肆柒食堂

營業中

休息中

今日想食下午茶 之後一個人又唔知食乜 諗住行到邊見到啱就食 之後搵緊餐廳嘅同時 見到哩間餐廳嘅meun幾吸引 跟住就入去食 咁我叫咗個常餐 之後加個手工雪菜肉絲米線 佢個碗勁細 加埋個奶醬多士勁飽肚 但啲服務員太空閒 我都未食完 佢就收走我個碟 但其實都幾多嘢做 下次會再嚟多次

👍🏻燒雞扒和風沙律(包嘢飲) $59免澱人之選！個名貼切得嚟又有啲尷尬😂呢間比較新式嘅茶記，環境闊落，乾淨企理午市晚市都有供應專為生酮人士減脂而設，走澱粉質嘅沙律餐🥗雞扒好大塊，本身上枱時見到燒到燶咗有啲失望，怕會好乾柴但食落估唔到係皮脆肉嫩😮完全冇影響肉質！香草醃得入味，雞肉嫩滑仲有肉汁，雞皮燒到脆卜卜🤤沙律淋上柚子醋，仲有翠玉瓜兩串同半隻溏心蛋味道：8/10性價比：7/10-👍🏻紐西蘭牛柳燒肉丼(包嘢飲) $88厚切有三大舊，燒至七成熟牛柳本身就脂肪比例唔高，肉質偏瘦但唔算好鞋口，冇韌到攝牙罅以唔係專做牛肉嘅舖頭嚟講，質素都算唔錯仲有燒菇同蔬菜，加埋溫泉蛋同燒汁，撈飯一流🤪味道：7/10性價比：7/10-👍🏻鹽燒雞中翼(跟餐半價) $11/2隻👍🏻汁燒焦糖豚肉(跟餐半價) $11/2串晚餐跟餐可以半價優惠加配燒物，半價後好抵食！燒豚肉表面焦脆，咬落爆油，充滿油香😛雞翼就正常發揮味道：7/10性價比：9/10-👍🏻糖漬柳橙梳打(跟餐) +$9👍🏻熱菊花杞子蜜(跟餐) +$9橙肉切粒糖漬再加入梳打水，飲落似橙汁汽水，但味道天然，感覺健康好多😆不過更加推薦女仔飲菊花杞子蜜，菊花杞子包加入

話佢係茶記又好似唔公平，呢度環境乾淨過好多茶餐廳，始終工廠區，夜晚又唔算逼，兩個坐張卡位都鬆動👍🏼講返食物先，兩個女仔收左工其實最想既未必係大魚大肉，有時食條菜都已經好滿足呢度就搵到有個免澱人系列好適合🥹咩叫免澱人？我諗係無澱粉既沙律餐叫左兩個餐1. 燒香茅豬扒和風沙律2. 燒香茅豬扒燴雜菜+$5香茅豬扒好淋，爆香茅味燒到條邊脆脆地，好香口Fit沙律配日式和風汁，酸酸地好開胃然後天氣涼涼地，有得揀熱菜，貼心👍🏼蒜茸炒，入味總括嚟講，呢度有驚喜放工會持續幫襯

【 燒雞扒和風沙律 】彈牙，juicy，脆脆嘅香燒雞扒配日式香醋沙律，香口得黎唔heavy,加上有增加蛋白質嘅溏心蛋，以及燒得香香的翠玉瓜串。夠哂飽，但又差唔多零澱粉質。可以話免澱星人嘅福音

BBQ雞扒牛蒡雞丼 $39吉列豬扒 (+$15)勁抵食嘅下午茶🤩講真個雞扒勁嫩勁juicy配碟嘅燒翠玉瓜都無揸流攤完全唔乾👏🏻仲要吉列豬扒真係好好食🥺厚砌！外脆內嫩🥴仲要勁大份 🤯觀塘鬧市入面少數高質小店🤩價錢唔算好貴 但性價比極高因為份量唔少 仲好足料開頭以為係普通茶餐廳點知好有驚喜🔥肆柒食堂 (觀塘)觀塘開源道47號地舖

觀塘地舖🎊新開食堂🍛價錢平💰環境食物有質素💯值得一試🎉#sdm觀塘 #sdm港式 #sdm小店 #sdm茶餐廳 🥡 #sdm外賣 💎 活蜆湯米線 $54必試💯💯（😋：7.6/10）👍🏻：湯底好特別！係清酒味噌湯🍶真係會飲到清酒味，仲可以帶出蜆肉嘅鮮味🥳好正，有驚喜🤩🤩蜆肉份量都唔少，size適中😍唔會太細隻，每啖都有肉😚👎🏿：冇✅💎 日式咖喱吉列豬扒飯 $64要試❗️ （😋：7.5/10）👍🏻：估唔到茶記價錢，賣相都幾靚🤣日式咖喱味道唔會太辣，少少偏甜，咖哩份量亦都好多🍛夠晒撈飯食😍吉列豬扒亦算厚身，即叫即炸！好香脆可口👎🏿：冇✅💎 燒汁豚五花串燒 （每份晚餐跟一份串燒）正正常常👌🏻（😋：6.9/10）👍🏻：兩串細細條咁，本身以為啲肉會好嚡，但係原來食落都幾嘢味，肉質亦都保持到有少少汁，唔錯👎🏿：可以大串啲就更加好🤤肉太細粒🙈💎 樽裝無冰奶茶 （跟餐+$8）值得一試 ✅ （😋：7.3/10）👍🏻：用個四四方方嘅膠樽裝的🙈🙈幾靚～茶味都夠濃厚，好飲🥰👎🏿：冇。環境：7.5/10服務：7.5/10 (冇加一服務價)價錢：人均約$70性價比：7.8/10 📍 肆柒食堂 (觀塘)觀塘開源道47號

雞絲蟹棒米粉，特價餐$29,(有限供應） 性價比高，米粉質地好軟熟，給食量少又想食d 熱野既人不錯之選！鮮奶麥皮+蟹棒碎旦沙律，碎旦好足料，青瓜蕃茄沙律菜都好新鮮！

靚太去開觀塘上堂, 放飯搵個地方醫下個肚😌黎到呢間新食堂, 試左兩個我的最愛咖喱吉列豬扒飯 配左一枝樽仔奶茶一枝樽仔咖啡件豬扒上枱就被切一刀, 望一望都好厚身啊我把刀吉落去就感覺到好鬆脆! 咖喱用日式, 開正靚太心水🥰無港式咁油淋淋, 甜甜地送飯開心啊食完飲埋枝樽裝奶茶, 小甜配方, 口感滑味道濃, 樽仔咖啡有啲驚喜, 好濃係即濃咖啡嘅感覺!👍🏼食完成個餐飽到反轉左, 飯量好夠, 汁量岩岩好! 👍🏼👍🏼👍🏼

星期六係觀塘遊下，意外尋到寶☺️撞到個好驚喜既咖喱吉列豬扒飯，餐牌寫到明用新鮮麵包糠，即係手工野啦，咁要揀佢啦！日式咖喱汁底，加左大量薯仔粒甘荀粒，食到有洋蔥蘋果，相當唔錯。講下件豬扒先，一切開有聲，個包糠的確係鬆脆，有啲返左家鄉日本🇯🇵既感覺，仲要不得不提個厚度，用料十足！少少美中不足係個白飯唔係用珍珠米，但單單睇個吉列豬扒同咖喱汁，驚喜高質！估唔到小店有呢個質素！飲品加左枝樽裝綠茶，清清地☺️

見新開餐廳就去試下 點知伏！間餐廳都好大油煙. 入到去霖住快d食快d走. order左個是日午餐中既溏心蛋牛蒡雞丼加雞扒. 如是者等左20分鐘 見後面入左d人都好快送上餐就知不妙. 叫姐姐去問問. 原來漏左單. 再等多10分鐘都依然未出.仲要趕返返工既大佬！

喺地鐵站大概行5分鐘就會見到呢一間新開嘅餐廳，都幾大間㗎好多卡位！我哋嗌咗個活蜆米線 ，可以揀唔同嘅湯底，呢個係冬陰功。都算抵食，好味！另一個係咖喱吉列豬扒飯，有半隻糖心蛋，啲吉列豬扒好脆、上碟嘅時候熱辣辣，係新鮮炸起嘅！另外套餐仲包埋燒物，呢個係燒雞軟骨，上碟嘅時候個串燒棒超熱，證明真係即刻燒！食落口脆卜卜跟住我哋嗌咗兩個樽裝嘢飲，一個係咖啡一個係奶茶，甜度適中，好飲！如果喺觀塘返工都可以試吓❤️

呢間餐廳係觀塘工廠區新開，餐牌比普通茶記特別啲，經過門口又派coupon就試下。叫左1.活蜆手撕雞米線麻辣肉碎湯底配燒五花肉串2. 9分鐘雞翼餐，配沙嗲煎蛋公仔麵奶醬多士3. 黃金娃娃菜4. 熱同凍檸茶通常對茶記嘅米線湯底都無乜期望，呢個都唔例外。唔太夠味，調味單調。啲餸就okay，蜆無沙，無腥，係新鮮嘅，信佢係活蜆。手撕雞唔嚡口，幾好。呢個真係驚喜，係好好食，熱辣辣，唔靱。用汁燒，日式，五花肉啲肥膏燒到入口即溶，好有油香！就算串燒店都未必燒到呢個水準。娃娃菜，佢話係用蒸烤方法做，所以外表乾身，但食落口係保留到水份，幾特別。黃金即係蒜蓉，蒜蓉係偏乾身，唔係嗆口嘅蒜蓉。份量唔多，當佢一串串燒咁會好啲，叫嘅時候以為係一碟，我諗大概半條娃娃菜咁上下。雞翼都幾大期望，因為佢話9分鐘雞翼，相信佢係想賣肉質，對比五花肉，呢個普通，瑞士汁做法，咸左啲，肉質okay，唔柴，少少少少少過左火啦。煎蛋唔comment。公仔麵一上枱好大陣麻油味，明明叫沙嗲㗎？食落個湯又偏咸，似係出前一丁湯再加沙嗲，我諗佢唔好加埋一丁個湯底會好啲，麵質就煮得剛好。奶醬多啲醬好多，但個花生醬食落口無乜花生味，重煉奶味。佢好多野

Blue Monday!!!!!又黎到要奮鬥既星期一，點先可以有個Goooood morning？🌞前一晚就諗好左今日要黎47食個靚早餐話說呢間開左兩個月既小店已經慢慢變左食堂，不過平時主要都係lunch，坐定定食早餐都係第一次揀左個茄湯慢煮手撕雞湯米粉，火腿炒蛋厚多士先講份量，係豐富嘅☺️個炒蛋厚身，手撕雞同米粉份量亦相當足再講味道，滿意嘅😛茄湯唔算好杰，米粉係用透明米粉，唔容易浸淋發漲，口感亦較一般餐廳好，加分細心位！慢煮手撕雞，浸左茄湯都唔算鞋，效果唔錯多士都烘得幾香順帶一提，平時食開午餐，覺得佢地好有心整食物，吉列豬扒特別上癮，有機會再分享！

蜆呢家野，眾所周知係麻煩、多沙甚少餐廳會選用新鮮貨，但係觀塘呢間食堂比我發現到！晚市燒物套餐，揀完米線仲有小食，跟埋飲品，配搭好豐富我就毫不猶豫揀左活蜆冬陰米線配香茅豬扒+燒茄子+樽仔奶茶朋友就揀左海南雞飯+香茅骨+樽仔咖啡先上飲品，好飲！本身都飲開樽仔奶茶，貪在冇冰唔會變淡講返呢度先，一入口奶茶茶底濃、口感滑咖啡亦都好香，聽店員講係用即磨咖啡有誠意活蜆米線，蜆漲卜卜，無沙！冬陰湯唔辣但好惹味香茅豬扒，好重香茅味肉質Juicy，淋身海南雞飯，雞好滑！配酸酸地嘅汁，相當開胃食物質素整體相當有驚喜環境亦相當舒適晚餐係一個好選擇

「食堂」級價錢，menu卻有出乎意料的新意思。每星期只准自己吃一餐雞翼的我，就是把quota給了這新食堂的招牌「9分鐘雞翼」。先被雞翼的色澤吸引，隻隻漲卜卜的, 剛剛好的入口溫度，豐富的肉汁瑣在皮和肉，咬一口即感覺到雞翼實在浸得好，應該是浸了9分鐘吧。餐加$18享用3隻，性價比高，份量正好，飽口福之餘又好快有點掛住，想明天再多食一次。其實午餐都有個「葱油麵9分鐘雞翼」，麵是公仔麵，葱油味香濃卻不至於太油膩，偶然放肆食一客無妨，讚！