茶東西

營業中

休息中

星期六諗住去電氣道行吓，膽粗粗見到食評幾多想去試吓我老公叫咗個burger餐快快份一定食得飽，午餐$70同出邊西餐有得揮我就貪心鍾意叫all day見到佢有酸種麵包，就一定要試但係普遍都幾豐富，條腸就冧咗少少個包嘅敗筆係比隻炒蛋嵌着左，到食嘅時候已經濕晒，但係味道都唔錯凍奶茶好飲

今日過來炮台山上course，完全唔需要諗lunch食咩好，因為有“茶東西”！之前已經食過一次，它的午餐款式非常豐富，不擔心食一兩次就厭。12點落堂，去到的時候不需要等位，但12：30後通常就要排隊了。我點了double芝士忌廉厚切豬柳撈烏冬配炒蛋，芝士火腿牛角酥。蛋炒得非常嫩滑又有蛋香，芝士火腿牛角酥熱的，非常酥脆。烏冬上的豬扒非常大塊，煎得香口而且多汁，很好食。芝士忌廉帶少少咸味，份量都多，令每條烏冬都可以沾到芝士汁，非常美味。套餐還包飲品，點了凍檸茶，正常味道。這個豐富的午餐大約$60左右，在港島區來講算抵食吧。

每次經過都見到有啲人喺度排隊，今日終於入到去食lunch！大概排咗10分鐘就有位😋店舖好光，裝修又靚，坐得舒服，未食就有好印象😝嗌咗個常餐🙆🏻‍♀️✨大蝦laksa湯麵，配咖咉多士+炒蛋✨多士好大份!! 炒蛋非常嫩滑，仲有好濃嘅蛋味😋🦐✨喇沙湯麵有驚喜！😋✨最鍾意個湯底好有花生味，仲要唔太辣，啱晒香港人口味。同埋豆粕朔晒湯汁，食落去好滿足😍！面入面都有三隻大蝦，都幾大隻😝而且唔使剝殼食得好方便！雖然冇乜太重嘅蝦味，但係都算性價比超高！😋😋😋值得encore!

去開炮台山，見到呢間餐廳個餐牌好吸引，食物種類好多，每款套餐都非常豐富，即刻入去一試。餐廳不算大，但環境不錯，坐得亦舒服。點了海鮮喇沙摻摻配珈央多士及炒滑蛋。蛋炒得非常香滑，熱辣辣。多士脆脆的，熱熱的，夾著甜甜的醬，非常好食。喇沙有點辣但非常惹味，好吃到停不了口。摻摻是油麵溝米粉，有兩種口感，非常特別。配菜有芽菜，油豆腐，魚片，蝦仁，非常足料。

今日約左朋友去油街打卡📸順便係附近揾下有咩可以醫下個肚見到comment 吾錯,又同目的地相隔一條街👍於是就黎左試下午餐中式西式都有😍樣樣都好想試，對於選擇困難症既我黎講,諗到頭都痛，最后諗左好耐，簡左以下2種🍝🍛 - - - - - - - - - - - - - - - - - - - - - - 卡邦尼意粉🍝（💰48） 一上枱.見到個份量有啲嚇親，係多到嚇親，絕對值依個價錢意粉吾會太腍同太硬，適中岩岩好😌煙肉鹹香十足😋芝士流心吉列炸雞咖喱滑蛋蓋飯🍛（💰65）同樣都係大大兜，但最估吾到既係啲咖哩汁多到，撈完個飯都仲有好多💯而且吾會太稀，🍳幾滑，

第一次食茶東西嘅野，睇咗下d食評好似幾好，除咗有d話態度唔好之外，外賣咗一份黑蒜蔥油厚切豬扒蛋飯，打開飯盒真係好驚喜，煎蛋就正常啦🍳 塊豬扒好厚❗ 😂應該有1.5cm，仲要係兩塊❗😝可能我係女仔啦比較細食，其實係食唔嗮要拎翻屋企做宵夜 . 味道ok,蒜味夠香，態度都Ok喇，因為外賣就無特別感受，係門口嘅同收銀嘅感覺都有禮貌

Planning to explore the new additions to Oil Street nearby, we decided to eat something nearby. We decided to try out Chaology as it seemed popular and looked fairly clean. A cha chan teng with cute upbeat comics on the wall.Menu is in English and Chinese. There is no 10% service charge. When we were there, they had the tea set and regular set menu available. Sets include a drink along with add ons.For $10, you can add on a bowl of Macaroni in Miso Tomato Soup. When we normally do add ons, these

今日去炮台山東岸公園，順便搵下周圍有咩食😛見到有間新野，仲要comment唔錯就過黎試下😋估唔到晏晝兩點幾接近三點都仲好好生意，要排隊等位😮好彩我黎既時候岩岩好排第一，等左5分鐘左右就有位🤣原來呢間係裝修得新潮既新式茶餐廳🤩食物高質，唔怪得吸引咁多人黎食❣星期六黎都有下午茶，選擇都幾多，值得試👏Tea set配埋飲品，性價比高❣🍔他他醬吉列豚肉眼漢堡（$48）漢堡估唔到咁高質，中間既吉列豚肉新鮮炸起🥳雖然偏薄，但肉質軟林，外皮超香脆🥰配埋芝士、蕃茄同沙律菜真係一流😍薯條雖然唔係好脆，但都食得出係新鮮炸起😝食落都幾香薯仔味，唔錯👍🍝拿破崙雞肉意粉（$48）雞肉意粉一上枱份量真係多到嚇親我🤣啲意粉成座山咁高，冇食晏都認真食唔晒🙃意粉都好高質，麵質唔會太軟或太硬😁拿破崙意粉原來係蕃茄意粉咁，醬汁都好香口🤗雞肉肉質亦都好林，唔錯😋☕🥤飲品叫左凍檸茶同熱鴛鴦，正常發揮本身仲見人話鴛鴦係用煉奶沖，點知原來唔係🤣不過奶味都好香，不錯👍/📌茶東西北角炮台山電氣道183號友邦廣場地下3-4號舖/😋食物質素：7.5/10🍽️用餐環境：6/10💰性價比：8/10👣回頭率：7.5/10

新界牛牛出市區，平少勁少出香港區，我今日去咗簽合約，喺公司樓下附近，見到依間外型望落去已經好吸引嘅茶東西，心諗唔理什麼東西，食飽最實際，亂打亂撞入咗去食，個餐嚟到嘅時候真係，嘩，完全冇諗過係咁正，原本心諗茶餐廳水準食個快早餐，條魚柳有成一隻手臂咁長，仲要係新鮮炸，炒蛋嫩滑🥰🥰🥰因為我比較細食，最尾一份早餐都食唔晒味道 Taste：😋😋😋😋😋/5環境 Ambience：🙂🙂🙂/5服務 Service: 🙂🙂🙂🙂 /5消費 Spending：$50 /人 Person推介度 Recommendation：5/5

冰室、茶餐廳不可或缺的常餐炒蛋、餐包加沙嗲牛肉麵，茶東西的沙茶湯底尚算不俗，啡褐濃稠的醬汁，滲着香料辛辣和花生香氣，配上鮮嫩牛肉，被熱湯內的公仔麵一吃入魂。茶記來說，茶東西選擇非常多，仲有焗飯、漢堡、意粉、三文治等等。

由於減少咗外岀食飯，所以好耐都冇食咖喱吉列豬扒飯，見朋友去咗“茶東西”食，望落好吸引，一於去食。店不算太大，去到時已客滿，等咗一陣，有人走，可以入坐。二話不説，QR code 落單，滑蛋咖喱吉列豬扒飯。沒多久，食物上枱，好…吸…引………。説真的，開始時有少少擔心會唔會唔夠熱，畢竟客較多，炸定係常有的事。但見到食物就知係自己多慮。上枱食物，熱辣辣，吉豬好似剛炸起咁，仲有剛離油的熱氣，成個滑蛋咖喱飯仲岀緊煙。為咗方便進食，切開晒啲豬扒先。豬扒較薄身，但唔乾，夠鬆，合格。咖喱汁夠香，隱約有少少辣味，適合大眾口味，不錯。滑蛋都好食，但可能落得太足料，食落有少少膩。個咖喱沖入面仲有少少豬肉片，但食落較乾，失色。整體來說，是不錯的，特別份量真係幾大，應該大部份人都夠食。見隣桌食一個石兜裝住嘅東西，好似都好吸引，下次再試！

A small shop in the North Point neighborhood that serves reasonably priced breakfast.  The place is clean unlike the usual Hong Kong styled café and decorated with some interesting art works.Came on a Sunday before 10:00 and there was already a queue which we have waited roughly 20 minutes before getting in.There are lots of choices on the menu and overall the food was decent plus the serving time was fast (and friendly).  Likely a place that I'll revisit again.

炮台山高質茶餐廳🍴☕️炮台山出名有好多美食，全部都好近地鐵站🚉 好方便👏 呢間茶餐廳個名好特別，有個笑哈哈：）餐牌上都有好多款式，港式冰室個啲一定有啦，仲有新加坡喇沙添！仲有日本咖哩滑蛋蓋飯🍛 所有都好似好好食咁😋😋 最後當然食左「茶記咸牛肉炒蛋熱狗🌭️」👍👍超推介！！配埋薯條🍟同餐飲🥤 食完好滿足🙊 如果想食light啲既話可以食「咸牛肉炒蛋三文治🥪」，都一樣好食 💯 👍👍👍👍

中伏叫咗豬扒烏冬，舊豬扒鹹到飛起。話俾店員知，態度極差。問店員係咪俾番碟豬扒佢粒聲唔出拎起碟豬扒烏冬肯換俾你，但係黑口黑面。今時今日咁樣嘅服務態度不知所謂不會再幫襯

前幾日去試吓呢間北角茶餐廳，見到OpenRice食評唔錯。點知一去到，呢間嘢啲服務態度真係十分之惡劣！令到我呢個CD-rom都要第一次喺OpenRice寫食評。由喺門口影針卡、安排座位、嗌嘢食，嗰個唔知係老細定係侍應嘅人都串到飛起，講嘢語氣差又句句有骨。食物質素又普通，佢好似以為門口有幾個人排隊就好巴閉，呢間嘢嘅態度仲串過澳牛，最弊佢連人哋十份一嘅食物質素都冇。我幾十歲人第一次出街食飯可以嬲到咁，如果唔想食餐飯都不斷俾人串就真係唔好去。