翠華餐廳 (TKO Spot)

營業中

休息中

醒神的一天由早餐開始，今日來到將軍澳尚德廣場呢間翠華吃個早餐，翠華有幾款不同早餐，是日選擇了火腿鮑魚絲通粉，太陽蛋配多士，味道都好新鮮，熱辣辣送到，配埋杯飲品，為一天精神叉叉電。店員服務態度如果友善點會更為理想。

香港本地老店茶餐廳，可見大街小巷都有翠華餐廳蹤影，一點也不陌生。今日來到將軍澳分店吃下午茶餐， 環境就是正常茶餐廳。 鮮茄蛋生滾牛肉即食麵 點了菜單上鮮茄蛋生滾牛肉即食麵的套餐，$55一個下午茶都算是不便宜。第一蕃茄湯是沒有新鮮蕃茄，也沒有蕃茄味道，第二公仔麵是硬的，根本就是未熟，以前翠華餐廳給我感覺是茶餐廳龍頭大哥，現在真是連普通茶餐廳也說不上。埋單時，我才得知凍飲品需要加$3 ，一個$58的下午茶，提供這樣的質素，太差了。

夜媽媽返到將軍澳好想食d飽肚既野所以入咗黎翠華點咗碟西炒飯廚房好快手，落完單無耐就上咗碟西炒飯炒飯配料幾多，又有蝦仁，味道酸酸甜甜，幾好味～炒飯份量對女仔黎講都幾大碟，食唔哂，淨咗少少

中午實在太熱，啲同事都唔想走太遠食午餐，結果去左最近既商場食，選擇左翠華。由於午餐又係雞扒（上次咁啱又係）所以我選擇左散叫。3個人，2個散叫，1個午餐$61+$3凍奶茶。同事叫左個吉列豬扒咖哩飯$63，塊扒好大，咖哩另上，勁多汁。我就叫左個焗海鮮飯，個飯炒底，加上勁多海鮮，唔錯，不過要$87，比較貴。

以前食開翠華  都覺得幾好味 最近新出既55 蚊魚蛋豬軟骨米線配飲品，價錢唔算平，但係個米線堅好食。 個魚蛋麻麻地， 冇手打魚蛋既彈牙，但係個豬軟骨肥瘦比例剛好， 而且食得出少少陳皮既味道， 味道十分濃郁入味，湯底都係濃濃豬軟骨香。 但係， 尋日見到好震驚既一幕，而且對於冇人處理呢件事覺得好失望。 有隻蟑螂係我隔離爬過，隨即又爬左去個阿叔既腳板再繞過，我見到尖叫左聲，但係餐廳既姐姐見到，亦都有人反映過，佢地都有採取任何行動，由隻甲曱爬尼爬去，成餐飯，我既重點都去左果到，食都食得唔開胃...

星期日的早上想吃個休閒早餐，將軍澳的茶餐廳比較少，所以便來了這一間翠華。星期日要排隊是意料之內的事，大概等了10分鐘便有位，因為人多的關係是需要搭枱的。早餐的選擇比想像的小，只有五個餐可選，沒有一般茶餐廳的那麼多選擇。點餐時亦等了很久也沒有侍應來，明顯是人手不足歐陸早餐 - 點的時候侍應表示沒有茄汁豆，我們問是否會換其他食物，侍應說不會魚柳是很脆亦沒有雪味，牛油豬仔包比以前的份量少很多，此餐點牛奶不用加錢沙爹牛肉即食麵餐 - 麵質偏硬，牛肉沒有什麼肉味，炒蛋亦偏熟。唯一可取是熱奶茶都算香滑整個早餐味道不算好，服務也不好，下次未必會再來

今日收工，諗唔到食咩就直接去翠華啦！因為每晚都有指定嘅晚餐，對於有選擇困難症嘅我就GOOD 啦！完全唔使諗今晚係什扒餐……講真翠華嘅味道比起連鎖式快餐店更加好食， 如果食扒餐就更加抵，因為有餐湯、迷你豬仔包再加埋餐飲都只不過$80蚊, 價錢同連鎖式快餐店差唔多，但食物更為豐富，更抵食

今日同同事早啲食晏，12點未夠就去左食翠華，平時翠華午餐有2款比你選擇，中式或西式，但今日得返西式，唔知係唔係之一後都係無左中式午餐。選擇左西式雞扒意粉，白湯同熱奶茶，奶茶幾滑，但茶味一般，白湯好多料，有煙肉、洋蔥等，幾好味。最後個雞扒意粉，意粉軟硬適中，個墨西哥汁有少少辣，雞扒個皮幾脆，有啲翠肉瓜同蕃茄，夠晒飽，味道就一般水準啦，唔會太咸，食完唔會口乾。但由於早左食晏，11點幾食真係好飽，有啲餐廳11點半仲做緊早餐，但翠華已經有午餐了。

連鎖店嘅焗豬扒飯來講，大字頭果兩間快餐店最出名。但論好食，我就覺得翠華嘅最好食！大字頭嘅快餐店水準唔穩定，有時個炒飯底會超乾，而唔知係咪放得太耐，個飯亦會索咗d 汁，總之就係乾啦！食過咁多間翠華嘅焗豬扒飯，都幾穩定，個飯唔太乾，上面d 汁嘅份量亦岩岩好，唔會食到一半無晒汁。重點係，翠華係幫你切埋d 豬扒！呢點真係好緊要，大字頭次次都要搬塊豬扒落隻碟度切，好煩！翠華會有一片厚蕃茄，中和返肉嘅膩，幾好呀！不過如果有埋菠蘿粒就perfect 了！價錢方面，大字頭好似係$40尾，而翠華就$67。貴$20，質素高d 亦屬合理！😋

附近冇咩好食 冇選擇之下選了翠華想食常餐 但原來午市不設供應叫了平平地的快吃🌈豬軟骨墨魚丸米缐 加奶茶豬軟骨有三大舊 豬軟骨味道合格之上 不過肉很肥 味道太咸而且骨比肉多墨魚味道不錯 彈牙 不是只有粉團的味道三大粒一下食完米缐有點偏淋 而且粉量偏少是想引人叫多個奶油豬的技量嗎整體有點偏咸 奶茶質感太薄 好像味道比以前淡了

今朝一早約左朋友去打波，下午就去睇戲，中午就剛好有時間同班朋友去食午餐，今次去左翠華餐廳。今日叫左個午餐豬扒飯$61，包餐湯同咖啡或茶，另外就叫左一個炒滑蛋脆蝦飯$58，D蛋炒得幾滑，D飯明顯比午餐多。仲有叫左一個鮑味銀芽肉絲炒麵$63，D麵都幾好食。

已經好難搵到$50樓下嘅午餐，而家$64一個午餐竟然覺得好合理，唔洗加一，仲覺得好僥倖！連鎖餐廳嘅好處係出品穩定，就算唔好食，都唔會難食，翠華嘅野食都算係咁，好食過大家樂大快活！係杯奶茶會因分店而異。今日食咗洋蔥豬扒，ok 呀，夠飽！仲墊咗d 豆，又有薯仔，營養都尚算均衡。有湯有嘢飲，我已經冇乜要求！

輕食下午茶系列。。。翠華已經不再係以前好期待好想食嘅翠華啦！我心目中好好好好味嘅翠華已經風光不再啦😩變左一間普普通通 唔知食咩好就會去食個下午茶嘅茶餐廳！究竟係佢變左質定我變左心呢🙃菠蘿油有冇人同我一樣好鐘意菠蘿油呢！係香港茶餐廳獨特風格！重點係⋯牛油要厚切！最好凍冰冰得泥軟軟地嘅！好肥呀但好鬼正，得閒要放肆下！翠華嘅新鮮出爐菠蘿包好脆脆！！鹿兒島豬軟骨魚旦米線呢個米線就係我嘅輕食下午茶常居於首位，因為係最抵食，魚旦最彈牙，必定要記得要加埋辣椒油先夠正呀！_#唔會忘人生第一口翠華奶油豬豬嘅感動moment輕食下午茶系列。

一碟很簡單的雜菜炒意粉，都可以做到咁嘅質素真係難得，仲要係大集團，每條意粉都斷到七彩，事事旦旦撈埋一齊，好似隔離枱食淨再俾你食咁，其實個廚師係咪輸咗波，可能冇諗過會有人投訴，其實每樣出品都要過到自己個到人，收人＄58一碟，不如買餸返屋企自己煮好過🙈，真係失望。唯一要讚許嘅就係服務嘅質素真係非常好。

下午來到這邊，DoDo平兩蚊優惠，順便在此下午茶。反正地下翠華有大量座位，於是入內就座。有多款下午茶，而目標就是份量無需大，不用太飽的茶餐。本想要個菠蘿包配奶茶6+19=25，但菠蘿油套餐才26蚊。加1蚊多一塊牛油，計落菠蘿油套餐抵D。      有冰鎮牛油，保證硬掘掘的真牛油。菠蘿包表皮有脆脆，而底下包身不夠軟熟，有點乾。包身對比上方的黃金脆脆，也不算甜。把牛油刮片塗在包內，慢慢鋪滿二邊。大口大口地享用，真係好滿足，好放縱呀！茶酒　以銀匙攪一攪，匙上没有鍊奶積聚。嚐一口茶酒，無甜味，是正常的奶茶：加花奶。既然奶茶已在眼前，無謂浪費，費事退換，夾硬飲左佢。 BODY REPORT：之後生左粒大倉，都知咩事啦！