老川皇

營業中

休息中

收工突然想食辣，上網見到搵下有咩仲開，見到呢間老川皇既相好吸引，即管同男友試試，上到去環境幾大不錯，10點幾上去都仲有好多人，愛食辣既我地當然嗌左個水煮魚食啦，水煮魚勁大碗，1上枱就聞到啲辣香味，但食落又唔會得個辣字，魚味重，食得出系新鮮魚，完全唔求其，仲有辣子雞亦炒得好香，好好味餸啤酒1樓味道好好，價錢又相宜，2個人食3百幾就可以落樓，啲侍應亦好好人，服務不錯，時間仲要開到好夜，方便收工走過黎食宵夜

我明明努力工作中，同事催我收工同D舊朋友一齊食好嘢😱😱雖然唔知食乜，不過呢個老友好耐冇見，而且又近我屋企食飯，所以都唔理咁多，走啊放工啊🏃🏽‍♀️💨一入到間鋪就知要食辣野，因為我哋收工都已經九點幾，朋友仔已經order左兩三碟嘢，我同同事都二話不說嗱嗱聲試咗隻雞同埋萵筍其實呢啲鋪頭都係食嗰啲味道，所以如果你鍾意四川麻辣，真係值得推介不過個萵筍係非常爽口真心不錯然後我極力推介個魚，其實我本人係麻麻地食魚，不過呢個魚真係好滑又無骨啖啖肉，我都不期然食完一舊又一舊另外推介黃金蝦，雖然已經食到好飽，但係仍然都覺得好好味

來老川皇食川菜午餐。午餐很多選擇，小炒，涼菜及水煮菜都有，價錢＄45至＄55，很平宜。如果好似我地咁，一兩個人又想食水煮／酸菜魚，黎呢度就最適合不過。小店位於佐敦永安百貨後面嘅吳松街，方便易搵。2點黎都滿座。餐桌椅的擺放間隔較密集,坐起來有點侷促。尖椒皮蛋以前菜來說，驚喜萬分。皮蛋既蛋白透明，蛋黃溏心，辣醬好香，仲配上生青椒，好好味。紅油都幾多不過我地叫左小辣，所以紅得黎不太辣蒜泥白肉強勁蒜泥佈滿左成個碟，令到香味同份量十足。白肉肥美又爽口。下面用爽脆青瓜鋪底，醬汁令整件事昇華了不少。川北涼粉個醬汁很有四川風味，有酸酸地又帶麻辣既麻味，辣度適中，食得辣嘅朋友一定唔可以錯過。涼粉本身好軟身，質感好似啫喱，一夾起上黎就碎。溫度有點不夠凍。清炒萵筍絲萵筍鐵嘅含量豐富又富維生素，女士要多食。新鮮萵筍每條都一樣粗幼，入口清甜爽脆。清炒調味比較重，帶出萵筍既甜味。午餐主角－ 水煮魚一黎到香氣撲鼻，再嚟見到勁多辣椒，已經食指大動。入面有好多魚片，鮮嫩滑溜，係香港未試過食到咁有水準嘅水煮魚。低下有好多大荳芽，吸收哂紅油好好食，唯整體偏鹹。總括嚟講，味道好，份量足，食得辣嘅可以點中辣以上。

又到左某百貨公司既感謝祭喜歡買同食既小編當然要約埋好姊妹一齊大出血行左成日 收獲不少 最後當然要搵間餐廳醫肚好姊妹話想食辣 仲要指定食麻辣於是小編就帶左佢黎食位置佐敦既老川皇因為小編覺得呢道既食物最有四川麻辣風味川北涼粉 $36其實食川北涼粉最重要既係個醬汁因為涼粉本身無咩味道 質感好似啫喱餐廳自己調製既醬汁味道較辣 食得出有麻辣既麻味醬汁本身有小許咸味 正好可以為涼粉調味涼粉溫度夠凍 唔會不冷不熱韮菜餃$30(8隻)用$30食到8隻餃子 絕對係物超所值韮菜餃係餐廳自家製 係出面既餐廳食唔到餃子好足料有豬肉同韮菜做餡料入口時餃子既肉汁溢出 十分鮮味小編點左酸辣湯湯底 食餃子之餘可以將湯飲埋 一次過滿足兩個願望萵荀臘肉$65聽到呢個菜式名相信一眾姊妹們都會異口同聲話:好肥呀！其實臘肉並唔係咁可怕 佢係菜式中有調味既作用萵荀其實係油麥菜既莖 口感清爽 脆口醒胃因為臘肉中既鹽份 帶出萵筍既甜味干扁四季豆$62干扁四季豆可以話係川菜既其中一個代表大廚將四季豆過油 令四季豆更香口 口感較脆之後再加入豬肉 紅乾辣椒 為四季豆調味 增強口感本來會以為紅乾辣椒會令四季豆辣度上升 但唔好俾佢個樣嚇親

朋友喜歡吃辣，常說一班人吃辣才過癮，因為多人才可以吃多，才可以吃得痛快。 就如你去過渝川菜館，如果一兩個人，你係完全無用武之地，情況就如男人有心無力，有女人送上門都望門輕嘆一樣。 睇戲前講開食辣，心動就不如行動，兩個人，吃辣也可以行小組，另一番的滋味。 於是我們來到了分店眾多的老川皇，吃過快飯，先去睇戲。 先來碟凍雲耳，以前菜來說，驚喜萬分。 四川涼麵是絕對做得驚喜，辣度適中，每口的涼麵之爽朗令我想起灣仔那間美味的渝川。 滿佈強勁蒜泥勁過譚仔二百倍，蒜泥白肉香度當然滿分，而白肉一點也不肥美，加上那個怡人的醬汁，令整件事昇華了不少。 川北涼粉是另一特別選擇，粗身又彈性得宜的涼粉配上勁辣的配料是無得輸，涼粉完全吸收了辣椒蔥花的香，辣勁長久而凌厲，越吃越開胃。 吃川菜，當然要飲老吉，情況就如男人揼骨要飲大力一樣。 來吃辣野點可以冇酸辣粉，兩餸點了肥牛和墨魚丸，酸辣湯醒胃，個粉好好味，粗粗的勁有嚼勁。 不過可惜肥牛品質麻麻，墨魚丸都沒有譚仔般高質。 當然還有尖椒皮蛋和萵筍，味道雖不算刺激，但都值得吃一下。 這裡的好處是又平又大份，不用一大班人去吃，兩三個就可以吃到不同的美

朋友屋企很喜歡這間店。不下多次聽他們說會下午來吃頓飯再外賣幾樣餸回家吃個兩三天。今次終於的起心肝來這裏試一下。不過我們來的時間是晚上。真的有點嚇親，因為才六點幾不到七點，已經可說是滿座了，連門口出面也額外開多兩張枱。我們不想等的關係，也就張就坐唯一剩下最不舒服的空枱-背面就是門口，隔迫就是收銀，因為空間很迫，很多人出入，又有人買外賣，是人流最多的地方，所以應該沒多少人想坐這張枱。在這裏還要注意一件事，就是點完餐後要等，等，等！但其實很合理，人太多了，每枱至少點兩三個餸，經我推算，煮好前幾枱人的餸再到我們這枱，也真的要半小時啦。所以趕時間的就要早點來了。不過還好的是要是點涼伴那些食物，是很快上菜的。在我等的時候，留意到天花和燈都很有中國特色。再加上小小的環境，人聲沸騰，幾枱人都喝著大大支的酒，坐著很多不同地方來的食客-有不同方言的內地人、有講英文的外地客、還有香港人，一剎那間我還真以為自己旅行到了成都或重慶某一間地道小菜館裏呢。第一道上菜的食物是尖椒皮蛋，$38，微辣。這個不用等多久就來了。店員讓我們慢慢吃著慢慢等，所以我們再一次有心理準備上菜是會比較慢。雖然店員好意提示，但我們卻狂風掃

講起食素，好多人都會聯想到清淡、冇味道，其實作為素人，有時都會想給味蕾一些刺激。Green monday聚會，與素友M及非素友B相聚，本人提出想食辣，愛辣的素友M提議到佐敦老川皇，正宗四川辣菜令小編印象深刻。店面是一般小鋪,星期一晚上不太多人，店員都以四川話交流，感覺很地道！我和非素友B都是吃辣BB班，叫的餸都是小辣，小小辣，但對不吃辣的人而，已夠刺激。這店給我最好的印象，是他的辣不是死辣死麻，吃得舌頭發脹，而是每道菜都保持自己的味道，除了辣，吃到當中微妙的不同。這值得一讚！總結一下當日狂吃的菜式, 涼拌三款, 土豆絲, 萵筍，海帶，小編覺得都十分爽脆！讚！鐵板水晶粉，偏咸，暗藏與高麗菜同頻色的泡椒，本人眼殘，看不到，大啖吃下才發現中招！干鍋百頁豆腐，我覺得太咸，不是首選。最愛竟是紫菜蛋花湯，咸鮮味好喝，但臉盤大份量，三人之力難以K.O.之。辣子雞，只吃了花生，麻辣平衡，味道像黃飛紅花生，好吃，配啤酒一流。結賬$440，很滿足呢！

同BB同事一齊去佐敦食飯。當然又係食辣野啦！今次試吓呢間係佐敦嘅四川菜。等左大概10分鐘有位入去，唔算太耐。菜式，其實同大部份川菜都差唔多。我哋叫麻辣薯粉、水煮牛肉、蒜泥白肉、夫妻肺片、一碗麵、仲有非常解渴新力啤酒！一開始，薯粉已經嚟咗。佢嘅話真係非同凡響，我本身好食得辣，但係我男朋友同我都食到標晒汗都好，馬拉嘅味道係口中不停徘徊。起初你會覺得冇乜特別，但後勁非常強勁，麻辣感覺會在口中不停迴旋、昇華。木薯粉的辣油亦相當吸引。如果喜歡辣的朋友，會好似我男朋友咁，另外叫一碗白飯，配上湯汁一起在吃。非常過癮我同事叫果一碗麵，反而唔係太辣，需要由我嗰碗分一啲湯汁給他吃其他配菜，做得非常出色。難怪少少嘅店舖，整個晚上都會滿座。我叫左凍金橘檸檬，但我男朋友堅持要飲新力啤酒。他說新力啤酒，有獨特的口味，非常解渴，食麻辣湯麵的時候，特別配合。買單四個人$445抵食到爆

喜愛食辣的我最近聽朋友說老川皇的川菜經濟又抵食，今日路經佐敦這間老川皇，一於辣辣辣食餐先。午餐種類選擇多, 大大話話有20多種可揀，而這餐廳出客們水煮魚。 所以點了酸菜魚餐要小辣的，加上一杯特飲-- 凍柑桔檸蜜也不過是65蚊,非常抵食。酸菜水煮魚份量好多，相信是整條魚的份量 ，食落啖啖魚肉，非常滿足。而魚肉片得厚薄適中，加上起了大部份魚骨，食得全無 顧忌。魚本身好滑口，配上酸菜、辣椒和 蘿蔔，又酸又辣。雖然是小辣， 已滿頭大汗，川菜果然非同凡響, 辣得過癮。別外點了以辣為主的口水雞和蒜泥白肉，辣得都勁惹味勁爽，雞本身好有雞味，肉很嫩滑，食了一舊會忍唔住食第二舊，佐飯一流。加上鹽脆花生作配料，辣得可為滋味。而蒜泥白肉我十分喜愛小食之一，切得薄薄的，令肉渗滿辣椒味，奇辣無比。而白肉半肥瘦，非常均匀，食落令口感爽口，好有咬口。白肉底下配上大量青瓜絲，可中和部分辣味，啱哂。但由於食到辣得有點舌頭麻痺，最後叫了兩杯凍飲才應付到。整體而言, 這間老川皇確實以辣為主，但也有其它惹味的小炒，大家不要錯過。i

識到一班有共同喜好嘅朋友感覺真係好好，可能大家會來自唔同嘅地區，有唔同嘅background，但大家都同樣好鍾意食辣嘢!間中約埋一齊呻下做嘢嘅辛酸，分享吓開心嘅趣事，感覺真係好幸福!多謝辣友sss令呢餐飯增添咗唔少歡樂，相信大家都會繼續珍惜同互相扶持!今次揀咗呢間有3間分店嘅老川皇，成日行過砵蘭街分店，聞到陣陣孜然粉香味，已經排咗喺辣友飯局個list 度好耐!今晚終於可以試！小店位於佐敦永安百貨後面嘅吳松街，方便易揾。因為約咗星期六晚，怕人多無位，所以早喺一星期前就打嚟訂枱。當晚我哋晚上6點半到，由點菜開始、食嘢、吹水、隊啤、到離開時已經係接近10點。唔經唔覺我哋隔離枱都做咗幾輪生意，但店入面嘅阿姐完全無趕我哋走亦冇一刻唔禮貌對我哋，真係好開心同欣賞呢間小店。口水雞(例牌)中辣我哋成日都會點嘅一碟前菜，呢度個口水汁好香少少麻，而且雞肉嫩滑仲好入味，絕對唔係老干媽！為咗可以叫多幾款食多d，我哋叫咗例牌，其實可以order一隻或者半隻雞！涼拌萵筍絲(唔辣)萵筍中含有多種維生素同無機鹽，其中以鐵嘅含量較豐富，食用新鮮萵筍對治療各種貧血非常有利。萵筍可以有好多做法，清炒，配肉炒或者係涼拌。萵筍

天氣漸有秋意 食辣嘢嘅心又再冒起 想到辣味川菜 我第一時間會諗起老川皇之前都食過老川皇但在旺角區 嚟佐敦吳松街 老川皇都係第一次 原來老川皇已經有三間分店啦 好犀利地方唔算大 放滿密密麻麻嘅枱櫈 坐滿人嘅時候都幾熱鬧其實食辣嘢最好就係嘆啤酒 但少女子今日揸咗車就飲利賓納算啦泡椒田雞 超惹味嘅一度小菜 泡椒帶點微酸 所以又香又辣又酸 食到我流曬 汗流曬口水 田雞肉彈牙 嫩滑 仲好入味清炒萵筍絲 魔術師切得非常幼細 入口清新 爽脆 炒嘅時間拿捏得非常好 並沒有過火番茄蛋湯 酸酸甜甜嘅番茄非常開胃 蛋花炒得非常嫩滑 只是雞蛋和番茄就能做出美味嘅湯 雖然同一般老火湯唔同 但勝在滾湯夠清新 飲落去喉嚨會感覺到好舒服兩個人埋單㗎都係二百鬆啲 確實抵食 碟碟都好大碟

作為川菜粉絲的我,每當朋友約局川菜美食時,我都會盡量抽空出席,而這次也不例外,兼且也是嚐新的餐廳--佐敦老川皇;經Openrice查看後,老川皇有幾間分店;而好友們這次約局的位於吳松街,基本上都是處交通地理的理想位置!今年頗為密集的颱風,去到第四個也走了之後,隔天四人的飯局就定於七時半,我且剛好準時到達;門面與門牌的風格是濃濃的中國風,以金漆刻畫的三個大字--老川皇,在街道對面走著時離遠已望到!室內的裝潢與面門也甚為一致,以那燈籠及牆面的佈置營造了中式風雅!而且一入內已有股濃濃的香辣味撲鼻而來;只是略嫌餐桌椅的擺放間隔較密集,坐起來有點侷促!此時飯局發起人及另一好友已一早入座,只剩最後一位好友的到來;我也加入挑選哪些菜式的商討,基本上也差不多有定案的時候,最後一位也前來了,待其同意後就馬上落單了;我們吩咐了食物的上菜次序,待一會兒,應該是十分受港人喜愛的燒物首先登場--燒蠔;蠔身尚算肥美,而且咬起來很爽滑,蠔汁也鮮甜,這可歸功於蒜蓉汁和辣汁的調和,可起袪腥提鮮之效;作為第一道菜,更是能醒胃!其餘燒物也陸續登場;燒墨魚丸口感爽彈,有辣椒粉與孜然粉的提鮮令味道更添層次;而花枝丸的味道也很接

聽過幾次話好食，約左食辣嘅朋友晚飯，點左水煮魚片，水煮毛血旺，乾鍋肥腸，泡椒鴨舌，除左鴨舌，其他分量真係多到爆！良心啊！！好大嘅分量一份先100+，真係抵，但係中辣對於我哋鐘意食辣來講，冇味道除左鹹之外，真係冇辣味，提醒鐘意食辣同埋嗜愛食辣嘅朋友，點！大！辣！！！！

好耐未食過川燒了，難得識到喜歡川菜的新朋友，相約一同去食辣燒茄子～其實我麻麻地鍾意食茄子，不過朋友們好鍾意食，所以就點了，醃料有孜然粉，蒜蓉，蔥粒，燒得很香很入味，令原本不太喜歡茄子的我也食得津津有味。鹽水鴨～ 鹽咸味適中，肉質鮮嫩，不油膩。蟹子丸及墨魚丸~ 很彈牙，燒得剛剛好，肉汁豐富，最緊要係我最喜愛的孜然粉，能帶出令人垂涎欲滴的香味。燒鱔~其實我又係麻麻地鍾意食鱔，不過又係朋友們好鍾意食，看樣子好像燒得很不錯，所以試了一件，鱔肉非常香脆内軟，因爲孜然粉的關係，鱔肉無任何腥味，令我再度encore。南非蠔~ 蒜味較濃，蠔身較淡口。燒羊架~ 單看外表已經知道燒得剛剛好，肉汁豐富，軟滑，燒羊架配上孜然粉真的秒絕。峨嵋鱔絲~ 喜愛水煮魚的我，最期待的薯粉終於來到，紅紅辣椒的湯底，材料有辣椒乾和不得不提的新鮮花椒，一般店都是用花椒乾，但這裡卻用了新鮮花椒，令我喜出望外，立即加分。雖然我不太喜愛食鱔，但剛剛試過這間店的燒鱔，鱔肉無任何腥味，就令我加倍放心，果然鱔肉嫩滑無骨，毫無腥味。而薯粉吸收了鱔和配料精華，香辣美味。

已經係第二次食呢間老川皇，好味丫嘛，所以一定返轉頭食！我哋一家四口都食得辣，今次一於帶埋佢哋嚟！🌶我哋一共叫咗五個餸，等我逐樣介紹先😋提提大家，如果唔食得辣，或者好食得辣，都可以同店員講聲～佢哋會幫你調整辣度～ 好細心呢～😚第一樣嚟嘅係『川北涼粉』🍜就咁睇，賣相非常吸引～滿滿嘅辣椒醬料鋪滿係涼粉上面～撈勻之後就即刻起筷啦😛由於個涼粉其實都幾吸辣，我哋都唔係好頂得順哈哈但辣味同香味就真係無得輸！食得辣嘅朋友一定唔可以錯過😎 第二樣嚟嘅係『韭菜餃(8隻)』🍲除咗韭菜餃之外，仲有白菜餃同埋西洋菜餃任君選擇😌八隻餃啱啱好夠我哋一人兩隻～外表脹卜卜嘅餃入面係滿滿嘅韭菜！！(大家可以參考下圖)真係滿架唔係講笑～😲爸爸話好有驚喜，出面食唔到咁足料！第三樣嚟嘅係『鐵板魷魚鬚』🦑用鐵板上嘅，唔洗講當然係熱辣辣，夠晒惹味～就咁睇，以為咁多辣椒實係辣到飛起啦！點知又唔係喎，反而係令到d魷魚鬚更加香口～配埋爽爽甜甜嘅洋蔥，感覺唔會太膩，不錯！第四樣嚟嘅係『鐵板肥腸』🐷又係鐵板啦哈哈😄肥腸嘅份量絕對唔少呀，了下了下，食極都仲有！佢呢度嘅肥腸外皮係脆脆地，我估係輕輕炸過下先再炒？🤔但肥腸嘅味道仲keep到喺度，好