翠華餐廳 (TKO Spot)

營業中

休息中

一直翠華啲野食都有質素嘅，打左個電話落去，叫滑蛋脆蝦飯，外賣自取，10 分鐘後就有得拎，唔使係舖頭等，都幾好，慳返啲時間，啲炒蛋好滑，火喉岩岩好，蝦都幾多呀，又爽脆，份量好夠， great dinner

有日去開呢邊，見到是日晚餐係菠菜忌廉湯加烤雞扒晚餐，價錢都合理，而感覺上好似幾好食，所以就入去食。叫完一陣就送上餐湯同牛油豬仔，餐湯忌廉味都幾重但無咩菠菜味，尚算易入口，不過就比較稀，而牛油豬仔就一如以往都係好脆，有口感。到主菜了，雞扒比我想像中大，份量夠，但見到得幾舊薯菜就覺得有點失色。烤雞扒都尚算肉嫩肉滑，加上醬汁，味道都幾夾幾特別。我之前食翠華既晚餐試過有一次唔好既經歷，服務好差，不過今次都ok，服務都唔錯，加返分。

夜晚嚟翠華一家人食晚飯，叫咗4樣嘢首先我叫咗豬軟骨炒飯，都唔expect佢有好多豬軟骨，但係佢嘅肉絲真係好碎碟嘢冇咩賣相可言，有少少似將啲賣剩嘅餸炒埋一碟啲飯粒太濕，痴埋一舊舊而且用咗好多豆豉同陳皮去炒，味道奇怪，真係唔推介咖哩豬扒飯相對上好似好啲，有大大塊豬扒，咖哩都算惹味唔太辣，餸飯一流帆立貝雞扒鐵板餐有兩粒帆立貝，塊雞扒都幾大，然後就食薯仔食飽味道一般，不過勝在扒餐有嘢飲焗豬扒飯味道都一般般，係有鮮蕃茄嘅，不過感覺係某大型連鎖快餐店嘅焗豬好味啲

晨早流流😴😴😴搵野食～睇左幾間後都係決定食翠華～因為佢價格較平民且冇咁heavy~點左個望落幾豐富既早餐～有奶油豬仔包、炒滑蛋、火腿、蕃茄湯長通粉～ 🌞食物質素算ok~ 普通茶餐廳野食～有些茶餐廳可能仲好食～ 不過呢個價錢都算唔差～ 諗唔到食咩都係一個唔錯既選擇既☺️

嚟翠華食早餐無非為咗隻奶油豬平日食唔使排隊，見次次星期六日門口都勁多人就唔會想食今次個餐有無公害雞蛋，沙嗲牛麵同埋餐飲雞蛋食落幾香，不過偏淡，冇乜牛油味/鹹味，算係幾健康奶油豬好脆，牛油溶哂係個包仔入面勁香，個包好食過多士好多倍公仔麵 麵質偏硬，應該係為咗放多陣都唔會脹哂先煮到咁，所以食嘅時候軟硬適中牛肉份量幾多，汁都足夠令到個湯有味餐飲配咗熱奶茶，幾香滑，加少少糖味道啱啱好質素高，價錢中上，平日少人絕對可以再試！

翠華曾經是我喜愛的茶餐廳, 但自從上市之後, 食物及服務水準每況愈下(很多人都有這感覺), 已經無幫襯一排了。 昨晚途經尚德邨翠華門口, 又想唔到食乜, 想起最近佢地搵咗個新代言人宣傳, 心諗食物質素又會否因而有所改善提升, 回復以往未上巿前水準, 於是入內姑且再試, 已經不存厚望, 但怎知還是中伏。  晚餐點了2 款食物 : 1. 海南雞飯 : 那碟雞好似剛從雪櫃拿出來, 冰冰凍凍, 更被一層雪凍的厚油包著, 那碗油飯更離譜, 除咗凍之外, 更乾乾硬硬, 好似隔夜冷飯一樣 !2. 忌廉粟米豬扒飯 : 豬扒冇味, 乾到好似柴皮一樣, 仲要係變壞“酸”咗, 更經典係當晚跟飯的配菜竟然是“咖喱蘿蔔”, 試想像咖喱蘿蔔放在忌廉粟米汁內的味道是什麼味道, 感覺就好似㕑房剩什麼就給你吃什麼, 簡直不知所謂, 九唔搭八 !最後, 當然取消了那個“忌廉粟米汁溝咖喱蘿蔔配酸豬扒飯”。以這樣的價錢換來這樣低劣質素的食物, 為免再次中伏, 幫襯前都要諗清楚 !

我覺得這家的東西越來越不好吃 , 但他家的麵包和冰咖啡我還是覺得很好吃(喝)今天去買麵包 , 麵包員工姐姐只顧聊天沒理會我存在都算 (這情況可說見慣不怪的感覺) , 我就等他們一下 , 我說 : 奶黃包唔該 , 麵包員工姐姐說 : 菠蘿包?我再說 : 奶黃包我給他$20 , 他找回我$6我說 : 我給你$20 , 他望一望收銀機後說 : 你要2個我說 : 我要1個我覺得工作時間同同事傾計是無可厚非但常常因傾計影響工作是難以忍受

冬阴功猪软骨米线比较辣，但如果食得啦会好正，中意距滴酸酸地味，好惹味。猪软骨真正煮得好林好香啊，落足功夫！虾同鱼片头都好新鲜！椰汁凉粉冰亦唔错。榴莲菠萝包好正，可惜太饱了，不过门口阿姨真系好好人，叫我地两个人分仲借把刀比我地切，服务一流！装修环境好特别！

今天本想到這公屋商場的大家樂晚餐，但看到門口超多人排隊。因為不想等位，不想同人迫，所以改去這家茶餐廳。就座後，選了海南雞飯套餐。套餐有湯有油飯有2款醬汁，及主角海南雞。雞肉真係無骨嫁，連雞翼都已拆骨，保証有儀態慢慢嘆。把帶甜的黑醬油與酸辣汁混合起來，沾在雞肉上，真的很惹味。再配上香噴噴的油飯，真係很滿足。唯一缺點，雞肉不太軟。估計是廚房提前統一切件分碟，放足成晚。雞肉水份流失了，肉質容易變硬。

翠華既墨西哥奶皇包基本上係包王之王！上面嗰一層脆到爆！入面嘅奶皇漿都好香！淨係聞都令到人覺得好滿足！每一次咬落去有啲醬流落去口裏面嘅時候，都覺得好幸福！蛋味好濃，牛油味亦好豐富！

翠華吃午餐，今日叫咗杯熱鴛鴦和魚腐墨丸河粉，碗河粉好味道，值得推介翠華既墨魚丸（又彈牙，又爽口，仲有d蔥花加入去，好香）。杯熱鴛鴦就有改善既空間，熱鴛鴦（咖啡+奶茶）不知道是否茶味既影響，味道有甜苦澀，而不是香濃的味道。希望「翠華」繼續keep住高質素既食物水準！

翠華一直都是我的最愛，諗唔到食咩，食翠華一定冇衰，唔會太差！今日叫左特餐A首先黎左公仔麵，心諗冇餸既好在好快炸魚柳，炒蛋同多士就到公仔麵不會太硬過熟，剛好炸魚柳，好脆唔油仲有肉汁炒蛋，嫩滑蛋味好重熱檸水大柸，有成四片檸檬

每天早上都要諗<早餐食咩好>, 真係有點困難. 然而心思思想飲杯靚奶茶, 就想起翠華了. 就座後, 又覺得3個早晨套餐份量好大, 自己未必能食得下. 剛好這家有焗爐, 麵包是自家焗制. 思前想後, 選了吞拿魚包配熱奶茶. 吞拿魚包HKD8大大隻, 拎上手頗聚手, 與美X西餅的輕飄飄空心好大分別. 相信一件足己令人飽飽. 表面有類似鮮奶球的脆脆, 再咬落, 是很實在的麵包, 很滿足的口感. 中間吞拿魚雖不多, 以魚肉為主, 沙律醬則很少. 包包紙很油, 紙巾也印出很多油. 其實一早知這家麵包是多油……………………. 再配上香滑奶茶, 又搞掂今天的早餐了.

將軍澳站附近的食肆都差不多食過, 今日行遠少少到了尚德商場內的「翠華餐廳」。翠華餐廳始於1967年一家旺角的小冰室，是首間上市的茶餐廳。老闆李遠康曾經是上環「海安冰室」的外賣仔，後來做過水吧、餅房等工作，他於1989年白手興家，接手由蔡創波創辦的「翠華餐廳」。憑個人努力更加令「翠華餐廳」更上一層樓, 絶對是獅子山精神下的表表者。以前在旺角返工曾經光顧不少次, 但次數越來越小, 因為價格不斷上漲, 但是服務及食物質素沒有提升, 反而越來越差。另外, 旺角店自由行太多, 用餐環境又迫又嘈雜。説回將軍澳分店, 本地客為主加上環境寛敞, 因此比旺角店舒適多了。室內裝潢年輕時尚, 這幅以漫畫手法把香港特色展示出來的牆壁令食客留下印象。餐牌印刷精美(記得旺角店有告示牌標明$500一本, 可能太多遊客帶回祖國作記念吧!)。價錢不便宜, 只有晚餐才包飲品。叫碟炒粉麵飯散叫飲品差不多要九十元, 價錢不太實惠。這家翠華分店位於屋邨, 是否揀錯地點?至潮魚蛋片頭河$34標榜湯頭是濃味魚湯, 嚐一口竟然淡如無味, 真係唔覺有魚味。河粉不夠順滑, 而且粗幼不均一。魚蛋魚片味道一般, 不及正宗潮州店「百樂潮州酒樓

又到星期六，例牌晏起身，2點幾食個late lunch.香港人應該無邊個無食過翠華，岩岩有下午茶餐不過唔太多選擇有魚片頭魚蛋粉、WAFFLE、菠蘿油，最後揀左個飽肚啲既香辣瑤柱肉絲炸醬捞麵，配一個細珍珠雲吞＄41包熱飲。一上枱見都幾大碟，加埋兩條菜心係旁邊襯托。幼麵爽口彈牙，不過梘水味有點重，反而小姐認為炸醬份量可多啲用黎撈麵，而家味道唔太夠。肉絲炸醬帶點辣味更加香口，味道酸酸甜甜好開胃，不過食唔出有瑤柱...一小碗既珍珠雲吞都好足料，有3隻咁多，入面隻蝦都好大粒，不過個湯太咸，味精好重。黎翠華都係鍾意飲杯奶茶，仲要叫茶走，覺得加煉奶會更香滑。一如以往，茶味夠而且奶既份量剛好，非常幼滑既質感。LIKE！