船渦

營業中

休息中

已經第二次食喇，今次係聖誕節lunch 去食，衣度係一個人來食都唔怕孤單的蒸海鮮，佢有獨立間隔，同埋平時覺得蒸海鮮要多人先食得多種類嘢，衣度一set一set 叫，入面有硯、蟹、魚、蝦、牛，一個人都可以食到好多種類嘅食物，同埋都好新鮮。佢枱面有教你每樣嘢蒸幾耐同計時器，原全唔怕過時同唔熟。今次食八府巡按套餐，300幾蚊，真係好飽，有蜆、鮑魚、蟶子、大蚌、蝦、龍蝦同蟹、仲有魚，真係包羅萬有。除左海鮮仲可以揀兩款肉，我揀左牛肉同雞肉，仲有3粒手工燒賣，其實未食晒先啲都飽。仲有一個小小蔬菜籃，最後你可以揀粥底，烏冬/米粉⋯真係飽到上心口最後仲有雪條一枝做甜品，一餐好圓滿嘅聖誕餐。好值得再食

一個人都可以食蒸氣火鍋？最近天氣變得越嚟越凍就梗係食火鍋嘅好季節啦😆一個人食火鍋其實都冇咩問題啊，銅鑼灣呢間火鍋店就能夠比一個人輕輕鬆鬆食火鍋坐位同坐位之間用左竹簾分隔，有足夠私隱度-這裡下單是用手機掃瞄QR Code下單，桌子上清楚註明每款食物的蒸煮時間，如有任何問題店員亦都好樂意幫助今次我就叫咗一個HK$358八府巡按套餐套餐可以選擇粥底火鍋、各種米線粉麵（可以選擇魚湯或麻辣湯）如選擇粥底的話店員會先將南瓜及芋頭先放入鍋內_要呢個套餐嘅原因其中一樣係因為有超級多款嘅海鮮🦞鍾意食海鮮嘅朋友仔一定唔可以錯過包括有龍蝦、蟹、白蜆、貴妃蚌、黃金蚌、蝦、鮮魚片、聖子皇、鮑魚、帶子海鮮十分鮮甜，特別推介龍蝦和蟹，兩款海鮮都非常多膏，龍蝦肉質彈牙（留意較便宜的套餐是沒有龍蝦的）_食完海鮮就梗係要食返啲肉啦，可以從三款肉類中（安格斯牛肉、滑雞、豚肉片）選取兩款今次就揀左安格斯牛肉及豚肉片😍牛肉嘅肉味幾濃，肉質亦都唔錯😃 三色點心分別是牛肉、豬肉及魚肉，三款燒賣非常特別，平時好少喺火鍋店能夠食到😉大家嚟到一定要試吓_食到最後仲有蔬菜盆，加上一開始吸收晒海鮮精華嘅粥底，一個人食到超級飽😋店員最後仲送上

已經是第三次幫襯這間餐廳，終於有時間將這篇文章寫成。餐廳名叫，船渦，位於銅鑼灣崇光百貨附近，主打海鮮蒸鍋。餐廳裝潢以古時船為主，讓你恍如置身船中的感覺。當晚是boxing day，提供了三個套餐，我選了其中一個，八府巡樓，358元，有多種不同海鮮，包括龍蝦，蟹，蝦，元貝，黃金蚌，鮑魚，鮮魚片，聖子皇，燒賣，牛肉，豚肉，及蔬菜旁邊等等，材料十分新鮮。每人一個蒸鍋，位置之間隔開，即使自己一個人來食，也不會尷尬。食完海鮮，當然不會太飽，這時候你可以選擇食麵，或者食粥，個人建議食粥，因為可以善用海鮮湯，待應會為你加上蕃薯等等，十分滋味，飽肚，很滿足，十分適合情侶。船渦 (銅鑼灣)人均消費400元銅鑼灣謝斐道500號維安商業大廈3樓本人以簡單的飲食隨筆為主，有興趣請follow我~緣食魔宮。

食大餐，平時好少食海鮮蒸鍋。依間店特別在一人一個蒸鍋🥘。而且有簾，會因應你既人數而放簾，同其他食客阻隔。所以，就算一人食，都會覺得太尷尬😃。餐牌上簡單易明，有唔同套餐，主要分別在於海鮮種類。另外，如果唔夠食，可以加其他野食。👨‍🍳👩‍🍳食物質素：八府巡按套餐比前一級套餐，會有🦞龍蝦，聖子皇。可選粥底同麵底🍜。用電話📱點餐一陣，食物好快就已經到。店員會教你點樣用個爐，而爐邊有寫到各海鮮蒸煮既時間📟，只要跟返相應時間就可以了。🦞龍蝦，唔老，新鮮，仲有少量膏。聖子皇事前店鋪已經整得好乾淨，冇沙，啖啖肉。🦀蟹一樣有膏，有工具比你剝蟹🦀食。🐚貝殼類有元貝，白硯，都係冇沙，新鮮👍。肉類🐽豚肉，🐂安格斯牛肉，🐔雞腿肉（跟餐可3選2）豚肉同牛肉都好快蒸熟，每種分量約有3塊。記得唔好蒸得太熟。點心，蔬菜🥬幾有趣，將燒賣元素加入去。其實裏面係豚肉，牛肉，蝦滑。每種都有特式，我最愛係豚肉，肉味重。蔬菜類，唔少得。每種都有少少，有菇，生菜🥬，粟米🌽，南瓜。。感覺幾健康💪。最後，重頭戲。。。粥底店員會落粥底，等滾起，就可以食。我自己會加少少蔥，不但有剛剛蒸海鮮既海鮮味，而且會更香。

第一次食海鮮蒸鍋竟然係食一人鍋, 朋友推介呢間一人蒸鍋, 話性價比高, 終於搵到機會嚟食😀鋪頭都幾大, 除左大枱仲有好多吧枱位, 自己黎食都冇問題👌🏻我嗌咗八府巡按嘅套餐, 有八種精選海鮮, 分別係蟹, 黃金蚌, 蝦, 魚片, 白蜆, 鮑魚, 龍蝦, 元貝同聖子王, 全部都好新鮮, 而且少少腥味都冇❤️除咗海鮮之外, 仲有肥牛同豬肉片, 質素都好上乘, 而且份量都幾多😋食完蒸鍋之後, 仲可以加入湯底煮麵, 我揀咗魚湯湯底同拉麵, 拉麵質素都幾高食到超飽總括嚟講, 呢度嘅套餐性價比都幾高, 物超所值😉

聖誕同先生二人世界，素來對浪漫嘅燭光晚餐冇乜感覺嘅我，拉咗先生嚟食個麻甩嘅聖誕蒸鍋。餐廳標榜全港首創一人一蒸鍋，而且海鮮係每日由漁市場新鮮運到。一入去就見到一大面魚缸，有大量龍蝦、象拔蚌、瀨尿蝦同鮑魚等生猛海鮮。座位設計好似日本嘅拉麵店，每個位之間有竹蓆可以垂低，間隔靈活萬變，亦好有私人空間，即使一個人嚟都唔會尷尬。枱面有清晰指引，指導食客各樣食材嘅蒸煮時間，店員亦好有耐性教導蒸鍋嘅使用方法。我哋各自叫咗個八府巡按套餐，首先上枱嘅係好豐富嘅海鮮船，有沙白、鮮魚片、鮑魚、黃金蚌、蟶子皇、帶子、龍蝦、蟹同鮮蝦，夠哂豪華，童叟無欺。一人一個蒸鍋，本來以為蒸鍋的的骰骰火力應該唔會好猛，但啲蒸汽都幾大。沙白海水味重，鮮味十足，而且一啲沙都冇。鮮蝦用竹籤串住，方便食用，隻隻肥大新鮮。龍蝦開邊，蝦頭有滿滿嘅膏，甘香甜美，肉質結實彈牙。呢三件蚌貝係我至愛，鮮味爽口，特別係蟶子皇。食完海鮮未夠喉，仲有葷素各一籃，肉類方面可以雞腿肉、安格斯牛肉同豚肉三揀二，我就揀咗雞同牛，兩者都好新鮮，特別係安格斯牛，油脂紋理分佈均勻，入口牛味頗濃，油香四溢。另外仲有三色點心，整成燒賣形狀，分別用豬、牛同蝦做涵，入口新鮮

✅價格相宜✅食材新鮮(全部)✅多選擇(可選粥底/麵底/飯)如果中午想頂下癮食蒸鍋呢到嘅份量絕對啱啱好✨性價比(4/5)✨另外值得一提嘅係餐廳環境會有布簾遮隔食得更自在

2019年的香港飲食業有翻天覆地的變化，政治化身成為調味料，滲入食店，把食物染色。顏色革命，足以令一些食肆的綠咖哩轉身為黃咖哩，綠椒轉身為黃椒 ; 白雲鳳爪彷彿變成天藍色，蒸斑腩彷彿變成湖水藍色。飯桌之下，影響深遠的是，有個人主義暗湧。現在食客「開飯」是有其意識形態，與「同檯食飯，各自修行」時代不同。人與人同檯吃飯變成複雜的事。一個人吃飯吧。去年已呈現此勢頭，麥記設分享大檯，避免太多一人客佔用兩座位。日式食店多有大量向厨房吧檯位，客人寧願對著厨房師。一蘭的獨孤坐位直接影響了此店的誕生，垂簾吃飯，是新時代的特徵！此店是屬於年輕人的，屬於新世代的，年長的會覺得座位逼，談話不方便。食客多從網絡世界認識此店，並以折扣價買套票。我買的是最廉宜的「刑部尚書餐」。以玩味包裝是另一潮流，如有食店是以古代妓院包裝店舖。此店以官場為玩味點，以官階把套餐分級。個人主義式吃飯，卻幻想身在名利官場，很諷刺。官階全部是上品，令食客覺得高檔滋味。網票午價套餐名為刑部尚書，在主餐牌是沒有提供，類近118元水師提督套餐。折扣約75折。船為店名是突出日式海鮮船形大盤的豐盛和漁獲的新鮮。以一人一爐為賣點。一人一爐的涮火鍋一

朋友生日借機會去食自己想食又未去過既餐廳😋侍應個個都係後生仔，但估唔到個個都好細心幫大家整爐，落粥既配件（😅我地成日手多多整熄個爐）影出黎好似好少咁，其實好多，D龍蝦仲爆膏😀食得好開心😃好似我生日咁2個人食300幾蚊個餐一人一個，埋單都係760蚊左右。但我地都覺得有少少食多左，當然300幾個餐係抵好多。下次都係食200幾蚊個餐，唔夠再散叫😉最後用嚟蒸既安格斯牛我用黎打邊爐😋太飽食唔晒，但真心好正❤️

想食蒸氣鍋，朋友介紹左呢間。BOOK左位都係要排隊，而且安排入座方面都有啲混亂。唔明點解大家都有BOOK，有D人就坐bar枱但係有d人就安排坐table ??? 想轉table就話人地BOOK左...我都有BOOK >__<因為無解釋...總之唔比坐..而且食野中途好多時侍應們都掛住傾計，睇唔到你有咩需要，服務慢，失望。食物方面，一人一鍋就衛生D。我揀左龍蝦plan，其他如蟹、聖子、蜆、蝦、扇貝等等都幾新鮮，柗面仲有個時間表介紹控制蒸爐嘅時間。蒸完嘅半邊龍蝦好爽口，上柗時個setting都幾日式感。可惜蒸完所有海鮮後，湯底味道竟然好淡，以呢個價錢同setting下係expect個湯底會好鮮甜ga ma所以最後都只係食左兩啖烏冬臨走每人都有雪條。另外抽氣系統若果能加強就更好喇！因為我一邊食就一邊比D煙攻落塊面

第一次寫食評，因為真係好無奈！其實一直都有興趣去呢間餐廳，只是住喺九龍區，去港島區食晚餐，真係有啲唔方便，所以一直都未試，今次咁啱見到有團購網做緊優惠，所以就同屋企人一齊去食。基本上都好食嘅。有啲員工可能太忙，態度上未必好好，都仲可以理解嘅。只是因為食飯前已經比間餐廳激左一激，所以覺得不太好受啦。海鮮都新鮮嘅，只係有個加錢嘅面類湯底超咸。但是，雖然食品質量很好，但在入座之前發生了令人很生氣的事情。事源是我早在當天在whatapp佢地book枱：「 想book18/12 1900 4位」和 :「 有800元現金卷，係咪先sd個no. 俾你」佢地亦喺 回覆「吾需要既 幫你留反係會用現金卷既 請問貴姓」今我就在 回覆: 「姓楊」正常黎講，今樣應該已經完成左留枱程序，因為佢地喺中間已經覆左我，又講左「幫你留反」。但沒想到，當我到了店的時候，店家說沒有我的訂座，要當walk in到2030才有位，原因是「同事都冇確認你訂座」，所以其實反而喺我問題，因為我冇再三確認訂座。當下真係好生氣，特地帶了父母親出黎食飯，加上父親返工收工都早，所以才要早啲飯，但最後要家人等。雖然店員都叫有啲禮貌，但卻有話怪責

想是這間餐廳好耐，今次平日午餐黎試吓。12點去到只坐了四個人，人不多。座位是一排排的，坐得舒服，人與人之間算寬敞。午市就兩個套餐，我哋都揀咗平嗰個，其中一個轉左大閘蟹。轉大閘蟹都只係加多$48！以下呢個餐係揀咗蟶子皇同牛肉，蟶子皇大隻，牛肉有四大卷，估唔到佢好大塊喎！令一份係豬肉，同大閘蟹。反而豬肉冇牛肉咁多咁大塊，大閘蟹竟然好大隻，有驚喜，仲可以揀公或者乸！佢有個Menu係時間制旁邊，話俾你知每一款海鮮要蒸幾耐，非常易明簡單！開頭都沒有太大期望，但食落每樣海鮮都食得出好新鮮，全部都好鮮甜，超級好食！大閘蟹最有驚喜，只係加多$48 ，又大隻又好食！食完最後仲有人幫你煮粥，或者粉面，一定夠飽！總括來說，它的海鮮夠新鮮，又鮮甜，又夠飽，仲有午市優惠八八折，午餐呢個價錢好抵食！有機會大家都要來試吓！

今日係SOGO後面發現呢間一人蒸汽石鍋，個概念好新穎，真係第一次見，就算自己一個人，都決定上黎食。午市都可以食得咁豐富，實在難得！呢度有好抵食既午市套餐，又有主打既海鮮套餐。一場黎到，當然揀個特別啲既，八府巡按套餐（$328），午市免加一，呢度用手機落單好方便。枱面有個平時一人鍋size既蒸汽石鍋。八府巡按呢個名咁駕勢，包既食物當然唔惹少。我去倒完醬汁番黎就見到成枱都係海鮮！海鮮分別有帶子、蟹、龍蝦、蝦同大量貝殼類！豬肉、牛肉、雞肉三選二！仲有蔬菜同點心！個底可以揀粥底或者麵，我就揀左拉麵，湯底揀左原味魚湯，麵係最後加湯後先落既。蒸煮時間自己控制，夠鐘會響。不過呢個幾時器好敏感架所以我好多次手爭掂到都影響到個計時。呢度枱面有建議蒸既時間，我就蒸左蟹、龍蝦呢啲需要時間剝殼既野。蒸好就擺其他需要時間既食物。新鮮蒸好既海鮮真係非同凡響，超級新鮮，龍蝦口感無比鮮彈，又夠厚肉！隻蟹既size亦好大，好有肉，令我唔捨得就咁放棄啲腳，最後龍蝦同蟹差唔多剝左半個鐘殼！呢度既魚片都大大塊架。仲有超大隻鮑魚。最後叫侍應加魚湯落充滿海鮮精華既湯底度，然後放拉麵煮多三分鐘左右就食得喇！呢餐勁飽，午餐黎講至少預

我真係超超超鐘意打邊爐！尤其而家天氣凍凍地，打邊爐真係一大快樂事～ 朋友介紹一人一爐，我話唔係新鮮事啦，原來係一人一蒸爐先岩，好正呀，唔洗擔心別人筷子衛生等問題，哈～而家打邊爐平靚正當然重要，但質素都好緊要！食得肉多就想食海鮮，所以今晚食蒸海鮮！檯面上有指示，唔洗擔心蒸既時間。響等食期間就周圍望下⋯多個魚缸放有多款生猛海鮮，全部都即點即劏；仲有自助混醬區，乾淨又企理。手機落單方快便又快捷。我點左$328八府巡按套餐，我認為係最最最抵食既！蟹半隻；龍蝦半隻；蟶子皇；黃金蚌；3隻大肥鮮蝦；白蜆；鮑魚；貴妃蚌；元貝；仲有少量肉類及三色點心同蔬菜盤，賣相豐富又吸引哩！蟹雖然得半隻但一d都唔細隻，而且蟹肉飽滿，非常正！唯獨呢個$328套餐先有龍蝦，呵～同樣飽肉仲有羔；食晒龍蝦肉仲可以將個殼放入粥底繼續熬製完美粥底！題外話，若果1個人黎食都唔需尷尬，因為呢度係1人1爐；二來間格幾好的呢，唔洗擔心人地望住陌生人食！同埋，真係新鮮抵食，超飽，走前仲送雪條！

雖然見街裏愛人一對對， 但總會有自己一個去搵食嘅時候。 銅鑼灣樓上餐廳 船渦就正正是以單人蒸氣火鍋作為賣點， 一個人的分量，一個人的爐頭 ， 唔使怕唔記得多食唔晒，亦唔使怕叫得少好失禮，即使自己一個去食都唔會怕孤單。 餐廳面積都幾大，為咗方便一個人食野，餐廳每一個座位除咗有蒸氣鍋之外，三面都有百葉簾圍住， 正好享受一個人享受食物的時光。 一個人食就梗係對自己好啲，叫咗個八府巡按套餐， 海鮮款式勁多選擇： 蟶子皇，半隻龍蝦，元貝，貴妃蚌，蝦，鮑魚 ，鮮魚片，白蜆，黃金蚌同埋半隻蟹。 除咗海鮮，另外仲有三款揀兩款的肉，而我就揀了安格斯牛肉及豚肉，另外仲有蔬菜拼盤及三款特色點心， 分別係豬肉燒賣、墨魚蝦燒賣同埋蒸牛肉 ， 而且仲可以揀粥底或者麵底 。 爐頭已經有指示是每樣海鮮蒸幾多分鐘， 指引清晰。 海鮮盤送到嚟非常有睇頭， 龍蝦、蟹、鮑魚等等尺寸都勁巨型，絕無欺場。貴妃蚌、元貝、黃金蚌鮮甜 ，柔韌有咬口不在話下， 而且清潔功夫做得足， 白蜆唔會食到有沙。 蟶子入口好爽而且好鮮甜。  鮑魚一睇就知質素唔錯，爽口有鮮味。  龍蝦即叫即劏一食就知道係新鮮， 拆咗出黎大大嚿肉，