茶東西

營業中

休息中

食物：美國安格斯牛肉火山烏冬黑松露菇菌豚骨湯 ($88)😋😋😋番茄燴牛肉忌廉奶油雞肉汁滑蛋蓋飯+安格斯牛肉漢堡扒 ($55+20)😋😋😋芝士肉醬炸薯條 ($58)😋😋現在有滿多新派茶餐廳，這家能做得出超乎茶餐廳的感覺，但也未到精緻cafe感。食物對得起價錢，住得近的話，會想常常光顧。服務：🤗🤗🤗🤗友善。環境：🖼🖼🖼🖼牆上的漫畫很有意思，看懂的話別種意義地能放鬆心情。

💁‍♀️💁‍♂️ 17/3/2023(Fri), Dinner🍽去睇欣宜演唱會之前，都要食少少野醫下個肚先🤩。由於為食妙妙同A先生都唔係好肚餓，所以就近近地揀咗為食妙妙公司附近既茶東西食完先搭車去睇演唱會。呢間餐廳定位介乎於茶餐廳同西餐廳中間，係偏向精緻少少既茶餐廳。一般茶餐廳既早餐、常餐佢有提供，但晚市又會有炸魚薯條🍟、青口或者蛋包飯食，選擇都唔少。而今晚我地order咗：🔆 南瓜🎃湯不過不失既餐湯，算不上滑，都飲到南瓜🎃味道。🔆 英式啤酒炸魚薯條🍟（$88）炸魚既魚肉厚身，本來諗住會係變成吉烈魚柳，有啲估佢唔到係店家用返個類似fish and chips既粉漿，粉漿中加有少少香草🌿碎，開頭仲以為會變咗吉列魚柳🙈🤣。炸出來偏深色咗少少，慶幸魚肉仍然嫩滑，魚味就無乜，好在並不感到雪味。熱焫焫炸起時皮脆肉嫩，食落都唔錯。粗薯條🍟份量都唔少，食吓食吓都幾飽肚。🔆 香草白酒忌廉煮藍青口伴酸種麵包（$108）忌廉汁煮得比較濃稠，青口都有點過熟，入口沒有嫩滑既感覺。麵包有蒜蓉烘過，但已經不脆，只好用來點忌廉汁來吃。🔆 話梅蜜糖紅茶（跟餐+$18）話梅味同茶味都濃，仲有原粒話梅喺杯入面，略略甜咗少少，

常常見到很多人來吃，所以，終於能來嚐嚐， 今天叫了：1）東西三文治~ 麵包裡夾有煙熏三文魚、芝士、蕃茄、火腿等，並用上一點點的黃芥末；味道真的一般般，醬汁又不夠，整個三文治根本毫無味道可言，以這個價錢若相比某集團的快餐點真的差很遠，起碼別人的調味好得多呢！此外，也點了2）羅勒蕃茄牛肉醬雞蛋飯~ 牛肉的調味猶如快餐店所做的一樣，沒有甚麼特別。 不過，飯真的有點濕，覺得水水的，真的不知道怎樣形容它，總之，不太好食。 最後點餐飲時，沒有想到檸檬菜蜜都要加錢，都是結帳時才知道的，總之不要啦！~ 希望它是這次做得不好吧！ ~

呢間茶餐廳比平時既新淨，坐位少迫，人流都幾多，呢到茶餐算抵食，今日食左黑松露咸蛋蝦意粉，食開頭一兩啖可以，但愈食有仲愈膩感覺，最後冇食哂，好在叫左熱檸水中和一下，下次都係試第二樣

無論早餐定午餐，都會有條人龍排緊隊入座，我唔怕等，最緊要好食。感覺服務就差左啲，語氣都好似茶記咁，有啲不似預期！ 但係佢個沙爹牛麵正喎！ 再加錢轉埋個奶油豬好味。會再幫襯既店~~~

今早同個女去食早餐，各自點了2個餐。由於枱面放餐位置少，當長髮女樓面送最後一碟米粉上前時，我已經預留空間畀佢擺，但佢都唔望清楚放，就直接放於枱角邊(相中藍圈)兼眼望後面。我即刻叫佢放响呢度(枱中間)吖，點知換來佢突然好大聲話我:" 得嘞，你冷靜d，你嚇親我!" 但實情係佢呢番說話太大聲兼語氣嚇親我，我之後即時向男員工投訴，佢同我講話"唔好意思，今日樓面人少，個女伙計係咁。" 坐我鄰座2公婆都話個女員工d態度好差。因為我哋趕時間，食完就走。當離開時，個男員工再次向我道歉，但我想講，"唔會再去食!!!!!!!!"

茶東西，你店舖員工好冇禮貌，在餐廳情緒激動，又講哂粗口，極度影響食客心情。根本冇禮貌，唔想幫手落單，根本不適合做服務性行業!帶眼鏡嗰兩個男人同一中年女人伙計，咁既人都請得落!!! 帶眼鏡既男伙計冇啦啦情緒爆發，帶住口罩都feel到佢既不滿同無禮，唔係茶餐廳就奉旨無禮貌!!! 多競爭你更加應該要請有禮貌既員工!Hi there, the owner of this place! If you can see the review, your staff is really rude and it's necessary for you to hire some more polite ones. It really kills customers' mood to visit again if the staff are rude and cold!Your male waiter with glasses emotionally broke down and spoke foul language loudly in the shop! That's really unacceptab

見網上有介紹， 就去試下。炮台山站出行一陣就到。 鋪頭細， 位唔多， 所以要排隊。入面裝修新淨， 白色主題。叫左3個餐茄牛通餐：叫比小了友食， 湯濃佢中意， 牛角包好鬆軟， 炒蛋滑， 小朋友食唔曬通粉芝士流心炸雞咖喱滑蛋蓋飯：原本想食全日餐但講冇牛角包， 所以叫左e 個餐（但茄牛通有跟個牛角包， 神奇）比想像中細件，有流心，食埋飯就好飽原條吉列魚柳 咖喱滑蛋蓋飯：需要時間整， 魚柳好長又脆好食， 咖喱有少少辣， 成條魚食曬都有D full， 正。

平時呢間茶餐廳係勁多人排隊，搞到我成日都去唔到食，點知最近附近開咗間新餐廳，終於唔使排隊啦！咁就同朋友去咗試呢一間茶餐廳。今次試咗呢個午餐好豐富呀！因為佢有喇沙之外、仲有㗎央多士！ ！同埋炒蛋呀！感覺係常餐嘅升級版，價錢都只係$60 ，喺呢一區都算正常㗎喇！不過略嫌個喇沙有啲辣，其他都好食！之後我加兩蚊升級左即磨咖啡，味道都唔錯啊！有機會再試啊！😌

不知怎的 覺得他們家的餐單排版 照片很吸引😂明明不餓 看了就會食慾大增🤣🤣🤣早餐 D - 薑汁濃湯生滾牛肉通粉 $38 配 嫩滑炒蛋+芝士火腿牛角包🥐炒蛋和牛角包 非常有誠意😆炒蛋非常嫩滑 濃濃蛋香 和牛油香🧈牛角包酥脆 配上鹹香芝士和甜甜的火腿一流！薑汁濃湯生滾牛肉通粉🍲真的即叫即滾！因為其他客人點沙嗲牛肉的話 很快便會上枱薑汁濃湯 這個就要稍後一會兒 非常值得！牛肉份量適中 湯底有很多磨爛了的薑蓉👅而且芫荽的份量也很充足🌿冬天的早上喝到這個湯真的！！什麼寒風也驅走了！凍檸茶 （+$3）很大杯 用上碎冰🧊 茶底也不錯 下單後才知道可以加錢點即磨咖啡🤣🤣 下次一定會試一下！！-早上繁忙時段 店員可能會有點應接不暇他們非常有系統地 安排客人入座和點餐 閒時還會跟客人聊一兩句好可愛☺️

今次係第二次幫襯。兩次都係食牛。佢啲牛肉真係整得幾好食，份量頗多，即磨咖啡又好飲，咁既價錢算抵食。可惜職員態度麻麻，某位女職員更惡言相向。所以就算間餐廳CP值幾高都好，我唔會再去食。

午餐$68左右，不算貴也不算平，但味道份量比一般茶餐廳高質好多，上碟仲有新鮮沙律菜。一行兩人，叫了一個三文魚奄列配薯條及磨菇汁雞扒配德國腸，兩個午餐份量都好足，汁醬比大部份茶餐廳有誠意，濃得黎感覺不太重味精。但呢間餐廳大部分時間都係要等位的，大概十五分鐘左右，座位都好逼，由於人流都好多，亦不要期望有什麼服務，都係食完就走，坐不耐，但味道真係比九成茶餐廳好食，性價比都算高。收費只接受現金及八達通，沒有支付寶。

同老公假期想食得開心啲，我哋嗌唔同嘅嘢，撞正下午茶我就嗌左炸脾薯條我就揀咗袖子蜜糖炸脾感覺有啲似食緊韓國炸雞🍗薯條就正常新鮮，額外再加$10有個芝士撈丁開頭以為會細碗啲但點知原來係一個正常size嘅公仔麵真係好抵食，老公嗌咗burge餐要重申，兩個餐加埋都平過Cafe叫一個all day

成日都見到佢排長龍🙊好好彩今次無乜人好快入到去！雖然下午茶2點開始~不過今日同朋友叫咗常餐L1同L2餐L1 香濃沙嗲牛肉公仔麵$52 配嫩滑炒蛋同芝士火腿牛角包沙嗲牛肉淋身又大塊😋份量都算多略覺得牛肉唔夠入味不過個沙嗲汁本身都夠香！牛角包食落香口咸咸哋同火腿芝士味道好夾🤤L2 蕃茄薯仔牛肉湯通粉$52 配嫩滑炒蛋同奶油豬通粉個湯濃郁夠味加$8可改配奶油豬食落好鬆脆🤤不過一開始食發現無煉奶味🙈原來係無落到，最後有問侍應拎返圖入面係未落煉奶🤣總括嚟講味道真係唔錯！係北角一帶嘅抵食餐廳之一！😋

佢哋開張以來我哋都差唔多隔日去，因為最初個班waiters & waitress 都好好，食物質素和份量等CP值都好高。可惜換咗幾輪侍應之後，宜家呢班人的伏務就一而再再而三的突破水準！由入門口到俾錢走都一肚氣。食物質素亦都不再。今次仲極無禮貌咁叫人收聲（四眼肥佬）！然後由大堂嗑去收銀，收銀又嗌返入廚房，廚房又嗌返出嚟！粗口都出埋。最後埋單仲要串咁我哋張單得咁少錢！最慘嗰樣嘢係食完嘢返去嗰晚同第二日都屙到七彩！知道佢係區內係抵食嘅，不過你要博一舖，睇佢哋心情好唔好。呢排開「差」多過開「好」。