扒兩撥就吃清光唔駛加一 食咁多野都係300蚊 下次成班fd食飯可以考慮拉隊過黎炒小菜

Boyfriend and I spotted Hollywood Cafe from afar. A brightly lit cha chan teng. As we were thinking what to have for dinner, we came here.They have upstairs seating so I suggest going there as there isn't much air conditioning on the bottom floor.Menu is in Chinese. There is no 10% service charge. During the day, it's a cha chan teng. But in the evening, they offer various dinner sets that include  main dish, soup and rice.We decided on two mains for $145 so we each got  soup and bowl of rice. S

今日放工食晚餐去旺角朗豪坊附近，地點好方便，地鐵巴士得。好光亮又色彩繽紛的門口，遠遠就睇到了這個餐廳了！ 有2層樓，好大好寬敞，乾淨整齊，多人圓枱及2-4人方形枱，好舒適的軟梳化位置。服務員有禮又友善，有效率又快手！坐下來就立即送上暖水，又會介紹菜色及推介，好細心體貼喔！食物方面，好多款選擇，餐單好厚又有不同的推介，可以讓客人有好多選擇，價錢合理而套餐好抵食！我們點了2人餐A+B+C，包了白菜薏米豬骨老火湯及大大2碗白飯，可選例牌口水雞或鹹香雞，2個菜B+C, B:可三選一（金磚脆豆腐/蒜蓉炒時菜/地寶魚湯鮮腐竹浸時蔬），C: 12選1個主菜。口水雞例牌份量2人都好多，好香口野味的醬汁配上花生粒粒的口感，上面有莞茜裝飾；微微香辣又滋味；雞好香好有肉感，唔會好肥、皮爽肉嫩，出色滋味！B: 地寶魚湯鮮腐竹浸時蔬蔬菜可選白菜仔/菜芯/生菜等，地寶魚湯好鮮好甜美，鮮腐竹好多片又香滑，更有草菇，我們選了白菜仔，好爽脆又翠綠，服務生推薦話好吸湯汁的！好喜歡這個魚湯，配飯一齊食，做了個美味湯飯！ C: 三弄脆皮鹹豬手好特別又吸引，原隻德國鹹豬手，以3種煮法，先用12小時慢煮炆、再焗香、後脆炸，相當考

來到荷里活冰室，主要係比佢門口招牌吸引住，好搶眼！另外，佢面積好大，有兩層，在人山人海的旺角易搵位，於是入去試下啦！估唔到原來味道都好唔錯啊！我地叫左兩個小菜，其中一個跟餐跟湯，另加奶油豬仔包同一杯檸檬利賓納。西蘭花帶子爆炒龍躉：個賣相已經好正，味道亦都一流，份量非常夠，夠餸兩碗飯，龍躉非常美味、肉爽口、無骨，帶子大大粒，炒到唔係全熟，肉軟架！西蘭花都好味，夠味。餸飯一流呀！中湯：由於我唔識煲湯，所以都唔太飲得出咩湯，但味道係好的，無味精，飲完都唔會口渴。椒鹽鮮魷：鮮魷食落唔會好炸好熱食，而且鮮魷唔會整到勁熟、唔乾身、仲有少少juicy架，唔錯！奶油豬：大大件，脆卜卜，味道唔錯凍檸賓：鐘意佢檸檬夠多，有成4-5片餐廳的冷氣就凍左少少，啱晒怕熱的人，如果怕凍就帶件褸去啦！

荷里活冰室 招牌已經先聲奪人旺角鬧市中要突圍而出的確不容易茶記最緊要快靚正 諗黎諗去都諗唔到食咩就揀左二人餐要讚下既係... 啲野飲少冰真係比好少冰岩曬我呢啲想飲凍野又怕成杯都係冰既人 二人餐有三個送 兩個飯同湯例湯湯上左黎 係冇咩湯渣 咸香雞食落好似鹽焗雞肉質唔鞋 上面仲有櫻花蝦👏🏻👏🏻👏🏻蒜蓉炒油麥菜好食 冇炒到過曬龍脆皮鹹豬手👍🏻👍🏻👍🏻👍🏻茶記黎講有驚喜佢寫住話係三弄用三種煮法整豬手一啲都唔乾 外面脆卜卜內面的肉仲好juicy 最有趣係配胡麻醬食第一次咁食 又幾夾啵眼闊肚窄見到金磚脆豆腐又口痕叫埋黎食 香脆可口 係滑豆腐黎架兩個人真係食左好多野 飽到不得了 二人餐真係夠食啦🙈🙈

今晩和寶寶去了旺角行街，在朗豪坊對面看到有間招版搶眼的荷里活冰室，好像是新開的餐廳，就入去晚飯吧。店內乾淨衛生，座位也寬闊。食物選擇也有不少，但價錢對茶記來説就有點昂貴了。以試食價點了鮑汁花膠扣鮑魚 （$48），賣相吸引，鮑魚爽口彈牙，而花膠也煮得腍而入味，性價比很高。我們點了二款晚市套餐（$145）先來一碗老火湯川味麻婆豆腐確實頗辣，對我請位愛辣的人來説當然口得滋味，拌飯吃更是一流。寶寶的泰椒豉汁蒸倉魚 （+$30）份量也很大，魚肉鮮甜多汁，嫩滑入味。餐飲就點了檸樂煲薑和熱好立克。

冰室，在甚麼時候都是親民之選，而且飯，麵，小菜種類不勝枚舉，總有一款想吃的，所以我們蠻喜歡去冰室吃東西的。現在新式冰室比舊式冰室環境佳，漸漸吸引不少年輕人光顧。荷里活冰室套餐選擇繁多，令我們三心兩意一會，起初朋友說不如吃超值晚市套餐，後來她又被鮮雞套餐所吸引，最後她決定吃鮮雞套餐，因為她想吃鹹香雞和金磚脆豆腐。套餐包括老火湯和白飯，有湯，有飯，有小菜，教人如何不飽足。今晚的老火湯是蘿蔔豬骨湯，喝起來鮮甜滋養，十分清爽。我們另外加9元配凍飲，朋友喝凍利賓納，我喝凍檸檬西洋菜蜜，凍利賓納不死甜，凍檸檬西洋菜蜜酸酸甜甜挺消暑的。金磚脆豆腐香酥的程度，是我們吃過最好吃的金磚脆豆腐前幾名。一上桌，金磚脆豆腐散發陣陣香氣，豆腐上的椒鹽非常惹味，咬下豆腐的一瞬間，外酥內嫩的質感完全擄獲我們的歡心。鹹香雞口感味道佳，上頭撒了芫荽外，還有櫻花蝦，用料十足，真的不錯。雞皮滑彈不油膩，雞肉軟嫩無比，鹹鮮濃香，屬水準之作，超級下飯。三弄脆皮鹹豬手烤得極之香脆，脆脆的豬皮下包覆豐富的骨膠原，脆中帶嫩的豬肉毫不膩味，兩者一起入口，層次多變的滋味令我們大為驚艷，滿足口腹之欲。我們看見絕味鮮鮑汁花膠扣鮑魚只賣48元一

前陣子，無線電視推出了一齣由影帝鄭則仕領銜主演的劇集「荷里活有個大老千」，劇集的主題曲，用上了平民鬼馬歌星尹光的名曲「荷里活有間大酒店」的旋律，配上了新的歌詞而成。還記得小時候聽過「荷里活有間大酒店」的抵死啜核歌詞，雖覺得粗俗不文，可也不禁佩服歌詞中的生鬼一面。幌眼多年，真想不到竟會有一齣「荷里活有個大老千」面世，更想不到旺角最近也開了一間名為荷里活的新冰室。這新冰室位於旺角上海街，佔地兩層，下面一層地方細小，樓上一層卻十分闊落，處身其中，望向窗外亞皆老街方向的鬧市街景，感覺還不錯。其實這間「荷里活冰室」我經常都會路過，特別是當我在亞皆老街和上海街交界的交通燈位等待過馬路的時候，總會看見這冰室金光耀目，閃爍生輝的大招牌。那時候我便會想，不如找一天去試試吧！而就在數日前，我終於去吃了一頓晚餐。兩夫妻坐的是樓上的靠窗卡位，冰室也許仍是開張不久，客人不是太多，環境頗為寧靜，坐得都幾舒服。看看餐牌，老婆仔立刻被這兒的「鮑魚套餐」吸引，不作它選，便點了這有一隻「鮮鮑汁花膠扣鮑魚」、一碟「瑤柱蛋白炒飯」和一碗「老火湯」的「鮑魚套餐」（$148），再加杯「凍鹹柑桔」（$25）做晚餐。而我呢，見這兒的

今日同兩位閏蜜行完旺角，發現之前食燒鵝果間餐廳執左，變左呢間冰室，貪新鮮又走入去試下!田園咕嚕肉白飯好想食咕嚕肉於是叫左個黎食，咁好送飯既餸，識食一定加$10加個白飯撈飯食啦!最初都唔為意呢個咕嚕肉會點”田園”法，上檯就知道原來除左平時既菠蘿之外，仲有青瓜同新鮮蕃茄，呢個組合既咕嚕肉真係未試過，有D青瓜食下感覺真係幾清新!而主角咕嚕肉個皮係脆既，肉質爽口冇骨兼唔肥~係我心目中想要既咕嚕肉口感~酸酸甜甜好送飯!黑椒安格斯牛柳粒伴蜂蜜脆薯另一個餸叫左黑椒安格斯牛柳粒伴蜂蜜脆薯，真係好鍾意食甜甜既薯仔~呢味餸一上檯我超開心~因為薯仔既份量好多!而且金黃色好吸引~每粒切得大大粒，外面脆脆地入面粉粉的~食落口好有滿足感~而黑椒安格斯牛柳粒黑椒味重，但唔會好辣，牛柳粒煮得夠林唔韌，咬落去仲見到入面有少少粉嫩既色，而且仲保留好多肉汁!特餐-懷舊沙爹牛肉湯公仔麵配火腿炒滑蛋+瑞士香酥奶油多士呢個沙爹牛肉麵係我地好彩叫到最後一個~我地落完ORDER就冇哂喇~lucky~~沙爹牛肉麵一定要趁新鮮食，如果唔係放耐左就一d變林，呢度既沙爹牛肉份量都足夠，調味適中亦唔會好咸，撈落公仔麵一齊食冇得輸!火腿炒滑蛋既

星期六日瞓晏咗, 食完早餐好快又到午餐時段, 無咩胃口。所以落左去位於旺角嘅荷里活冰室食下午茶, 順便喺附近行街。兩個女仔、－個男仔, 嗌左兩份常餐、－份飯, 再加左件鮑魚花膠, 食到舐舐脷, 捧住個肚走大食妹嗌左個經典常餐 - 沙爹牛肉公仔麪餐。< 懷舊沙爹牛肉湯公仔麵餐$48> (好味: 4/5)(抵食: 4/5)公仔麵麵底煙韌、粗幼適中。沙爹醬汁啱啱好, 成碗麪唔會太鹹, 亦都唔會太淡。牛肉偏向軟身。整體嚟講, 都係大食妹鍾意嘅。<羅宋湯通粉餐$48> (好味: 3.5/5) (抵食: 3.5/5)羅宋湯通粉相比起牛肉麵, 就比較standard啦, 但係酸酸甜甜, 都幾開胃嘅除咗湯粉麵之外, 常餐仲有配火腿炒滑蛋同埋奶油酥, 再加一杯嘢飲。<跟餐: 火腿炒滑蛋、奶油酥>火腿炒滑蛋嘅蛋量驚人, 大概有三隻雞蛋咁, 而且好嫩滑, 保留咗好多蛋汁~ 火腿正正常常, 就唔多講喇。奶油酥真係抵讚, 脆卜卜之餘, 配上煉奶, 簡直一流<鮑汁章魚雞粒燴炒飯$88> (好味: 3.8/5) (抵食: 3.5/5)睇左主廚推介,