翠華餐廳 (TKO Spot)

營業中

休息中

今日天氣涼涼地，最近囡囡愛上踩單車， 下午踩完單車有啲肚餓， 去咗tko spot 搵野食，入面都好多餐廳， 但見到翠華既旦撻剛剛出爐， 好想食,就入咗去坐低.旦撻: 一坐低叫咗3個， 囡囡話要食2 個， 不過都真係幾好食， 牛油皮， 好鬆脆， 熱辣辣， 餐廳職員話係師傅人手整， 推介我見到菠蘿包又係新鮮出爐， 我都忍唔係叫咗一個黎食， 脆卜卜， 大大個， 扺食蒜蓉脆皮雞扒配薯菜（ 黑椒汁）:本身都想鐵板上， 但有時小朋友， 安全起見轉左碟上，雞扒都幾厚切， 啖啖肉， －d 都唔鞋口， 肉質鮮嫰， 個餐仲包埋飲品和餐湯， 夠曬飽肚😍

翠華—經典茶餐廳真係冇得輸 🍛🥩🍞今日跑去翠華食飯，真係點都唔會失望！經典港式茶餐廳，啲嘢食穩定又出色，份量仲夠晒飽肚。以下就係今日試咗嘅幾款菜，全部都保持水準！ 🍅 鮮茄炒蛋牛肉飯呢個真係翠華招牌！牛肉嫩滑到不得了，炒蛋夠香又滑，茄汁酸酸甜甜好惹味，配埋白飯一齊，啖啖都係滿足感！係茶餐廳必點款，幾時食都唔會膩～ 🥩 鐵板美國殼飼牛肩扒配燒汁一上枱嗞嗞聲，香氣即刻飄曬出嚟！牛肩扒煎得啱啱好，外面微焦，入面仲有肉汁，咬落去Juicy到不得了！燒汁味道濃郁但唔會太搶戲，配啲薯仔同蔬菜，份量夠晒足👍🐷 里昂式洋蔥豬扒呢個豬扒係驚喜！豬扒煎到啱啱熟，肉質好嫩滑，唔會乾柴。鋪滿咗洋蔥，煮到甜甜地又超香，啲汁再滲入豬扒入面，咁樣配飯真係一流！ 🌽 粟米雜菌忌廉湯呢個湯係經典到唔需要介紹太多，濃濃嘅粟米味，順滑又暖胃，仲有啲雜菌做配料，飲落去口感豐富。茶餐廳嘅粟米忌廉湯，個個都知係必點啦～ 🍞 牛油豬仔包最後嚟個牛油豬仔包收尾，真係完美！豬仔包外層烘到香脆，內裡軟腍腍，加埋牛油融化喺面，鹹香味一流，咬落去仲有少少酥脆感👍👍📍翠華餐廳 (TKO Spot) (將軍澳)將軍澳唐明街2號TKO Sp

真係好耐冇食過翠華，高峰時期區區都有，宜家好似得三間。以前最鍾意佢嘅魚旦粉奶茶。今日經過將軍澳就入去食個Lunch。見到有個神之叉燒飯好似唔錯，有得揀肥叉瘦叉。上枱的確幾靚仔，叉燒淋、香、肥、爽，一層肥一層瘦，食落仲有玫瑰露嘅香味。加埋甜豉油汁撈埋炒蛋一齊食真係神級。啲米芝蓮餐廳啲叉燒都係差唔多，但係呢度就成個餐上俾你。飲品就一定要飲熱奶茶啦，正宗港式口味。另外我都鍾意佢哋嘅羅宋湯同埋奶油豬。羅宋湯的確好足料，唔飲奶茶都可以跟個湯飲吓

神之叉燒飯（走蔥） ($70)叉燒有得揀肥瘦，走唔走蔥，我淨係揀咗走蔥。叉燒肉質鮮嫩多汁，烤得幾香，唔錯，肥瘦都正常，唔柴🫰滑蛋同豉油都帶有甜味，吸收埋叉燒嘅肉汁，好岩男朋友口味。飯嘅size都大碗，配得上個價錢👍🏻焗芝士西蘭花 (加配$28）西蘭花加埋芝士幾香，芝士唔會膩，西蘭花爽口，正常發揮🤓晚餐C：鐵板脆皮雞扒拼七味軟殼蟹配薯菜（和風照燒汁） ($93)前菜：牛油豬仔加粟米雜菌忌廉湯牛油豬仔上部分脆口，底部較鬆軟，牛油齊中，唔會膩。粟米雜菌忌廉湯口感滑順，份量都多😎脆皮雞扒外焦內嫩，肉質鮮美，仲要又厚又大嚿！七味軟殼蟹外酥內嫩，唔會好油，啖啖肉感覺幾好👍🏻 薯菜出色！菜用蒜容炒過有鍋氣，仲有甜薯仔，推薦薯菜😍結論🫰好多選擇，要諗一陣🤣🫰味道唔錯，對得住價錢👍🏻好味度：8.5/10CP值：8.5/10餐廳資料餐廳名稱：翠華餐廳餐廳地址：將軍澳唐明街2號TKO Spot地下1及2號舖營業時間：星期一至日 07:00-22:00

✨好耐未嚟過「翠華」，今日經過將軍澳尚德想起叉燒飯，同朋友二話不說入去搵位坐下來。***** ***** ***** ***** ***** 我們總共order咗兩個套餐：神之叉燒飯🍚配菜心🥬還有芝士焗西蘭花🥦🧀飲品：熱奶茶☕️叉燒好出色，肥瘦均勻，外皮燒至剛剛好輕微煙燻，超好食，配合蛋包飯同吃，非常開胃。熱奶茶好滑溜又有茶香。鐵板脆皮雞扒🍗配薯菜🥗🫕羅宋湯飲品：凍蜂蜜檸檬茶🍹趁鐵板上枱熱辣辣，淋上黑椒汁，吱吱聲好有風味，雞扒外脆內軟，薯菜好多選擇，食落口淡淡香；凍檸茶帶有蜂蜜香，感覺好清新，甜得來健康。感覺翠華進步咗好多，餐牌多咗好多選擇，難怪座無虛席，以後可以多啲嚟食嘢。

今晚和家人去咗將軍澳果間翠華餐廳，嘆番個快靚正晚餐。冠軍焗豬扒飯見到上面啲芝士已經忍唔住流晒口水！豬扒厚切，內裡保持著豐富的肉汁，焗飯香噴噴，加埋個醬汁令人好開胃。秘製乾炒牛河好有鍋氣，牛肉切片薄而嫩，豆芽爽脆，河粉順滑，整體好好味。魚湯杞子娃娃菜湯底鮮甜醇厚，娃娃菜爽甜，加埋杞子夠哂營養！少甜紅豆冰少甜感覺好健康，口感清涼爽口，飲完好飽足。生磨蛋白杏仁茶口感滑順，感覺好滋潤，簡直令呢餐晚餐完美作結。

翠華一直都好受歡迎，無論係本地人定遊客都鍾意，今日又去食個靚午餐先順德魚腐米線，味道鮮香，米線滑溜，魚腐好特別，嫩滑得來又有彈性，令人一口接一口🐟🍜冠軍焗豬扒飯，豬扒焗得金黃色，配上香滑嘅炒飯，味道搭得剛剛好，絕對係冠軍之選🥩🍚鮑味銀芽肉絲炒麵，炒麵超香脆，肉絲鮮味令整碗麵更加出色，銀芽嘅脆口感亦增添咗層次感，實在好味！🍜✨仲有限時優惠：芝士奶蓋阿華田西多+芝士奶蓋翠華奶茶，西多香甜美味，奶蓋滑順，芝士味濃，奶茶香滑，超級滿足！🥤🧀下次會再嚟試下其他菜式！👍🏼

好友約我今日入去將軍澳行海濱公園，散步及曬太陽，午餐時，她帶我去位於將軍澳唐明街2號尚德商場地下1及2號舖的翠華餐廳食午餐，人頭湧湧，好熱鬧呀！我點左個鐵板系列：香燒羊扒 $158，配燒汁意粉，牛油豬仔包和粟米忌廉湯，追加白灼芥蘭苗配海鮮豉油（另上）$25，餐飲係熱檸檬茶；好友點左個午市套餐：葡汁焗龍脷魚柳飯配廚師中湯 $69，餐飲又係熱檸檬茶。香燒羊扒要7成熟，羊扒羶味不重，肉質嫩滑，扒邊帶些肥脂，可令肉質不乾鞋；葡汁焗龍脷魚柳飯熱辣辣，魚柳肉質鮮嫩好味；新鮮芥蘭苗灼得青綠又鮮甜好食。

今日晏晝唔去飲茶，去咗樓下翠華食lunch，嚟得翠華點會唔食佢新鮮出爐嘅包點！兩老專登要食佢哋熱辣辣嘅菠蘿包同埋叉燒包，菠蘿包嘅外皮超脆，已經幫襯咗超過五年～吞拿魚包內餡豐富，熱辣辣的好好食！第一個餐嗌咗鐵板照燒牛扒意粉配茶走，煉奶比起砂糖更加容易溶化，亦有獨特嘅甜味! 廚師午餐set D 法式燴牛柳絲意粉$69，呢個價錢免加一～包羅宋湯+茶，所以都有好多上班一族嚟幫趁 。翠華嘅羅宋湯不嬲都好好飲! 神之叉燒飯翠華嘅叉燒一向都好出名，肥瘦相間，多汁嫩滑，蜜汁的香甜好惹味！滑蛋蛋味濃郁，加上細粒香蔥，份外吸引！

平時食翠華都在機場及口岸 其實市區也有@tsui_wah_hk 分店位於將軍澳 土瓜灣 東涌最受歡迎一定係🏆冠軍焗豬扒飯或鐵板系列再點杯翠華勁飲：招牌爆檸/ No.1香滑奶茶⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯🐖冠軍焗豬扒飯翠華的冠軍焗豬扒飯 豬扒鬆軟好味 而且厚切醬汁香濃 輕易造出拉絲效果 炒飯底更有鑊氣·🥩照燒牛扒配薯菜好抵食 午市鐵板套餐$73附送忌廉湯及飲品牛扒以熱辣鐵板盛載 帶黑椒香氣和微辣味道可轉白飯/薯菜 下次試高級版的鐵板系列先·🥪芝士奶蓋阿華田西多士西多士炸得金黃 淋上以厚厚嘅奶蓋取代糖漿面層再灑滿華田粉 多種甜香交織邪惡三重奏·🍜經典常餐生炸豬扒配公仔麵 絕對係最想念的香港味道食埋招牌脆豬和煎太陽雙蛋 非常滿足夠飽肚·🍋凍檸茶以秘調茶葉配方沖調 加上5片檸檬完美平衡片片厚薄均勻 親手篤檸檬先夠爽 清新好味·☕️熱奶茶選用錫蘭茶葉 配搭獨家調製茶方 即席拉茶加入荷蘭淡奶 入口香醇絲滑 奶茶香味濃郁

今次去咗翠華餐廳試咗兩個鐵板扒餐，真心覺得好味同埋推介😋🥩美國殼飼牛肩扒配薯菜牛肩扒煎得啱啱好，肉質嫩滑，配埋薯菜🥔，真係一個好嘅組合。🥫羅宋湯味道濃郁，酸甜開胃。加埋牛油豬仔包，啖啖香濃，真係停唔到口。🥖🥤凍朱古力甜而不膩，可以中和返之前嘅味道。🍫🐷里昂式洋蔥豬扒配白飯豬扒煎得剛好，唔會太乾，滲出洋蔥味，白飯粒粒分明，一啖飯一啖豬扒好正。🍲粟米雜菌忌廉忌廉味好重，非常之香滑，容易入口😃🍋🥤凍檸檬水清新解渴，甜度適中❤️❤️👍試完今次翠華餐廳嘅鐵板餐之後，都幾肯定會再試其他嘅鐵板餐，因為價錢合理，環境都非常舒適，絕對推介，兩個餐夾埋食咗$262 😃😃👍📍 翠華餐廳🥢 Tsui Wah Restaurant將軍澳唐明街2號尚德商場地下1及2號舖@tsui_wah_hk #翠華 #翠華餐廳 #叉燒飯 #瀘州老窖 #白酒香港味道 #香港茶餐廳 #茶餐廳 #港式奶茶 #香港美食 #香港打卡 #香港必吃 #香港美食攻略

同囡囡去運動場後隔離尚德就有翠華有時會去下午茶 有時買麵包問咗翠華阿姐5點後就有晚餐就試下叫個鐵板食翠華姐姐突然遞件即棄圍裙俾我望下圍裙發現翠華出咗新logo用咗新形象真係LOL喳喳聲嘅鐵板牛扒配薯菜好港式黑椒汁係我最愛牛扒大膽地叫咗5成熟切開仲好juicy、啖啖肉、重牛味仲比想像中腍 有驚喜！薯菜係椰菜、三色椒、薯仔而家order鐵板餐仲有小圍裙咁貼心嘅我叫埋苦瓜手打檸檬茶解一解鐵板嘅熱氣仲有其他配搭士多啤梨同芭樂仲要全日不設加一幾抵食呀

呢日經過翠華，諗起好多年冇食過，就決定去試下宜家嘅質素有冇變。位於將軍澳尚德商場嘅翠華餐廳，主要都係做街坊生意，餐廳環境光猛，裝修好舒服，座位寬敞，地方整潔，服務員態度誠懇，令人有舒服嘅感覺。食物方面，已有一般水準，點餐都係掃QR Code，好方便。

《招牌港式茶記風味😋》———————————————-#翠華 🥢-限時優惠嘅芝士奶蓋主題好吸引，配搭阿華田西多同翠華奶茶，Combo set 都係唔使$50💰 奶蓋奶香味濃郁香滑，同港式奶茶意外地夾🍼西多士吃到好大份，下午茶必食，上面佈滿阿華田脆粒粒，口感特別🥳 另外加咗個蛋撻，酥皮撻外皮酥脆，蛋香突出～-🐽 鐵板京蔥豬軟骨鐵板上熱辣辣，一上枱出晒煙好惹味，豬軟骨超級軟淋入味，十分滿足，啱哂食肉獸，而且撈飯一流🤤-🏆 冠軍焗豬扒飯豬扒厚切啖啖肉，沾上蛋漿煎過再焗，金黃鬆化，充滿濃厚蛋香🥚焗飯炒得都幾乾身，仲有蕃茄香味，酸酸甜甜，層次豐富😍-⭐ 參考價錢︰芝士奶蓋阿華田西多＋芝士奶蓋：$46鐵板京蔥豬軟骨：$98玫瑰荔枝梳打：$20冠軍焗豬扒飯：$75蛋撻：$9🍌 抵deal 指數：7/10

🥩 翠華 TKO Spot 分店大變身！鐵板西冷、海南雞飯樣樣勁！😍今日小編去咗將軍澳 TKO Spot 嘅翠華餐廳，真係食到停唔到口！首先登場嘅係鐵板燒西冷牛肉！🥩 呢件菜一上枱已經香氣四溢，個鐵板仲滋滋作響，超級吸引！個西冷牛扒煎到外脆內嫩，肉質鮮嫩多汁，入口即溶。最正嘅係佢個醬汁，香濃惹味，將牛肉嘅鮮味提升到另一個層次。配埋啲香脆嘅薯條，簡直就係絕配！跟住係海南雞飯，正到冇朋友！🍗 呢碟海南雞飯真係大大份量！隻雞皮煮到金黃油亮，皮爽肉滑，仲要冇半點雞腥味。個飯更加係重點，香噴噴嘅雞油飯粒粒分明，香濃得嚟又唔會太油膩。最正嘅係佢嘅三醬：薑蓉、蒜蓉同辣椒醬，每款都香辣惹味，配埋雞肉食真係絕！最後仲要讚下佢哋嘅服務，店員態度親切又專業，落單上菜都好快手。最驚喜嘅係，雖然翠華轉咗新形象，但價錢依然平易近人，絕對係抵食之選！地址：將軍澳唐明街2號TKO Spot地下1及2號舖