翠華餐廳 (TKO Spot)

營業中

休息中

Item: 翠華餐廳 (TKO Spot)
Rating: 2
Author: 1amfoodie

Tsui Wah Restaurant (TKO Spot)

145 食評

味道

環境

服務

衛生

抵食

1299

將軍澳

$51-100

港式無肉餐單茶餐廳/冰室少鹽少糖食店

資訊:
餐廳:	翠華餐廳 (TKO Spot)

為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html

1amfoodie

等級4

904

【西貢區】【翠華餐廳】一段時間冇寫西貢區，呢啲係十八區 foodie 時期狂 chur 自己嘅過程，而家已經 chur 另一啲嘢。話說我走入嚟將軍澳係因為去將軍澳運動場睇「中銀人壽香港超級聯賽2023」嘅賽事，最後主場嘅理文以四比一擊敗傑志。睇完波行到過嚟尚德呢邊，見到翠華餐廳都心大心細好唔好入嚟食吓。首先因為好似好普通，之但係市區嘅分店好似執吓一間又一間，都好似真係冇乜喇喎。始終都叫盛極一時，趁呢個機會，反正擺喺眼前，不如就食返次啦。叫咗個 $63 嘅「常餐」，佢得一款嘅啫，就係「生炸豬扒麵」。呢個麵就真係十年如一日，都係咁難食，我就唔信佢有生炸過塊豬扒，畀盡咪大力啲煎幾吓咁。個「太陽雙蛋」係可以嘅，不過「牛油豬仔」就唔多掂，仲要唔脆。飲品我揀「熱奶茶」，比以前淡口咗少少，可能係我條脷濃咗，唔難飲就得，幾好嘅。但係我想叫啲蛋撻呀，菠蘿油呀嚟食吓就唔得喇，原來佢哋師傅下午收咗工，乜都冇喇喎。一心想入嚟食啲包點嘅我，決定 $63 止蝕離場喇。。。（地址：將軍澳唐明街2號尚德商場地下1及2號舖）

【西貢區】【翠華餐廳】一段時間冇寫西貢區，呢啲係十八區 foodie 時期狂 chur 自己嘅過程，而家已經 chur 另一啲嘢。話說我走入嚟將軍澳係因為去將軍澳運動場睇「中銀人壽香港超級聯賽2023」嘅賽事，最後主場嘅理文以四比一擊敗傑志。

睇完波行到過嚟尚德呢邊，見到翠華餐廳都心大心細好唔好入嚟食吓。首先因為好似好普通，之但係市區嘅分店好似執吓一間又一間，都好似真係冇乜喇喎。始終都叫盛極一時，趁呢個機會，反正擺喺眼前，不如就食返次啦。

叫咗個 $63 嘅「常餐」，佢得一款嘅啫，就係「生炸豬扒麵」。呢個麵就真係十年如一日，都係咁難食，我就唔信佢有生炸過塊豬扒，畀盡咪大力啲煎幾吓咁。個「太陽雙蛋」係可以嘅，不過「牛油豬仔」就唔多掂，仲要唔脆。

飲品我揀「熱奶茶」，比以前淡口咗少少，可能係我條脷濃咗，唔難飲就得，幾好嘅。但係我想叫啲蛋撻呀，菠蘿油呀嚟食吓就唔得喇，原來佢哋師傅下午收咗工，乜都冇喇喎。一心想入嚟食啲包點嘅我，決定 $63 止蝕離場喇。。。

（地址：將軍澳唐明街2號尚德商場地下1及2號舖）