良友冰室

營業中

休息中

今日去深水埗搵朋友，便隨意同朋友搵間茶餐廳食晚飯，經過見到呢間餐廳環境乾淨舒服，店舖光鮮。而且晚市時段供應好多不同小菜款式選擇，仲有包埋白飯、中湯及飲品，幾抵食！隨餐嘅中湯係青紅蘿蔔豬骨湯，我叫咗一個蠔仔菜圃煎蛋小菜，份量都幾多下，好厚身好足料，蛋香味濃、蠔仔肉大大粒，餸飯一流。朋友話想食炒公仔麵，叫咗碟XO醬雞扒炒公仔麵，雞扒份量多、公仔麵麵質彈牙，炒得夠乾身有鑊氣！另外、點左個小食蜜椒雞中翼，外皮香脆，味道甜甜地、好惹味。呢間冰室食物份量大，味道方面也不錯，幾抵食！

🙋🏻‍♂️餓底探員今日睇完戲路過深水埗呢間冰室，見有好多街坊喺入面用餐，就決定入去調查，餐廳除咗有炒粉麵，碟頭飯，小菜，竟然仲有酸菜魚，麻辣雞煲，胡椒豬肚雞煲，但餓底我太耐無食過家常小菜，今次先調查佢嘅小菜先，有機會下次再調查埋其他🐖🐟🍲豆腐雙腩煲 $78📸表示個雙腩煲份量唔少，入面有豆腐，雙腩就有火腩同斑腩，仲加咗薑蔥同蒜，平時去茶記都係食豆腐火腩煲或者豆腐斑腩煲，呢個豆腐雙腩煲一次過食齊火腩同斑腩，好滿足🙋🏻‍♂️表示個火腩食落軟腍，火腩皮吸收晒啲醬汁，食落好入味，食得出原先層皮應該係好脆嘅，斑腩炸到金黃色，外脆內軟，豆腐口感嫩滑，呢個煲價錢親民，食物高質，性價比好高🦐🥚蝦仁韭黃炒滑蛋 $75📸表示個蝦仁炒蛋好大碟，蝦仁夠大隻，加咗韭菜同蔥花一齊炒，簡簡單單但好有家常小菜嘅風味🙋🏻‍♂️表示個炒蛋夠嫩滑，好有蛋香，蝦仁食落鮮甜，口感彈牙，韭菜同蔥花提升咗炒蛋嘅味道，好適合用嚟餸飯🦑蒜香椒鹽魷魚鬚 $45📸表示個椒鹽魷魚鬚炸到金黃色，底下用啲炸粉𢇃墊住🙋🏻‍♂️表示個魷魚鬚炸得好酥脆，食落彈牙好有咬口，配上炸蒜同椒鹽令到個魷魚鬚味道更加突出⚠️小菜套餐包白飯同例湯，一坐低店員就遞上熱焫焫嘅例湯

去完旅行返黎，想食返啲地道嘅大牌檔feel野食。男朋友建議不如食冰室啦，企理過大排檔，野食又一樣夠惹味。呢間冰室嘅staff都好親切，會同食客吹下水。一坐低就會即刻拎2碗例湯出黎，比你飲住揀食咩。#沙嗲金菇肥牛煲特別鍾意嗌煲類嘅嘢食，鍾意佢上枱一定係熱辣辣，夠晒火喉。沙嗲有幾香嘅花生醬味，所有配料都索滿香濃嘅沙嗲汁，送飯一流。#啫啫滑雞煲雞件肉質好滑，肉嘅份量都唔少，唔會全部都係洋蔥浪底，食吓食吓真係會不知不覺咁爬晒成碗飯。#凍檸茶去咗旅行咁多日，好掛住凍檸茶，梗係叫返杯飲吓啦。

深水埗高性價比小炒冰室良友冰室📍深水埗醫局街198號嘉裕居地下1及2號舖➰好歌推介「兒童有著兒童畏懼，成人都有成人唏噓，年年適應年年老去，而智慧是沈著面對」#我們都是這樣長大的 #鄭秀文➰終於到左唔洗帶口罩，可以自由呼吸新鮮空氣嘅日子，特登陪朋友嚟深水埗買完電腦用品，就搵左間餐廳試下平時比較少食嘅鑊氣小炒。餐廳裝修光猛，環境尚算寬敞，係一間新式嘅冰室，牆上仲有d舊時香港歷史嘅照片，頗有新舊時空交錯嘅味道，好適合深水埗嘅熱鬧景象，別有一番風味。✥主菜𖥕啫啫雞煲 💲80 ⭐️4/5⭐️上枱熱辣辣仲冒住煙嘅啫啫雞煲，一睇就知鑊氣十足，乾蔥洋蔥等配料散發住陣陣香氣，雞煲非常入味，而且份量好豐富，雞件食極都有，性價比好高，惹味之選。𖥕椒絲腐乳炒通菜 💲78 ⭐️3.8/5⭐️朋友表示想食下菜，而通菜份量非常慷慨，兩個人食都足夠有餘，味道亦吸收到椒絲腐乳汁，亦都好滋味。✥飲品𖥕紅豆冰 💲24⭐️4/5⭐️紅豆冰可謂兒時最愛之一，突然間係冰室見到都想懷念一番，係記憶中嘅味道，香甜可口，唔錯。𖥕雜果冰 💲13 ⭐️3.9/5⭐️朋友就揀左雜果冰，味道正常發揮，不過不失。➰總結餐廳主打街坊生意，睇得出侍應同客人之間嘅

新為深水埗街坊兼無飯家庭, 好依靠附近嘅茶餐廳解決平日的一日三餐, 今次就嚟到豐匯附近的良友冰室諗住簡單解決晚餐.因為都差不多九點, 本身諗住求其食啲嘢, 但見到佢個晚市廚師推介, 咁我同屋企人就入去入到去不算太多人, 可能都差不多九點, 而且是位於橫街的良友冰室, 你食嘅都睇得出是附近街坊 我哋就叫咗幾個晚市小菜, 就附送例湯白飯, 例湯講真就真係好一般, 味精比較重, 所以對之後嘅小炒其實都冇抱好大期望...先呢個椒鹽豆腐, 上桌時熱辣辣, 陣陣的椒鹽香味, 一咬落去外脆內嫩滑, 和平時喺深水埗大排檔嘅水準有得Fight!!! 另外我哋叫了這個小食, 蜜椒雞中翼, 這個我真係食唔停口, 香辣之中帶點老抽的鹹香味, 再加上在口中慢慢溶化開來的蜜糖味道, 這個蜜椒雞中翼驚喜萬分, 十分惹味! 總之我叫過分量大嘅嚟食啦~ 至於這個蝦仁韭黃炒滑蛋, 蝦仁大大隻爽口彈牙, 配上六七成熟, 像是流心蛋一樣的滑溜炒蛋, 令我胃口大開, 是送飯的好菜色呢~最後這個黑椒豬手煲上桌時有點被嚇到, 因為好大煲!!! 加上剛剛煮好的豬手煲香氣四溢, 就算已經食到六七成飽, 見到都仲流口水~ 而且見到肉質都

茶記篇～啫啫雞煲 $80好惹味～ 雞件大細適中，腌到好入味！肉質幾滑下，加咗豬肚，所以食落特別香～另外見佢仲有個麻辣雞煲，下次試試😛沙嗲金菇肥牛煲 $80份量好多，好大方咁比咗超多肥牛！配料仲有金菇、粉絲、洋蔥、青紅椒、菠蘿加咗菠蘿味道再提升，甜甜地咁，但又帶點菠蘿香氣～幾清新👍🏻以上2個小茶都配湯同白飯另外仲叫咗個小食蒜香椒鹽魷魚酥 $45炸得好脆，蒜味好濃，惹味！ 良友冰室 (深水埗)深水埗醫局街198號嘉裕居地下1及2號舖

同朋友叫左兩個晚市一人套餐，包埋一個餸、例湯及飲品，加多個餸都係200幾蚊🤑，份量又足，真係值👍🏾👍🏾・　啫啫滑雞煲晚市套餐🥘 ($78)天氣凍叫左個好惹味嘅啫啫雞煲🤤送到嚟仲會滋滋聲熱辣辣🔥啲雞唔單止夠滑，而且腌到入曬味😳，食得出好香嘅豬膶味、蠔油味、花椒八角味🙊🙊，佢用蔥薑蒜🧄爆香，仲有用洋蔥🧅豬大腸一齊煮🤩，令到成個煲又香又惹味💯份量都唔少，雞多之餘，每一舊都好大舊，真係足料又好味😋・　魚香茄子煲晚市套餐🍆 ($75)好耐冇食魚香茄子啦，佢嗰種鹹香真係令人回味🤤🤤茄子炒得啱啱好🍆唔會太軟，肉碎調味好足，真心惹味🥰食得出好香鹹魚味，爆香蒜頭、大葱、薑粒，令成個煲更加美味，好好餸飯🫶🏻🫶🏻！雖然睇上去唔係又大煲，但都真係差啲食唔曬🤫🤫，因為佢份量好足，食極都仲有茄子🤩🤩・　芥蘭炒臘味🤤 ($78)真係冇得彈😳😳，大碟又好食！臘味種類又夠多🫣，例如: 臘肉、臘腸、潤腸，臘味甜咸度比較平均💕，所以唔會太重味。咬入臘味時，有少少油份溢出，超級香日，配上芥蘭，冇得頂👍🏾👍🏾芥蘭有老有嫩，完全冇苦味✨，不錯不錯🤩🤩🤩・　環境🏡店舖光猛，環境舒服乾淨😍啲枱凳有唔同顏色，幾靚🥰仲有部大電視比食客睇

🚸家的感覺港式小菜人越大越中意傳統美食，而且呢度有種家常飯既親切感😳。🥢西檸雞：雞件炸完仲咁滑，最緊要係西檸汁🍋，加左吉士粉既汁特別香滑！完全係港式煮法，馬上勾起以前上家政堂，學煮西檸雞既蝦碌片段😆。🥢枝竹豆腐火腩煲：冬天特別想食煲，炆過既豬腩皮好彈，仲有豬油🐽香，豆腐同枝竹都好入味，好送飯👍🏻🥢瑤柱粟米🌽羹：有瑤柱既，果然平民價而不失禮。🍹雜果賓治、紅豆沙：好大杯，為晚餐畫上完美句號😌味道：🔅🔅🔅新鮮：🔅🔅🔅分量：🔅🔅🔅🔅衛生：🔅🔅🔅速度：🔅🔅🔅🔅（5🔅為滿分）

深水埗食嘢出名平，今日又發掘到一間正嘢😱見到個價錢牌，真係幾抵。我同老公叫左2個午餐，2杯特飲+去菜餐廳必食嘅雞髀薯條同多士🤤銀芽肉絲炒麵：我老公真係好鐘意呢個，佢話面底炸得好香脆，肉絲汁又夠多夠香👍🏻XO醬肥牛炆伊麵：我好少係茶餐廳見到有伊麵，因為唔係咁易煮得好食❤️呢間唔錯，XO醬好夠咸香，炆伊麵煮得夠乾身，易夾起👍🏻抵讚 紅豆冰同雜果冰：😂多豆，紅豆煮得夠淋👍🏻我鐘意 。雜果冰保持到水準，食完咸嘅主食，飲返啖甜嘅！正🤩鮮油多：好邪惡😂因為牛油夠滑，多士夠脆。真係肥3磅都抵 瑞士汁雞髀+薯條：呢個都抵讚，瑞士汁好入味，加埋即炸薯條🤩太正埋單都係$150 左右！食到咁多嘢！真心抵👍🏻

平時來開深水埗搵食，收工都想食返個便靚正住家飯套餐，可以試下良友冰室。晚飯時段有二人套餐，都有好多唔同菜式選擇，由主食，小菜，加湯同白飯，仲有野飲，都係$168，仲送多碟小食，真划算。我們點了秘制沙薑雞，良友小炒王，雞翅作小食（免費）粟米瑤柱羹，另外再試埋脆皮bb 乳鴿。秘制沙薑雞份量都不俗，味道夠入味，bb乳鴿就夠香脆，重點講下個良友小炒王，真的炒得出火候，好好食送飯一流，下次想食住家飯可以來良友冰室。

今日介紹一間良友冰室位於深水埗醫局街198號嘉裕居地下1及2號舖，店鋪懷舊港式裝修，座位相當闊落，一Ｄ都唔逼，Ｄ姐姐非常健談，門口仲有位可以泊車，相當唔錯。乾炒牛河（HKD 53）乾炒牛河十分出色，有小時候的味道，牛肉嫩滑，份量十足，超有鍋氣又唔會好多油，好乾身，超級好食。西炒飯（HKD 53）阿女話有番茄炒雞蛋味道，她超級中意，大大碟，飯炒得好香，又有鍋氣，一個人根本食唔曬，大件夾抵食。焗咖喱牛腩飯（HKD 54）咖喱香濃，牛腩玟得好淋，配上一個超級有鍋氣蛋炒飯，熱辣辣香噴噴，又大大份，我老公都食唔曬。套餐+8蚊有特飲，+3蚊轉凍飲買單時候2:30，聽到Ｄ人話下午茶40蚊一個餐，外賣9折，我又順手叫多左一個揚州炒飯連罐裝可樂都只要系40蚊。

良友冰室 深水埗醫局街198號嘉裕居地下1及2號舖Friendly Cafe. 街坊茶記 揸車朋友仔會好方便門口有成條街嘅泊車位 非單黃 非雙黃喺車多街窄既地方搵野食 坐咗大約一粒鐘 眼見大部份都係街坊有啲係的士師傅 方便睇車小菜有套餐系列 包飲品例湯一碗白飯密椒牛柳薯仔粒——炸得金黃香脆既角狀薯仔 與蜜糖同行 青椒 洋蔥湊熱鬧 gathering西蘭花炒蝦球——西蘭花 🥦營養價值幾高 蝦球大隻彈牙炒得唔算太油 飲埋湯配埋一碗白飯夠晒飽

天氣凍凍地，想食雞煲，個日晌SSP買完手機配件，就去咗間茶記食飯。雞煲熱辣惹味，跟湯、飯、飲品，好飽肚～🔸川味麻辣雞煲（$83/例牌)好熱辣辣，雞夠肥多肉、又有彈性，而醬料惹味，香花椒八角味，唔會好辣。🔸羅漢齋豆腐煲（$75）有豆腐、木耳、芽菜、紅蘿蔔等，豆腐都幾滑又大件，清清地，夠健康。🔸脆皮BB乳鴿（$38）乳鴿皮炸得脆口，又夠香，配椒鹽食 送酒就岩哂。❇️跟餐附送湯、白飯、飲品。都幾抵食！

#fafafoodblog茶餐廳 #fafafoodblog深水埗🍴二人餐 168 蚊 1.霸王雞薑葱味好入味既霸王雞 雞肉彈牙 帶 d辣椒 辣得黎幾惹味 撈飯正🐥2.小菜點左密蜜椒金薯牛柳粒 🥔密椒味好香濃 薯仔外脆內軟夠入味 牛肉切成似片狀 肉味夠香濃 🐂食落甜甜地 好入味3.粟米瑤柱羹 有驚喜 2 人餐 個羹一 d都唔 hea粟米同蛋絲好足料 仲有瑤柱夠哂香咸入味 而且熱辣辣 好正🌽白飯及冰熱飲品兩杯4.送小食雞翼雞翼帶 d孜然香 整得好夠香脆。🐥好正小食5. 乳鴿38 蚊好抵食既乳鴿 咸度適中 外皮香脆 鴿肉夠厚實 唔洗點野齋食都唔錯#中菜 #茶餐廳 #薯仔 #牛柳粒 #粟米 #瑤柱 #霸王雞 #乳鴿Score 平均分 <7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#良友冰室 深水埗醫局街 198 號地下1 and 2 號鋪~~~~~~~~~~~~#fafafoodbl

平時都好鍾意食茶餐廳😆最近去咗位於深水埗嘅良友冰室🌟餐廳食物選擇超多🤩多款炒粉麵、中式飯、炒飯、XO醬炒公仔麵、港式咖喱飯、小炒、雞煲、牛腩煲、排骨煲等等😍多到唔知揀咩好😛最後試咗2人晚市雞皇套餐,都只係$168🤩好抵食👍🏻🌟2人晚市雞皇套餐🌟🟠 霸王或沙薑雞(例)🟢 精選小菜一款🟣 是日例湯或粟米瑤柱羹🟤 白飯及冷/熱飲品2杯🔴 贈送小吃一碟雞方面揀咗霸王雞🐔霸王雞亦都即係蔥油雞,好香豉油味同蔥油味,唔會好醎👍🏻雞肉嫩滑,送飯食一流👏🏻精選小菜選擇好多🤩我揀咗西蘭花炒鮮魷🥦🦑炒得好有鑊氣,西蘭花同鮮魷都好入味🥰鮮魷口感彈牙🦑贈送嘅小吃係煎雞翼🍗雞翼香脆可口😋另外仲叫咗脆皮BB乳鴿😛都只係$38一隻🤩乳鴿外脆內嫩好Juicy💦啖啖肉😋