翡翠拉麵小籠包

營業中

休息中

12月8號晚六點多，不太多客人，但滿座，但食物令人失望。小籠包、煎鍋貼上檯時點心皮竟然是乾乾的，好像在厨房擺咗好耐好耐一樣。酸菜魚拉麵咸度超勁，真係咸到無倫，之後，食其他食物已無晒味覺。拉麵上碗時，仍是一舊舊未散開，都唔知是滾水唔滾，抑或未淥熟。素炒飯啲鹽粒都未散開，太差了。

心血來潮想食"冰火餐", 咩叫"冰火餐"?!  咪就係呢2個組合囉!醉豬手 - 爽口彈牙既豬皮, 肉質唔嚡, 而用既花雕酒亦相當入到豬手中, 食之前習慣先呷一口酒, 酒味香濃, 凍豬手食落又凍又爽, 一碟豬手份量都唔少, 仲要有皮有肉, 好對眼!酸辣湯麵 - 一大碗份量夠晒多, 足夠二人分享, 一人食晒會非常飽!  酸辣湯底比較杰身, 質感似散叫一客酸辣湯, 味道偏酸且辣, 食完全身都熱晒, 鼻水都流出來, 愈食愈過癮!  湯料包括木耳絲, 豬紅絲, 豆腐絲, 荀絲等, 口感層次豐富左!  麵條軟硬度頗合心意, 配上香䓤粒更加香!呢個由我自創既冰火組合簡直無得輸, 食得我相當滿足!

九龍灣的翡翠拉麵小籠包結業後，筆者多到銅鑼灣的樂天皇朝吃擔擔麵，其人手拉製的新鮮中或麵軟清且有嚼勁。最近，翡翠終於在前南小國的鋪位，重新開店，亦供應手工麵食，故前來一試。中國的麵食，其實博大精深，看餐廳似乎是一種學習中國麵文化的一處途徑。翡翠一共供應6款手打麵食，包括麵身中間切出兩條直紋的雙溝拉麵、如龍絲般幼細而取名的龍鬚麵、山西麵條則以大切從大麵團削出麵條片片、北方手揪麵條則帶點餃子皮形狀的麵片，各具特色。更重要是，每款麵條各具不一樣的吸引能力。不單是粗幼，麵條的形狀和切紋，影響湯汁的滲透。有趣的地方是，店家讓客人從基本麵款之中，自行選配湯底，是一項有趣的試驗。喝杯茶，慢慢選擇麵和湯底，還有其他包品。筆者和友人是日點了四川擔擔拉麵--改雙溝拉麵（$56）和排骨湯麵--改大寬拉麵（$68）。另加點了雞絲粉皮（$52）和上海小籠包（$38/4隻）。先上桌的是雞絲粉皮（$52），份量和價錢似乎成反比....但吃起來，有其仔細獨到之處。用上芝麻味道較重的上海芝麻醬，加入老抽調味，濃而不重，帶點醬甜。粉皮帶點清涼感覺，拌青瓜雞絲來吃，乾爽開胃。接下來上桌的是小籠包（$38）。小籠包新鮮熱燙，得

陪老婆到德福廣場，她聽朋友說那兒有間外幣找換店，匯率比銀行平些少，正好入定貨為下個月的旅行作準備。由九龍灣地鐵站B出口，轉左上德福廣場，在右手邊不遠處便會見到店舖，位置非常方便。唱完錢已到晩飯時間，這裡在平日的晚上6:30，入座率也接近七成，七時已見門外出現人龍；在埸內多個競爭對手之下仍能吸納此等客量，也真不簡單。茶方面有清香烏龍及陳香普洱可供選擇(每位六元)，而我們則揀了清香烏龍。以茶包形式奉上，之後額外添加的茶包每個收取三元。看過餐牌，這個「自選前菜三拼」（八種選擇），價錢不貴，分量足二人份量，又可以一次過滿足三個願望，何樂而不為呢。最後我們選擇了醬油素雞、陳醋西芹拌黑木耳和鎮江肴肉。醬油素雞～以豆腐皮製作而成，索滿了汁醬、口感極佳，而且不算油膩，唔錯。陳醋西芹拌黑木耳～黑木耳有豐富的鈣及鐵質，熱量又低，膳食纖維含量高，加入陳醋及西芹，是一道健康又不失美味的小吃。鎮江肴肉～初次吃這味菜便是在太古的翡翠，一試便愛上，白皮紅肉，痩的部位香酥、肉質緊緻，混和了啫喱狀的皮凍；整體口感滑溜而富層次，沾了陳醋同吃更覺滋味。焦糖龍井蝦仁～小巧的河蝦仁味道清鮮，口感爽嫩，龍井脆而微帶焦香，這一鹹一

德福廣場店由二期搬到來一期裝修後重開，市口旺咗，門面裝飾一改以前的風格，顯得清静雅緻，看來是升咗 level 。未坐穩，就有派茶員派茶，一人一袋袋泡茶。新的餐牌增加了［本店限定］部分，其中有非一般的雪糕 ——［八寶飯雪糕］HK$ 38 另收加一。將八寶飯的黑糯米、紅豆、龍眼肉、杞子、紅棗泥、芒果乾、桂花糖等拆解，融入雪糕之中，吃起來有拉絲的效果，口感說不上好吃，卻也不難吃，創新精神可嘉。廚師推介［三色水餃］HK$ 40 另收加一。紅色的＂泡菜鮮肉餃子＂和綠色的＂四季豆鮮肉餃子＂都幾好味，唯有黃色的＂芝士鮮肉餃子＂食落有一種我接受不到的羶味。長線品種［原盅雲吞雞湯］HK$ 60 另收加一。盅內有兩粒雲吞和兩舊雞塊，熱辣辣端上，鮮美無比😍。該店沒有茶市，所有店員都很友善。

下午茶時間冇乜人，只有幾張枱既客人喺到傾計呢到對我地泥講唔算平，所以我地兩個人只係叫左一個麵，一客小籠包同一個甜品第一樣泥既係清燉雞湯拉麵，我地兩個share, 份量都算多但個人覺得個湯太鹹，不過d雞就幾好味之後就係必食既上海小籠包waiter捧住熱辣辣既一籠小籠包出泥有好多肉汁啊食哂正餐之後就叫上呢個酒釀丸子，係我每次都必食既甜品呢碗酒釀丸子真係落足料，好濃好好食仲要計埋服務費同茶錢，雖然係好食，但真係afford唔起

通常餐廳頭一次光顧覺得出色之後，再食就變了樣，而翡翠拉麵小籠包光顧不少次都保持到水準，剛剛在德福開分店，人頭湧湧，我又趁熱鬧先。自選前菜3併 $88花雕醉雞、陳醋西芹伴雲耳、涼拌溫室小青瓜先由淡味到濃味，小青瓜未夠爽口、雲耳陳醋味十足，好開胃。醉雞花雕味香濃，雞肉也好嫩滑，正！四式小籠包 $68有淡味的四季豆惹味的麻辣香濃的拉絲芝士濃郁黑松露創新口味幾特別，最少食得出是什麼味道，比另一間八色小籠包更出色。茶香燻乳鴿久違的乳鴿，所以見到令我雀躍萬分！外皮好香脆，肉質嫩滑又有茶香的肉汁，令人齒頰留香。松子桂魚 $188，也是上海菜的經典菜式之一，好快已經售罄，好彩我們早到~~醬汁甜酸度剛好，而桂魚肉炸得鬆化，啖啖肉，沒有骨最方便，好開胃。至於麵食，現在更有不同的麵款選擇，真是大開眼界！擔擔麵 $56我們選了最平日的二細拉麵湯底好濃郁花生味，而且夠辣夠惹味，不過麵就覺得比之前食粗一點，可能選錯麵款。蒸八寶飯 上海甜品高力豆沙、酒釀丸子等就品嚐得多，蒸八寶飯還是頭一次。熱騰騰上檯，賣相精緻，桂花糖漿、煙韌紫糯米、芒果肉、蓮子、紅腰豆等等，用料十足。

自從搬咗去德福一期，餐牌都更新咗，多咗好多菜式，有啲花多眼亂。之前試過酸菜魚湯麵，覺得好味，湯夠酸辣，好多魚片，今次唸住encore ，點知同事話有次食湯淡魚又腥，所以唸緊叫唔叫，後尾同侍應講，佢話如果腥可以換其他麵，所以決定俾多次機會佢。一上枱，試咗啖湯，ok，再試埋魚都ok，侍應都有主動問有冇問題，但食食下都覺得有啲腥。另外再叫咗三小碟前菜- 口水雞、雞𢇁粉皮同肴肉，三様都唔錯，口水雞夠麻辣。同事想食排骨擔擔麵但menu無，侍應話加$12可以有擔擔麵醬，會有細碗醬另上，但始終無時擔擔麵咁好食。仲有叫咗雪菜肉絲炒年糕，不過不失，比較細碟每人都要$120

喺九龍灣德福商場轉型之後, 開咗好多新嘅食店, 其中之一間就係翡翠拉麵小籠包, 翡翠拉麵小籠包要排隊嘅, 午餐時間人數非常之多, 早去就吾使排隊!叫了一個小籠包, 係翡翠拉麵小籠包裏面嘅必食之選, 一籠只需要38蚊, 有四粒小籠包 皮厚薄適中證監將包內湯汁麵皮帶湯側邊扎辮食芝味無窮另外仲有叫個前菜, 88蚊有三款畀你揀 , 叫咗雞絲粉皮, 雞絲粉皮用咗花生醬作調味, 有爽口既青瓜, 雞絲嘅軟滑, 再配埋q彈粉皮, 互相輝映最鍾意就係食嘅醉雞, 醉雞翼醬汁辣辣地, 有酒香之餘, 雞肉非常之滑, 餸白飯一流!

朋友提議食上海嘢, 已經好耐冇食, 當然同意. 為咗遷就朋友放工,相約九龍灣. 放工時間, 德福商場非常多人.  幸好餐廳可以用APPS攞飛, 慳返唔小時間, 亦縮短等位時間.約7點入座, 限時1.5小時. 坐低後, 侍應會提供2種茶包選擇 - 烏龍茶或普洱茶, 之後會將茶包放入杯中, 加滾水.  咁樣可以避免茶味沖淡得太快, 而且唔使開多幾壺茶. 但茶水每位$6, 若要求加額外茶包, 每個$3, 仲要加一.  抵唔抵, 見仁見智.連鎖集團餐廳, 食物款式普通. 我地叫左多款點心, 小食同湯麵. 賣相好"求其", 味道令人失望, 感覺食物係雪藏或者預先整好再返熱, 有食"叮叮"點心嘅感覺.  而且經常加價, 令人失望.如果只為朋友飯聚, 有一個地方可以座得舒服, 唔介意食物質素同價錢, 都可以選擇呢間.侍應招呼大部份都快手及有禮. 可能太多客人, 實在太忙, 有1-2 位面露不悅之色.

德福, 人流永遠暢旺. 翡翠拉麵小籠包, 在德福一期的新店, 爆場也是意料中事, 而且這新店, 水準相當不錯呢.檸檬薏米水 $18 夏天, 先喝杯檸檬薏米水就最合適, 小晴晴也喝了不少呢, 開開胃.桂圓雪梨茶 $20 CEO的是桂圓雪梨茶.自選三色併盤 $88 三心兩意的人, 選擇自選三色併盤, 一次過吃盡三款前菜, 真好. 這晚我們的選擇是雞絲粉皮, 四川口水雞, 跟涼拌溫室小青瓜. 三者中, 四川口水雞最令人難忘, 辣中帶麻, 不會是死辣的級數, 吃完, 是舌頭發麻, 但叫人愛死了. 那唯有吃口涼拌溫室小青瓜, 解辣. 至於雞絲粉皮, 粉皮清爽, 麻醬是亮點.四式小籠包 $68 三色之後, 是四色. 來翡翠, 吃小籠包是指定動作吧. 四式小籠包, 分別是麻辣牛肉, 黑松露鮮肉, 四季豆鮮肉, 跟芝士鮮肉. 我吃的是麻辣牛肉, 跟口水雞相比, 那個麻辣程度是溫和一點, 加上皮薄, 湯汁豐盈, 是水準之上的.香煎牛肉餅 $39 說到香煎牛肉餅, 您會想起九龍城吧. 其實, 翡翠的出品也不賴. 起碼外皮夠脆身, 牛肉餡味鮮, 只是沒有爆汁吧.焦糖龍井蝦仁 $118 來到主菜, 焦糖龍井蝦

今午行怱怱……但首先我要來過quick lunch，兩位仁兄已經吃過……只是陪本小姐再吃 路經這店見只需等三張枱，咁就拍板。坐低，侍應禮貌地問我们選烏龍或普洱茶包，我選了烏龍。望望餐牌……小菜，抄反麵都比較貴。我選了比較經濟的……醉雞……有酒香，雞肉不錯。小籠包，皮薄，有肉汁菜肉雲吞湯拉麵……侍應落單時mark 低要剪麵…………要見D食物都不錯，我就加多一個窩貼……外皮煎得金黄很香內裏的肉很juice其實之前去過將軍澳那間，但只是一般……因趕時間所以吃到一半才記得拍照。有機會會再去慢慢品嚐

翡翠拉麵小籠包的九龍灣店, 曾經連續五年得到米芝蓮必比登推介, 現在, 店子從德福二期搬到德福一期, 位置更加便利. 是晚我們一家三口, 就來到這新店吃頓晚餐.這裡裝修簡潔, 是比二期的時候來得舒適一點. 不過排隊人龍相當長, 大家想吃, 記得早點來到呀.桂圓雪梨茶 $20: 8.5分, 一輪奔波, 坐定定, 先喝杯桂圓雪梨茶, 潤一潤, 消消暑, 任何時候也是好事.檸檬薏米水 $18: 文迪就選上了檸檬薏米水.自選三色併盤 $88: 8.5分, 頭盤是自選三色併盤, 八款前菜中自選三款, 我們選來雞絲粉皮, 四川口水雞, 以及涼拌溫室小青瓜. 雞絲粉皮是文迪的心頭好, 麻醬很香濃, 粉皮爽口, 得.四川口水雞又麻又辣, 有層次, 天氣那麼熱之下吃這口水雞, 當然合宜, 之後就吃吃涼拌溫室小青瓜, 解解辣, 平衡一下吧.四式小籠包 $68: 8.5分, 翡翠的小籠包, 有水準是意料之內. 是晚轉轉口味, 來一客四式小籠包, 味道包括麻辣牛肉, 黑松露鮮肉, 四季豆鮮肉, 芝士鮮肉. 我先吃芝士鮮肉, 夾起不會穿底, 皮夠薄, 湯汁比例恰當, 芝士味道勁濃, 有點像在吃芝士火鍋一般. 之

昨天晚上去吃飯，點左西芹醋黑木耳、酒鵰花雞作頭盤。黑木耳個醋太酸，西芹好少。雞幾好味、但有幾舊雞係冇肉。之後點左小籠包（夠熱但皮超厚）、牛肉餅(冇肉汁同好細舊）同蒸素餃（皮超厚，十蚊一隻餃超唔扺）。三樣都唔掂。好失望！

平日週六兩兄妹都要上跆拳道，住宿關係上週六改遲了一堂，但也要提早回元朗，否則還可以去 MegaBox 其他樓層繼續玩！Check out 離開 Camlux 後，我們還在德福吃了 翡翠拉麵小籠包。 由於是舊店重開，地址不同了，要找路時可認著中原電器／衛訊，就會很易找到。現在店方以新茶包取代舊有的大茶，其中我那款 清香烏龍 超好喝，推介大家要試試！  始終是中國胃，爸爸早餐吃的不多，加上做完運動，中午胃口特別好，基本上是一人頂三人胃納！首先是 自選三色併盤 ($88)，鎮江肴肉我沒吃，但四川口水雞及陳醋西芹黑木耳都好吃，飛快給清光～ 也點了新出的 翡翠四色小籠包 ($68)，口味包括麻辣牛肉、芝士鮮肉、四季豆鮮肉及黑松露鮮肉，哥哥吃了芝士，妹妹不願嘗試，所以爸爸包下麻辣及黑松露，我則要了四季豆鮮肉，感覺新奇！另外又吃了一大碗 海鮮喇沙湯麵 ($78)，基本上很飽了... 但還有 焦糖龍井蝦仁 ($118)，小巧鮮嫩的河蝦，同時是妹妹及媽媽的至愛，最妙是茶葉上還帶微微的焦糖味，也不要錯過全部吃光了！ 從來喜歡清香怡人的茶饌，接著這款 茶香熏乳鴿 ($88) 又是皮香肉嫩甜，非常出色，連