影片
更多
2014-03-08
1657 瀏覽
以前有個Openrice戶口, 太耐無用唔記得左個Password, 好啦咁從頭黎過啦...第一篇黎寫茶木以前同同學食過尖沙咀果間, 印象都非常唔錯, 裝修靚之餘又唔會趕人走而家係黃埔開左分店! 就係我屋企附近! 唔理咁多當然要去會一會佢!約埋朋友補完習黎食Dinner, 估唔到7點未到就已經要等位...好彩都唔係等左好耐, 10分鐘都仲係合理範圍嘅我地好好彩坐到卡位 梳化舒服啲張枱都得意啲黎叫嘢食啦 先黎嘅係凍Mocha飲落好滑, 有朱古力味唔會死甜, 但咖啡味唔夠而且面頭啲Cream太多然後係蔥油麵, 麵係粗身嘅, 口感都唔錯蔥同蝦米嘅香味好搶, 好味到停唔到口!個汁主要應該係醋, 我建議頂唔順醋果陣攻鼻嘅酸味嘅人就唔好落哂個汁啦之後個炸蝦同炆牛腩就一齊上左個炸蝦出面係一條條既薯仔, 所以好香口 入面嘅蝦膠都幾彈牙不過成五十蚊一碟, 抵唔抵就見仁見智啦炆牛腩入味, 牛肉又鬆化, 感覺呢個set就抵食啲最後係甜品! 蜜糖磚塊!次次去茶木都一定要食 同朋友介紹都係直接比蜜糖磚塊嘅相佢地睇無辦法就算唔係相機先食, 剩係見到個賣相都覺得好開心之前試過士多啤梨同芒果, 今次就黎食下朱古力呢個
第一篇黎寫茶木
以前同同學食過尖沙咀果間, 印象都非常唔錯, 裝修靚之餘又唔會趕人走
而家係黃埔開左分店! 就係我屋企附近! 唔理咁多當然要去會一會佢!
約埋朋友補完習黎食Dinner, 估唔到7點未到就已經要等位...
好彩都唔係等左好耐, 10分鐘都仲係合理範圍嘅
我地好好彩坐到卡位 梳化舒服啲張枱都得意啲
黎叫嘢食啦 先黎嘅係凍Mocha
飲落好滑, 有朱古力味唔會死甜, 但咖啡味唔夠
而且面頭啲Cream太多
然後係蔥油麵, 麵係粗身嘅, 口感都唔錯
蔥同蝦米嘅香味好搶, 好味到停唔到口!
個汁主要應該係醋, 我建議頂唔順醋果陣攻鼻嘅酸味嘅人就唔好落哂個汁啦
之後個炸蝦同炆牛腩就一齊上左
個炸蝦出面係一條條既薯仔, 所以好香口 入面嘅蝦膠都幾彈牙
不過成五十蚊一碟, 抵唔抵就見仁見智啦
炆牛腩入味, 牛肉又鬆化, 感覺呢個set就抵食啲
最後係甜品! 蜜糖磚塊!
次次去茶木都一定要食 同朋友介紹都係直接比蜜糖磚塊嘅相佢地睇
無辦法就算唔係相機先食, 剩係見到個賣相都覺得好開心
之前試過士多啤梨同芒果, 今次就黎食下朱古力
呢個賣相我覺得仲靚過餐牌影果個
麵包夠脆, 有少少蜜糖甜味
雖然朱古力雪糕感覺係街邊一邊貨色, 但加埋Cream同朱古力醬真係無得輸
當然你話係咪好食到要飛上天咁又唔係,
但幾個人分黎食下甜野吹下水影下相咁就夠哂啦
張貼
