茶木‧台式休閒餐廳 (黃埔天地)

營業中

休息中

剛巧開車入紅磡，見到最近廣告賣得好勁既茶木，諗住紅磡偏僻d,應該無旺角銅鑼灣等甘耐，就膽粗粗去試下。嘩，上到去，都係好多人圍住門口，拎左飛仲有十幾張台要等諗住都係放棄，去完個洗手間出黎，仲有4張台就到，正！原來好多人都無耐性等😂大家下次唔好俾張飛嚇親。不過4張台都等左3個字。終於坐低，餐牌很簡單，沒有太多選擇，但有圖片，我最鐘意。但坐在茶木很難不令人與佢既對手另一間飲咖啡的台灣店比較，無論食物，風格都太相似啦。食物方面，個人應為對手勝一籌，對手食物比較有心思，食得出係自家制，茶木的都是一般比較大路的，炸雞扒，牛肉面，瀂水拼盤⋯如果單單想食台灣野，我覺人覺得不值得大排長龍。但飲品我覺得值得一試，味道奶，抵飲。在茶木令我有一個疑問，佢地既訂價太奇怪，一塊雞扒可以定到五十蚊，但一大杯mocha先廿幾蚊，一般餐廳都係酒水利潤高過食物，所以覺得好奇怪😂可能公司只想人飲野唔想人食野

原本以為星期一二呢d日子會少人d,點知都係要等位,仲要唔少人添星期六下午茶本來都想黎食,但實在爆多人...o係門口睇一睇menu,有點兒覺得難以入手,因為我係多多菜少少肉o既人唔甘心都等左一陣位,依家走左去好似好蝕入座時發現有好多枱都食緊o個個雪糕,真係咁吸引?叫左一個set,跟白飯同指定飲品(薑茶/柚子),仲有沙律或者甜品牛腩好冧,牛筋都非常唔錯.容器下面用蠟燭保暖,唔怕冷氣大吹凍左另外叫左個雞排麵可能係炸o既關係,有油紙墊住都仍然勁多油雞肉唔多,有少少唔知自己食緊乜野麵條一般,有部分麵條煮唔散疊埋左一餅.因為d麵係闊o既,所以變成一餅就好難入口飲品我地揀左薑茶,唔~~~~~番薯糖水o既味道,夠辣.最後重頭戲.......簡直係邪惡o既化身,食完兩樣油油的主食,面對呢個都有d招架唔住唔係好知點先為之正確食法,於是我地選擇食哂個雪糕先算再慢慢食下面o既蜜糖多士,忌廉應該係鮮奶打o既,唔係一枝枝o個種,所以易d入口最後食剩左一個多士框,都算係咁,飽到想死隔離枱擔心自己食唔哂於是淨係要兩層,不過都係食唔哂,老實講呢個甜品都幾浪費結論係一試無妨,唔食冇損失

已經係第二次食，因為第一次只點了一個飯一個面，好味但冇咩surprise 。今次中午來一心唸住可以叫多D嘢食。今次等位等咗成個鐘，因為好多一家大細食得慢，而且大部份人食完所有嘢先再點甜所以較耐，更加上餐廳hold 起一部份位冇開，門口起碼有廿張枱等。。。我估做勢。台式飯麵各一，味道同上次一樣好味。重點在個士多啤梨吐司，賣相吸引，cream 及雪糕甜度適中，配合多士及棉花糖，賞心悅目。好多人會映相，搞到 d ice  cream 溶哂，D侍應會細心提點，叫佢地要開始食，算細心等得久也值得再去

台灣茶木自從它在香港開了第一間分店開始，及在公司的同事介紹下，一直都很想去嘗試。但無奈每次經過旺角瓊華，或銅鑼灣，不論平日週末，在外等候的人實在太多，而且當時的餐廳沒有規限用餐時間，拿了一張要等五十幾張台的籌，跟陪它等關門可以說沒有分別。黃埔的新店偶然間比我這位住在新界北區的人發現了，因此急不及待，由紅磡火車站徒步到黃埔美食坊，一試鬧市以外的台灣美食。我們六點三左右來到，等了一個鐘可以入座，以茶木的愛歡迎程度來看，我們應該算快了。黃埔茶木的出菜速度很快，落單後不用兩分鐘就先來兩款。由於晚飯關係，我們今晚主打先來紅燒牛肉麵。牛肉湯的湯味很濃郁，麵身沾了湯底亦變得非常入味，而且牛肉大件，自己忍不住飲了少許湯。 在兩款的肉食以外選擇了一味以素為主的款式 - 皮蛋肉鬆豆腐，一味非常出色的冷盤。賣相雖然不吸引，感覺凌亂，但勝在味道一流，麻油的香和皮蛋的蛋黃香，豆腐非常滑溜，加上肉鬆帶出的肉香及口感，這味冷盤非常棒，很回味。 小食稍後到，以籐籃奉上的金黃鹽酥雞味道不過不失。雞塊即叫即炸，份量很多。但是只有兩個人的我們當食到一半的時候已開始感覺油膩，這味小食比較適合四個人的場合。飲品我們每人一款

今日專登去試.果然其門如市.環境幾舒服,坐位都安排得幾好,算幾好坐.叫左:兩個午餐.1)黑油鴨腎,台式肉躁飯,古早味三杯雞,綜合水果茶.黑油鴨腎:好腍好入味,唔太油,唔錯.台式肉躁飯:汁太小,飯好爛,肉躁味唔夠濃,唔得.古早味三杯雞:好普通,似食屋企煎雞翼,雞只有雪味,辣味就有D雞翼上到味,有D上唔到味.綜合水果茶:味道有小小似Fruit punch,可能放左多樣生果皮,令到飲落有D澀味.麻麻地.2)黑油鴨腎,台式肉躁麵,紅葱醬油嫩鴨,涷胚芽奶茶.台式肉躁麵:幾好味,湯同牛肉麵嘅湯一樣,唔油,做得幾好味,我全個湯飲囇!紅葱醬油嫩鴨:份量好足,汁似食滷水汁,鴨如其名,幾嫩,肉質唔嚡,雖然冇咩特別,但都幾好味.涷胚芽奶茶:好大杯,味道同外面飲嘅有D唔同,好重麥芽味,好香,唔太甜.整體都可以幫襯嘅.

禮拜二約埋好鄰居兼好朋友去屋企附近新開的茶木撐檯腳。之前係旺角等過一次，知佢人氣暢旺，朋友係tst都食過一次，所以今次一收工就直沖返黃埔攞位，好好彩即刻可以落場 不需要等位心情又大好一人點一碗麵，香辣牛肉麵同豬肉xx麵牛肉非常入味，炆左好耐既感覺，入口即溶 啱嗮我呢d箍緊牙既朋友，唔洗嚼，正！麵本身都好好食，夠Q，彈牙！香辣湯底味道啱啱好，辣得恰到好處，唔會搶左牛肉鮮味 朋友都話碗豬肉麵都好味到茶木唔食個招牌甜品又點捨得離場，食完正餐即刻叫返一個朱古力糖磚第二次食，一樣好味！creme好滑，麵包底夠咬口茶木一定再返兜，下次見！btw 服務都好好 環境又乾淨，不會太吵

至從尖沙咀分店一別，很是掛念、今日終於再試還要一次過滿足我叫上幾款式，很是高興．．店子現在掛在試業階段，面積已現址來說較尖沙咀分店為細但鄰近舖位就正裝修着，打通與否就不得言知 茶品方面有冷亦有熱，看上雜誌般之餐牌、眼睛正在發亮了 要上一杯凍珍珠奶茶$28.，濃香之台式茶香、滿注於嘴腔咬一口黑珍珠，帶嘴嚼、烟烟韌韌、甜度亦來得恰好，不錯熱水果花茶$35. 因上次未有在分店試上，所以今回决意一試一人份量之瓶子，放滿果肉在內、用上小蠟燭微微保溫放上枱上之小瓶子，我已放置好一陣子才享用、等待茶味揮發呷一口茶味中性、果肉味道未有預期理想，我還是愛上它之綜合水果茶(最為要提的事: 玻璃杯子在光線下很多油污，告知待應．．換來的是一個濕了還未完全抹乾水份之玻璃杯) 附加上之糖槳味道較淡，多加一點點也不覺偏甜綜合水果茶,之前賞試過、所以對其味道水準有信心滿載果肉的高身玻璃瓶子，啜一口果肉味道跟茶味早已隨隨混合味道感覺有點像fruit punch，愛與不愛、倒是很個人化但．個人蠻喜歡先來一個香橙煙燻鴨胸沙律$58.啖啖鮮果肉配道夾之餘亦很清新，鴨胸切件上沒有咖啡X那麼大件，反而容易嘴嚼攪拌上附加之沙

Mango cream cake $38: 中間舊芒果似咸蛋黃 ，整體上都無特別得d cream同普通cake，又無芒果味，同美心隻西餅好相似。黑加倫子mousse cake $38: 成個都好酸，有D似山楂味。茶木劇院cake $38: 這個最ok了，咖啡味幾香。另外仲有食佢出名既台灣牛肉面，牛肉切成大大舊口感差，面係硬身闊條面，我就覺麻麻啦!

以前有個Openrice戶口, 太耐無用唔記得左個Password, 好啦咁從頭黎過啦...第一篇黎寫茶木以前同同學食過尖沙咀果間, 印象都非常唔錯, 裝修靚之餘又唔會趕人走而家係黃埔開左分店! 就係我屋企附近! 唔理咁多當然要去會一會佢!約埋朋友補完習黎食Dinner, 估唔到7點未到就已經要等位...好彩都唔係等左好耐, 10分鐘都仲係合理範圍嘅我地好好彩坐到卡位 梳化舒服啲張枱都得意啲黎叫嘢食啦 先黎嘅係凍Mocha飲落好滑, 有朱古力味唔會死甜, 但咖啡味唔夠而且面頭啲Cream太多然後係蔥油麵, 麵係粗身嘅, 口感都唔錯蔥同蝦米嘅香味好搶, 好味到停唔到口!個汁主要應該係醋, 我建議頂唔順醋果陣攻鼻嘅酸味嘅人就唔好落哂個汁啦之後個炸蝦同炆牛腩就一齊上左個炸蝦出面係一條條既薯仔, 所以好香口 入面嘅蝦膠都幾彈牙不過成五十蚊一碟, 抵唔抵就見仁見智啦炆牛腩入味, 牛肉又鬆化, 感覺呢個set就抵食啲最後係甜品! 蜜糖磚塊!次次去茶木都一定要食 同朋友介紹都係直接比蜜糖磚塊嘅相佢地睇無辦法就算唔係相機先食, 剩係見到個賣相都覺得好開心之前試過士多啤梨同芒果, 今次就黎食下朱古力呢個

見lee度未有食評，以為冇咩人啦！點知成層美食坊係得lee間要攞飛勁多人 失覺失覺！未到7點去到，已經好多人，不過都唔算等好耐，20分鐘左右就因為前面d人走左好多而有位。講返食嘢，2個女仔唔係好餓，但又為食，所以叫左3樣嘢，有dinner set 架！不過我想叫嗰3樣dinner set 都冇，所以散叫。鹵水拼盤腎同牛都好腍，味道唔錯鹽酥雞平時喺台灣食35台幣左右一份，lee度收得55港幣，當然有返咁上下份量！味道一般，可取之處係食落唔覺得成口油。香辣牛肉麵夠辣，唔算太大碗，牛肉唔係一片片，而係一舊舊角切嘅，但都好腍。水果冰紅茶唔夠冰，水果再新鮮d應該好飲d掛，不推介。食店環境方面…好光猛，全店射燈，有d熱。不過好乾淨企理，廚房、侍應都快手，有禮貌。

很榮幸為這家寫上第一篇食評，素來都有甜品當正餐的我早早就決意要同親愛的爸爸來茶木試試，可能它真是太太太紅了，人多到不得了！！我6點半前已到達，已經要等3張飛，我可是特意挑閒日才來的！！雖然這台式餐廳有麵有沙律，但我們一來便鎖定目標-吐司！！點了藍莓奶油磚頭吐司，珍珠奶茶和茉香奶茶。珠奶好難不好喝的，但爸爸抱怨太少珍珠 至於我的茉香就不錯，茉香味幾重。主角來了！！比我們想像的來得大，如果一人一個一定食不完，就算食得完，卡路里都一定爆燈！！ 一上菜便急不及待試試， Toast+strawberry ice-cream 味道很夾，好好味！！微温的Toast沾上凍冰冰的Ice-cream，半冷半熱的口感好正 Toast面沾有蜜糖，我和爸爸都是重口味之人，就無所謂，但大家可能會覺得太甜。總括而言，我們是幾滿意這甜品，雖然價錢不算平，但值得encore的。温馨提示，Toast 和奶茶都蠻飽肚的，我們原先打算吃完這甜品再叫一個小食，到最尾都打消了念頭。