茶東西

營業中

休息中

同朋友做完GYM, 飢餓感爆燈, 路經附近呢間「茶東西」, 看看門外menu, 食物都幾岩心水, 就入去試試。餐廳環境光鮮, 整潔乾淨, 食物款式多, order後上檯速度快, 岩哂港人急促嘅節奏。order主食 可 +$28升級套餐配精選前菜 + 精選餐湯 + 熱飲 前菜: 胡麻醬菠菜 - 菠菜葉配上胡麻醬, 清新美味。.餐湯: 南瓜忌廉湯 – 入口順滑, 南瓜味香甜突出【美國板腱牛肉火山烏冬】HK$126自選指定湯底: 東京黑蒜豬骨湯石鍋熱辣辣餘溫滾住上檯, 生牛肉浸於湯底中漸漸滾熟, 建議上檯時立即夾起, 免得令牛肉過熟失去嫩滑口感; 烏冬QQ彈牙, 盡吸了湯汁, 黑蒜豬骨湯蒜香味濃, 食到一半, 湯汁被烏冬吸光了, 貼心店員上前協助加湯。+$28 追加選配: 美式炸薯條+$9 熱飲轉熱情果多多梳打        熱情果果味突出, 唔會過甜。【自家制吉列豚肉扒北海道咖喱滑蛋蓋飯】HK$105自選配: 辣咖喱吉列豚肉扒有如手掌般大, 外脆, 肉質彈牙, 配上份量十足的滑蛋蓋飯, 加上美味刺激微辣咖喱醬汁, 滋味無窮。追加選配: 蒜香酸種包(3pcs)蒜香酸種包新鮮熱辣又鬆脆, 蒜味

位於北角的「茶東西」餐廳，以其光鮮整潔的環境和豐富多樣的美食選擇，為顧客提供了一個舒適的用餐體驗。這裏的服務迅速，迎合了香港快節奏的生活方式。我地三五知己，一人嗌一個自己想食嘅，再一齊share食。前菜小食柚子蜜糖雞中翼：柚子蜜糖雞中翼，外皮酥脆金黃，內裏肉質鮮嫩多汁，柚子蜜糖的清甜與微酸完美融合，為這道菜增添了幾分獨特的清新與甜蜜，是味蕾的甜蜜旅行。和風柚子醋煙三文魚沙律：和風柚子醋煙三文魚沙律，三文魚在柚子醋的薰陶下，肉質更加細膩鮮美，搭配新鮮蔬菜的清新，煙霧繚繞間，仿佛置身於日本的寧靜和風之中，享受一場味覺的盛宴。白酒煮青口 伴蒜香酸種包：白酒煮青口，酒香四溢，青口肉質飽滿鮮嫩，搭配蒜香濃郁的酸種麵包，海洋的鮮美與麵包的醇厚交織。主菜有跟餐湯同飲品，好抵食！！安格斯牛肉漢堡北海道咖喱滑蛋蓋飯：安格斯牛肉漢堡，肉質鮮嫩多汁，搭配北海道特製咖喱滑蛋，濃郁香滑，覆蓋在粒粒分明的米飯上，每一口都是味蕾的極致享受。經典卡邦尼意粉：經典卡邦尼意粉，奶香濃郁的帕爾馬乾酪與細膩滑嫩的雞蛋交織，佐以火腿的鹹香。飲品熱情果多多梳打，清新果香，帶來一絲絲清涼與甜蜜。

經過呢間好似茶餐廳，但其實食既野一D都唔係茶餐既野食。裝修好乾淨，好高猛。佢既野食係日式，好多選擇。前菜我地叫左個軟殼蟹沙律，嘩，佢係成隻軟殼蟹上菜，仲有好多蟹籽！份量好足！評分：👍🏻👍🏻👍🏻/5我地叫左一個石鍋烏冬，佢幾好喎，有唔同湯底，我地叫左豆乳豬白湯。黎到既時候，個石鍋勁熱，啲湯仲好滾！評分：👍🏻👍🏻👍🏻/5跟住我地叫左個和牛漢堡扒咖哩蛋蓋飯！咖哩又係可以選擇唔同味道！！黎到既時候，睇得出個滑蛋真係滑既，個咖哩汁都唔會好少，足夠撈埋啲飯一齊食！唔錯唔錯！評分：👍🏻👍🏻👍🏻👍🏻/5我地仲叫左個白酒青口，佢配兩塊蒜蓉包，好脆；白酒唔會好苦，青口係藍青口，細細啖，好食！評分：👍🏻👍🏻👍🏻👍🏻/5因為我地真係好肚餓，叫左個柚子雞翼小食！好好食喎，剛剛炸起，就淋上柚子醬，酸酸甜甜，加埋個沙律，幾好！評分：👍🏻👍🏻👍🏻👍🏻/5雖然食左好多野，但其實唔係好貴架咋，每人都係200有找，所以大家快啲去試下！整體味道指數：😋😋😋/5性價比：💰💰💰💰/5環境：❤️❤️❤️/5服務：✅✅✅/5

有日約左朋友上堂前食個lunch係openrice見呢間多正評就揀左黎食lunch我叫左個常餐-芝士豬柳烏冬拼奶油豬個奶油豬係夠熱同好味但個豬柳烏冬就勁難食啲肉個質感疑似係合成肉而佢用果隻芝士亦同個烏冬好唔夾另外啲阿姐勁chur 每放低一次叉/隔左耐無郁個麵就想黎收走，仲要係不斷咁黎問幫你收走好無？明你想做生意阿，但出面都無人排隊唔明佢急乜仲要我地都只係坐低食左10零分鐘，有無必要chur成咁？難怪個個都北上，呢啲咁既服務同食物質素真係免費請我，我都唔會再試呢間咁上下價錢我去隔離幫襯太興或者行遠少少果間四寶冰室都無咁嬲

呢間茶餐廳性價比超高！成日都有人等位架～重點係份量大大份！蒜油白酒蜆肉意粉蒜油和白酒調味，蜆肉新鮮大大隻 意粉煮得恰到好處，吸收了醬汁的香氣，整體微辣炸蝦蛋飯（甜咖喱）炸蝦外脆內嫩，搭配甜咖喱醬～可以簡其他咖哩蛋包飯都好食！壽喜燒牛板腱鍋（烏冬+蘭王蛋）個人最推薦！壽喜燒醬汁濃郁，烏冬吸收了肉汁的精華，配多款蔬菜 好吸汁！胡痳醬軟殼蟹沙律估唔到咁大份！超多沙律 同原隻軟殼蟹炸至金黃酥脆，搭配胡麻醬，沙律的清爽口感好解濟～檸檬鮮果紅茶香橙鮮果紅茶兩款飲品差唔多味 推薦！好多水果粒 又夠濃茶味！茶東西 (北角)北角炮台山電氣道183號友邦廣場地下3-4號舖

Cha;)ology 茶東西今日趁經過Lunch來試試，炮台山地鐵站附近一間新派港西日式餐廳，由年輕人主理，價錢大眾親民，坐得舒服待應有禮效率高，味道好味，餐牌有很多選擇。😋 煙三文魚鮮果胡麻沙律配蒜香酸種包酸種包新鮮香脆，配合新鮮既煙三文魚，多款沙律菜，蕃茄仔，火龍果配胡麻醬，喜歡很開胃，份量豐富，製作時間約10分鐘。.

自費自費食咗四百幾蚊我哋去咗北角炮台山食下午茶，一家大細去食我哋嗌咗一個好大嘅鋸扒同埋嗌咗西多士個西多士真係好好食好耐冇食過西多士啦好有香港特色嘅風味我哋仲嗌咗滑蛋豬扒飯真係超級大碟唔使等好耐已經有得食啖啖肉佢個蛋仲要係超級滑身好好食呀佢哋嘅份量十足然後嗌咗熱飲適合而家嘅冬天價錢尚算適中每個人人均$100都唔使我覺得係物超所值嘅，仲有佢哋嘅服務質素好好超級好人，我覺得好唔錯又唔使等位排隊唔會太多人環境又好唔會太過迫

每逢週末都想瞓到下午茶時間先起身，呢日就約咗親戚人食下午茶，去咗佢屋企附近嘅fusion茶記🫢 見到都keep住有街坊食，都幾有人氣。蘭王蛋煲仔焗番茄牛肉醬意粉呢個意粉都幾有驚喜，用煲仔上，真係冬天必備，個意粉份量充足，啲番茄醬同埋牛肉碎同個意粉好夾🍝 面頭仲有焗芝士同埋半生熟嘅蘭王蛋🤤咸牛肉炒蛋三文治食三文治最鍾意就係烘底，外脆內軟嘅口感唔錯😌 三文治嘅餡料都有好多選擇，我哋就揀咗鹹牛肉炒蛋，呢個炒蛋唔係好滑溜嗰款，係比較實淨，食完夠晒飽肚。入面都有好多鹹牛肉粒，算係幾足料🐮七味椒鹽炸雞髀炸髀薯條真係下午茶完美嘅組合😍 呢個炸髀雞皮夠晒薄，而且係冇炸粉，雞髀嘅肉嫩滑美味🍗 套餐仲可以揀配美式粗薯條或者胡麻醬沙律，不過有粗薯條，我梗係揀粗薯條啦，真係新鮮滾熱辣出爐🍟追加輕量裝食物♦️和風沙律係胡麻醬沙津，有生菜、粟米同番茄仔🥗♦️雙重芝士撈麵雖然有少少邪惡，但真係必定要嗌呀，有好多半融狀態嘅芝士，足夠撈晒成個麵呀🧀飲品揀咗凍檸茶同即磨咖啡，兩樣都夠晒港式風味 。呢間茶記嘅食物唔係最傳統嘅港式風味，但係服務方面就有返港式感覺啦😂 特別鍾意煲仔焗意粉，真係夠晒fusion啊 。

最近我到了一家佈置好靚既茶餐廳，佈置新穎，有別於一般嘅茶餐廳，餐廳製作好多特別嘅菜式。壽喜燒美國板腱牛肉鍋選用美國板腱牛肉，肉質鮮嫩，脂肪分布均勻，有豐富嘅肉汁，份量都幾多。配合不同嘅配料，有菜，粟米，不同嘅菇等等。吃壽喜燒，當然要配上一隻好味嘅雞蛋，餐點附上一隻蘭王蛋，蛋味濃郁，和牛肉很配。而附上的贊岐烏冬的口感彈牙，吸收了湯底的鮮香，與牛肉一同煮熟後，味道更加濃郁。美國板腱牛肉火山烏冬配東京黑蒜豬骨湯美國板腱牛肉，肉質鮮嫩，脂肪分布均勻。火山烏冬一上枱熱辣辣，加上東京黑蒜豬骨湯，湯底濃郁而不油膩，黑蒜的香氣恰到好處，是冬日暖胃之選。日式胡麻醬軟殼蟹沙律沙律新鮮爽口，搭配的胡麻醬有著濃厚的香氣，軟殼蟹外脆內嫩，熱辣辣。這道菜的搭配讓人感覺非常清新，是一個很好的開胃選擇。最後，我選擇了檸檬鮮果紅茶和話梅柚子蜜糖梳打作為飲品。檸檬紅茶清新怡人，酸酸甜甜的口感正好中和了油膩。而話梅柚子蜜糖梳打則是一個意外的驚喜，微微的酸甜話梅搭配甜甜嘅有子蜜糖原來都配。這間餐廳的餐點價錢實惠，性價比高，值得一試。

同事搬咗去炮台山，趁放假過去參觀一下新居，之後去咗附近嘅茶東西食嘢，餐廳裝潢時尚，座位寬敞舒適，是一間高質嘅茶餐廳。主食升級套餐 配 精選前菜＋精選餐湯+熱飲餐湯：南瓜忌廉湯不但有忌廉湯的幼滑口感，而且亦吃到南瓜的甜味。前菜：車釐茄酸酸甜甜透心涼。自家制吉列豚肉扒北海道咖喱滑蛋蓋飯，選配：（辣咖喱）金黃色的吉列豚肉扒超大塊，外脆肉嫩，香而不膩，咬落爽口彈牙，豬味濃郁，帶有淡淡油脂香，嫩滑的蛋蓋上飯面，再加上香噴噴嘅咖喱汁，咖哩汁濃而不油膩還帶點辣，非常惹味。追加選配：美式炸薯條，即叫即炸，香脆可口。廣島蠔蝦球火山烏冬用石鍋盛載，熱辣辣滾住上枱，廣島蠔肥美、飽滿，甘香可口，蝦球爽口，湯底揀咗博多豆乳雞白湯，湯頭濃郁味道充滿豆香，加上烏冬和木耳絲，無論味道和口感都一流！熱情果多多梳打味道香甜，消暑又解渴。鹹檸七將鹹檸檬加入七喜汽水，飲落咸甜交雜、冰涼透心。鹿兒島國產豚肉餃子菜肉比例均勻，鹿兒島豚肉的油脂香肉味相當突出，餃子亦煎得好香口。柚子蜜糖雞中翼又香又脆又甜，雞翼亦很嫩滑。酥脆香口嘅唐揚魷魚鬚入口鮮酥柔韌，脆口而不油膩！

茶東西今日要介紹喺北角一間茶餐廳叫「茶東西」，呢間茶餐廳門口係有一級，正當我準備拎我塊斜板嘅時候，佢哋嘅店員已經拎一塊長過我果塊嘅斜板出嚟，一間平平無奇嘅茶餐廳竟然可以做到無障礙餐廳，真係要讚一讚個老闆有呢個意識，係我做foodie兩年入面第一次見到餐廳自備斜版，真係抵讚又抵錫，我唔理背後老闆係男定女，一定錫到你燶咗為止！🤣🤣🤣😘1.吉列炸蝦北海道咖哩滑蛋蓋飯$62+熱檸水（9/10）呢個吉列炸蝦咖哩滑蛋飯雖然咖哩汁唔辣，但咖哩味好香，吉列炸蝦有3隻，炸蝦外皮好鬼脆，個滑蛋滑到不得了，成個蓋飯份量多到不得了，下午茶餐熱飲仲唔洗加錢，我揀咗熱檸水！2.黑椒蘑菇汁厚切牛脷飯$56+熱阿華田（9/10）呢個黑椒蘑菇汁厚切牛脷飯個牛脷都有4舊，每1舊牛脷仲要厚切，不過牛脷韌咗少少，黑椒汁唔夠辣，如果黑椒味再強烈少少會更好，下午茶餐熱飲仲唔洗加錢，我揀咗熱阿華田！3.美食芝士肉醬熱狗$45+凍鴛鴦$3（8.5/10）呢個美食芝士肉醬熱狗餐入面有一個熱狗+薯條同沙律菜，熱狗入面有肉醬同一條脆皮香腸，肉醬都幾多，不過咸咗少少，脆皮香腸夠脆，薯條係幼長，夠熱同脆，下午茶餐凍飲要加$3，我揀咗凍鴛鴦，杯

一般茶餐廳嘅下午茶餐都係咁上下，呢間反而帶給我驚喜。佢嘅菜單比一般茶餐廳多花款，份量足，價錢亦合理。🏅七味椒鹽炸雞髀配美式粗薯條，炸雞外皮香脆惹味，帶少少辣勁，配埋薯條，簡單卻滿足。🏅松露雞蛋沙律熱狗，熱狗加上香滑嘅雞蛋沙律，仲帶有淡淡松露香氣，加埋胡麻汁沙律，清爽又有層次。🏅唐楊炸雞北海道咖喱汁烏冬就更特別，炸雞金黃酥脆，配上濃郁嘅北海道咖喱汁同滑溜嘅烏冬，熱辣辣又好滋味。🏅炸魚柳咖喱滑蛋蓋飯，咖喱辣度溫和，滑蛋濃郁，魚柳炸得剛好，成個組合香濃又唔膩。

炮台山有一間西式mix日系餐廳，由年輕人主理，食物選擇眾多，價錢親民質素高。日式胡麻醬軟殼蟹沙律軟殼蟹係成隻現炸，酥脆香口，製作需時10-15分鐘。而沙律菜、青瓜及番茄仔都十分清新。安格斯牛肉漢堡北海道咖喱滑蛋蓋飯- 甜咖喱主食可升級套餐，配精選前菜餐湯。今日餐湯係薯仔蓉湯，十分美味。咖哩可以選甜酸苦或辣，不過我哋比較穩陣，叫咗甜咖喱，大家有興趣可以試吓d特別味。而餐飲就揀咗熱柑桔蜜，可以少甜。美國板腱牛肉火山烏冬 湯底：（博多豆乳雞白湯） 熱菜蜜（少甜）烏冬以石鍋上，送上枱果時係熱到起泡泡，維持左成2分鐘。豆乳雞白湯香濃，板腱牛牛味濃。鹿兒島國產豚肉餃子餃子6隻，係日式餃子風味，配以沙律菜。🛎️必試指數：9/10🔆

炮台山地鐵站附近有間茶餐廳，除咗一般嘅鐵板、意粉飯、沙嗲牛之外，竟然仲有咖喱滑蛋蓋飯、火山石鍋烏冬、鍋燒飯等Cafe先有嘅菜式供應。店內環境唔大，座位之間有適當距離，牆上有可愛卡通，裝潢行簡約風，經過肚餓可以試。前菜有風乾火腿鮮果同胡麻醬軟殼蟹沙律，估唔到有成一整碗，份量驚人，適合多人分享，蔬菜新鮮、五顏六色、水果夠甜、軟殼蟹炸至酥脆，食落好開胃。主食有壽喜燒牛板腱同泡菜黑毛豚肉鍋，滿滿蔬菜，牛肉嫩滑，豬味突出，配飯/麵再點埋蘭王蛋，冬天食暖笠笠。小食方面都有好多選擇，全部都會自動搭配沙律菜，幫助解膩。私心推介蜜糖芥末韓式炸雞，兩大塊，炸至金黃酥脆，嫩滑多汁，十分滋味。鹿兒島豚肉餃子有六小粒，帶點咬口，外層夠薄而且唔油膩。柚子蜜糖雞中翼甜甜哋，唐揚魷魚酥比較少見，大件夾抵食，整體性價比高。

「茶東西」位於繁華的電氣道餐廳裝潢簡潔，而且坐得很舒服菜單提供的選擇也不少，有石鍋烏冬、咖喱滑蛋飯、鍋燒物等，可以單點亦可以升級套餐，滿足到唔同口味嘅需要，而且價錢合理👍蟹黃醬帶子雜菌意大利飯～蟹黃醬厚厚的鋪滿整個飯面，仲有超多雜菌和其他配料，而且意大利飯軟硬度也非常適中❤️蠔蝦球火山烏冬（黑蒜豚骨湯）～滾住上枱，熱辣辣小心燙咀廣島蠔味道重，蝦球彈牙，烏冬入口QQ彈牙，可以再encore😋白酒煮青口伴蒜香酸種包青口size適中，配埋烘過外脆內煙靭的酸種包，好味✨熱情果多多梳打～唔會太甜，啱啱好話梅柚子蜜糖梳打～柚子蜜糖味道好突出，飲落好舒服😌