茶東西

營業中

休息中

今次推薦一間新派茶餐廳🍴想平食又唔想頹食呢間啱哂🥰價錢比普通茶餐廳貴少少 但食物種類好多元化😉有石鍋烏冬😋滑蛋蓋飯🥚意粉🍝薯條🍟同一般嘅茶餐廳好唔同 味道仲好有驚喜🤤- 滑蛋蓋飯 (安格斯牛肉漢堡扒🐮+北海道咖喱豚肉汁🐷)- 滑蛋蓋飯 (原條吉列深海魚柳🐟+北海道咖喱豚肉汁🐷) 汁係fix左咖喱汁冇得選擇既 不過呢款咖喱係偏甜唔辣既 所以適合全部人食😛唔會好稀🤔估唔到咖喱入面仲有豚肉 仲要份量都唔少 直頭可以當一個餸✌🏻仲有啲薯仔同蘿蔔粒🥰漢堡扒亦都好Juicy🤤唔會淋bat bat 大大塊 滑蛋睇相都知道有幾滑 整體來講都好好食👍🏻吉列魚柳係超大塊 大過手掌‼️好香脆🤤冇好大陣油味同好厚炸粉 魚柳都算嫩滑🤔仲有啲沙律菜伴碟 減低油膩感😋整體來講餐廳嘅性價比好高 比茶餐廳貴少少嘅價錢食到cafe食物同水準☺️味道仲要唔差 經過開嘅朋友真係可以試吓👍🏻

今日又去食我最鍾意食嘅茶餐廳😇同樣地佢嘅餐牌都好多選擇🥰同朋友叫左一人一個Lunch set💕香煎蔥油豬扒煎太陽蛋飯 伴香蔥甜豉油🤩豬扒同塊面一樣大🤣超厚身！肉質唔會過分嚡口！豬扒肥瘦適中👍唔會太過癡牙蔥油令到塊豬扒更加香口！太陽蛋啲蛋汁撈埋晒落去啲飯度食落真係唔錯🔥籃蟹肉牛油果馬蘇里拉芝士奄列 配黑松露薯條🍟奄列整得流心🤤加埋啲芝士好香㗎！牛油果份量都幾多💚但係蟹肉就食唔到乜滯😂黑松露薯條味道偏鹹🫣落咗好多鹽🫣其實唔係好食黑松露味🤣人均消費大概$70👌茶餐廳黎講算係貴👀但佢每個餐嘅份量都幾多❤️男士食完都應該會覺得飽嘅份量😂茶東西 (北角)北角炮台山電氣道183號友邦廣場地下3-4號舖

今次我哋咁啱撞正係lunch hour嚟到見到餐廳嘅門口排晒長龍原本都以為要等好耐先有得食點知最後等唔夠5分鐘已經入到去餐廳入面嘅店員全部都好快手雖然係咁 但係都幾有禮貌 🌟坑燒紐西蘭極上西冷牛扒配香滑薯蓉$68呢度嘅午餐非常之抵食 原本其實60幾蚊嘅午餐套餐期望唔係太高 不過估唔到嚟到嘅時候快牛扒都幾大塊 普通女仔食量完全食唔晒 差唔多有1.5 塊咁多 而且西冷嘅味道都唔錯 值得大家一試🌟 芝士流心吉列炸雞咖喱滑蛋蓋飯$65今次專登係諗住試吓佢哋嘅滑蛋蓋飯不過就原來餐廳轉左餐牌 冇得叫兩款味道嘅咖喱 吉列炸雞都揸得非常之趣口不過芝士就唔係流心嘅 整體來講正常水準📌 茶東西 (北角)北角炮台山電氣道183號友邦廣場地下3-4號舖🚇​​港鐵炮台山站 A出口 步行3分鐘等候時間🕰 5mins📍#炮台山

去完油街同朋友特然覺得有d餓 於是就見到e間有人氣嘅新式茶餐廳 餐廳以白灰為主題 睇落乾淨企理 牆上並加設了一些漫畫嘅畫作 令人感覺有新意 眼前一亮✨經典美式早餐All day breakfast 嚟到見到都嚇左嚇 每份嘢食都大大碟聽聞餐廳出名滑蛋俾佢個滑蛋真係有驚喜 比起一般茶餐廳會整得好老 嚟到可以不妨值得一試😋東京黑蒜蔥油雞扒撈公仔麵呢個賣相已經忍唔住要開動了🍴🍴雞扒切開已經聞到一陣陣嘅香味蒽油加埋撈面的確真係perfect match雖然食落略有點油膩 但已經佔了左我7成胃口七味椒鹽炸雞髀🍗餐廳嘅炸雞髀🍗係即叫即炸 所以需要啲時間去等待⌛️但上菜好快 一嚟就見到出哂煙 好正😍佢炸到皮脆肉嫩 肉汁每一啖都好juicy 上菜速度好快 侍應對人有禮嚟到北角可以值得一試⭐️⭐️⭐️⭐️每份嘢食都好大份 人均價格$5x-7x不等 茶東西 (北角)北角炮台山電氣道183號友邦廣場地下3-4號舖

日期時間： 2022年5月29日晚上19:45環境： 光線充足，裝修不錯，環境很好。食物： 是次點選了咖哩系列的炸蝦、炸雞、吉列豬扒味道：咖哩味道竟可以同一碟味道不一樣。炸蝦與炸雞味道尚算正常可以。吉列豬扒就真的不敢恭維…豬扒堅乾又硬，勁失望。服務： 男侍應嘅態度堅差，說話嘅語氣又晦氣… 我入嚟食飯唔係欠你㗎。

下午4點幾經過附近，見裝修幾企理又未食過就入去試下。嗌咗個鹹蛋黃炸雞脾拼薯條同咖喱飯。 薯條係凍嘅，一食都知係擺咗一段時間冇進行保溫，難食，食兩條放棄。炸雞脾中等，脆皮juicy，反而鹹蛋黃流沙冇乜味。 咖喱又係暖暖哋偏凍，好彩嗰飯係熱嘅，連飯都係凍嘅話食落去應該會肚屙…俾風口吹兩下已經冇乜溫度，正常日式咖喱味，漢堡扒都係一般般。 總體唔係話難食，但唔會去第二次。本身睇到好多好評以為係上佳餐廳，食完有啲失望。

偶爾行過北角都會經過呢間好光猛嘅餐廳☀️ 當中嘅滑蛋蓋飯都想試咗好耐 今日終於嚟咗試🥰餐廳以白色作為主調 牆上掛咗唔同嘅漫畫 都幾有趣㗎🤭 午餐餐牌嘅選擇唔算多 但係大多款式都好吸引😻唐揚雞中翼拼香煎鹹牛脷伴意式蕃茄牛肉醬香滑薯蓉呢個係一份精選午餐 一般餐廳會係配意粉或飯 呢間竟然係薯蓉或飯 咁我就梗係試薯蓉啦🥔 薯蓉都真係好多 同埋都幾順口 配埋肉醬真係好夾 雞中翼同牛脷各兩嚿 味道就普普通通 薯蓉食到後期都唔算好膩嘅👍🏻滑蛋蓋飯 忌廉奶油雞肉汁 北海道咖喱豚肉汁 加配安格斯牛肉漢堡扒呢個有三個汁可以選擇 可以三擇其二 我哋就揀咗忌廉奶油雞肉汁同埋北海道咖喱豚肉汁 再加配左一件安格斯牛肉漢堡扒🐮 一上碟嘅時候賣相唔錯 原來唔加牛肉漢堡都非常夠餸🙊 因為兩款汁入面都有肉類配搭 忌廉奶油雞肉汁味道比較淡 同滑蛋都好夾🥚 北海道咖喱豚肉汁好好餸飯 而且仲有好多塊豚肉喺入面 安格斯牛肉漢堡扒 牛肉味幾濃郁 個人覺得配咖喱汁會比較好食😋餐飲我哋嗌咗熱檸茶同熱檸水 正正常常咁啦🙈餐廳環境唔錯 食物質素亦都幾好 如果下次再黎開炮台山會再食🐷

最近有好多人推介呢間新式茶餐廳星期日中午時分去到都要排一兩張枱先到我午餐Menu大概$70左右落樓籃蟹肉牛油果馬蘇里拉芝士奄列 配黑松露薯條🍟蟹肉比較碎，牛油果嘅味道蓋過蟹肉嘅味道，芝士同蛋嘅配合唔會難食得去邊，啲蛋都滑嘅黑松露薯條，落左好多鹽 味道偏鹹，黑松露係薯條面上面一嚿嚿，基本上好難點埋啲薯條一齊食落口，如果佢係黑松露醬會比較好香煎蔥油豬扒煎太陽蛋飯 伴香蔥甜豉油呢個豬扒超巨型，又厚肉，肉質唔係好鞋嘅，不過佢個蔥油偏油，但可以接受呢個價錢黎講都好抵食！整體來講 個人覺得係比人吹捧得太過犀利 味道係唔難食 但完全無驚喜茶東西 (北角)北角炮台山電氣道183號友邦廣場地下3-4號舖

炮台山居然有間新派茶餐廳✨北海道咖喱滑蛋蓋飯很出色呀！😌《安格斯牛肉漢堡北海道咖喱滑蛋蓋飯》$68滑蛋一流，咖喱微辣，漢堡扒牛味濃，很好的配搭！💥《香濃沙嗲牛肉公仔麵》$52配搭芝士牛角包和嫩滑炒蛋，可轉煎蛋，沙嗲牛肉味道香濃。⭐️《原條吉列魚柳全日早餐》$68嫩滑炒蛋、法蘭克福腸、芝士火腿牛角包，豐富好味又大份！😁餐廳服務好好，店員都非常有禮！👍🏻總結：新派的茶餐廳，服務、食物也很好！

位於炮台山的新派茶餐廳🍗 有別於一般嘅茶記，呢間茶餐廳竟然mix 咗Cafe嘅元素 Menu上面竟然有酸種包同埋有all day breakfask 可以order 😍😍😍 星期日嘅lunch hour 黎到都係要等位 不過等位時間尚算快大概10至15分鐘就入得去🍴茶東西全日早餐 $78呢份全日早餐包括有嫩滑炒蛋，法蘭克福腸，香滑薯蓉，煙燻火腿，牛油炒雜菌，當然亦都唔少得有酸種包🤪 味道整體非常不錯，唯獨是係覺得個酸種包可以再硬身少少😎🍴原條吉列魚柳全日早餐 $68嫩滑炒蛋，法蘭克福腸，芝士火腿牛角包🥐魚柳份量非常多！有我嘅兩隻手掌咁大🤲🏻 而且炒蛋都非常嫩滑❣️❣️ 唯獨是就係覺得牛角包有少少偏向淋咗少少 (我比較鍾意食脆身嘅牛角包）但係呢個價錢來講算係非常不錯😌😌除咗食物之外佢嘅裝修都好有心，牆上面掛咗好多幅畫，係等緊嘢食嘅時候望一望啲畫嘅內容成件事即刻開心d 🫶🏻📍 茶東西 (北角)北角炮台山電氣道183號友邦廣場地下3-4號舖

呢間係一間令我食過翻尋味嘅冰室🤤有少少似冰室 x café，menu都好創新！之前黎試過佢地嘅lunch都已經覺得好正～黎左預左要排陣隊，不過係值得嘅🙌🏻順帶一提，餐廳員工好nice好有禮貌，加分加分！🧇煙三文魚德國薯仔沙律配楓樹蜜糖窩夫 ($65)係冰室好少可以食到咁創新嘅dish😍三文魚有好多塊！唔止係面頭舖左一層🙌🏻下面嘅薯仔沙律都好豐富！食落好creamy好香～窩夫烘得香脆，配上maple syrup食落好甜🤤🍳經典美式全日早餐 Classic American All Day Breakfast ($78)呢個all day好豐富，食完真係飽到上心口🤣薯蓉好creamy，個蛋都好嫩滑，配sourdough好夾～

同老公經開北角食左間茶東西有齊我鍾意食嘅火山石鍋烏冬同蛋蓋飯排左一陣隊就已經可以入去美國板腱牛肉火山烏冬$88一拎到嚟已經聽到卜卜聲石鍋烏冬精髓就係湯要滾住食板腱牛肉彈性口感仲有三種口味湯底可以選擇✨大阪黑蒜豚骨湯✨超濃蕃茄味噌湯✨黑松露菇菌豚骨湯我揀咗黑松露菇菇菌豚骨湯，濃黑松露味！自家製吉列豚肉扒北海道咖喱滑蛋蓋飯$72用日本雞蛋，又滑又重蛋味北海道咖喱口感不會很黏稠自家製吉列豚肉扒外層脆漿又薄又脆

📌 茶東西📍 北角炮台山電氣道183號友邦廣場地下3-4號舖☎ 29818885★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*`前排某日中午時間嚟北角，經過呢間餐廳，門口好多人排隊，都mark 起我本to eat 簿度㗎啦。今日約咗朋友行街，就提議佢早啲嚟呢度試下。中午12:30前嚟到，好好彩入到最尾一張枱，食咗一個鐘左右，出面keep 住有條龍排隊。午餐中式西式都有。我本身都想食咖哩蓋飯同all day，不過見到咖央多，其他就輸咗喇。💫星州娘惹大蝦叻沙摻摻配滑蛋+三叔公咖央多士（$60）叻沙湯底十分濃郁又夠辣，重椰味！三隻蝦🦐🦐🦐好爽身，豆卜索晒啲叻沙湯汁好惹味，仲有魚片及其他配菜，加埋掛湯嘅油麵同米粉（摻摻），不知不覺食晒！🫢 炒蛋好滑！多士烘底加埋咖央醬，仿如走咗轉星州！😋💫番茄🍅味噌薯仔牛肉湯通粉配滑蛋加芝士火腿牛角包（$52）蕃茄湯底好杰身好重茄味，牛肉唔韌夠嫩滑！牛角包夾住芝士同火腿，咬落去牛角包好鬆脆，塊芝士仲有拉絲添！💫奶茶好有茶味，好奶同茶味夠平衡，無話偏咗邊，甜度適中好滿意！👍🏻★*"`'*-.,_,.-*'

北角茶東西，之前以為係茶飲店，原來係港式茶記，從外面窗邊“裝”入去，見到人地嗌d茶餐好似幾吸引咁😝，就入去嗌左兩個餐試試~ ❤ 香濃沙爹牛肉公仔面望落d湯底比較淡色，但原來沙爹牛肉味香濃。公仔麵係偏硬同彈牙，係我喜歡嘅口感，啱啱好能夠掛湯👍。但牛肉如果再冧少少就更好。 ❤ 炒蛋+奶油豬（跟餐）奶油豬真係有驚喜，外層焗到好脆，奶油分佈平均，而且內裡鬆軟，每一啖都食到香甜奶油味😋。 ❤ 自家製吉列豚肉扒北海道咖喱滑蛋蓋飯豬扒非常之大塊，炸粉唔厚，肉嘅厚度剛剛好。咖喱汁就係正正常常嘅日式咖喱口味，少少甜味同埋唔辣。

New Style 特色茶餐廳要了東京黑蒜蔥油雞扒撈公仔麵，配炒蛋奶油豬。雞扒份量足，皮香脆，肉質鮮嫩juicy，火候剛好，有誠意之作。另外要了經典美式全日早餐，份量十足的全日早餐，在茶餐廳都可以食到cafe/西餐廳才供應的ADB，很有新鮮感！有炒蛋、腸、薯榕、茄汁豆、雜菌、煙火腿，煎香的番茄仔，‘茶餐廳sourdough’，性價比飽肚之選！奶茶茶底可以再濃一點！餐廳裝修別緻，掛上有意思的漫畫，很療愉😊