荷里活冰室 (上海街)

營業中

休息中

食物冇咩问题，但服务质量极差lol，差到懷疑人生個啲首先冇人帶位，所以我哋自己搵到個位坐低先，之後想搵个人落单，叫半日都唔黎什至睇到都唔过黎好la終於叫到個阿姨落單la，但係！個態度極差！我哋講菜名，佢即刻話講number ！我du? 人又唔多，唔知佢躁底点咩？重要！落单又落错，叫冻飲上热飲🤡，並且職員自顧自傾計，無視客人🙄，态度極其傲慢。總括黎講，就尼個服務態度下次唔會再黎，如果想體驗餐廳差服務嘅話，真心推薦尼間

行經旺角，同朋友想食下地道野，見到地下大大隻寫住冰室就二話不說入去試試入面有兩層高，裝修都幾有用心，都係有關電影既主題，樓下位置唔多，揀左上層位置，上到去職員自顧自傾計，聲浪都幾大，冇人帶位下搵左側邊卡位坐嗌左一個鮮牛油波蘿包同煙燻芝士西多士，跟餐加6蚊有紅荳冰波蘿包先上，麵包室溫，唔夠脆口煙燻芝士西多士食唔到芝士味，有啲失望，可能揀返花生醬口味會更好，但值得一讚係擺碟有設計紅荳冰不過不失，味道正常

轉頭喺朗豪坊開工，早咗度食個早餐唔知係咪太早八點喺星期日，店員都唔係幾好態度，唔知係咪未瞓醒正常嘅早餐質素茶餐廳， $37嘅餐有兩個蛋我哋揀咗太陽蛋，琬過餐包沙嗲牛肉賣相普普通通，而且好多醬好似撈咗好多多餘嘅調味🙈🙈我自己鍾意清淡啲，但係又想有少少肉支撐跟住OT嘅工作揀咗叉燒糖通粉賣相唔錯叉燒唔會太肥，而且唔係新鮮，但係都唔會話好唔新鮮嗌咗杯熱杏霜正常發揮啦！不過呢度啲店員態度比較惡劣，十問九唔應或者好似眼神唔係幾尊重環境就幾舒服，唔多人坐卡位😊有電視睇

星期六下晝經過呢度飲杯奶茶食個下午茶，叫咗個蠔仔泡飯轉米粉，見佢個圖咁樣寫以為淨係銀針粉加$7，點知米粉都要加，阿姐又唔講，當我自己白痴啦睇錯。。。最唔明就係唔知點解樓上唔開冷氣，香港地，10月份其實都可以好熱，食到身水身汗唔知為乜！呢度絕對係為生存，唔係為生活嚟食！衛生環境其實都係一般…其實而家好多茶餐廳都做得好好，荃灣分店就好味好多同埋乾淨好多，唔係一句「旺角茶餐廳」就要體諒佢嘅污糟同埋搵笨同埋唔開冷氣，時代變晒㗎啦😔😔

服务态度极其恶劣，点菜的时候我们有些看不懂菜单询问服务员，喊了好几次才来，回答问题就两三个字；上菜之后让他们帮忙拿四个碗，听见了也不理我们；让他们先给我们上米饭，也不理；最离谱的是，我们在牛肉堡里竟然吃出了无法消化的绳子！叫服务员来服务员假装看不见，喊了几次才来处理问题，态度非常傲慢，还质疑我们是不是从菜里吃出来的，我们难道出来吃饭还带绳子来冤枉贵店吗？？直到最后连基本的道歉都没有！！还问我们要不要换菜，走之前还对我们翻白眼，真无语

禮拜一晚經過去食宵夜，食住食住親眼見到只大老鼠從廚房位置飛跑出來，橫穿走廊，跑到某張檯下面撞到某個客人只腳，再掉頭打橫跑走，簡直橫穿成間餐廳，真系嚇到即場想走佬，現場好多小朋友都嚇親！而且臨近十點準備收鋪，d阿姐趕住收工，落左單過半個鐘都未上，原來系阿姐忘記落單！而且d阿姐催住每張檯客人落樓買單，服務態度也不算友好。雖然味道不錯（沙爹牛肉公仔麵常餐），但係真係衛生情況令人堪憂，唔夠敢再去！希望相關部門重視！

我今日去咗旺角呢間荷里活冰室食嘢，試咗佢哋嘅豬扒飯，幾香口呀！豬扒煎得好香，外脆內嫩，好好食。飯粒煮得啱啱好，有啲淡淡嘅蛋香味，令味道更加豐富。煮咗啲菜同埋加咗啲甜醋汁，整體味道平衡，唔會太濃郁，又唔會太淡。茶餐廳嘅豬扒飯係一個經典啊，真係好正啊！

出去旺角總會見到，就喺個街角位。望住對面啲人排日本牛肉飯，呢間就涼住冷氣去睇風景。其實呢間嘢同一般茶餐廳一樣，係個叉燒麵反而就有啲驚喜。估唔到，個早餐嘅叉燒麵份量比我想像中多，仲要係旺角喎！其他炒蛋奶茶之類都係合格嘅，炒蛋都唔會碎濕濕。好在早餐當區嘅選擇並唔算太多，路過可以再去食嘅。有幫襯，襯早。

樓面態度奇差，樓下明明有位都唔俾坐，好聲好氣問句樓下係咪唔坐得，阿姐黑口黑面一句dup埋嚟「係呀！」，仲要啤到行，唔講以為佢係老闆娘唔唔憂做，但老闆都唔會咁樣趕客。如果係體驗最差服務，可以去挑戰下，包保你背脊骨落。

幫襯過幾次，經常出錯嘢，個收銀阿姐簡直係極品，超級冇禮貌，等咗好耐問下佢有未啫，點知佢勁大聲咁呼喝我再等下先啦！佢嘅態度連旁邊嘅顧客都側目冷笑咗一下，我講咗句咁冇禮貌，佢仲勁悔氣咁碎碎念，好似話米再來幫襯添呀！我來比錢買嘢食唔係過來睇你面色，仲搵個客來出氣，我知生意唔好你可以做少d嘢但唔想做搵過份工吧啦，咁既服務態度真係冇下次。

去過呢間五六次, 有三四次唔係錯單, 漏單, 就係冇落單!廚房仔成日喺個窿度裝出嚟望望望, 一個望唔夠, 仲要叫埋隔離幾個望, 驚死蝕底咁, 仲喺度笑笑笑 ,賤格!侍應落錯單就話我已經食咗個餐,😑 真係笑咗!收銀係長期keep住一貫嘅服務水準, "差!", 真係好似啞嘅咁, 同佢講唔該, 佢一句多謝都唔會有, 從來都唔會有, 啲眼神都非常唔禮貌, 真係唔知得罪咗佢啲乜嘢, 同埋下面一定唔準坐, 我懷疑因為如果你坐下面, 個收銀呢就要執嘢, 唔想做, 所以趕你去上面坐!食物水準又唔係特別好, 嘢飲明明已經嗌咗少甜少冰, 都一樣係多甜多冰!講真! 唔係真係貪佢就腳, 坐得比較舒服少少, 真係唔會揀佢!

最好食沙嗲牛肉西多士?沙嗲牛肉西多士 沙嗲牛肉西多士係呢排比較fusion嘅西多士，不過香港唔係淨係得佢一間有賣，好似之前介紹太子嘅利口福都有賣。西多士唔算好厚個種，同利口福差唔多，幾挺身，咬落去外層夠脆，包體鬆軟唔會太腍比醬汁整到，內餡嘅沙嗲牛肉偏碎，唔係一塊塊既滑牛，咬落去就正常，偏柴小小，食落去西多士有小小蛋香味，入面沙嗲味都算濃，不過花生味就冇咩，辣味都無咩，對比利口福，利口福牛肉嘅調味比較重啲，會有啲搶過啲甜味，西多士加上牛油、煉奶，鹹甜交集，唔算過甜過鹹，不過如果可以自己控制煉奶份量更好。估唔到沙嗲牛肉同埋甜既牛油、煉奶，味道上係幾夾，無咩違和感，食落唔算好油膩。不過就唔係個個人食得慣，因為同我一齊食嘅朋友就覺得唔慣，佢自己比較鍾意啲傳統嘅花生醬西多士。要再挑剔嘅就係牛肉分布得唔平均，主要集中喺中間，所以食到西多士既邊邊就冇牛肉，同埋如果係平時沙嗲牛肉麵嘅牛肉可能口感上會更豐富，因為之前介紹嘅利口福就係一塊塊嘅牛肉，份量多啲，同埋分布得比較平均啲。整體係一個好邪惡嘅西多士，本身西多士已經邪惡，仲要加上濃味嘅沙嗲牛肉，冇心理準備嘅人可能真係接受唔到。🌟整體我覺得呢度嘅沙嗲牛肉

諗住朝早返工前食早餐，叫左個沙嗲牛肉公仔面餐，點知等左十分鍾乜都未到，唯有同個樓面亞姐講趕時間可唔可以快啲，點知佢勁無禮貌話返:啲野未出，出左我會去拎嫁啦！最後等左4個字都係得個面同杯野飲，個蛋同飽完全等唔到！味道又ma ma ,出餐速度慢到嘔，員工服務仲要超差！！！

今天路過旺角給門外光亮招牌吸引, 與太座試試荷里活冰室.甫 一入門就立即有表里不一的感覺, 那種殘舊氣息和店外招牌是完全相反. 心有入錯門口的想法, 柜台的女士即大呼上樓上啦, 樓上有位； 其實心想既然来了就在樓下試試. 但柜台女七強烈勸我們攀登上樓（應該是指示,雖然樓下有吉位🤔）腳底力不足的話就奉勸不要上去, 既長且斜又有滑滑感, 一個不留神就來個人仰馬翻, 高挑度的, 長者或腿功軟弱之輩, 就不要試爬樓梯為上🙏.樓上雅座尚可,衛生水平就不用期望太高. 樓上亚姐服務員態度和柜台亚姐頗一致的禮貌欠奉. 旁邊客戶示意,亚姐就高聲喊：你等等🤨我們叫的蛋治居然比我們刻意調低的預期高😅（厚蛋又幾嫩滑喎） 我妻夫倆沖沖幹掉那下午茶, 免得阻人發財. 扶著樓梯扶手下去埋單. 太太問一句唔該收不收支.宝, 柜台亚姐高聲： “冇呀！”. 嚇得我倆急忙以八乜通付款, 落荒而逃. 我倆向天發誓以後給個天做胆, 我們也不敢來打擾貴宝號, 打攪晒, 不好意思, 多多得罪🙏😥

今天不用早起，起身晏了，來個豐富的早午餐，點了個特餐和下午茶，當然有我至愛的波蘿油和奶茶。特餐份量很多，有炸魚，意粉，奄列和多士，還是有湯和飲品，食得飽飽了！特餐：炸魚柳沙律，肉醬意粉，羅宋湯，火腿奄列，多士和凍奶茶羅宋湯湯味濃，湯內有很多雜菜。炸魚大大塊，炸得香脆配埋沙律醬，還有點沙律菜伴碟，再有肉醬意粉，香脆的多士，略嫌細件點。下午茶餐菠蘿油，熱奶茶熱熱的菠蘿包，中間夾片鮮牛油，慢慢溶化在包內，味道一流，再配上一杯香濃的港式奶茶，滿足了！