茶東西

呢間店既加央多士加炒蛋及喇沙套餐送一杯熱奶茶。個加央多士好香脆，啲醬好多，好有加央味。炒奶係牛乳炒蛋，香滑有蛋味。喇沙面有好多配料，芽菜，豆卜，雞肉等等，香椰得嚟麵都有咬口，偏辣。奶茶好香滑。…查看更多

今日喺炮台山搵嘢食，見到呢間茶餐廳好似幾吸引，餐廳嘅裝修十分特別，牆上有唔同嘅人生哲學漫畫，劇情搞笑，令人一進去就感覺輕鬆愉快。今次點咗佢嘅午餐，首先試咗芝士焗肉醬通粉，真係幾特別。肉醬甜甜地，加上焗至金黃嘅芝士，口感滑順，味道非常好。肉醬的風味與芝士的濃郁相得益彰。而蟹肉蟹柳意粉，味道就比較普通，整體味道有啲平淡，冇特別驚喜。今日見到有幾多街坊食佢嘅常餐同埋咖喱蛋包飯，份量都幾足，似乎都好受歡迎。總體而言，雖然蟹肉蟹柳意粉未能令我驚喜，但芝士焗肉醬通粉卻值得一試，期待下次再來，試下其他菜式！…查看更多

呢個禮拜食左2次，因為味道，份量及價錢，都十分合理。食品結合cafe和茶餐廳menu, 但真材實料，好味道過茶餐廳10倍！奶茶的味道，我也喜歡。店內地方清潔，台上面d 用具，也feel 到較乾淨。有一次中午去吃lunch, 見到其中一張枱有1位廚房員工及1位前線員工在吃lunch,覺得小店很好，就算peak hour 都放棄一張枱搵錢，安排員工好好坐下食飯，可能他們已經忙了一整天早上的早餐時段。上次我吃左牛柳絲炒意粉🤪好味～今日同家人食左沙爹牛肉公仔麵，炒旦，丹麥酥，家人吃了比目魚飯👍👍希望這用心制作的小店一直生存下去～…查看更多

同朋友幫襯北角茶東西，裝修走木系簡約風，燈光幾舒服。餐牌選擇多到睇咗成分鐘先落單，今次試咗幾款招牌，有啲意外收穫。一上枱聞到淡淡柚子香，雞翼炸得金黃挺身。咬落脆皮唔會油淋淋，肉汁鎖得幾好，最驚喜係個柚子醬——酸甜清新得嚟帶少少蜜糖香，完全中和炸物滯膩感。我鍾意佢唔會淋到成隻翼濕哂，蘸少少已經好夠味。煎功值得一讚！餃子底脆如薄餅邊，面頭保持煙韌。豚肉餡剁得夠細，肥瘦比例啱啱好，咬開有微微肉汁滲出。旁邊配嘅一小撮沙律菜新鮮爽脆，夾件餃子食幾醒胃。上枱真係嚇親——塊漢堡扒厚過我手指公！表面煎得微焦，切開見到粉嫩肉色，咬落鬆化唔乾身。咖喱汁揀咗小辣版本，辛香味慢慢滲出嚟，撈埋半熟蛋黃同珍珠飯，食到最尾都唔會膩。鐵板滋滋聲上枱，芝士仲跳舞緊！牛肉片比想像中多，捲住半溶芝士同蘭王蛋黃，掛滿甜鹹平衡嘅壽喜燒汁。要讚佢牛肉冇筋，蛋漿撈飯滑溜得嚟唔水汪汪，雖然邪惡但忍唔住清哂。・熱情果多多梳打：果肉沉底要攪勻，酸甜夠氣，解膩一流・鮮果紅茶：杯底堆滿火龍果粒同蘋果條，茶底唔澀，果香自然唔似糖漿…查看更多

今日午餐時段嚟到呢間位於炮台山電器道既茶東西食午餐，店舖装修漂亮光猛，座位舒適。安排咗我坐張4人卡位，睇一睇個餐牌，想試下佢呢個咖喱滑蛋蓋飯，咁我睇啱咗佢個牛肉漢堡，就一於點呢個啦！等咗一陣碟飯就嚟到，份量足夠我食既，不過就得一塊牛肉漢堡，但好有肉味同埋香口，滑蛋蓋飯都幾好，唯獨係個咖喱汁唔啱口味，唔辣又唔香。[米饭]口味：🥚🥚🥚[薄荷]环境：🥚🥚🥚🥚[服务铃]服务：🥚🥚🥚🥚[糖果]性价比：🥚🥚🥚…查看更多