肆柒食堂

營業中

休息中

喺公司返工嘅時候，間唔中會同同事一齊喺呢一間茶餐廳食午飯。呢度嘅生意非常之火爆，午餐時間一般都係要等位，就算係卡位都係要搭枱。餐點嘅選擇唔算好多，都係一啲經典嘅港式茶餐。味道方面中規中矩，我叫咗手撕雞冬陰功米線，雞肉有啲硬，米線反而就有啲琳，冬陰功湯底算係過關，味道幾濃郁都算係正宗嘅，而且唔係好辣。價錢就50幾蚊，以觀塘工業區附近來講呢個價錢唔算貴，而且仲送嘢飲，嘢飲嘅選擇同質素都唔差，熱朱古力沖調得濃郁香醇。