老川皇

營業中

休息中

老川皇食辣野係同事介紹的，同事話好好味，同埋價錢唔貴，又大碟，同事食過油麻地嗰間，我今次貪方便，直接去佐敦呢間，環境比較細，得8張枱，不過唔緊要，最重要食物。我地叫干㶽豬頸肉，豬頸肉都幾大塊，數量多，感覺唔會太油，雖然我地叫中辣，但我自己感覺都接受到，不會太辣。泡椒田雞，一開始望唔見有泡椒，心想應該唔太辣，點知食落好好味，田雞好嫩滑，一食落辣味出晒嚟，我食到停唔到口。辣子雞，其實我幾唔鐘意食辣子雞，覺得d雞斬到細細件，一大堆辣椒，但朋友鐘意，老川皇的辣子雞比外面吃的大一點，炸到好酥脆，配啤酒一流。水煮牛肉，份量足夠，汁好濃郁，下面豆芽吸晒辣汁，好爽。