茶園

營業中

休息中

其實食咗Tiffin嘅自助餐都有成10年，最鍾意食佢嘅原因係因為有即煎嘅厚切鵝肝，而且仲要係unlimited refill真心好食👍🏻見前見到Klook做promotion，買二送二，人均都唔使$500位，梗係即刻買啦⋯一去到即刻主攻鵝肝，但係望落個樣點解怪怪地同以前唔同咗嘅？食落口原來係變咗煎過嘅鵝肝醬，根本都唔係鵝肝😠之後問返餐廳經理，佢話原來因為貨源問題，上年年尾開始已經冇咗鵝肝，如果要食鵝肝嘅話只係得steak house有⋯與其因為價錢問題而取消鵝肝，咁我情願比返原價食返有質素嘅自助餐。每人有一隻龍蝦可以自行選擇口味，有凍食、香草同芝士焗，龍蝦大隻，另外抵讚嘅係龍蝦鉗已拆殼放返入蝦頭入面，食起上黎非常放便，但可惜龍蝦煮得太老，肉質較靭難咬🥲威靈頓牛柳保持到一如既往嘅水準，牛柳依然保持粉嫩的顔色，口感軟稔配上蘑菇醬及鴨肝醬嘅濃香，再加上香酥嘅酥皮，味道豐富而又層次海鮮方面生蠔好細隻，有海水味，蟹腳比較瘦削，比起以前退步不少⋯📍茶園 (灣仔)灣仔港灣道1號君悅酒店閣樓人均消費：$500食物：⭐️⭐️環境：⭐️⭐️⭐️⭐️回頭率：⭐️⭐️

今晚去咗君悅酒店既茶園食自助晚餐, 網上評價係極高分, 應該好穩陣, 茶園於酒店閣樓, 可以行左邊樓梯上酒店野食唔算好多, 不過質數都唔差, 試試冷盤先!每樣攞左小小, 先食生蠔, 有兩款(DeTatihan)比較重海水味. 另一款(Fine de Claire)甜啲Creamy啲, 啲蠔就太細隻, 螺肉爽甜不過有沙…青口、蝦同蟹腳普普通通,  再試下前菜, 煙燻三文魚厚切口感十足, 煎封吞拿魚酸酸地好醒胃, 之後試下威靈頓牛柳同香草羊架, 威靈頓牛柳冇散開, 酥皮仍然酥脆, 牛柳比較熟左啲,牛味都濃, 香草羊架好淋, 羊嘅羶味冇乜但羊肉味好濃, 法式焗田螺,炸魚, 扇貝都幾好, 自家製鵝肝醬必食。每位客人有一隻龍蝦, 有三款做法,  法式芝士白汁焗、香草焗及凍食既用湯煮, 一份半隻法式芝士白汁焗同半隻香草焗龍蝦, 龍蝦肉扎實好鮮味, 個龍蝦鉗都起埋肉比你。之後再試四款自家製雪糕, 熱情果加雲尼拿雪糕, 熱情果酸酸地冇乜特別, 雲尼拿普通, 青檸佛手柑雪葩加士多啤梨雪糕 , 雪葩唔錯, 士多啤梨都係好普通, 橙酒班戟有啲酒香味, 但個人唔太鍾意。有一點幾好, 食到9點3左右, 出面食物

如果你係high tea愛好者，或者搵緊個地方同朋友們好好傾偈，咁就可以考慮去grand Hyatt嘅Tiffin試下啦Tiffin嘅high tea最大特色係有任食嘅甜品Corner，必食嘅就係佢哋嘅可麗露同雪糕啦！可麗露係mini size，我都一個人食咗幾粒🤭好香濃嘅雲呢拿味，忍唔住食完再食雪糕就更加唔洗講，好多唔同特色口味，係熱天食啱曬🤭🤭層架上有多款精緻嘅小食、特色鹹點同埋甜點都好唔錯佢地茶品嘅品質都非常好嘗薈會員仲可以享有折扣優惠記得必須提前預訂

茶園自助餐食過大概已經四次，包括下午茶同埋自助晚餐都有試過( ´▽｀)除咗環境靚樓底高，食物亦都貴精唔貴多，所以一直都有捧場～親朋好友生日唔想食太貴，基本上嚟呢度實冇死😂不過最近嗰次食，發現鵝肝多士換咗第二隻鵝肝，口感都OK，但相比起上一隻真係差好遠，之前嗰隻鵝肝係煎到好香，外層薄脆，一咬開好creamy。但今次食果隻就算係啱啱煎起，都無咗薄脆嘅外層，口感比較鞋，好在都仲係夠香。而其他食物嘅食材都仲keep得好好👍🏻

那麼多的酒店餐廳提供下午茶，究竟怎樣才能突圍而出，令人印象深刻呢？茶園這個半自助下午茶的亮點絕對是她的自助bar的pancake和雪糕，因為都是餐廳做的，而其他地方找不到😂，而且味道真的很好！我吃了六種味道的雪糕，有開心果味、朱古力味、椰子味等，非常值得一試！話說回來，另一個特別之處就是：我們坐低了後，還沒有正式下單，侍應便給了我們一份鵝肝車厘子撻😂！相比起下午茶的甜點和鹹點，這個撻也是比較好吃的，因為我覺得甜點偏點，鹹點普通，scones 最好味。如果這下午茶餐的價錢，整體來說不過不失啦。

[ #caloriefoodie灣仔 ]• 茶 園 𝚃 𝚒 𝚏 𝚏 𝚒 𝚗 •🐿-𝙶𝚛𝚊𝚗𝚍 𝙷𝚢𝚊𝚝𝚝君悅酒店閣樓茶園嘅晚市自助餐🍽️環境氣氛頗有情調 燈光暗暗 亦有琴師即場演奏枱與枱之間嘅距離十分充足 成個感覺上都頗優雅🥰-🍽️ 晚市自助餐👩🏻🧑🏻成人 : 星期一至四💰$788 ; 星期五至日💰$838👧🏻👦🏻小童 : 星期一至四💰$394 ; 星期五至日💰$419-👩🏻‍🍳食物嘅款式種類雖然唔算特別多 但質素水準都幾唔錯!!擺放區域分為冷盤、沙律、熟食、排類、甜品等等🌟值得一提嘅有威靈頓牛柳、寶雲酥羊架、鵝肝多士、龍蝦湯另外仲有多款自家製口味雪糕 比較特別嘅口味係芒果糯米飯🥭生蠔🦪預先開定 放喺冷盤位置 唔需要排隊 但整體蠔size偏細而且無提供刺身、壽司等選擇 呢個位有小小失望🥹-每位食客包一份龍蝦 可以揀冷盤、香草牛油、芝士比較推薦香草牛油口味 聞落已經好香 肉質爽口彈牙另外仲包一杯飲品 卡里揀咗凍檸茶🍋茶底似係伯爵茶底 另提供糖漿、檸檬汁 可以自己調配-⚠️卡里係5月份嘅時候去 唔知道餐廳食物供應上有無調整如果有某種食物特別想食 建議可以查一查或打電話問問喔~-📍 灣仔港灣道1號

生日飯要食自助餐，好似係我哋家族傳統。全部家庭成員，生日都會食自助餐。今次試一試Tiffin😋由6:00食到10:00，時間都算長，不過我哋戰鬥力冇咁強勁，8:30左右已經捧住個肚，行唔郁。 冷盤海鮮比較少，有兩款生蠔，長腳蟹、青口、螺、蝦。冷盤海鮮一般，長腳蟹同手指差唔多粗，有點失望。更加冇刺身，好少食到自助餐竟然冇刺身。🤔熱盤好味既，最出名威靈頓牛扒，香草羊架，鵝肝醬夾麵包，三樣都好好味。熱盤都算多種類。大人小朋友都有一客龍蝦，可選凍食，芝士焗同香草煮。龍蝦係新鮮嘅，肉質彈牙，不過食完龍蝦，大獲啦，飽左9成。😥水果有四種，橙，菠蘿，西瓜和奇異果。甜品有多種酒店自家製雪糕，味道普通。有waffles 同pancakes, 不過我太飽，無試到。生日仲可以送上小蛋糕，有哂蠟燭，都幾有氣氛。不過我預先唔知，無預早訂，無得食。另外一提有鋼琴現場彈奏，都幾好聽，間唔中又彈生日歌。環境都舒服，枱與枱之間都唔密集。總括，坐得舒服，不過自助餐，總想多不同選擇，如果呢個價錢…..我未必會再試啦🤪

碰啱朋友明天生日，相約大食一餐。之前在另一個post形容過某些酒店的自助餐接近頂級水準，而今天就去了一間我認為已是頂級之一的餐廳吃了一個lunch buffet. 灣仔君悅酒店的buffet我一向都認為是城中頂級之一，但我覺得上Tiffin食更有意境，因為這裡全場則靠超大型落地玻璃，日光映照木色為主的裝潢很溫暖，現場有樂手演奏悅耳音樂，令整個午餐的氣氛特別輕鬆。食物質素無庸至疑。除了自助餐食物之外，每一位都包含了一份蛋麵包及一隻(兩邊)龍蝦。價位當然也是頂級，但在這裡與家人和好友渡過，物有所值。

今次同我認識左廿多年既好朋友慶祝，就揀左嚟茶園。這裡的buffet係以法式為主，唔似一般大路既buffet，所以係無日式刺身，也沒有那些粉麵檔，食物貴精不貴多，但真心係好食既，服務員細心有禮。因為好朋友鍾意食生蠔同龍蝦，所以呢度好啱佢，佢都食咗好多生蠔😋😋另外龍蝦係每人有一隻，可以揀凍食、芝士牛油焗、香草祕製，而我哋就揀了後兩款🥰🥰。而家介紹一下仲有咩食物，凍盤有青口、螺、蟹腳、扇貝、蝦，個人認為，樣樣海鮮都有質素的👍👍另外，有我至愛既威靈頓牛柳、法國田螺、白露筍、鵝肝醬搽多士、鵝肝多士。。。呢啲都好好味，其實仲有好多野食，不能盡錄（我只係介紹左三分之一），見佢啲熱盤同羊架都煮得好靚。仲有甜品，啲cake好靚😍😍餐廳好好，我訂位時已說明有朋友生日，想安排一件蛋糕慶祝，佢都安排得好好，而且係免費架👍👍（因為掛住食，所以影左好少相😅）好開心，我哋都好舒服咁享受左3個幾鐘😁😁

早前食新年主題既半自助式afternoon tea🫖出面有自助Bar可以點即點即制嘅waffle,crepe仲有自家製雪糕🍨, 生果🍊, macaronTea Set太豐富 見檯檯都要外賣盒拎走少少😂仲有live music聽🎶氣氛好relax👍🏻Tea Set 賣相同環境都好靚✨✨好有新年氣氛既甜點😆帶埋隻免仔🐰去影相原來泡芙係五糧液香梨忌廉紅棗泡芙😮甜點都算幾甜下🙈 適合鐘意食甜既朋友鹹點都幾好味😋scone仲有自家製栗子忌廉雪糕🍧都有好多味選擇試左鹹蛋肉鬆味雪糕 有趣😂

朋友請食生日飯，揀咗呢間食afternoon tea。由會展站出閘，完全唔使日曬雨淋就可以去到，超方便。👍🏻👍🏻👍🏻禮拜六日好多人，平日唔算多人，不過好彩都可以book到位，仲可以坐窗口位打卡。👍🏻👍🏻👍🏻現場仲有人彈鋼琴，感覺超relax～三層afternoon T都算唔錯，下層嘅鬆餅配三本醬，紅色嘅每張酸酸，另外嗰兩款就還好。其他嘅鹹點同甜點都不過不失，個樣係幾靚唔錯嘅打卡一流。最意想不到嘅係有鵝肝撻，個樣好普通估唔到咁好食😋😋😋(杯茶後面嗰兩個)呢度嘅afternoon tea set，最正係可以任食雪糕、macaron、waffles 、水果同法式薄餅😍😍雪糕有好多隻味，開心果味係必食😍 macaron都有好多隻味，粒粒都漲卜卜，勁靚仔～～❤️❤️不過俾我唔小心夾爆左🤣🤣黃色檸檬味同紅色雜莓味都勁好食～由於係朋友請嘅唔知幾錢，但真係值得一試。

第3次食茶園外賣afternoon tea 黑色盒包裝好精美🫶🏻一盒3層 🧁一層甜品 🥪一層鹹點 🍵一層係Scones同茶包今次鹹甜點都好味道😋特別喜歡🥢香蔥龍蝦三文治,檸檬蛋黃醬 迷你三文治中有滿滿龍蝦肉😋個醬味道又好清新🥢油封鴨肉甜豆撻鴨肉+甜豆蓉味道好夾👍🏻甜豆蓉好smooth🥢煙三文魚忌廉芝士青瓜三文治我本身都好鍾意食煙三文魚配搭埋青瓜好味道而Scones有兩款味道原味同朱古力🍫Scones質地好鬆軟 喜歡朱古力味道 有小小朱古力粒搽小小cream cheese一齊食仲豐富❗️甜點賣相非常吸晴 味道都好好 唔係得個樣🫶🏻特別喜歡🥢開心果泡芙🥢紅莓撻 酸酸甜甜🫶🏻一個賣相同味道都令人滿足下午茶點❤️

佛誕長假期，一天到了君悅酒店的茶園食自助餐，享受了一頓高貴的午餐。餐廳環境優美廣大，我們坐的是梳化，甚為舒適。有琴師即場彈奏，增添優雅的氛圍，環境實在找不到可挑剔的地方！取餐區不算大，分得明顯細緻，由頭盤到主菜到小食到甜品，擺盤均吸睛得很。雖然今期主打法國美食，不過亦有英式、印度等不同食物，選擇已算不少；而且每樣食物應熱則熱、應凍則凍，不會堆砌太多出來擺著，足証補充得夠密夠快。因為碟子太精緻的關係，一次不能拿太多。小人前後拿了數碟，凍海鮮當中必吃的是螺，肉質勁鮮甜！燒牛扒及羊架之間，小人較喜愛羊扒。法式代表酒店的自制肝醬豐腴濃郁，還有法式茄汁煎雞及煎石班都不錯呢！印度咖喱雞趁著不論是軟的或是脆的薄餅都和味！英式炸魚薯條也不差，他他醬加鮮檸汁是無敵的組合！甜品方面，橙酒薄餅是即場製作的，橙香滿溢。檸檬雪芭及鮮見的芒果糯米飯雪糕，一酸一甜，清新又醒胃！就連餐飲的凍檸茶也有薄荷葉，更另備檸檬汁及糖水！是一次豪華版的自助餐！

之前幾年五月法國美食節一直沒時間去， 今晚終於可以去了， 很滿足， 食物水準高， 重質不重量，法國生蠔雖然細但新鮮， 有我最喜歡的法國田螺， 上湯煮白露筍十分清甜， 有 君悦自己製作的雪糕， 還有我很喜歡的 橙酒班戟， 超夠酒味， 這個自助餐好多款熱暈也十分好吃， 喜歡法國美食的不能錯過啊！

比較失望既一次Buffet第一次去茶園Tiffin食自助餐，一步入去餐廳入面，第一個感覺係覺得好靚好Chill，放眼維港，座位闊落，食飯途中有Live band，好有傳統酒店既80/90年代格調。食客除左情侶外，有不少家庭客。冷盤方面，生蠔係出色既，鮮甜美味，另有蜆，蟹，煙三文魚柳等，不過不失。巴馬火腿無晒都唔見有refill, 我都無特別等，一直都無食到。湯方面，龍蝦湯酒味濃，亦有Creamy口感，不愧酒店出品。熱盤方面，少得可憐，味道同種類上都無咩特別，唔似其他酒店咁熱盤咁多，有多種東南亞風味食物。另外按人頭送左隻焗龍蝦，可惜肉質梅梅地，唔似係新鮮貨，食左少少就無食至於甜品係出色既，有蘋果批，Pancake等，甜而不膩，食再多都無覺得滯。雖然食物係水準之上，可惜食物種類太少，滿足唔到一般人對食Buffet既期望，例如無刺身，無壽司，無東南亞風味食物，無咩癮。埋單價錢都約貴下，後來我先知道原來同一酒店有另一間多野食好多既自助餐廳，價錢仲要差不多。所以大食既朋友不要Book呢間，想Chill想享受環境既反而可Book呢間。