茶木‧台式休閒餐廳 (黃埔天地)

營業中

休息中

沒想到等了三星期終於嚐得到的金葉庭，竟然為我們提供了一頓非常驚嚇的午餐，點心吃至半途已經嚇至落荒而逃，四月應該會有好一陣子不敢再吃燒賣。雖然因為衛生問題而不歡而散，但終究要醫肚，於是來到紅磡的茶木。之前曾經到訪尖沙咀店，因為等候的客人太多，每次都要輪候30個號碼以上，實在被嚇怕，幸好紅磡店的人龍比較少，只需等17個號碼，大概等了20分鐘便可入座。店內裝潢清新怡人，除了木地板、木牆、大木箱、鎢絲燈、手寫黑板和一幅幅綠色的植物牆，形象健康就像有機素食店一樣。白色的磚牆上嵌入一些刻有菜式名稱的木塊，充滿玩味之餘，亦有種台式cafe獨有的溫馨感。可惜客人太多，座位擺放有點擠迫，出入的時候容易有碰撞。期待已久的綜合水果茶不及想像中漂亮，壺內除了浸泡Lipton茶包，還放入華梅、火龍果粒、青檸塊、檸檬片、藍苺、士多啤梨、橙和蘭香子等多種水果。入口只覺得橙味濃郁，味道很甜，茶味反而非常薄弱，尾段華梅乾的味道很突出，酸味味的感覺開胃消暑。台式滷水拼盤黑漆漆一片，內裡有6款滷味，包括黑油雞翼兩隻、黑油鴨腎、台式牛𦟌四片、滷白肉、滷豆腐兩件、溏心蛋半隻。以自製醬油醃製的糖心蛋，蛋味香濃，帶滷包的香味。牛𦟌

食過幾次茶木，都係為個蜜糖吐司而黎，每次都要等成個鐘位，今次試下去黃埔呢間，位少啲，但星期六下午茶時間都係等二十分鐘左右。滿心歡喜又有吐司食，今次仲試埋個雞扒肉燥飯，點知中晒伏。個肉燥飯側邊果啲雪菜好似變壞左，食落好臭，有陣苦苦地好似廿四味咁既味，定係本身係咁？？諗住有個吐司補返數，點知呢個仲弊，焗到硬挖挖咬唔到之餘，最底果塊係有一pat蜜糖浸住係中間，應該係焗起然後求其倒pat蜜糖落去咁，甜到完全入唔到口，勁差  好失望。越開越多分店，但質素越黎越差，啲員工培訓又不足，個個返工係度玩電話，食野，仲要係個廳面對住啲客食，想搵個員工落單，淨係入面廚房同樓面啲員工係個出餐度吹水，玩，將d野推黎推去，好影響公司形象，我覺得貴公司應該要正視，今餐真係好失望

較早前已經想試, 但始終都係太多人排隊喇...今次機緣巧合之下, 去碰一碰運氣!果然3點幾, 只見10多個人在等候, 拿了飛等叫號碼!我是2人枱既第一張飛 當然繼續等....大枱真係有排等了今次試藍莓蜜糖磚果然, 賣相精美...食慾大增一層層既麵包都佈滿糖漿...食左一半已經開始濟濟地! 可能太甜喇!我諗下次應該叫茶飲會好d, 可以消濟凍朱古力咖啡+凍黑糖牛奶珍珠上面有迷你版oreo餅+朱古力蛋卷*賣相都ok而黑糖果杯, 又吾會話太甜, 份量岩岩好!珍珠都有咬口, 吾會太淋。下次有機會會再試下其他食物, 例如熱食不過太多人等位, 都吾可以慢慢嘆或者傾下計 來也衝衝 去也衝衝, 或者平日少人d會好d吧!

這個茶木剛剛開的時候我已經來試過了， 當時叫的是酥炸雞排麵， 以及綜合水果茶。真的覺得超好味。 雞排好脆， 而且d面係台灣刀削麵。之後就同所有的朋友推薦尼間分店， 但是今日再來之後就後悔推薦給那麼多朋友了。今日我們兩個人來，很surprise竟然無排隊等位， 我們 點了一個雞排麵以及一個牛肉麵， 仲有一個綜合水果茶。雞排麵第一個上， d雞排同以前一樣， 好大件， 同埋幾好味。 但是麵就不是以前那種麵了， 唔知點解， d麵一舊舊， 唔係一舊舊果d就好碎， 真係好失望阿。 等了很長時間之後， 發現後來的兩張枱點的牛肉麵同水果茶都上左之後我們就追， 跟住終於上來一個牛肉麵， 但是水果茶都未來， 唯有再追。我都唔明， 餐廳又唔係好忙， 點解d野食要甘耐， 同埋點解其他枱後點的都來先過我地， 真系好嬲

茶木要等我聽聞過好耐, 所以次次都係行過就算~今之佢地再開分店係紅磡, 終於比我試到今次去食sunday lunch , 紅磡分店都要等, 太概等左20-30分鐘就有位坐低~原先因為得兩個人, 無諗住食佢個三層吐司, 但見到枱枱都食, 個樣實在太吸引朋友同我都好想知究竟呢幾塊多士有咩吸引力, 所以改變計劃, 兩個人只係叫左一碗面,一杯飲品,一碟小食同 一個"三層吐司"餐廳人多, 都幫我們落單的小姐都仍然非常有禮貌, 仲教我地食到一半才點吐司就差不多喇~吐司比預期中等得還要耐... 不過個吐司一黎到就開心返晒喇~~~三塊吐司非常香脆,但一點都不油膩. 細心將頭兩層吐司的中間部分切點, 可以一粒粒點住雪糕食,非常方便.又冷又熱又脆又軟的口感....強烈對比,一次過多感受晒, 非常有驚喜~ 

搬到紅磡後，到茶木很容易。黃埔花園地鋪很多我喜歡的食店，裝修光鮮靚麗又好吃，選擇多多，不會悶到我的黑洞級肚子（我像黑洞一樣見到食物就級進去，因為很喜歡吃！）黃埔美食廣場的茶木每晚都特別多人排隊，也是的，台灣美食不但比較大份，也講究外表包裝，做得又好吃，裝橫悠閒亮麗，當然紅得有道理。近來那個咖啡弄也是非常red hot的食店之一，跟茶木很像，又是台灣出品。這裡的晚餐套餐約58塊，我加了14塊要了水果茶。大大份，五顏六色的很漂亮，裡面更有兩大粒話梅，它們的微酸配合黃茶的輕微苦澀，加上天然果香，很涼快美好。有點失望：主食的三杯雞跟飯都做得挺差,飯是黏在一塊的，雞就是零碎的雞翅塊，量少，沒湯沒菜，很乾，雖然盛載的器皿跟湯匙很有特色，也彌補不了對主食的失望。那裡的蛋糕很漂亮，可是吃起來一般般啦。個人覺得dinner set很一般，還要加30塊才有茶跟甜點。水果茶也要用14塊upgrade。點麵食好像比較好吃也划算，而水果茶跟其他飲料看起來很不錯。那時候差不多每個人都吃那個有麵包層層疊的甜點，有雪糕加上奶油蜂蜜。下次必點。

叫左兩個lunch set 一個係牛肉麵麵質方面幾滑同有口感，少少煙韌! 牛肉炆得好入味，又夠腍😍湯都好濃味，幾好飲另一個係三杯雞+肉燥麵三杯雞不試也罷，得個咸字肉燥麵就幾好味. 跟餐所以較細碗之後再叫左雪糕多士啲多士已經切好哂一粒粒，好易食又脆，仲甜甜地😋 士多啤梨雪糕都好正，加上有cream，夏天食真係一流😆😥😰😥😰😥😰😥😰但惡夢就係翻到屋企之後，不斷飲水，好口渴。相信茶木落左唔少味精，食物雖然好味，但之後幾個鐘係咁飲水真係好辛苦！ 😠😡😠😡😠😡😠😡應該無下次了!!! 

06-06-2014今日同豬仔黎依度食，期待左好耐專登黎依度食果個厚多士其實間舖唔大，所以多人起上黎要等位我地等左大概十幾分鐘，服務員安排左我地坐二人位，睇睇餐牌，雖然我已經揀定左心水，但豬仔都未揀定，個餐牌有少少殘舊，唔知仲以為開左好多年點完餐，豬仔叫左個豬軟骨飯因為佢地忙，我地都好快睇完餐牌急急落單，所以大部份都唔記得睇價錢豬仔叫埋杯抹香奶茶，而我就叫左杯莓果沙冰，酸酸地，又夠冰涼，好正(╯з╰)之後到我既蜜糖磚塊出場見到勁開心，多士查左蜜糖黎烘就算唔沾雪糕食都好脆好好食唯獨係士多啤梨比較酸我以經專登唔食野，當食食個係午餐都食唔哂，要豬仔幫我手食少少( ´▽` )ﾉ食完有好大既滿足感個多士真係好脆好厚雪糕溶既速度其實比我預期慢佢應該雪得幾硬架，因為食到第二層都仲未好溶，個多士實在好好食下次要試埋其實味道先埋單$200.1唔知點解會有少數位( ´▽` )ﾉ豪子都計？(￣∇￣)汗顏下次一定會返黎再食埋另外果兩隻味

最近港鐵大陸女的短片在網上瘋傳，讓我不得不在熱潮下再嚐厚多士早於茶木初營業時試過多士盒，該時有兩款選擇，一款是名如其實多士盒，真的只是一個多士的盒，放了水果和雪糕入內，而另一款是內面的切粒多士有烤過，不再只是麵包，同樣配上水果雪糕和棉花糖這次來前者已取消，不要緊反正我感覺像白麵包配以雪糕這次點的多士盒進步了不少，外貌吸引，主菜台式食品也中規中距，加上餐廳宣傳攻勢強勁，地鐵燈箱不難看到茶木廳告，難怪人流明顯大幅增加唯一批評是等位時間過長了，讓人失去了等待的熱誠

這天本來沒諗住到這店食甜品，但之前在鄰近餐廳食完頗倒胃的一餐，胃部已發出抗議的聲音。行經茶木，先是被她的裝修吸引，走過去睇睇個menu，個胃即刻叫我行入去，為左佢唔好再抗議，我做左一個平時很抗拒的決定 ---- 等位!15分鐘的等位時間，當然睇下其他食客的選餐，見十檯中有六七檯都有點蜜糖磚，賣相亦很吸引，雖然覺得會有點「流」，但還是忍不住要點試試。結果兩個人share一個蜜糖磚，吃光了也不覺得too much~ 主要是因為cream 跟雪糕的比例洽到好處，要推介!生果茶很清新,很多新鮮生果,如果夏天飲更佳。

已經想試茶木的蜜糖磚好耐，今日終於有人得閒同我一齊去食由於係假期，下午四點幾都很多人在等位。但可能兩個人，不算等得太耐，只等了十五分鐘便有位。我地今次嘗試了藍莓味的蜜糖磚，由落單都上菜，等左差不多半個鐘。 面包烘得夠脆,面頭仲搽左蜜糖,但又唔覺得太甜。面包可以點cream同雪糕食,仲有藍莓醬,估唔到面包同雪糕係咁夾,但真係好肥，又雪糕又cream, 兩個人食一份都飽。我本身其實係一個好驚食太甜嘅人,但我都覺得依個蜜糖磚好食

之前下午食過ok, 今次試晚餐等左45 mins 到叫返食過好食的牛肉麵，來到，牛腩未夠淋，紅蘿蔔未夠入味同未夠淋，d面有部份未煮好，好硬...好明白既，人太多，廚房趕時間出貨，體諒既杯果茶，依舊好飲杯檸檬愛玉,mix得 over 左，好澀...終於叫左個士多啤梨蜜糖多士來試,好靚! 真係好吸引！一食落口... Um.... 原來我地係唔like個蜜糖多士的...覺得個味道麻麻, 一路食,覺得雪糕同個多士好唔夾...成個士多啤梨蜜糖多士既份量好大! 我地2個食極都食未完.... 鍾意食既朋友一定夠喉店長一路好用心咁對待客人，同時都好用心咁統領同事們，提醒大家要多笑容，感覺的確很台式既服務水平總括而言，我地唔會再排長龍去食

第一次食、等得唔太耐，太概20分鐘到，但一落單已經feel bad, 店員態度不佳、笑容欠奉、好似唔鍾意d客落單咁。由於我地想食左麵先食甜品，所以問左句'想請問而家落左單先可唔可以遲d先上架？' 然後店員用一副滿不在乎嘅表情望向另一邊完全冇尾音咁答'我地即叫即整'，唔講真係以為我欠咗佢。雖然我無預計喺呢種小店食service,但不致於要俾錢食妳個黑面呀妹妹：）（P.S 個waitress叫karris) 食物方面，牛肉麵麵質夠煙韌，牛肉夠腍但筋位欠嚼勁，湯底屬意料之內毫無驚喜，當然喺呢間主打靚靚厚吐司嘅小店我亦都冇期待佢嘅食物會有幾出色，相信大部分客人都係為咗同份吐司影張靚相最後個朱古力吐司等左45分鐘、同開頭店員話20分鐘有出入。吐司賣相的確一流，份量2個人食啱啱好，味道其實又真係冇乜特別，大家都深知係食佢個樣食物質素尚可,員工服務態度有待改善。P.S. 枱面放咗個'have a beautiful day'嘅stand用黎夾住張單，假如貴公司嘅前線員工未明白當中意義，我相信客人都好難have a beautiful day

最近黃埔開左茶木, 成日都好多人排隊, 今日.. 我地終於食到0刺!紅燒牛肉面, d牛肉超淋, 好好味! (唔知點解點轉D相UPLOAD完都係唔岩呢?)芒果乳酪, 如果芒果味再濃d就好了..炸雞排便當, 一塊雞排要$48, 而家一個便當$54, 感覺上抵d...草莓雪糕蜜糖磚塊, 個樣好吸引, 仲比想像中好食! 塊塊面包都好有蜜糖味... 等我下次試埋個朱古力味先...

諗住試下，所以㨂應該無咁多人既下午去試果然唔係好多人，一去就有位綜合果茶好fresh,好味!牛腩夠淋又入味，白同紅蘿蔔夠晒入味同又夠晒淋，nice!!見到個士多啤梨蜜糖多士，好吸引，不過今次太飽食唔落，下次先試