老鍋台式火鍋 (京都廣場) (已結業)

嚟過幾次 今次再同同事收工嚟打邊爐老饕酸菜白肉鍋 $ 168每次嚟都覺得個湯底真係好豐盛白肉嘅份量多到 好似出面嗌嘅一碟肉仲有粟米啊菇啊菜啊咁底下就係一大堆寬粉成鍋只係$168 真係好抵食懷疑可以2個人嚟嗌一鍋 當食麵咁食😂😂😂手切安格斯牛小排 (小) $288肉味幾重又嫩 唔錯唔錯新鮮脆骨腩 $108骨多肉少 未必會再嗌台式蛋餃(半份) $32 食台式火鍋必點三秒響鈴卷 (8條) $72好大舊嘅響鈴小食：咸蛋黃炸魚皮 $78好大塊都幾香脆但如果咸蛋黃再多啲 就更加開心台灣鮮脆雞三角軟骨 $68酥脆得嚟 都幾有咬口鹽酥一口豆腐 $48豆腐好嫩滑 面頭仲有啲蒜 幾惹味台灣香脆地瓜條 $46正正常常啦~沖繩黑糖烏梅汁(杯) $26冷泡白桃烏龍茶 $28冬瓜茶(壺) $88

二次再黎《老鍋台式火鍋》，上次試過椰子鍋，今次試吓新嘢，仲試晒兩隻嚟個鴛鴦鍋🥢鴛鴦鍋(酸菜白肉鍋-美人鍋) 特色嘅湯底——美人鍋，令湯底更加有滋有味。桃膠嘅加入，令湯底更加濃郁，烏雞、金華火腿等高級食材都係令湯底更加豐富。杞子、南棗、淮山、黨參同埋龍眼肉等藥材，不單止增添咗湯底嘅營養價值，仲係一種兼顧美味同養生嘅設計。湯底煮得啱啱好，唔會太濃或太淡，啲蔬菜同各種材料都煮得恰到好處，保留咗食材本身嘅鮮味。特別係原隻烏雞一開二，入口滑嫩多汁。佢哋令一嘅招牌湯底——酸菜白肉鍋，湯底唔似一般的重口味，而係清新酸爽，特別迎合唔同口味嘅食客。酸菜白肉鍋充滿着豐富嘅層次感，蕃茄帶嚟嘅自然酸甜，同埋酸菜嘅微酸，至於鍋內嘅食材搭配，蕃茄同粟米都係增添咗鍋底嘅層次感同新鮮度🥢墨魚滑墨魚滑有咬口，放完落鍋唔會淋哂個隻，加埋蟹籽有層次感

諗起台式火鍋就一定諗起呢間，環境同食物都好有台灣特色，所以我又黎🤭呢度嘅咸蛋黃炸魚皮好高質，超香脆，咸蛋黃味又夠濃，一路飲住台酒啤酒一路食真係爽歪歪。火鍋湯底都係揀左酸菜鍋，我至愛🤤酸酸味味好開胃。用上極品豬王花腩，仲有大量蔬菜配料，都好足料架。裡面嘅寬粉條煙韌得黎索哂啲湯真係一流🥰呢度啲竹笙好新鮮好大條，索哂啲湯，正🙌🏻叫左雪花肥牛同美國梅花豬肉。肥牛牛味香濃又唔會太肥；梅花豬肉肉質都幾鮮嫩。

老鍋台式火鍋 (京都廣場)銅鑼灣駱克道491-499號京都廣場2樓今日約左朋友出黎銅鑼灣行街，行到累累地當然係去開餐啦，講起大家都好想打邊爐，最後朋友就帶左我黎呢間係京都廣場既<老鍋台式火鍋>,佢經常黎開餐對呢到讚口不絕，今日一於要黎試下首先湯底我地揀左鴛鴦鍋啱曬大家口味，其中一邊當然係我最愛嘅秘製麻辣鍋啦，離遠聞到已經覺得好吸引，絕對係真材實料，好似我咁鐘意食辣既朋友就岩晒啦而火鍋配料方面，除左選擇多之外仲非常新鮮，我地都點左好多款，其中有幾樣最值得推介既新鮮竹笙--- 呢樣唔係間間火鍋店食得到，估唔到呢到有當然即刻order啦，一碟既份量都幾多，食落非常爽口墨魚肉---用新鮮既墨魚肉制成，食落爽口彈牙，絕對係真材實料梅花豬肉---將豬肉切成薄片，只需要灼一陣已經熟啦，而豬肉本身既脂肪比例平均，完全唔會覺得太肥膩芝士牛肉丸---第一次食呢隻丸，好有驚喜wo, 彈牙既牛肉丸入面包含住濃郁既芝士，估唔到味道出奇地夾

好耐冇食午市打邊爐☺️我今次叫左老鍋2人套餐尚膳養生鍋($299)❤️個湯底超足料~😍😍第一次見成隻烏雞喺湯底😋入邊有粟米、淮山、紅棗超足料，湯清甜冇味精，仲食有桃膠🥰🥰肉方面揀左雪花肥牛😗啲牛好嫩滑~另外套餐亦都包左丸、餃子、魚皮餃同蛋餃各兩粒 蔬菜方面既種類都幾多幾新鮮🥬💥評分: 7.5/10👍🏻😗超足湯底午市心郁郁想打邊爐一個唔錯既選擇👍🏻

老鍋台式火鍋店由30年台灣經驗廚師主理，首創美人鍋，以新鮮湯料及食材，讓客人品嚐岀食材天然既味道餐廳佔地 5,000呎，空間感十足，環境相當寬敞舒適，四周佈滿色彩繽紛嘅「天燈」，洋溢著浪漫氛圍，火鍋店設有二人和四人雅座，老鍋花膠米線套餐配料有花膠扒、冬菇、雲耳，湯底清甜可口，米線份量足夠，沾滿清甜湯汁，非常滿足冷泡白桃烏龍茶-唐生菜套餐加配冷泡茶，冷泡白桃烏龍茶，清香白桃搭上烏龍茶，感覺清爽醒神，令人振奮醬料吧自助形式醬料吧，乾淨整潔，任君自由配搭老鍋台式火鍋 (京都廣場)📍銅鑼灣駱克道491-499號京都廣場2樓電話: 28186678

依家天氣凍凍地，最啱就係食打邊爐，今日約開朋友去銅鑼灣，有人話book左呢間，原來就係我都來過不止一次嘅老鍋台式火鍋。呢間餐廳裝修有誠意，有中式復古風，更加有卡位坐，服務員態度幾好，野食品質都好好。今次同之前一樣都要左花膠椰靑三黃雞鍋，畢竟一般人都希望能夠有靚靚皮膚，食花膠最岩啦！呢到湯底濃郁，雞肉冇太鞋，加埋我地點嘅梅花豬肉令到湯底更加清甜。我今次第一次食左一樣小食我覺得驚為天人！就係個咸蛋黃炸魚皮！超級鬆脆，咸蛋味好出，我地超快就清貨！另外都要讚下個唐生菜洗得好乾淨，夠新鮮！

今日同朋友去咗銅鑼灣呢間老鍋台式火鍋餐廳，他們的火鍋花膠椰靑三黃雞鍋，這道湯底清香濃郁，湯底裡的花膠和椰靑增添了豐富的口感，三黃雞肉則鮮嫩多汁，絕對是美味的組合。除了火鍋，他們還有其他的火鍋配料，雪花肥牛肉質鮮嫩，入口即化，搭配上他們特製的蘸料更是美味。另外，梅花豬肉也是一道不容錯過火鍋配料，豬肉紋路分明，肉質鮮嫩多汁，口感豐富。作為開胃小吃，他們的咸蛋黃炸魚皮絕對是一個不錯的選擇。魚皮炸得酥脆，搭配上咸蛋黃的香氣，入口爽脆可口，非常開胃。此外，他們還提供台灣啤酒，這樣的搭配讓整體的用餐體驗更加完美。除了美味的菜品，餐廳的服務也值得稱讚。工作人員熱情友好，樂於解答客人的問題，提供優質的服務，讓用餐環境更加舒適。總的來說，銅鑼灣的老鍋台式火鍋是一家值得光顧的餐廳。他們的質量優良，服務也非常周到。不論是與家人朋友一同享用火鍋，還是小酌一杯品味美食，都能在這裡找到滿足。

同媽媽去Sogo購物後，行到攰。天氣開始涼涼地，就好想食火鍋，我哋經過京都廣場見到老鍋台式火鍋，就走入去試試。餐廳環境整潔乾淨，舒適寬敞，還有天燈佈置，有置身於台灣嘅感覺。😋是日選擇：午市二人火鍋套餐1️⃣尚膳養生鍋🍽湯底材料十足，紅棗、杞子、人蔘、花旗參、粟米、冬菇…..等等，養生湯底，真材實料，食前可先飲啖暖暖胃。2️⃣梅花豬肉🍽油花分布均勻，肉質柔軟。3️⃣丸餃拼盤🍽包括：墨魚丸、香菇貢丸、魚皮餃、台灣蛋餃。第一次食台灣蛋餃，餡料豐富，沾上調味料，又有另一番味道。4️⃣五彩鮮蔬盤（細）🍽食火鍋不能缺少，蔬菜新鮮。5️⃣米線🍽口感順湯，米線容易吸收湯汁的風味。

好耐冇食過台式火鍋，咁啱今日得閒，即刻相約朋友出嚟銅鑼灣「老鍋」吃頓火鍋午餐。餐廳佔地 5,000呎，設有大量雙人和四人座位，門口掛咗好多色彩繽紛嘅「天燈」，營造出溫馨浪漫氣氛，好啱同朋友嚟影相打卡！點咗個午市二人火鍋套餐 ($299)，湯底四選一，有老鍋秘制麻辣鍋、老饕酸菜白肉鍋、尚膳養生鍋 同 我哋揀嘅「膠原蛋白美人鍋」。美人鍋材料好豐富，用上原隻烏雞、桃膠同粟米，再配以杞子、紅棗、黨參、淮山、北芪和龍眼肉等熬製，湯頭香甜濃郁，雞肉嫩滑，桃膠有助排毒、補充膠原蛋白，絕對係女仕養顏之寶。肉類三選一，有雪花肥牛、梅花豬肉同農場雞肉，肥牛肉色紅潤，雪花分佈平均，肉質軟嫩得嚟又不失嚼勁，帶濃郁肉香，輕涮幾吓就食得。丸餃拼盤有墨魚丸、香菇貢丸、台灣蛋餃同魚皮餃。墨丸真材實料、內有粒粒墨魚肉；貢丸彈牙帶嚼勁；蛋餃外皮軟嫩、肉餡鮮美多汁；魚皮餃水準亦唔錯，裡面嘅豬肉味好香好新鮮。五彩鮮蔬盤有生菜、娃娃菜、油麥菜、金菇同鮮冬菇，全部都係精心挑選，樣樣都好新鮮，入口又嫩又甜。最後仲有米線或飯可供選擇，食完夠曬飽肚。

天氣開始轉凍，朋友帶路去銅鑼灣打邊爐，裝修好有台灣風格，仲有好多名人到訪。二人火鍋套餐$299湯底有老鍋秘制麻辣鍋、老饕酸菜白肉鍋、膠原蛋白美人鍋、尚膳養生鍋可以4選1，我就揀左老饕酸菜白肉鍋，相當足料，材料有白肉、酸菜 、粟米、蕃茄等配料。辣度則選擇微辣。味道酸酸甜甜，非常醒胃，又不會太辣。而且有湯底有火鍋寬粉，寬粉非常掛湯。肉類配料有雪花肥牛、梅花豬肉、農場雞肉可以3選1，我就揀左雪花肥牛，份量都唔少，脂肪分佈平均，雖然不是入口即化，但肉質嫩滑。以這個價錢有這個質素，相當不錯。丸類則有墨丸、香菇貢丸、魚皮餃、台灣蛋餃各2粒。正常水準。五彩鮮蔬盤（細）米線、飯二選一，我就揀左米線，因為湯底太正，就揀d掛湯既麵食，又暖笠笠。老鍋台式火鍋（京都廣場）📍地址：銅鑼灣駱克道491-499號京都廣場2樓

秋風起，又回到了打邊爐的季節。看到這裡有「午市二人火鍋套餐」，肉片、丸類、蔬菜、主食通通有齊，我跟伙伴二話不說便直接進去了。【老鍋秘製麻辣鍋】鍋裡有大量鴨血和豆腐，吸盡辛香料的麻辣味及中藥材的甘香。小辣的辣度也是有點偏辣，還是需要喝些冰凍的飲品解解辣。【美國梅花豬肉 】脂肪的部分雖然有點多，但出奇地好吃！肉質非常腍軟腍，纖維細緻。基本上不需另外蘸醬油，單靠湯底的麻香味已經很棒了。【台灣蛋餃、墨魚丸、香菇貢丸、魚皮餃】每款有2粒，特別鍾愛口感彈牙又爽滑的墨魚丸。魚皮餃亦相當飽滿，外皮煙靭。【鹹蛋炸魚皮】說是店家的招牌菜，所以就另外單點一份嚐嚐。魚皮已與金黃色的鹹蛋黃醬二合為一，鹹香味濃，口感酥脆，每一口都是「嗦嗦聲」。蔬菜拼盤塞到盤滿缽滿的蔬菜都很新鮮，種類多達5款。最後不得不讚就是店家有附上迷你麵籬，烹煮米線的時候就不會散落一鍋了，非常貼心的小工具。來這裡午餐基本上把肚子都吃撐了，下次有機會再試試他們的酸菜白肉鍋！

天氣涼涼地，連lunchtime都想去打邊爐！🍲同事介紹呢間$300左右嘅2人火鍋，真係都幾豐富！火鍋set包丸餃拼盤、五色鮮蔬盤、肉類（肥牛/梅花豬肉/雞）、米線等。點了老饕酸菜白肉鍋，湯底超級足料有菇、菜、粟米，仲有晶瑩剔透、幾q彈嘅薯粉，吸曬湯底精華幾滋味😆肉類方面，雖然話係肥牛，但都唔會好肥，而且紋理分明，肉質幾好！打邊爐之餘，仲可以係外面天燈wall電子方式「放天燈」，仲可以customise messgae，下次要再去

麻甩佬同事準備打網球賽，同佢食餐好嘅預祝佢 贏，咁佢之後就可以請返我食飯🤭 一嚟到間餐廳，佢就話好似食過，仲要係幾年前嘅事。我心諗間間你都話食過嘅🤨 點知佢同老闆吹水，問以前舊舖係唔係喺尖沙咀？哈！原來佢真係食過！牆上貼滿老闆同唔同名人嘅合照，發哥都幫襯過，證明應該有料到🤪 《午市火鍋套餐 $299》就有交易。當我仲諗緊要花膠美人鍋定養生鍋嘅時候，仲養生過我嘅麻甩佬二話不說要個尚膳養生鍋。 湯頭呈奶白色，超級足料：大大條人參同勁多紅參、桂圓、紅棗、杞子、冬菇、蜂巢豆腐。淨係食湯料都飽。湯一落肚直情暖胃提氣，佢即刻講嘢大聲咗📢 秋冬進補一流, 同手腳冰冷講拜拜👋 雞牛豬三選一，打邊爐點可以冇肥牛。每卷肥牛共有兩塊，一定夠喉。另外仲有台灣蛋餃、墨魚丸、貢丸、魚皮餃同埋啲蔬菜，飯同米線二選一。 麻甩佬本身仲以為唔夠食，諗住加錢再叫，點知原來啲湯料真係唔惹少。最後我哋差唔多飲曬個湯底先走。

呢間銅鑼灣火鍋店，仲有午市套餐，二人套餐平均每人$150 ，性價比都幾高！膠原蛋白美人鍋，除咗有黨參，紅棗，桃膠之外，仲有成隻烏雞，非常滋補，啱晒秋天食! 肉類有得三揀一，強烈建議雪花肥牛， 起晒雪花，而且份量好多😍 再淥埋啲墨魚丸，魚皮餃，餃子，香菇貢丸，整個雜錦米線🍜，yum yum 😋 最後再煮埋啲雜菜，健康結尾。另外一讚係呢間火鍋店可以坐得好舒服，仲有天燈嘅擺設呢🤗꧁☬小編食左咩☬꧂✅ 二人火鍋set(◔◡◔) ♥️ 人均傷害💰：~ $150♥️