自家製韓國刀削麵 (山林道)

營業中

休息中

無兩人座位 一定要2人平排座對住啲陌生人食飯 啲枱同坐位都幾迫 基本上係同緊隔離枱食飯 待應迫你平排坐張6人枱 仲要明明有4人枱可以坐😰用QR code落單 不過要俾加一😀賣單都出錯俾咗隔離張單我哋 同佢講返先知道賣錯單🥲 另外一位幫個待應解釋話係另一個舖調過嚟嘅同事 換言之啫係講大話呃人錯咗唔緊要 認咗佢道個歉 講聲唔好意思咪得😅食物方面牛肉得2薄片 想加葱又無得加 想自訂少少加減韭菜都唔得 如果係QR code落單又咩都無得自訂 賣單又錯 點解要用QR code?!失望 唔推薦大家去食

最近好喜歡食韓國菜，見social media咁多人推介韓式刀削麵就約埋朋友嚟一齊試～6點3左右到，前面都有兩三枱客等緊，等咗大約30分鐘⋯⋯ 由於我極喜歡牛骨湯，今次首選牛骨湯刀削麵！朋友們叫咗花蛤刀削麵，再加雙拼餃子share雖然openrice食評好多人話佢湯底太淡，但可能我哋口味算淡 (?)，其實覺得個湯底味道係啱啱好如果牛骨湯刀削麵可以再多兩塊牛𦟌就好⋯⋯ 刀削麵好大份，一開始食落係爽口嘅，但因為個湯好熱，要放涼啲先入到口，個麵就冧了牛骨湯底清淡唔油，我個人係好喜歡呢個味道的～ 所以其實平日晚餐係唔食澱粉嘅 今晚都照食晒花蛤刀削麵係真足料，好多花蛤，啲花蛤都無清甜的，亦唔會食到有沙～ 湯底就係淡淡嘅海鮮味，朋友表示恰到好處雙拼餃子 (泡菜＋豬肉)：都真係幾大隻😂 皮薄餡多⋯⋯ 豬肉餃子一切正常嚕～泡菜餃子嘅辣真係唔係講笑😂😂 食落去嗰下還好，咬落去先慢慢feel到佢有幾辣，但都OK嘅不過因為麵好大份，餃子又好大隻，下次再去的話就唔會嗌餃子了～令我哋最驚喜嘅反而係跟餐的泡菜！酸辣度剛剛好，泡菜好爽脆，食唔停口🥹🥹 可以無限添食～

衝著韓國手工麵特色去試，雖然選擇未算很多，但選擇困難的我也花了不少時間選擇，因為正好是可選午市套餐的時間，餐廳包括麵食、一件蒸餃子及飲品，為了一嘗餃子，選了套餐，麵食就點了花蛤刀削麵。一大碗的刀削麵首先登場，用傳統的韓式大碗，特別有感覺！麵頂佈滿雞蛋絲及紫菜碎，未食已經感受到份量十足。翻開麵底，麵條份量果然十足，再加上為數不少的花蛤，已經覺得值回票價。先呷一口湯，有花蛤的鮮甜與蒜蓉香味，咸淡適中，如果想濃一點，旁邊有鹽、胡椒、蔥花、辣椒醬隨便選擇。麵條是黃色曲身闊麵，有少少鹼水味，有別於以往在韓國吃的白麵條，不過就多了份彈牙和不易變腍。另外有一件泡菜餃子，第一眼已經看到泡菜的紅色，皮薄餡滿，咬一口餡料豐富，有泡菜、豬肉、切碎的冬粉，泡菜的辣味和調味融入餡料中，均勻了整體的味道。總括而言，整體的味道會令人想再次來食，有人說，因為是韓國人主理所以麵條份量十足，但是有人喜歡，亦有人會覺得浪費，建議可以出兩個份量供人選擇，半份或全份，讓胃口少的人也可以一次過點刀削麵及餃子，美味值得讓人知道、品嘗。🍜 午市套餐 $88 免加一花蛤刀削麵、泡菜餃子一件、飲品

呢間位於佐敦新開嘅小店，主打食韓式刀削麵。去過韓國幾次嘅我，都未試過食韓式刀削麵🫢見到網上話花蛤刀削麵，份量好足料，一於去試吓🍜花蛤刀削麵🍜花蛤份量真係唔少，我諗大約接近20隻，雖然唔係好大隻，但係勝在冇沙同鮮甜！湯底清甜帶點鮮味，如果覺得唔夠濃味可以落少少胡椒粉😗自家製刀削麵好彈牙😝麵底份量超多！辣拌刀削麵🌶️呢個係見隔籬枱叫咗好似好吸引，一於嗌埋佢，配料有兩片牛展，同埋有少少蛋絲同紫菜絲，原來呢個係冷拌刀削麵，食落去甜甜辣辣好開胃😛雙拼餃子(豬肉+泡菜)其實之前喺韓國食過韓式餃子，我覺得普通。反而覺得呢個幾好食。首先皮真係好薄，餡料包到大大粒，食落好滿足！雖然餡料切到好細，但係唔會完全冇咗口感🥟我自己一個人都食咗三粒😆重點！我覺得呢間啲泡菜好好食😋比出邊嘅泡菜冇咁酸，同埋切得比較大片，食落好爽口！

好多朋友都介紹呢間韓式刀削麵，見openrice上面嘅評論好多人都話午市要排半個鐘或以上，晚市如果遲咗少少去食甚至要排更加耐，好彩嗰日平日夜晚早咗去，七點左右等十分鐘就入得！😛排隊嘅時候見好多食客都叫咗韓式餃子一碟有四粒，每隻都大大隻，同平時超市見到嘅韓式餃子有啲唔同，所以就叫咗一碟share～再叫多個牛骨湯刀削麵兩個人食～坐低之後店完就遞上碟泡菜，泡菜唔太酸，鹹度剛剛好，醃得幾好食～😛------------------------------雙拼韓式餃子 $58  ------6.5/10上枱嘅時候連埋不銹鋼蒸籠上幾特別，雙拼餃子兩隻係豬肉兩隻係泡菜，一啖絕對食唔曬一隻。作為唔食辣嘅我泡菜都幾辣，餃子皮偏薄，好足料，不過未至於爆汁，有少少乾身。而豬肉餃子醃得幾好食，味道比較易入口，所以個人鍾意豬肉餃子多啲😛因為餃子真係好大隻附送嘅餃子醋酸酸地可以令到個餃子冇咁膩。👍牛骨湯刀削麵 $78 ----- 8/10早排去完韓國，食過明洞嘅神仙雪濃湯，好自然就將佢攞嚟比較。湯底似係雪濃湯加咗鹽同蒜蓉嘅版本，比起神仙雪濃湯牛骨味更重，我哋最後成碗湯飲曬。👍佢嘅刀削麵唔似中式真係用刀片麵團嗰隻，

韓國李家集團旗下最近在尖沙咀開副線，是一間刀削麵店，店舖名稱自家製韓國刀削麵，位於佐敦山林道。開了不久幾次經過店門外都好多人排隊滿受歡迎，所以今日帶埋朋友一齊去食，好彩今日來得早不多人，不需要排隊可入坐遲少少就要門外排隊。店鋪細細裝修簡單樸素，可容納廿個人左右。牛骨湯刀削麵 HK$78湯底非常之濃郁，長時間熬至奶白色濃湯，入口牛肉鮮味。花蛤刀削麵 HK$78大大碗份量十足湯底清甜，美中不足刀削麵口感不夠Q彈。雙拼餃子 HD$58分別是泡菜及豬肉餃子，即叫即蒸，熱辣辣！大大粒皮薄餡多份量十足，我個人較為喜歡泡菜餃子豬帶點酸及辛香，酸酸辣辣辣好開胃；而豬肉餃子味道比較清淡。

原來係李家副線嘅刀削麵，新開冇耐，已經好多人排隊，平日6:30有人龍啦！座位其實幾迫，有時會企起身俾人入去坐。*花蛤刀削麵 $78清清嘅湯頭帶淡淡嘅鮮味，加黑胡椒粉，更加能夠帶出鮮味。我試過各種配搭，覺得加大蔥碎浸湯最好味。花蛤份量慷慨，有少量帶沙。刀削麵煙韌有咬口，浸湯都唔易變腍。辣拌刀削麵 $78同一個麵底，今次係拌麵，仲要好大碗！見到紅卜卜，以為好辣，但主要係甜味，所以要加辣醬，會更辣更惹味。牛𦟌有兩三片薄片，但我冇食到🙈雙拼餃子 $58大豬肉餃子、大泡菜餃子各2隻好大餃子皮夠薄、好煙韌，豬肉好足料，泡菜好辣又惹味，入面有韓國粉絲，多一層口感。後來我發覺其實係hong jin kyung餃子😂

呢間餐廳係李家開既新品牌，最近討論度好高。當日晚上8點去到，門口仲排緊好長龍，好在等左唔算好耐就可以入去試。餐廳採用QR code下單，菜品選擇唔多，但樣樣都好吸引，而且定價相當親民。《$78 花蛤刀削麵》湯底好清，海鮮味唔係特別濃，花蛤份量比得好多，但偏細隻，肉質唔夠飽滿，不過就冇沙。麵量都多，鹼水味都幾重，如果唔洗排隧會食，但唔值得專程過黎排隊食。《$58 雙拼餃子》雙拼餃係2隻大豬肉餃子+2隻大泡菜餃子，如果有特別需要，可以要求店家比3隻豬肉+1隻泡菜。餃子係用一個類似蒸籠既盤裝住，每隻餃子都好大隻好飽滿，如果係食量比較細既女孩子，應該食1-2隻就飽。餃子係韓式餃，除左基本餡料之外仲有包左粉絲係入面，泡菜餡都幾辣，$58絕對抵食。人均消費：$150環境：7.5/10食物：7/10服務：7/10性價比：8/10整體：7.5/10

見到好多Foodie推介呢間韓式餐廳，就一於去打卡試下鋪頭距離巴士站同地鐵站唔算好遠，都容易搵到，行5-10分鐘左右就到~6pm未夠就見到店內差唔多坐滿晒人，好好彩唔使等位可以直入。坐低無耐，門口就開始排長龍。店內裝修都好有韓國舊式餐館味道，裝修簡單但都算幾有風味~Menu只有好少選擇: 刀削麵、餃子、煎餅同飲品 (好適合我呢種選擇困難人士)不過嗰日煎餅已經sold out，所以同朋友淨係叫咗刀削麵同餃子。叫咗個雙拼餃子(豬肉+泡菜 各2隻)。餃子大大粒，非滿飽滿。餃子皮好黏同偏厚嘅。豬肉餃子食落去都有肉香味，入面有少少菜mix埋又唔會好膩。泡菜偏辣，但味道唔算好突出，正正常常。個人覺得豬肉好食過泡菜嘅嚟到今日主角: 刀削麵~~我同朋友叫咗1碗花蛤刀削麵同一碗牛骨湯刀削麵。花蛤刀削麵: 目測都有十幾隻花蛤，個麵都好大個。湯底幾鮮美，有花蛤嗰種海鮮味，少少鹹香味，都唔錯嘅~花蛤偏細，食落冇沙，每隻都有肉，唔會得返個殼。牛骨湯刀削麵: 有幾塊薄切嘅牛肉片，個麵都一樣好大個。湯底有陣陣牛骨味，湯底比花蛤嗰款較濃，但唔會太鹹，幾好飲。牛肉少少嚡，冇咩肉味，不過不失。呢到係自助落單，因為唔多選擇

叫左個花甲刀削麵湯，好有海鮮味，麵質亦非常，係好食嘅，鋪入面menu韓國字，食客有一半以上是韓國人幫襯，好有種返左韓國嘅味道。不過以為係阿豬媽親自打理，但入面全部大聲純廣東話嘅男伙記，d韓國人坐低，大大聲叫qrcode, qrcode, 韓式味道，港式管理，有d似去左澳牛，有d 扣分。

📌牛骨湯刀削麵（$78）好大碗刀削麵，睇相湯底睇落非常濃郁，但係實際黎到係非常清，感覺牛骨湯名不副實，聽到隔離檯都嗌左牛骨湯刀削麵話好似粥水咁，但麵係大碗，唔錯的。價錢偏貴。評分：🌕🌕🌑🌑🌑📌豆汁冷麵（$78）朋友嗌左碗豆汁冷麵，豆汁唔係濃郁嘅豆汁，又係好水嘅湯底。評分：🌕🌕🌑🌑🌑📌雙拼餃子（豬肉同泡菜）（$58）非常好食！好大粒好足料，豬肉餃會有啲粉絲係入面，泡菜餃比較辣，但都好好食！如果食唔到辣可能唔建議食泡菜餃，如果嗌雙拼建議食豬肉餃先食泡菜餃！因為足料所以覺得呢個價錢都ok，走之前仲嗌左份外賣。評分：🌕🌕🌕🌕🌖總結：睇社交平台推薦麵控去，呢度唔建議麵控去，餃子控可去！

呢間係最近新開喺山林道嘅韓國麵店🍜入面環境佈局感覺都好地道🪑weekend lunch time 黎到🕛都排左三十分鐘先有位⏱️佢13:45左右就開始截龍 所以記得提早啲去呀🌟weekend 都有set lunch ($58)可以叫 包一碗麵🍜(有啲要+$20)餃子🥟汽水🥤🍜花蛤刀削麵 ($78)麵底份量好多 食到好飽 質底煙靭爽口😋但如果浸得係湯度太耐就會變得太腍👈花蛤就唔算好多 都新鮮👅湯底好清但有好鮮嘅花蛤味 🐮牛骨湯刀削麵 ($78)淡淡嘅牛肉湯底 可以用泡菜混埋一齊食🌶️入面嗰兩片牛就有啲鞋口🫢

//<自家製韓國刀削麵>小編平日七點去排隊要排一個鐘😑😑冇得攞籌要親自喺門口默默咁排🚶🏽‍♀️🚶🏽‍♀️店入面嘅裝修好有韓國家庭式餐廳嘅感覺🇰🇷🇰🇷——————————花甲刀削麵 $78麵嘅份量超級勁多🍜🍜 食落唔係特別煙韌，尤其是咁大碗食到尾嗰啲麵越嚟越淋😕😕 仲食到有輕微嘅鹼水味🥲🥲 花甲嘅份量非常慷慨～ 食到中間有幾隻有沙😬😬 呢款嘅湯底比較清淡👀👀 小編最後都食剩幾啖，飽到上心口🦦——————————牛骨湯刀削麵 $78牛骨湯嘅湯底相對上比較好飲，真係飲得出淡淡嘅牛骨湯味🐮🐮 麵質同上，但係得三四塊牛腱，唔夠餸咁🥹🥹 不過呢個價錢真係好抵食🤑🤑——————————大豬肉餃子 $58餃子超級足料，入面有菜、豬肉同埋粉絲，好有韓式風味😆😆 餃子皮偏厚，麵再加4大隻餃子完全係澱粉質嘅組合🤰🏽🤰🏽——————————去試一兩次都無妨，但係要排成一個鐘就真係不了🏳️🏳️評分：6.3/10地址：尖沙咀山林道46-48號運通商業大廈地下20-27號舖營業時間：星期四至星期二 12:00~14:30;18:00~22:00#自家製韓國刀削麵 #尖沙咀 #尖沙咀美食 #尖沙咀韓國菜 #香

食開韓國菜，多數都係泡菜、燒肉、部隊鍋、炸雞等等。。。。。。。。今次試下韓國刀削麵未入到去，首先要排隊，大約30-45分鐘排到，坐低後掃QR code 落單，原本想點泡菜餅，可惜售罄，希望下次去有機會食到啦最後點了花蛤刀削麵，送到面前個一刻，嘩，好大碗，真係好大碗花蛤：勁多花蛤，花蛤殼多到可以砌高，變成迷李山😆湯底：清清地，幾好飲，都飲了唔少湯，下次去試下加啲辣椒醬😋刀削麵： 自家制的刀削麵，食落好qq,下次會再去😌

見到網上有人推介 + 話新開所以黎試試差唔多去到6點 開門前已經有人係出面等入去入到去 鋪細細 空間有限2人 要搭枱食 叫咗 雙併餃子係好大粒 餃餡係好多 唔係少料個啲泡菜餃好食啲 豬肉餃就一般 正常餃子味係因size大大而係幾特別牛骨湯刀削麵可能主打 清牛骨湯？聞+飲落都唔係太重唔濃味嘅牛骨湯冇想像中咁濃郁係正常湯麵佢麵係應該佢自己自製冇話超彈牙 但算可以ok嘅麵冇得叫煎餅 因佢話新開 遲啲先推出食到賣單走都有人出面排隊等 但座位係有少少迫同唔方便嘅感覺職員係有禮貌但始終可能新開？唔算多選擇揀覺得都係試一次就算嘅感覺