老川皇

營業中

休息中

今天来到佐敦这边，说顺便是一下这家心仪已久的川菜馆。小店环境一般，座位比较紧迫，不过我们是下午2点到的，人不多。四川凉面，没有想象中的好吃，吃过一次不会再点。鸡煲，这个太失望了，汤汤水水的，哎。宫保鸡丁，三个菜，也就这个还算满意，配白饭不错。另外叫了一个米线，比凉面要好吃。午餐都是不配饮料的，加了一个罐装的可乐加8块。我看邻桌点的水煮鱼不错，下次准备试试这个。

老川皇食辣野係同事介紹的，同事話好好味，同埋價錢唔貴，又大碟，同事食過油麻地嗰間，我今次貪方便，直接去佐敦呢間，環境比較細，得8張枱，不過唔緊要，最重要食物。我地叫干㶽豬頸肉，豬頸肉都幾大塊，數量多，感覺唔會太油，雖然我地叫中辣，但我自己感覺都接受到，不會太辣。泡椒田雞，一開始望唔見有泡椒，心想應該唔太辣，點知食落好好味，田雞好嫩滑，一食落辣味出晒嚟，我食到停唔到口。辣子雞，其實我幾唔鐘意食辣子雞，覺得d雞斬到細細件，一大堆辣椒，但朋友鐘意，老川皇的辣子雞比外面吃的大一點，炸到好酥脆，配啤酒一流。水煮牛肉，份量足夠，汁好濃郁，下面豆芽吸晒辣汁，好爽。

經常系旺角食飯都唔知食咩好，但是又想食川菜於是就去佐敦，佐敦有好多美食我地選擇老川皇，位置又方便回家又方便，有小巴直到屋企樓下。餐廳店子細細，好彩我地早點到過多一陣就好多人了。好大個招牌寫住老川皇尖椒皮蛋麻辣度尚可，皮蛋不會有腥味，皮蛋外層煙韌，內里少少糖心蒜泥白肉如果切薄少少就就更加美味辣子雞炸到外層好鬆脆內里軟熟，咬落口有少少麻麻地的感覺😋水煮牛肉上面舖満牛肉，下面就放芽菜，芽菜索晒d汁的精華👍干鍋豬頸肉味道好濃郁泡椒田雞切到細細粒好入味😋

要搵一個同樣喜歡食辣嘢嘅人其實唔容易。是日就覓得同樣嗜辣的可人兒共赴老川皇，一齊食辣嘢。講返老川皇，其實我唔係第一次食。不過平時幫襯開油麻地分店，食佐敦呢間都係第一次，但為左一陣去電影中心睇戲，就一於試吓去吳松街分店！我地大概2點去到，舖頭仲有午市食客，要同人搭枱坐。天時暑熱，即刻嗌杯凍飲解解渴。我就叫左蜂蜜檸檬柚子茶，朋友就要檸蜜。為左健康起見，我地都嗌左少冰。講真，出開街食飯既朋友都會明，嗌親少冰嘅飲品，其實次次上枱時咪又係鬼死咁多冰，所以我落單時都無乜期望。點知，呢間野又俾到驚喜我喎。好明顯地少左係「少冰」呀！嗱，所謂見微知著，一杯普通凍飲就睇得出呢間嘢嘅姨姨夠細心！我地望左望餐牌，即刻瞄準目標，向水煮魚出發！既然要食，梗係要食靚野。所以我地叫左半份小辣嘅水煮桂花魚，再叫左碗重慶酸辣粉share。朋友咁岩想食青瓜，咁我哋又再叫多份小辣嘅手拍青瓜。落完單，附近有客走，有枱空左，我地就心思思想轉枱，費時同人搭枱啦。點知都未出聲，姨姨就主動行埋嚟問，我哋梗係即刻話好啦。轉完枱冇耐之後，就開始上菜啦。手帕青瓜超大份，粗略估計有三條青瓜。可能因為叫咗小辣，食落都唔係幾辣，下次可以挑戰中辣。

最近突然很想吃點辣，朋友就帶我到了佐敦的老川皇尋辣。門前和入內的感覺是家庭式作業，沒有華麗裝潢，卻帶點地道風味。食物選擇可不少，大部分也是辣的，正合我心意，價格也是數十元有交易。隨意點了兩款涼食、兩款主食。川北涼粉味道調得不錯，辣中帶麻，可惜涼粉較軟身，很容易斷開。蒜泥白肉很「足料」，一客有十多件肉，而蒜泥是多得蓋過所有白肉的。蒜香十分濃郁，如果白肉能夠薄一點，相信口感會更佳。麻婆豆腐紅紅的，辣度十足。豆腐軟滑，混入肉碎，口感甚佳。醬汁辣中帶點點甜，非常開胃，很適合配白飯。宮保雞丁用上多款辣椒和醬料調味，配上香脆的花生粒，而且「鑊氣十足」。每一小顆雞丁的表面都均勻地沾上醬汁，惹味得很。小小的餐館，滿足了我味蕾這晚對辣的需求。

濕濕立立嘅春天潮濕日子，要搵返啲辣嘢食去一去濕！ 見呢間川菜小店有午市午餐$45~$55, 睇落都好抵， 就入去試下。睇食評好多人都推介食酸菜魚， 梗係要試下啦！ 原來呢度有得揀辣度，我食開譚仔小至中辣， 今日係呢度我就叫咗個中辣。 未食魚先試湯， 酸得黎味道帶有一分清甜。 魚嘅分量好多， 魚肉滑身， 魚骨亦唔係好多， 冇乜細骨，仲有鹹酸菜向底。 如果兩個女仔唔太大食，基本上一個餐都好夠飽， 因為個餐仲有粉、麵或飯， 任你揀。 呢個好味，真係冇推介錯！我哋另外仲叫咗個水煮田雞， 呢度既水煮汁底比較杰身。田雞肉好嫩滑，下面嘅大豆芽菜吸曬汁嘅味道， 辣到我 si si sir sir 呢度另一樣重點推介就係串燒， 可惜只係晚市供應， 今日食唔到！ 下次我一定要嚟食串燒！

在旺角一帶大家也吃膩了，想找新點子，有朋友提議到佐敦吳松街一帶找吃，而且位置也方便大家回家，於是走到那一帶看看。吳松街一帶非常多食店，正眼花瞭亂之際，看到此店，川式風味燒烤，異口同聲也想一試，就此就座於此。店子細細，可是非常熱鬧，坐無虛席，還好只等了不久就可入座。大夥研究有什麼好吃之時，門外的燒烤香味，也傳入店內，令大夥也非常雀躍。被燒烤的香味吸引，於是也要了數個燒烤，也要了數個廚房煮的菜式，燒烤香味越濃，令大家非常期待。不用多久，數個風味燒烤己上場。先上枱的是蟹子丸及墨魚丸。尖形的是蟹子丸，咬感非常好，很彈口，肉汁豐富，而圓形是墨魚丸，丸子大大，卻軟綿滑，容易咀嚼，兩者都不辣，孜然粉帶出香味。我最愛的鱔，是燒烤的，首次吃到，鱔肉非常香口，孜然粉的關係，無任何腥味，而且入口更香。燒羊架這時送上，單從外表燒得剛好，並不乾，肉汁豐富，軟滑，容易咀嚼，小辣更覺肉香，小小羊羶味，令我更愛。鹽水鴨還是首次品嚐，入口滑淨，軟綿綿的口感，好像不用多咀嚼就可以吞下，鹹香的味道，令人垂涎，不其然多吃兩塊。虎皮尖尖，也以為會很辣，清香，爽脆爽口，也沒有辣味。最後送上的是燒蠔，大家也期待很久。南非蠔，蠔味較

午餐很多選擇，小炒，涼菜及水煮和酸菜湯等，由40至55元左右。我愛這裡的酸菜魚，一人餐，份量超大，两個女生也夠吃。魚很滑，不過我還是最愛它的酸菜湯，酸香辣，會即叫即淆煮，不過油頗多。而白飯太淋！衞生情況有待改善，枱和地下偏油。。。

好耐無食薯粉了，同老公兩個去老川皇食晚餐。燒茄子～～餐前小食是一個燒茄子，鍾意食茄子的我，每次到燒烤店一定要食，醃料有孜然粉，蒜蓉，蔥粒，燒到茄子肉淋又入味，一個字“正”。清炒萵笋絲～～食一個清淡的萵笋，廚師切到每條都一樣粗幼，食時爽口，仲可以聽到青脆聲。鹽水鴨～～肉質鮮嫩，帶有少少鹽咸味仲要啖啖肉，而肉又不油不膩，餸飯餸啤酒一流。峨嵋鱔絲～～我最期待的薯粉，一睇到已經流口水了，紅紅辣椒的湯底，材料有辣椒乾，花椒，辣椒油，因為那天峨嵋鱔賣完改用了白鱔，鱔肉滑嫩無任何骨，可以一大口一大口食。薯粉吸收了白鱔與配料精華，又辣又好味，我一個人可以食完一碗。

呢間野喺我公司附近,星期六放工過黎食~我本人係比較喜歡食辣,所以川菜都幾岩我口味.第一次食就愛上呢間野,因為D小炒都幾好鑊氣.最推薦既菜式係蔥爆牛肉.雖然佢地既小炒幾好食,但等候時間都幾耐,每人至少都要等30分鐘.黎過呢度幾次,試過兩次見到有人因為等得耐而發脾氣走~如果真係想食,最好預早D去.唔係因為多人食,而係因為上菜慢~

朋友介紹話呢間食四川野又平又抵又好食，咁就特登去試吓啦。間鋪細細地，地方唔大，啲位有啲窄。但係感覺好地到，好似真係去左四川咁。成個menu 都係紅色，全部都係辣椒，鍾意食辣gei真係睇見都好開心😋佢每樣菜色都可以揀大中小辣，因番自己程度去揀。我地唔算好食得辣野，所以全部都叫小辣算。叫左幾個前菜，蒜泥白肉，椒浸雞腎，個雞腎第一啖食落去好似怪怪地，但係越食越好味喎。而蒜泥白肉就比較厚，睇相好似好多大碟，但下面全部都係青瓜，不過啲青瓜勁好食，唔洗另叫手帕青瓜😂主菜當然唔少得水煮魚啦，不過嗰日水煮魚賣晒，得返水煮桂花魚，就貴少少，不過啲魚真係好滑，同埋勁大煲勁多魚肉，4個人都食唔晒。（咁當然我地仲叫多左幾樣野）同埋睇相好似好多辣椒，但係我哋揀小辣，食落就真係唔係好辣，下次可以挑戰下中辣😍其他餸就帶咗一個手撕包菜，一個孜然羊肉，一個炒乾扁豆，同埋一碗酸辣粉再加白飯。其實四個人真係叫得太多。 個手撕包菜就有小小太咸，而個羊肉就第一啖冇乜味，但係食食吓又ok,所以大家食之前最好撈一撈佢。食物都算幾好味，鍾意食辣就真係會好開心，而份量都算幾大份，要叫多幾個人一齊食就可以哭多幾樣野試喇。不過上菜時間就有

逢週末打開電視，十之八九都係旅遊飲食節目，非常鼓吹消費。不幸地唔覺意睇左一陣，入面介紹正宗的毛血旺。好啦，𣊬間被燒到，第二晚就走左去食！干鍋肥腸 $86好香好香，炒得好有鑊氣。配料有大量洋蔥和尖青椒，可惜我全部都唔食㗎。呢個豬大腸同平日食開㗎大腸完全唔同，一啲都無油脂，口感結實有嚼口，似係食緊一件肉多過內臟，好有新鮮感。毛血旺 $138半張枱大㗎鐵盤真係好鬼覇氣！入面材料亦無揸流攤，頗為豐富。有豬紅、豬肚、豬腸、黑白牛柏葉、鱔片、木耳、豆芽。豬紅開頭是淡口的，後來浸多陣，入味好多。其他配料都是以爽脆為主。本喵從未食過毛血旺，亦唔係好食得辣。幸好餐廳菜色可以俾食客揀幾多辣，而以上兩味我都好廢柴咁叫左微辣。雖然都係要狂飲可樂，不過都叫還左我呢個突然想食川菜㗎心願~但由於太重口味，短期內都唔會再光顧😂

今日特意相約朋友一齊去食辣野，呢個天氣係食辣野既最佳時候要搵志同道合的辣既朋友真係好難得，不過我留意到最近好多人都好嗜辣，食辣既人越來越多，今日去吳松街，見沿途好多餐廳都係關於辣的以後搵辣野食可以黎呢條街喇老川皇，一見個名有個川字一定係好野環境唔多大，不過人流都唔少，客人走接著又有新客入，而且我見有熟客拎住個煲黎外賣水煮魚添其實menu都好多選擇，我地揀左起碼3個字先決定到叫咩，有時太多選擇都唔好，令人花多眼亂我地落單時要求要中辣，食左呢個香辣海蜇覺得辣味唔夠，於是即刻要求其他菜式要大辣講返碟海蜇先，味道不錯的，好彩我都食芫茜，因為芫茜份量都幾多ga, 越食落底越辣的，可能底下既辣汁集中d, 不過對於我黎講呢辣唔夠泡椒田雞，呢碟好吸睛呀，食落更加停唔到口添，辣椒係黃色的，相信係醃製過，夾黎試一試辣唔辣先，點知反而係咸的，每舊田雞都被辣汁包圍住味道係有層次的，首先食落會有少少咸味，跟隨住辣既味道就出黎喇，不過呢個辣度都唔係好夠，我相信只係小辣ja尖椒豬肚，一放落枱d炒香味樸鼻，火候十足，開頭以為尖椒會好辣，唔敢要大辣，點知食落同普通青椒沒分別，不過味道好好，而且份量都好大，豬肚都唔少

昨日在廟街閒逛、經過此店在此吃午餐。叫了一客小辣孜然羊肉。此餸份量很多, 羊肉塊很和味、爽脆和有咬口, 但是味道頗咸、但是與飯一起吃就無問题。只是配莱是一粒粒的綠色和黑色不知是甚麼東西、所以只是吃了羊肉、覺得很浪费、不環保。

早幾個月去完西藏之後就無食過川菜。係，西藏真係食川菜的，仲要週街都係，保証正宗，因為四川人開...餐廳因應當地人口味而調整味道好正常，但今次黎就食唔到最正宗嘅口味！韭菜豬肉餃以為好似相入面咁清蒸？你太年輕了！一上枱，西藏食川菜嘅回憶返晒黎！係用油浸住咖！bb辣，近乎唔辣。多葱夠重口味，like! 孑然羊肉，都係bb辣。好多莞茜！睇落多辣椒，其實唔辣。肉嘅調味都幾重手，咸左d,一定要配飯！白飯十蚊碗。魚香茄子跟餐，有飯。好甜！加左好多糖，仲有d似茄汁嘅紅醬...茄正夠林，仲keep住一條一條。係油嘅，配飯一流！